• Н.Халиуны сэтгэлд хүрэх залуус алгаН.Халиуны сэтгэлд хүрэх залуус алга

    “On & Off” продакшны аранжировшик Н.Халиун урлагийнхантай ойр харилцаатай байдгийн хувьд шинэ гарч ирж буй уран бүтээлчдэд сэтгэл дундуур явдаг гэнэ. Шинээр төрөн гарч буй уран бүтээлчид өмнөх үеийнхнийхээ стиль жанрыг л дуурайхаас бус өөрийн гэсэн имиж онцлогоо бүрдүүлэх тал дээр маруухан харагддаг нь түүний сэтгэлийг гонсойлгодог байна. Тэрбээр “Сараа, Ариунаа, Алтаа, Наран гээд урлагийнхан өөр өөрийн гэсэн онцлогтой дуучид. Гэтэл дараачийн үеийнхэн нь тэднийг л дуурайх юм” хэмээдэг аж.


  • Шинэ үеийн залуу од балетчин Б.Саруул түр завсарлага авлаа Шинэ үеийн залуу од балетчин Б.Саруул түр завсарлага авлаа

    УДБЭТ-ын шинэ хун хэмээн цоллуулж байсан балетчин Б.Саруул хөл хүнд болсноор уран бүтээлээсээ түр завсарлага авахаар болжээ. Тэрбээр өдгөө үзэгчдийн хайртай хун, чадварлаг бүжигчин болж, шинэ үеийн залуу “од” хэмээн нэрлэгдэх болсон юм. Түүний нөхөр гэргийнхээ тоглосон балет бүрийг алгасалгүй үздэг бөгөөд тэд тун удахгүй үрийн зулай үнэрлэх нь.


  • Бэкэгийн “цочир” бэлэг Бэкэгийн “цочир” бэлэг

    “Гурван охин” хамтлагийн Г.Анхмаатай гэр бүл болж, хөөрхөн охинтой болсон Г.Билэгжаргал шинэ хүнээ асрахын зэрэгцээ кино найруулсан шиг өдөр хоногийг тун завгүй өнгөрүүлж байгаа гэнэ. Тэрбээр өмнө нь “Луйврын хот”, “Франц үнсэлт”, “Сая километр”, “Ийм нэгэн дурлал” зэрэг кинонд тоглож байсан авьяаслаг жүжигчин бол энэ удаад найруулагч болохоор шийдсэн бололтой.


  • Солонгосчууд “Тал хээрийн Ариран” тоглолт хийнэСолонгосчууд “Тал хээрийн Ариран” тоглолт хийнэ

    Үндэсний дуу бүжгийн эрдмийн чуулгын урилгаар БНСУ-ын Үндэсний театрынхан манай оронд ирэхээр болжээ. Тус театрын захирал, найруулагч, хөгжимчид зэрэг олон улсад алдартай 12 уран бүтээлч ирэх сарын 6-нд Монголд хөл тавих бөгөөд 10-нд “Тал хээрийн Ариран” тоглолтоо хийхээр төлөвлөсөн байна. Солонгосын соёл урлагийн ертөнцийн гайхамшгаас монголын үзэгчдэд сонирхуулахаар зэхэж буй уран бүтээлчид үндэсний болон орчин үеийн хөгжим, бүжгийн хөтөлбөрүүдээс гадна багахан хэмжээний үзэсгэлэн зохион байгуулах гэнэ. Үүгээр ч зогсохгүй, ҮДБЭЧ-ын уран бүтээлчидтэй хамтарч ажиллах төлөвлөгөөний хүрээнд олон сонирхолтой арга хэмжээ, шоу тоглолт хийхээр болсон байна


  • Рок попын “балетчид”Рок попын “балетчид”

    Сүүлийн үед урлаг соёлын одод балет бүжиглэх хоббитой болжээ. Мэдээж хэрэг, тэд алдарт “Хунт нуур”, “Шёлкунчик” зэрэг бүжгэн жүжгийн гол дүрд тоглох гээгүй. Зүгээр л бие галбираа хөгжүүлэн, сэтгэлийн амар амгалан хийгээд урлагийн гоо зүйг мэдрэх гэсэндээ тэр гэнэ. Фитнесс, усан бассейн, аэробек, бүжгийн дугуйлан, зөв хооллолтын клуб, бясалгалын төв гэх мэт олон газраар хэсээд залхсан бололтой дог.


