2014-06-02 01:56

Б.Сарантуяа: Хүүхдийн баяраар амталдаг байсан жимстэй мөхөөлдсөө хэзээ ч мартдаггүй

  Зууны манлай эстрадын дуучин, Гавьяат жүжигчин, поп дива Б.Сарантуяатай Олон Улсын хүүхдийн Найрамдал төвд болсон “1000 хүүхдийн баяр”-ын үеэр цөөн хором ярилцсан юм.

-“1000 хүүхдийн баяр”-т та хэд дэх жилдээ оролцож байгаа вэ?

- Хоёр дахь жилдээ бяцхан үрстэйгээ баярыг нь хамтдаа тэмдэглэж байна. Дэлхийн  Зөн Монгол ТББ-аас “Найрамдал” төвтэй хамтран зохион байгуулдаг “1000 хүүхдийн баяр” арга хэмжээг би дэмждэг. Эх орны дөрвөн  зүг найман зовхист байгаа 21 аймгийн нэлээд анхаарал шаардагдсан хүүхдүүдийг урьж, залан авчирч нэг өдөр сайхан амрааж, баярлуулна гэдэг бол маш том буян гэж би боддог. Улс орон нийгэм нь ч гэсэн эдгээр хүүхдүүдэд анхаарал тавьж байна. Өөрсөддөө болон ирээдүйдээ итгэлтэй байхад нь тусалж байна. Магадгүй гэр бүлийн байдал ч юм уу нийгмийн ямар анги давхаргад амьдарч, өсөж байгаагаасаа болоод амьдралд  тохиолдож байгаа янз бүрийн зүйлст бяцхан зүрхнүүд амархан эмзэглэж, санаагаар унадаг юм шиг санагддаг. Ийм үед зохион байгуулж байгаа томчууд болон урлаг, соёлынхон бид нар энэхүү зохион байгуулж байга арга хэмжээнд оролцон хүүхэд багачуудад урам өгөх ёстой гэж би боддог. Миний хувьд ч гэсэн би  өөрөө хүүхдүүдтэй учраас тэдэнд урам ямар их хэрэгтэй тэдэнд нэг сайхан гоё үг хайрлах чинь бараг л арван хайрцаг  мөхөөлдөс идсэнээс илүү гэж боддог.  Өнөөдөр хүүхдэд зориулсан мэт нартай сайхан өдөр байна. Байгаль дэлхий хүртэл бяцхан үрсийг маань  хайрлаж, байгалийнхаа  сайхан байдлыг дэлгэж байгаа нөхцөлд бид нар ч гэсэн дуу хуураа харамгүй дэлгэж, бэлэглэнэ.

-Таны хүүхэд насны хамгийн дурсгалтай Хүүхдийн баярын дурсамжийг хуваалцмаар байна л даа. Багадаа баяраа хэрхэн тэмдэглэдэг байсан бэ?

-Манайх Дарханд байсан юм. Тухайн үед аав маань үйлдвэрийн даргын алба хашдаг байлаа. Хүүхдийн баяраар аав, ээж маань биднийг Дархан хотын стадионд аваачиж баярлуулдаг байлаа.  Тэнд жимстэй  мөхөөлдөс зардаг байсныг би хэзээ ч мартдаггүй. Би хүүхдийн баяр гэхээр л монголын үйлдвэрийн гадна талаараа печеньтэй торхтой тэр жимстэй мөхөөлдөсийг мөрөөддөг байлаа.  Мөн аавынхаа  үйлдвэрийн ажилчдын хүүхдүүдийн дунд явуулсан зургийн уралдаанд  хоёрдугаар  байранд, дууны уралдаанд нэгдүгээр байранд орж  нэлээдгүй мөнгөн шагналтай болж байлаа. Тэгээд л хүүхдийн баярыг тэсэн ядан хүлээдэг байлаа. Уралдаанд оролцоод шагнал авахын тулд зургаа зуран дуугаа бэлддэг байлаа. Магадгүй энэ бас миний урлагт хамаатай байхад нөлөө болсон байх. Хүүхдийн баяраар манай ээж, аав үргэлж л биднийг баярлуулдаг байсан учраас  хүүхдийн баярыг  онцгой гойд баяр гэж боддог байлаа.  Би ч гэсэн энэ уламжлалыг алдахгүй гэж бодоод өөрийнхөө хүүхдүүдэд миний ээж, аав биднийг яаж сайхан хүмүүжүүлж, гоё сайхан баярлуулдаг байсан яг тэр хэмжээнд  нь баярлуулах гэж боддог.  Өдий зэрэгтэй хүмүүжүүлж, өсгөсөн ижий, аавдаа  өнөөдрийг хүртэл баярлан ачийг нь хэзээ ч хариулж барахгүй ч гэсэн бага багаар баярлуулж, өдөр бүр хайртай гэдгээ  илэрхийлэхийг хичээдэг.

