2014-11-24 02:47

"Шинэ сэтгэлгээ" яруу найргийн наадамд байр эзэлсэн шүлгүүдээс

  Налайх дүүргийн "Гандан-Уул" утга зохиолын нэгдлээс зохион явуулсан утга зохиол, эрэлхийллийн "Шинэ сэтгэлгээ" яруу найргийн наадам өнгөрсөн баасан гарагт амжилттай зохион байгуулагдлаа.

Тус наадамд хөдөө, хот, орон нутгаас шалгарсан 30 яруу найрагч сүүлийн шалгаруулалтад шүлгээ уншсан юм. Улмаар наадмын тэргүүн байрт залуу яруу найрагч Э.Гантулга, дэд байрт яруу найрагч Д.Цогбадрах, шагналт байрт яруу найрагч Н.Мөнхбаяр, яруу найрагч Б.Батхүү, яруу найрагч О.Цэнд -Аюуш, Л.Ганзул, Ш.Хишигбадрах нар тус тус шалгарлаа.

Ингээд тус наадамд байр эзэлсэн найрагчдын шүлгүүдээс хүргэж байна.

Д.Цогтбадрах

Годог хүлээх зуур

Мөчир хэмжиж явсан
Төөлүүр хорхой,
Төдхөнөө гоёмсог эрвээхэй болоод
Нүднээс минь нисэн одов.
Мөргөлдөх үүлгүй цэлмэж байсан
Хөх тэнгэр
Дорхноо хувирч бороо шаагиад, хөл дороос минь
Мөөг ургав.
Годо-г хүлээх зуур
Гуниг мартуулам ид шидтэй
Гунхалзаж асан гоолиг бүсгүй
Гундаж үрчийгээд саяхан өөд болов.
Өглөө үнсүүлж хоцроод
Хэлд орж байсан охин минь
Өөрөө ээж болчихоод
Хүү ч юмуу, эсвэл охиноо үнсээд гарч буйг харав.
Годо-г хүлээх зуур
Дорнын сүрлэг хот
Газрын гүн рүү шингэж
Доголон хөх нохой
Шавар хөшөөнөө цэцэг өргөөд
Балгасны хүрээнд нь
Гэр музей байхыг би үзэв.
Годо-г хүлээх зуур
Үй түмэн шоргоолж
Үүрнээсээ гарч гүйлдээд
Хамар дээр минь, харь хэлээр
Шаагилдахыг би сонсов.
Ойн гүнээс сүүлчийн навч
Харван унахад,
Одод орчих тэртээ рүү
Хэсэг хүн гунигын дуу хөгжөөн
Дүрвэн одохыг би үзлээ.
Годо-г хүлээх зуур..

2009 он.

Н.Мөнхбаяр

***
Цээжин доторх халуун алганд минь
Тас атгагдсаар яваа
Час улаан үр.
Чамд түүнийг үзүүлэхээр
Алгаа дэлгэх үү, байх уу...
Чадахгүй л байх даа,
Чармай нүцгэлэхээс ч хэцүү юм.
Будаан чинээ ганц улаан үрээ
Булж ургуулъя гэхээр
Газар шороо нь тохирохгүй, гараг ертөнц нь зохихгүй,
Гагц миний алганд л
Бурханаас нуугдах мэт байгаа юм.
Арвайн чинээ улаан үрээ
Алган дотуураа тэмтэрч үзээд л
Айсуй дөхөж яваа
Үнэнд би итгэдэг.

2014.10.06

Б.Баясгалан

***
Нов ногоон тэхэн эвэртэй
Туулайг хараад
Гайхшрал дээрээ овоорсон хүмүүс
Нүд нь орой дээрээ гарч
Шогширолдоход
Ичсэн туулай
Совингийн дэрсэнд
Хярна
Гэгээрлийн цонхон дээр
Болжмор цангаа сэгсчихэд
Сэрэл солонго шиг татаж
Эвэртэй ногоон туулайтай минь
Хүмүүс элгэмсэн
Зөнтэй дуу алдан
Тэврэлдэнэ.
Туулайг хараад
Гайхшрал дээрээ овоорсон хүмүүс
Нүд нь орой дээрээ гарч
Шогширолдоход
Ичсэн туулай
Совингийн дэрсэнд
Хярна
Гэгээрлийн цонхон дээр
Болжмор цангаа сэгсчихэд
Сэрэл солонго шиг татаж
Эвэртэй ногоон туулайтай минь
Хүмүүс элгэмсэн
Зөнтэй дуу алдан
Тэврэлдэнэ.

