2014-12-31 02:39

2015 онд “Apple”-аас хэрэглэгчиддээ барих “гэнэтийн бэлэг” - үүд

  Улиран одож буй 2014 он технологийн салбартаа тэргүүлэгч “Apple” - ийн хувьд томоохон тэсрэлтүүдийг хийсэн гайхалтай он жил болж өнгөрлөө. Тэгвэл 2015 онд хүлээлт үүсгэсэн ямар ямар гэнэтийн бэлгээ задлахыг бид таашгүй ч “The Business Insider” сэтгүүлийнхний таамаглаж байгаагаар “Apple” - аас доорх сюрпризүүдийг хэрэглэгчиддээ барих ажээ.

 
Ухаалаг хэмээн онцолсон оны онцлох бугуйн цагныхаа загварыг “Apple” - аас өнгөрөгч есдүгээр сард танилцуулсан билээ. Тэгвэл зураг хэлбэрээр л харж байсан “Apple iWatch” ирэх оны хавар худалдаанд гарна. Технологийн вебсайтуудаар 2015 оны хоёрдугаар сарын 14-ний гэгээн хайрын баяраар худалдаанд гарах магадлалыг дэвшүүлсэн мэдээлэл олонтаа цацсан ч онлайн худалдаа, борлуулалт хариуцсан албаны дарга Анжела Арендсын хэлснээр 2015 оны хоёрдугаар сарын 19-нд худалдаанд гарах сурагтай байна.
“Apple”-аас шинээр танилцуулж, худалдаанд гаргаж буй бүтээгдэхүүн бүрт өөр өөрийн онцлогийг шингээсэн үйлдлийн систем дагалдаж гардаг уламжлалтай. Тэгвэл “iWatch” ухаалаг цаганд зориулсан шинэхэн үйлдлийн систем нь “iPhone” дээр ингэж харагддаг байна.
“Apple iWatch” худалдаанд гарахтай зэрэгцэн компаний уур амьсгалд ихээхэн өөрчлөлт орох бололтой. Шинээр гаргаж байгаа бүтээгдэхүүнийхээ загвар дизайн, чанар хийцийг дагаад дэлгүүрүүдийнхээ засал чимэглэлд ч гэсэн ихээхэн анхаарч эхэлж байгаа юм байна. Тэгэхээр магадгүй байгалийн цэвэр модоор дагнасан үзэсгэлэнгийн танхимтай болохыг үгүйсгэхгүй.
“Apple”- аас ирэх жил маш том хэмжээтэй “iPad” гаргах төлөвлөгөөтэй байна. Энэ “iPad” - ийг “iPad Pro” эсвэл “iPad Plus” гэсэн нэртэй байна гэж таамаглаж байгаа юм. Мөн түүнчлэн одоо байгаагаасаа илүү нимгэн загвартай “iPad Air 3” - ийг танилцуулахын зэрэгцээ 2015 оны намар “iPad Mini 4” - ийг худалдаанд гаргах магадлалтай байна. Мэдээж энэ нь одоогийнхоос илүү хурдан процессортой, нягтшил сайтай камертай байх болно.
Ухаалаг утасны зах зээлд шинээр “iPhone 6S” - ийг танилцуулах бөгөөд “iPhone 7” гартал дизайны хувьд ноцтой өөрчлөлт оруулахгүй байхаар шийджээ. “iPhone 6S” - ээс гадна 4 инчийн дэлгэцтэй “iPhone 6 Mini” загварыг танилцуулах тухай яриа гарчээ. Хэрэв тийм бол энэ нь “iPhone 5” болон өмнөх загваруудтай хэмжээний хувьд ижил боловч үзүүлэлтээр харьцангуй давуу байх болно.
Шинэ “iPhone” худалдаанд гарна гэдэг нь шинэ үйлдлийн системийг ч гэсэн хөгжүүлнэ гэсэн үг. Тэгэхээр “iOS9” удахгүй гарах нь байна.
“iMac” - ийн хувьд “OSX” үйлдлийн системийн өмнөх хувилбаруудад Калифорнийн Мэверикс, Йосемитийн байгалийн үзэсгэлэнт газруудыг дэлгэцийн зургаар сонгосон байдаг. Тэгвэл 2015 оны шинэ хувилбарт Шаста уулын зургийг оруулна гэдэгт итгэж байна.
“MacBook Air” - ийг “Retina” дэлгэцтэй болгож нягтшил, график үзүүлэлтүүдийг нь сайжруулж гаргах бол “MacBook Pro” нь одоогийнхоос харьцангуй нимгэн болно. Ингэснээрээ “MacBook Air” - тай ижил нимгэнтэй харагдах боловч хүчин чадлын хувьд илүү байх нь лав.
2014 онд “iMac” - ийн 27 инчийн дэлгэцтэй хувилбар нь маш өндөр нягтшилтай болж сайжирсан билээ. Тэгвэл ирэх 2015 онд 21.5 инчийн дэлгэцтэй “iMac” нь “Retina” дэлгэцтэй болно.