 

-Энэ жилийн хүүхдийн баяраар хүүхдүүдээ хэрхэн баярлуулахаар төлөвлөөд байгаа вэ?

-Хүүхдүүдээ би баярлуулаад эхэлчихсэн.  Өнгөрсөн амралтын өдөр хүүхдийн паркт тоглуулсан. “Гэгээн алсын одод” наадмын хүндэтгэлийн гала тоглолтыг хамтдаа үзсэн.  Мөн зургаадугаар сарын 1-нд УДЭТ-т “Бардам туулай” жүжгийг үзүүлэхээр тасалбарыг  нь авсан.  Баярын өдөр бид зусландаа шорлог хийн ээжийгээ баярлуулж,  цагийг сайхан өнгөрүүлнэ дээ.

-Уран бүтээлийн сонин сайхнаасаа хуваалцахгүй юу?

-Уран бүтээлийн сонин сайхан гэвэл саяхан болж өнгөрсөн Гэгээн муза наадмаас шагнал хүртлээ. Одоо шинэ уран бүтээлийн ажилдаа орно. Төрийн соёрхолт Д.Болдын  хийсэн зургаан дуутай шинэ цомгийн ажлаа эхлүүлнэ. Мөн Соёл амралтын хүрээлэнгийн “Black Pearl” завин дээр амьд хөгжмийн тоглолтуудыг зохион байгуулах гэж яриж байгаа. Тэр тоглолтонд зургаадугаар сарын 21-нээс тоглох байх. Тэнд нэг үдэш 20 гаруй дуугаа дуулна. Энэ бол ганцхан миний тоглолт биш. А зэрэг амьд  хөгжмийн хамтлагууд дуулах юм билээ. Жуулчны үеэр гадаадад байдаг найз нөхөд маань эх орондоо ирээд  сайхан амрах гэхээр хамаг тоглолтууд нь дусчихдаг шүү дээ. Тэгвэл одоо зун цагт ч гэсэн  өөрсдийнхөө уран бүтээлийг хүргэсээр байна гэж би бодож байна.

