2014-01-28 03:50

Хайр энэрэл хүнийг аз жаргалтай болгодог

  Английн нэрт зохиолч О.Уайльд 1855 онд Ирландийн Дублин хотноо англо-ирланд гэр бүлд төржээ. Дублиний коллежид сурч байхдаа авьяас чадвараараа шалгаран Оксфордын Их Сургуульд тэтгэлгээр суралцан төгссөн байна.

Хайр энэрэл, хүмүүнлэг үзэл гүн бат шингэсэн “Аз жаргалтай Ханхүү” зохиол бол Уайльдийн анхны хүүрнэл зохиолуудын нэг юм. Ер түүний бүх зохиолуудад нэвт шингэсэн байдаг зүйл нь хувиа бодохын эсрэг бүх нийтийн сайн сайханд тэмүүлэх үзэл санаа билээ. Уламжлалт дарлал мөлжлөг, ядуурал хоосролын эсрэг, эрээ цээргүй ёс суртахуунгүй байдлын эсрэг тууштай тэмцэгч тэрбээр өөрөө туйлын чөлөөт сэтгэлгээтэй нэгэн байж...

Эмзэг хурц мэдрэмж, эелдэг зөөлөн сэтгэл, оргилуун хүсэл мөрөөдөл, өргөн дэлгэр мэдлэг, гялалзсан их авьяас билгийн зэрэгцээ үзэсгэлэн гоо зүс царайг хувь заяа түүнд харамгүй хайрласан гэдэг. Гэсэн ч тэр хэрээрээ хайр дурлалын гашуун дурсамж, ер бусын адармаатай, зөрчилтэй хүнд хэцүү амьдрал туулжээ. Нэгэн үе нэр алдрын оргилд заларч, нэгэн үе сэтгэлийн гүн хямралд автан, шоронд хүртэл сууж, уран бүтээлээсээ ч дайжин, хүмүүсээс зугтан, ядуу зүдүү амьдарсан байдаг.

Тэрбээр уран зохиол, философи, шинжлэх ухаан, гоо зүй, улс төрийн чиглэлээр шүлэг яруу найраг, драм, дуурь, тууж, роман, өгүүллэг, үлгэр, шүүмж судлал, эссэ зэрэг бүхий л төрлөөр олон арван бүтээл бичсэн байна. Бараг бичсэн тууж, өгүүллэг, зохиол бүхэн нь сонгодог бүтээл болсон юм. “Саломэ”, “Зүтгэлийн мөн чанар” зэрэг драмын бүтээл, “Аз жаргалтай хан хүү”, “Дориан Грэйн хөрөг”, “Оддын хүү” зэрэг олон зохиол бүтээлүүд нь өнөө хэр дэлхийн сонгодог зохиолын тэргүүнд хүндтэй байрыг эзлэх бөгөөд хүүхэд багачуудад зориулсан үлгэр-өгүүллэгүүдийг нь 100 гаруй жилийн турш дэлхийн олон оронд хэдэн сая хувиар хэвлэн уншиж ирсэн байна.

Дэлхийн хүүхдийн шилмэл зохиолын “ЭРДЭНЭСИЙН САН-108” цувралаар “Аз жаргалтай ханхүү” ном нь хэвлэгдсэн билээ. Уг номд багтсан “Аз жаргалтай хан хүү”, “Гургалдай ба сарнай”, “Аварга биет, жаал хүү хоёр”, “Оддын хүү” үлгэр-өгүүллэгүүдэд ч мөн хүний аз жаргалын үндэс нь хайр энэрэл байдаг болохыг уран сайхнаар нотолсон юм.

Энэ удаад олноо ихэд алдаршсан “Кентервилийн хий үзэгдэл”, “Залуу хаан”, “Гайхамшигт галт сум” зохиолыг нь нэгтгэн ном болгон "Хөхдэвтэр" хэвлэлийн газраас хэвлэв.
Б.Номинчимэд