  • Эба тоглолтынхоо зарыг өөрөө наажээЭба тоглолтынхоо зарыг өөрөө наажээ

    Хамтлагийнхаа залгамж халааг бэлтгэх гээд реалити шоу зохион байгуулж буй “Камертон”-чууд дуулгах сонин ихтэй явна. Тэд авьяаслаг охид залуусыг сонгон шалгаруулахын сацуу уран бүтээлийнхээ үүх түүхийг сонирхуулж, хамтарч ажиллаж байсан шилдэг уран бүтээлчдээ танилцуулах болсон. Харин энэ үеэр хамтлагийн гишүүн Б.Эрдэнбат буюу Эба нэгэн нууц задалсан нь залуусын анхаарлыг татжээ.


  •  Реппер Цэцэ “Бороонд норсон дусал” цомгоо гаргана Реппер Цэцэ “Бороонд норсон дусал” цомгоо гаргана

    “Vanquish” хамтлагийн Реппер Цэцэ “Бороонд норсон дусал” нэртэй шинэ цомгийн ажилдаа орсон гэнэ. Энэхүү цомог дээр нь түүнтэй “TJ” энтертайнментийн уран бүтээлчид хамтран ажиллаж байгаа бөгөөд цомогт олон уран бүтээлчидтэй хамтарсан дуунууд нь багтаж байгаа аж. Энэхүү цомог ирэх наймдугаар сарын сүүлчээр бэлэн болох юм байна.


  • “Royal Beat Crew” анхны цомгоо гаргана “Royal Beat Crew” анхны цомгоо гаргана

    Олон уран бүтээлчид энэ зуныг зөвхөн уран бүтээл хийхийг чухалчилж харин намраас олон нийтэд хүргэхээр зэхэж байна. Харин тэдний нэг бол Монголын анхны beatbox хамтлаг болох “Royal Beat Crew” юм. Тус хамтлагийнхан анхны бие даасан цомгоо ирэх есдүгээр сард гаргахаар зэхэж байгаа юм байна. Тэд энэхүү цомгоо “No instruments” гэж нэрлэх бөгөөд цомогт багтсан уран бүтээлүүд нь ямар ч хөгжмийн зэмсэг ашиглаагүй зөвхөн өөрсдөө 100 хувь аялгуу болоод beat-ээ хийсэн байх гэнэ. Энэ ч үүднээс цомгоо ийн нэрийджээ.


  • Дуучин С.Сэрчмаа “Sally” нэртэй студи байгуулна

    Урд хөршид амьдарч байхдаа “Хятадын хөгжмийн зах зээлд өөрийн байр суурийг бүрдүүлнэ” гэж амлаж байсан дуучин С.Сэрчмаа өдгөө бодлоо өөрчилсөн бололтой. Тэрээр шинэ цомгийнхоо ажилд орсон төдийгүй “Sally” нэртэй студиэ тун удахгүй нээх гэнэ. Энэхүү студидээ тэрээр рок попын уран бүтээлчдээс гадна шинэ залуу хамтлаг, дуучдыг урих аж.


  • Камертон-2 шоу шилдэг 16 оролцогчоо сарын 1 сая төгрөгөөр цалинжууланКамертон-2 шоу шилдэг 16 оролцогчоо сарын 1 сая төгрөгөөр цалинжуулан

    Шилдэг 16 оролцогчоо нэрлээд байгаа “Камертон-2” шоуныхан оролцочидтойгоо хоёр сарын хугацаанд ажиллах гэрээ байгуулсан бөгөөд энэ гэрээний дагуу оролцогчдыг сарын 1 сая төгрөгөөр цалинжуулахаар болжээ. “Камертон-2” шоуны дөрөвдүгээр шатны байдлаар шилдэг 16 оролцогч тунаж үлдээд байгаа билээ. Тус шоуны зохион байгуулагчид шилдэг 16 оролцогчийг албан ёсоор зарлаж, шоу цаашид реалити хэлбэрээр үргэлжлэх тухайгаа илэрийлсэн. Тодруулбал, шилдэг 16 залуу “Камертон” хамтлагийн дөрвөн гишүүний удирдлаган дор дөрөв хуваагдаж жинхэнэ мэргэжлийн хамтлагийн түвшинд бэлтгэл сургуулилтаа хийн сүүлийн шатандаа өрсөлдөх юм байна. Мөн төслийн багийнхан шилдэг 16 оролцогчтой хоёр сарын хугацаанд ажиллах албан ёсны гэрээ хийсэн бөгөөд хамгийн сонирхолтой нь энэхүү гэрээний дагуу оролцогчдыг цалинтай бэлтгэл хийх заалтыг тусгажээ.


Шинэ мэдээ
Тоглолтын мэдээ