2013-11-18 01:06

Яруу найрагч Ж.Оюунцэцэг орчуулгын бүтээлүүдээ эмхэтгэн, хэвлүүлж эхэллээ

“Орчлонгийн сайхан хүүхнүүд” хэмээх дууны үгийг бичсэн орчуулагч, яруу найрагч Жамсрандоржийн Оюунцэцэг орчуулгын бүтээлүүдээ эмхэтгэн, дахин хэвлүүлж эхэлсэн бөгөөд арван боть болгох төлөвлөгөөтэй байгаа аж.


Тэртээ 27 жилийн өмнө орчуулсан, тухайн үед Радуга хэвлэлийн газрааc эрхлэн гаргаж байсан орос ардын шидэт үлгэрийн түүвэр “ҮҮЛЭН БОР”-оо засаж найруулан хэвлүүлсэн байна. Уншигч хүүхдүүдийг нэгэн цагт үлгэр домогт дуртай  болгон, ном унших сонирхлыг нь оргилуулж байсан энэ сайхан бүтээл өнөөгийн уншигчдын сэтгэлийг татаж, номонд дурлагсадын хүрээг тэлэх нь лавтай юм. 

Мөн Оросын зохиолчдын үлгэрийн түүвэр болох “УЛААХАН ЦЭЦЭГ” хэмээх түүвэрт нь оросын яруу найргийн тэнгэр - нэрт яруу найрагч  А.С.Пушкин, эрдэмтэн хэл шинжлэлч, далайчин, Орос орноороо хөндлөн гулдгүй аялан туулсан, алдарт цэргийн эмч Владимир Даль, гүн ухаантан, хөгжимчин Владимир Одоевский, гарамгай сурган хүмүүжүүлэгч Константин Ушинский зэрэг нэр цуут алдартнуудын зохиосон онц сонирхолтой үлгэрүүд орсон байна. Оросын суут хөвгүүдийн зохиосон энэ үлгэрүүд нь ухаалаг сайхан сэдэвтэй, сургамжтайгаас гадна эдгээр авьяастануудын гялалзсан онгод  уншиж танилцсан хүүхэд бүрийн цог хийморийг сэргээн бадраах нь дамжиггүй юмаа.

Харин “НИСДЭГ ХӨЛӨГ” хэмээх түүвэрт нь Украйн, Белорус, Молдав, Литва ардын ардын аман зохиолын сувдан сондор болсон үлгэр домгууд багтсан байна.
Ж.Оюунцэцэг орчуулагч тун удахгүй Английн нэрт зохиолч Ж.Р.Р. Толкины "Хоббит",  А.Толстойн "Буратино", Е.Сегалийн "Хүн яаж хүн болсон бэ" зэрэг номуудаа хэвлэн гаргахад бэлэн болоод байгаа ажээ.  

Ийнхүү нэг хэсэг ховордоод байсан хүүхдийн үлгэрийн номуудаар Улаанбаатaрын номын дэлгүүрүүдэд хангагдсан байна.

О.НАРАН

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу

Нийт сэтгэгдэл:

АНХААРУУЛГА: Сэтгэгдэл бичихдээ бусдыг болон өөрийгөө хүндэлнэ үү.
Дээрх мэдээ/нийтлэлтэй холбоотой соёлч боловсон, зүй зохистой хэлэлцүүлэг үүсгэх,
хувийн үзэл бодлоо илэрхийлэх боломжийг таньд олгож байна.
Одоогоор сэтгэгдэл ороогүй байна. Хэрэв оруулвал та анхных нь болно
Шинэ мэдээ
Ийм нэгэн явдал X-Түц продакшн
11 сарын 3-с ѳдѳр бүр | 9923 5678
Тоглолтын мэдээ
  • Мисс, дуучин Лхамаа Мисс, дуучин Лхамаа "Lhamitone Evening" тоглолтоо хийнэ Гадаадад багагүй хугацаагаар ажиллаж, амьдарч байгаад ирсэн дуучин Р.Лхамаа анхны бие даасан тоглолтоо 5 настай Номуундалай хэмээх охинд амьдрал бэлэглэх их үйлст зориулж байсан билээ. Тэгвэл мисс дуучин хэмээн олноо алдаршсан дуучин Лхамаа 11 сарын 08-нд "Strings club"- д "Lhamitone Evening" нэртэй тоглолтоо хийх гэж байна. Энэхүү тоглолтонд 70,80,90-ээд оны Англи, Орос, Монгол хит дуунууд, амьд хөгжмийн хамтлаг, Jazz, Blues, Pop, Country, country rock дуунуудь дуучны өөрийн уран бүтээлээс эгшилэнэ.
  • Б.Отгонтогтох “Цэцгэн дагина” нэртэй бие даасан, анхны тоглолтоо хийнэБ.Отгонтогтох “Цэцгэн дагина” нэртэй бие даасан, анхны тоглолтоо хийнэ “Цэцгэн дагина”, “Насны ганцхан хань”, “Аялгуут сайхан морин хуур мину” гэх мэт олон дуу нь хэдийнэ олны танил болсон ч дуучныг нь хүмүүс тэр бүр мэддэггүй. Тэгвэл эдгээр дуунуудыг амилуулсан залуу дуучин Б.Отгонтогтох аравдугаар сарын 31-нд Монгол бөхийн өргөөнд “Цэцгэн дагина” анхны бие даасан тоглолтоо хийж, үзэгчтэй учран золгох гэж байна.
  • “Хошин урлагийн нэгдсэн тоглолт” товоо зарлалаа“Хошин урлагийн нэгдсэн тоглолт” товоо зарлалаа"Жил бүрийн 4-р сарын 1-нд инээдмийн баяраар тоглогддог хошин урлагийн хамтлаг продакшнуудын нэгдсэн шоу тоглолт ирэх сард тоглогдоно" гэсэн мэдээлэл цахим ертөнцөөр цацагдаж хошин урлагт хайртай үзэгч түмнийг баярлуулсан. Тэгвэл тус тоглолтын албан ёсны тов энэ цаг мөчид зарлагдаж байгаа бөгөөд 11-р сарын 09-нд 19:30 цагаас Улаанбаатар паласын концертын их танхимд тоглогдохоор болжээ. Тус тоглолтонд энэ цаг үеийн хошин урлагийн шилдгүүд болох Шинэ үе продакшн, Шилдэг өнгө продакшн, Х Түц продакшн, Мөрөөдлийн театр, Эмоци продакшн, Чапи & Суурь, Параоди хамтлаг нар бүрэн бүрэлдэхүүнээрээ оролцохоор болж хэдийнэ бэлтгэлдээ оржээ. Мөн шоу тоглолтонд урилгаар энэ цаг үеийн шилдэг дуучид оролцох бөгөөд хөтлөгчдөөр "Захиалгат инээд" хамтлагаар овоглодог уран бүтээлчид оролцох ажээ.
  •  Дуучин Daisy тун удахгүй бие даасан тоглолтоо хийнэ Дуучин Daisy тун удахгүй бие даасан тоглолтоо хийнэ Дуучин Daisy тун удахгүй бие даасан тоглолтоо хийн сонсогч фэнүүдтэйгээ уулзах нь ээ. Тэрбээр энэхүү баяртай мэдээгээ өөрийн фэйсбүүк хуудсаараа дамжуулан түгээсэн юм. Daisy фэнүүдийнхээ хүсэлтээр энэхүү тоглолтыг хийхээр болжээ. Тэрбээр “Хөгжимд дурлаж, хөгжим дунд хөглөдөж амьдардаг миний хувьд дуулах бол миний сэтгэлийн илэрхийлэл юм. Түүнээс болсон болоогүй олон дуу клип хийж нэр нүүр ашиг орлого олох миний зорилго биш юм шүү. Тиймээс би найз нөхөд ойр дотныхон намайг сонсож дэмждэг цөөхөн дэмжигчдийн хүрээндээ зориулсан амьд тоглолт хийх юм. Зүгээр нэгэн оройг хөгжилтэй өнгөрөөе гэж шийдсэн юм шүү” хэмээн постолжээ.
  • Уртын дууч Б.Тунгалагийн “Этүгэн аялгуу” тоглолтын тасалбар худалдаанд гарлааУртын дууч Б.Тунгалагийн “Этүгэн аялгуу” тоглолтын тасалбар худалдаанд гарлаа Дэлхийд гайхагддаг монгол үндэсний урлаг, тэр дундаа суу билгийн гайхамшиг уртын дууны үнэ цэнийг өнөө үедээ мэдрүүлэх, уртын дууны шуранхай өв соёлоо уламжлуулан хөгжүүлэх үйлсийг дэмжих зорилгоор залуу уран бүтээлч, уртын дууч Бавуудоржийн Тунгалагийн уран бүтээлийн “Этүгэн аялгуу” нэртэй анхны бие даасан тоглолтоо хийх гэж байна.
 Сүүлд нэмэгдсэн дуу