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • Монгол, Америк хүүхдүүдийн хамтарсан үзэсгэлэн гарнаМонгол, Америк хүүхдүүдийн хамтарсан үзэсгэлэн гарнаКембрижийн хөтөлбөртэй "Монгол тэмүүлэл" ахлах сургуулийн 10-12-р ангийн Зураг урлалын хичээлийг олон улсын хөтөлбөрөөр судалдаг сурагчдын 2019 оны хаврын сессийн шалгалтад явуулсан бүтээл судалгааны материалууд, Америкийн уран зураг сонирхогч хүүхдүүдийн 170 гаруй бүтээлүүд багтсан "Монгол холбоос" сайн дурын байгууллага, "Go!" хүүхдийн бүтээлийг сурталчилах олон улсын нийгэмлэгтэй хамтран "Тэмүүлэл" үзэсгэлэнг арваннэгдүгээр сарын 15-20-ны өдрүүдэд нээн толилуулах гэж байна.
  • “Take off” хамтлаг “Хайрын нислэг” хийнэ“Take off” хамтлаг “Хайрын нислэг” хийнэ2002 оны намар хүсэл зорилго нэгдсэн үе тэнгийн 4 залуу нийлж "Аялгуу" нэртэй хамтлагийг анх үүсгэн байгуулж байжээ. Тэдний хамгийн анхны уран бүтээл нь Гавьяат жүжигчин, дуучин Т.Ариунаа болон Гурван охин хамтлагтай хамтран дуулсан "Оюутан нас Аялгуу" дуу билээ. Ийнхүү рок попын тогоонд эргэлт буцалтгүйгээр хөл тавьсан тус хамтлаг 2004 оны 3-р сарын 1-нд өдгөөгийн бидний мэддэг “Take off” нэрийг хамтлагтаа албан ёсоор өгч өдгөө 15-н жилийн ойгоо угтах гэж байна. Хамтлаг байгуулагдаад “Цасан дээр”, “Мартахгүй”, “Буцаад л хоёулаа” "Гүнж", "Урваагүй", "Чиний явсан зүгт", "Би буцахгүй" зэрэг дуунуудыг хийсэн ба гарсан даруйдаа хит болж байсан нь одоо ч сонсогчдын дуртай дуу хэвээр байгаа билээ.
  • The HU хамтлаг Их Британи, Ирландад ирэх хоёрдугаар сард тоглоноThe HU хамтлаг Их Британи, Ирландад ирэх хоёрдугаар сард тоглоноДэлхийн хөгжмийн урлагт нэгэн үзэгдэл болон гарч ирж буй “The HU” рок хамтлаг Их Британи, Ирланд улсад 2020 оны хоёрдугаар сард аялан тоглохоор болсноо албан ёсоор зарлалаа. Тус хамтлаг өнгөрсөн зун Их Британид болсон Download хөгжмийн наадмаар тоглоход 23 өдрийн өмнө бүх тасалбар нь зарагдаж дууссан юм. Их Британийн аялан тоглолтод Элтон Жоныг албан ёсоор урьсан тухай мэдээлж байсан билээ.
  • “ХОЁР АРД ТҮМЭН-НЭГ ЯЛАЛТ” гэрэл зургийн үзэсгэлэн нээлтээ хийлээ“ХОЁР АРД ТҮМЭН-НЭГ ЯЛАЛТ” гэрэл зургийн үзэсгэлэн нээлтээ хийлээХалх голын байлдааны ялалтын 80 жилийн ойн хүрээнд МОНЦАМЭ агентлаг, ОХУ-ын олон улсын мэдээллийн “Россия сегодня” агентлагийн “Спутник” радиотой хамтран нийслэлийн Засаг даргын Тамгын газрын дэмжлэгтэйгээр Монголын уран зургийн галлерейд “ХОЁР АРД ТҮМЭН-НЭГ ЯЛАЛТ” гэрэл зургийн үзэсгэлэнг өнөөдөр олон нийтэд дэлгэж байна. Үзэсгэлэнгийн нээлтэд Гадаад харилцааны сайд Д.Цогтбаатар нийслэлийн Засаг дарга бөгөөд Улаанбаатар хотын захирагч С.Амарсайхан, МОНЦАМЭ агентлагийн дарга Б.Ганчимэг, үе үеийн гэрэл зурагчид болон албаны хүмүүс оролцов.
  • “Сонгодог аялгуу” симфони найрал хөгжмийн тоглолт хэрлэн хөвөөнд эгшиглэнэ“Сонгодог аялгуу” симфони найрал хөгжмийн тоглолт хэрлэн хөвөөнд эгшиглэнэДорнод аймаг 2019 оныг “Аялал жуулчлалыг дэмжих жил” болгон зарласан. Энэ хүрээнд Хэрлэн голын эрэгт "Найрамдал" цэцэрлэгт хүрээлэнд Хөгжимт драмын театрын уран бүтээлчдийн “Сонгодог аялгуу” симфони найрал хөгжмийн бие даасан тоглолтыг энэ жилээс эхлэн, жил бүрийн 08 дугаар сарын 04-ний энэ өдөр тогтмол зохион байгуулахаар болжээ.
 Сүүлд нэмэгдсэн дуу