2014-01-22 03:19

Шидэт савдгийн үзүүлсэн ертөнц

Ширэнгэн ойн Шаалуу хүү Мауглийг мэдэхгүй хүн өдгөө үгүй биз ээ. Хүний ертөнцөд мэндэлсэн ч онгон байгалийн зэрлэг амьтдын гэр бүлд өссөн хүүгийн адал сонин явдлыг анхлан өгүүлэгч нь Нобелийн шагналт Английн их зохиолч, яруу найрагч Ричард Киплинг юм.

Тэрбээр 1865 онд тухайн үед Англи улсын колони орон байсан Энэтхэгийн Бомбей хотод төрж, таван нас хүртлээ Энэтхэгт байжээ. Р. Киплинг хүүхдүүдэд зориулан олон гайхамшигтай богино үлгэр түүх, шүлэг зохиол бичсэн бөгөөд зохиол бүхэн нь 100 гаруй жилийн туршид хүүхдийн хамгийн шилдэг бүтээлүүдийн тэргүүнд бахархалтайгаар залагдсаар байна.

Р. Киплинг хүн төрөлхтний оюуны санг баяжуулсан хурц тод, цэцэн цэлмэг яруу найраг, амьдралын үнэнийг уран сайхнаар нээн үзүүлсэн тууж, тэмдэглэл олныг туурвисан учир Нобелийн шагналыг 1907 онд хүртжээ. Түүний тухай зохиолч Хенри Жэймс “Миний л мэдэхийн Ричард Киплингээс өөр суу билгийг төгс цогцлоосон зохиолч алга” хэмээн өгүүлж байжээ.

Киплингийн баялаг хэл, ур чадварын гайхамшиг, өгүүлэмжийн сонин содон санаа нь хүн төрөлхтний оюуны сан хөмрөгт асар үнэтэй хувь нэмэр оруулсан билээ.
Р. Киплингийн зохиол бүтээлтэй та бид аль 1950-иад оны сүүл үеэс эхлэн эх хэлээрээ танилцсан бөгөөд “Шаалуу хүү Маугли”, “Зааны тугал” зэрэг үргэлжилсэн үгийн бүтээлүүд нь манай оронд хэдэнтээ хэвлэгдэн гарсан юм. Мөн их гүүш, соён гэгээрүүлэгч М. Цэдэндорж цөөнгүй шүлгүүдийг нь орчуулан монголчуудынхаа оюуны хүртээл болгож байжээ.

Манай “Хөх дэвтэр” хэвлэлийн газраас эрхлэн гаргаж буй Дэлхийн хүүхдийн шилдэг зохиолын ЭРДЭНЭСИЙН САН - 108 цувралд Р. Киплингийн “Зүгээр л үлгэрүүд”, “Шаалуу хүү Маугли”, “Шидэт толгодын савдаг” зэрэг шилдэг бүтээлүүдийг оруулсан болно. Эдгээрээс “Шидэт толгодын савдаг” зохиол нь ах дүү Дэн, Юна хоёр болон шидэт савдаг Пак гурвын адал явдлаар холбогдсон олон үлгэрүүдийн нэг хэсэг юм.

Пак бол ардуудын дунд “Эльфүүдийн омог” хэмээн алдаршсан, Английн мөхөөд дуусч байгаа омгийнхны сүүлчийн үлдэгдэл билээ. Тэд өөрсдийгөө Толгодын эзэд гэдэг. Ингээд алдарт Пак маань мөнөөх ах дүү хоёрт ид шид бэлэглэжээ. Царс, Яшил, Үүргэний ид шидээр ах, дүү хоёр өнгөрсөн үеийн бүх түүхийг нүдээрээ үзэж, чихээрээ сонсох боломжтой болж гэнэ.

Тэд Пакийн дуудаж ирүүлсэн янз бүрийн сонин хүмүүстэй эдлэндээ, ой дотор, талбайд үе үе уулзаж эхэлжээ. Тэдний нэг нь Нормандын байлдан дагуулагч рыцарь, нөгөө нь Ромын армийн зуутын дарга, бас нэг нь долдугаар Хенрихийн үеийн барилгачин, нэрт зураач... гэхчлэн хүмүүс байв.

Хойтон жил нь хүүхдүүд Пактай дахин уулзжээ. Тэд өсч томрон, нэлээд хэрсүүжиж, хөл нүцгэн гүйлддэг балчир зангаа орхисон ч Пак үерхэл нөхөрлөлдөө үнэнчээ илэрхийлэн ах дүү хоёрыг өнгөрсөн үеийн улам олон баатартай танилцуулжээ.