Г.Даша

Эх сурвалж: eagle.mn

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу

Шинэ мэдээ
Тоглолтын мэдээ
  • “Өндөр гэгээн” дуулалт жүжгийг Орхонд тоглоно“Өндөр гэгээн” дуулалт жүжгийг Орхонд тоглоно Урлагийн гавьяат зүтгэлтэн Л.Ванганы нэрэмжит Завхан аймгийн хөгжимт жүжгийн театрын бүтээл “Өндөр гэгээн” дуулалт жүжгийг энэ сарын 14-ний өдөр Орхон аймгийн соёлын ордонд тоглохоор болжээ. Жүжгийг хоёр удаа тоглох юм байна. Завхан аймгийн Шилүүстэй сумын харьяат Төрийн соёрхолт яруу найрагч Ц.Бавуудоржийн зохиол, хөгжмийн зохиолч Урлагийн гавьяат зүтгэлтэн Т.Сэр-Од, Төрийн соёрхолт, Улсын Драмын эрдмийн театрын ерөнхий найруулагч Н.Наранбаатар нарын хамтран бүтээсэн “Өндөр гэгээн” дуулалт жүжгийг бүтээх үйл явж жил гаруй үргэлжилжээ. Жүжгийн нээлт өнгөрөгч гуравдугаар сард Завхан аймгийн театрт болж байв.
  • “Номоо солилцъё” өдөрлөг энэ сарын 4,5-д болно“Номоо солилцъё” өдөрлөг энэ сарын 4,5-д болноНийслэлийн иргэд цуглаж өөрт байгаа номоо сарын хугацаатай бусадтайгаа солилцож уншдаг болоод жил гаруй хугацаанд тасралтгүй үргэлжилж буй “Номоо солилцъё” өдөрлөг энэ сарын 04-ны өдөр 10:00-17:00 цагийн хооронд, 05-ны өдөр 10:00-14:00 цагийн хооронд хоёр өдрийн турш Улаанбаатар хотын нийтийн төв номын санд зохион байгуулагдах гэж байна. Энэ удаагийн өдөрлөг “ҮНДЭСНИЙ БИЧИГ ҮСГИЙН БАЯР”-ын өдрийн хүрээнд зохион байгуулагдаж байгаагаараа ихээхэн онцлогтой юм.
  • Playing Love Best тоглогдоноPlaying Love Best тоглогдоноХөгжмийн зохиолчдын авьяас билгээ сорих, ур чадвараа харуулах нэг шалгуур нь киноны хөгжим байдаг гэлцдэг. Кино урлаг үүсэж хөгжихтэй хамт бий болж, хөгжсөн хөгжмийн энэхүү томоохон урсгалын энэ үеийн гол төлөөлөгчдийн нэг нь Эннио Морриконе билээ. Түүний "1900-гийн домог" (Legend of 1900) кинонд зориулан бичсэн "Playing love" зохиолоор нэрлэгдсэн тоглолтоо Морин хуурын чуулга найм дахь жилдээ үзэгч, сонсогч олондоо өргөн барих гэж байна. Энэхүү тоглолт нь Монголын төдийгүй дэлхийн алдарт киноны сэтгэлд хоногшсон сонгомол хөгжим аялгууг үндэсний хөгжмийн хөг эгшгээр амилуулан хөгжимдөж, Морин хуур хэмээх гайхамшигт хөгжмийн зэмсгийн чадал, ур хийцийн гайхамшгийг тод томруун харуулдаг тул үзэгчид жил жилийн тоглолтыг тэсэн ядан хүлээдэг биз ээ.
  • Come Fly With Me тоглолт маш өвөрмөц боллооCome Fly With Me тоглолт маш өвөрмөц боллооӨнгөрсөн Бямба гараг буюу 4-р сарын 14-нд Корпорейт Конвеншн төвийн концертын их танхимд дуучин Наагийгийн тоглолт болж өнгөрлөө. Тэрээр анхны тоглолтоо 2012 оны энэ өдөр Strangers In The Night нэртэйгээр Тусгаар тогтнолын ордонд хийж байсан юм. Өнгөрсөн 6 жилийн хугацаанд дуучны дуулах ур чадвар, дуулалтын мэдрэмжүүд улам нэмэгдсэн байсан бөгөөд тоглолтын 90 минутын турш өөртөө итгэлтэйгээр үзэгчдэд олны танил Монгол болон гадаад дуунуудыг хүртээл болгож байлаа.
  •  Жүжигчин Г.Ундармаа насанд хүрэгчдэд зориулсан шинэ бүтээлээ удахгүй нээнэ Жүжигчин Г.Ундармаа насанд хүрэгчдэд зориулсан шинэ бүтээлээ удахгүй нээнэХошин урлагийн тайзнаасаа хөндийрч дэлгэцийн бүтээлдээ түлхүү анхаарлаа хандуулж буй жүжигчин Г.Ундармаа дахин нэг өөр төрлийн шинэ бүтээлээрээ тун удахгүй тэсрэлт хийхээр зэхэж байна.