www.URLAG.mn

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • МУГЖ Г.Ариунбаатар МУГЖ Г.Ариунбаатар "Би Монгол" тоглолтоо хийнэДэлхийн сонгодог урлагийн тайзнаа “Монголын баритон” нэрээр алдаршсан П.И.Чайковскийн нэрэмжит олон улсын мэргэжлийн дуурийн дуулаачдын XV уралдааны шилдэг эрэгтэй дуучин, "Чингис хаан" одонт, Монгол Улсын Гавьяат жүжигчин Г.Ариунбаатар эх орондоо зохион байгуулах "Би Монгол" тоглолтынхоо товыг зарлалаа.
  • Үндэсний урлагийн их театрын 70 жилийн ой тохиож байнаҮндэсний урлагийн их театрын 70 жилийн ой тохиож байнаҮндэсний урлагийн их театрын 70 жилийн ой энэ жил тохиож буй. Ойн хүрээнд баримтат кино, кино концерт, түүхэн ном бүтээж, цуврал тоглолт хийхээр төлөвлөж байгаа талаар уран бүтээлчид нь мэдээлэл хийлээ.
  • Д.Отгонжаргал фэнүүдээ Д.Отгонжаргал фэнүүдээ "Хун галуу"-ны эгшиглэнт ертөнцөөр аялуулнаДуучин Д.Отгонжаргал гэхээр Миний ээж тэмээчин, Хайрлахын жаргал, Хун галуу гээд хүн бүрт өөр өөрийн танил, дотно дуунууд санаанд бууна. Ийм сайхан бүтээлүүдийн эзэн, уянгат сайхан хоолойгоороо сонсогчдынхоо зүрх сэтгэлийг нэвт эзэмдэж чаддаг энэ уран бүтээлч маань төр, түмнээсээ "Монгол Улсын Соёлын тэргүүний ажилтан" хэмээх эрхэм алдрыг хүртсэн нь саяхан.
  • С.Жавхлан гавьяатын тоглолт ҮЗЭГЧДИЙН ХҮСЭЛТЭЭР дахин товлогдлооС.Жавхлан гавьяатын тоглолт ҮЗЭГЧДИЙН ХҮСЭЛТЭЭР дахин товлогдлооС.Жавхлангийн дууг мэдэхгүй хүн гэж үгүй. Найман настай балчраас наян настай буурай хүртэл даган дуулж, уяран хайлж байна. Түүний дуунууд одоо ч хуучнаараа, сонсох бүрийд дотнохон. УИХ-ын гишүүн болоод урлагийн алтан тайз, үзэгч, сонсогч фэнүүдээсээ хэсэг хугацаанд хөндийрөөд байсан Гавьяат жүжигчин С.Жавхлан тайзнаа иргэн ирлээ. Тэрээр ард түмэнтэйгээ тайзан дээрээс энэ өдрүүдэд мэндчилж байна.
  • “МОРИН ХУУР- 33” шилдэг дууны концерт болно“МОРИН ХУУР- 33” шилдэг дууны концерт болноМонгол Улсын Соёлын яам, Засгийн газрын хэрэгжүүлэгч агентлаг Соёл, урлагийн газар, Монголын Хөгжмийн Зохиолчдын холбоо, Монгол Улсын Филармони хамтран “БҮХ НИЙТИЙН ХӨГЖМИЙН БАЯР 2020” арга хэмжээг 2020 оны аравдугаар сарын 05-ны өдрөөс арваннэгдүгээр сарын 15-ны өдрийг хүртэлх хугацаанд улсын хэмжээнд зохион байгуулж байна.
 Сүүлд нэмэгдсэн дуу