Пак хамтдаа зугаалан явж, ярилцаж байхдаа мэдэж авсан бүх зүйлийг нь тэдний ой ухаанаас арчин хаядаг зуршлаа орхиогүй хэдий ч бусад зүйлийн хувьд хөндлөнгөөс огт оролцдоггүй байв. Тиймээс Дэн, Юна хоёр цэцэрлэг дотор, цэцэрлэгт хүрээлэнд хамгийн ер бусын хүмүүстэй чөлөөтэй ярилцдаг байв.

Энэхүү “Шидэт дагинын бэлэг” ном энэ бүх уулзалтын нууцыг та бүхэнд задалж, ямар үйл явдал болж өнгөрсөн талаар өгүүлэх болно. Энэ ном шинээр хэвлэлд шилжлээ.

Б.Номинчимэд

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • Улстөржилтөөс болж Улстөржилтөөс болж "The Hu" хамтлагийн хандивын тоглолт хойшиллоо“The Hu” хамтлаг энэ сарын 23-ны мягмар гаригт МҮОНРТ-ээр болон цахимаар бүрэн тоглолтоо хийхээр төлөвлөж, зараа хүртэл тараагаад байсан ч тоглолтоо цуцалжээ.Тэд “COVID-19”-ийн хорионд гадаадад гацаж, байгаад өнгөрсөн сард эх орондоо ирсэн. Ингээд сонгуулийн өмнөх өдөр хандивын тоглолт хийхээр төлөвлөөд байсан ч улс төрийн шалтгаанаас үүдэн цуцалсан байна.
  • “The Hu” хамтлаг УОК-т хандив өргөх онлайн тоглолтоо энэ сарын 23-нд хийнэ“The Hu” хамтлаг УОК-т хандив өргөх онлайн тоглолтоо энэ сарын 23-нд хийнэ“The Hu” хамтлаг УОК-т хандив өргөх онлайн тоглолтоо White Rock Center-т 2020 оны зургаадугаар сарын 23-ны мягмар гарагийн орой хийхээр болсон тухайгаа зарлалаа. Уг хандивын тоглолтыг “The HU” хамтлаг “Хүрээ энтертайнмент” ХХК-тай хамтран МҮОНРТ-ээр шууд дамжуулан хүргэх бөгөөд ивээн тэтгэгчээр Мобиком Корпораци, Хаан Банк ажиллахаар болжээ.
  • "Монгол соёл" онлайн тоглолтоор 102.952.147 төгрөгийн хандив, тусламж цуглажээДэлхийд гайхагдсан монгол соёлын өв тэр дундаа соёлын биет бус өвийн гайхам сайхныг нэгэн дор цогцлоох "Монгол өв соёлын цогцолбор" байгуулах төслийн хандивын аяны нээлтэд зориулсан монгол поп опера “Увертюра” хамтлаг болон язгуур урлагийн алдартай уран бүтээлчид, соёлын биет бус өвийн шилдэг өвлөн уламжлагчдын "Монгол соёл" онлайн тоглолт 06 дугаар сарын 01-нд 18:00 цагаас "ТВ8" телевизээр орон даяар шууд дамжуулагдсан билээ.
  • “Параллель” контемпорари үзэсгэлэн нээлтээ хийлээ“Параллель” контемпорари үзэсгэлэн нээлтээ хийлээДэлхий нийтийг түгшээгээд буй шинэ төрлийн Корона вирусийн /Ковид 19/ халдварын тархалтаас урьдчилан сэргийлэх зорилгоор Монгол Улсын Засгийн газар улс орон даяар онц байдал зарлан олон нийтийг хамарсан үйл ажиллагаа, мөн соёл урлагийн арга хэмжээг түр хугацаагаар зогсоосон байгаа билээ. Иймд МN17 Арт Галерейн санаачилгаар Засгийн газрын хэрэгжүүлэгч агентлаг Соёл, урлагийн газрын дэмжлэгтэйгээр Хүн Байгаль Хайр Эрх Чөлөө хөдөлгөөний уран бүтээлчидтэй хамтран “Параллель” контемпорари хамтарсан үзэсгэлэнгийн төслийг хэрэгжүүлж байна.
  • "Хурд" хамтлаг онлайн тоглолтоороо 246 сая төгрөгийн хандив цуглуулжээ “Хурд” хамтлаг олон улсын эмэгтэйчүүд ийн эрхийг хамгаалах өдрөөр буюу өнөөдөр /2020.03.08/ нийт эмэгтэйчүүддээ зориулж "Буцааж нэхэхгүй хайр" онлайн тоглолт зохион байгууллаа.
 Сүүлд нэмэгдсэн дуу