2015 онд “Apple” - ийн болон “Wi - Fi” - аар холбогддог бүхий л төхөөрөмж хэрэглэгчдэд үнэхээр тааламжтай жил байх болно. Одоогийн “iOS8” дээрх “HomeKit” апп нь орчны хэмийг тохируулагч термостат болон хаалганы цоожийг “Wi - Fi” - ын тусламжтайгаар онгойлгож түгжих боломжтой болох ажээ.
“Apple Pay” системийг шинэчилж ирэх жил “Apple Pay 2.0” хувилбарыг гаргана. Энэ мэтчилэн маш олон апп шинээр танилцуулагдах бөгөөд “iTunes” / “Beats Music” - ийн хамтын ажиллагааны хүрээнд олон сонирхолтой боломжууд бий болно.
Эцэст нь “Apple TV” - ийг 2012 оноос хойш огт шинэчилсэнгүй. Одоо цаг нь ирсэн байлгүй дээ.
Эх сурвалж: bunny.mn
Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • Улстөржилтөөс болж Улстөржилтөөс болж "The Hu" хамтлагийн хандивын тоглолт хойшиллоо“The Hu” хамтлаг энэ сарын 23-ны мягмар гаригт МҮОНРТ-ээр болон цахимаар бүрэн тоглолтоо хийхээр төлөвлөж, зараа хүртэл тараагаад байсан ч тоглолтоо цуцалжээ.Тэд “COVID-19”-ийн хорионд гадаадад гацаж, байгаад өнгөрсөн сард эх орондоо ирсэн. Ингээд сонгуулийн өмнөх өдөр хандивын тоглолт хийхээр төлөвлөөд байсан ч улс төрийн шалтгаанаас үүдэн цуцалсан байна.
  • “The Hu” хамтлаг УОК-т хандив өргөх онлайн тоглолтоо энэ сарын 23-нд хийнэ“The Hu” хамтлаг УОК-т хандив өргөх онлайн тоглолтоо энэ сарын 23-нд хийнэ“The Hu” хамтлаг УОК-т хандив өргөх онлайн тоглолтоо White Rock Center-т 2020 оны зургаадугаар сарын 23-ны мягмар гарагийн орой хийхээр болсон тухайгаа зарлалаа. Уг хандивын тоглолтыг “The HU” хамтлаг “Хүрээ энтертайнмент” ХХК-тай хамтран МҮОНРТ-ээр шууд дамжуулан хүргэх бөгөөд ивээн тэтгэгчээр Мобиком Корпораци, Хаан Банк ажиллахаар болжээ.
  • "Монгол соёл" онлайн тоглолтоор 102.952.147 төгрөгийн хандив, тусламж цуглажээДэлхийд гайхагдсан монгол соёлын өв тэр дундаа соёлын биет бус өвийн гайхам сайхныг нэгэн дор цогцлоох "Монгол өв соёлын цогцолбор" байгуулах төслийн хандивын аяны нээлтэд зориулсан монгол поп опера “Увертюра” хамтлаг болон язгуур урлагийн алдартай уран бүтээлчид, соёлын биет бус өвийн шилдэг өвлөн уламжлагчдын "Монгол соёл" онлайн тоглолт 06 дугаар сарын 01-нд 18:00 цагаас "ТВ8" телевизээр орон даяар шууд дамжуулагдсан билээ.
  • “Параллель” контемпорари үзэсгэлэн нээлтээ хийлээ“Параллель” контемпорари үзэсгэлэн нээлтээ хийлээДэлхий нийтийг түгшээгээд буй шинэ төрлийн Корона вирусийн /Ковид 19/ халдварын тархалтаас урьдчилан сэргийлэх зорилгоор Монгол Улсын Засгийн газар улс орон даяар онц байдал зарлан олон нийтийг хамарсан үйл ажиллагаа, мөн соёл урлагийн арга хэмжээг түр хугацаагаар зогсоосон байгаа билээ. Иймд МN17 Арт Галерейн санаачилгаар Засгийн газрын хэрэгжүүлэгч агентлаг Соёл, урлагийн газрын дэмжлэгтэйгээр Хүн Байгаль Хайр Эрх Чөлөө хөдөлгөөний уран бүтээлчидтэй хамтран “Параллель” контемпорари хамтарсан үзэсгэлэнгийн төслийг хэрэгжүүлж байна.
  • "Хурд" хамтлаг онлайн тоглолтоороо 246 сая төгрөгийн хандив цуглуулжээ “Хурд” хамтлаг олон улсын эмэгтэйчүүд ийн эрхийг хамгаалах өдрөөр буюу өнөөдөр /2020.03.08/ нийт эмэгтэйчүүддээ зориулж "Буцааж нэхэхгүй хайр" онлайн тоглолт зохион байгууллаа.
 Сүүлд нэмэгдсэн дуу