2015-05-29 06:28

НҮБ-ын элч дуучин Т.Ариунаа нярайн эрүүл мэндийн асуудалд анхаарна

                                                                                          гэрэл зургийг: MPA.mn

НҮБ-ын Хүүхдийн сангийн элч дуучин Т.Ариунаа дахин "За" гэв. Тодруулбал, Монгол дахь НҮБ-ын Хүүхдийн сан болон Монгол Улсын Гавьяат жүжигчин, тус сангийн Элч дуучин Т.Ариунаа нар хамтын ажиллагаагаа үргэлжлүүлэх тухай гэрээнд өнөөдөр гарын үсэг зурлаа.

Тэрбээр анх 2001 онд Монгол дахь НҮБ-ын Хүүхдийн сангийн Үндэсний элчээр томилогдож, АНУ-ын Нью-Йорк хотноо хүүхдийн эрхийн асуудлаар болсон НҮБ-ын тусгай чуулганд зориулсан гала тоглолт дээр "Нарны хаан хүүхэд" дуугаа дуулж байсан билээ.

Элчээр ажиллах болсноосоо хойш тэрбээр хүүхдийн төлөө олон үйл ажиллагааг санаачилж, манлайлан оролцсон юм. Тухайлбал хүүхдийн эрүүл аюулгүй орчинд аж төрөх, хөгжих, хамгаалуулах эрхийг хангах хэд хэдэн кампанит ажлуудад оролцож байсан. Тэр дундаа Хүүхдэд ээлтэй аймаг нэртэй хөдөлгөөнийг Хэнтий аймагт эхлүүлж байсан зэргийг дурдаж болно. Тэгвэл өнөөдөр НҮБ-ын Хүүхдийн сантай харилцаагаа албан ёсоор шинэ шатанд гарган үргэлжлүүлэх гэж байгаа бөгөөд ирэх хоёр жилийн хугацаанд хамтран ажиллах гэрээ байгуулж байгаа юм. Ирэх хоёр жилийн хугацаанд дуучин Т.Ариунаа нярайн эрүүл мэндийн асуудал дээр анхаарч ажиллах юм байна.

МУГЖ, дуучин Т.Ариунаа “Энэ бол миний хувьд нэр төрийн хэрэг. НҮБ-ын Хүүхдийн элчийн ажлаа шинэ шатанд үргэлжлүүлэх хийх гэж байгаадаа их баяртай байна. 2001 оноос эхлээд би НҮБ-ын Хүүхдийн сангийн элчийн ажлыг хийж ирсэн. Ингэхдээ голчлон нөлөөллийн ажлууд хийж байсан. Цаашдаа НҮБ-ын Хүүхдийн сан, Дэлхийн Хүүхдийн эрүүл мэндийн байгууллагатай бид хамтарч нярай хүүхдийн эндэгдлийг бууруулах тал дээр хамтран ажиллана. Учир нь нярай хүүхдэд нэн шаардлагатай тусламжийг сайжруулах, чанарыг сайжруулахад хуучин байсан арга барилаасаа салах хэрэгтэй болж байгаа юм байна. Ингэхдээ нярай хүүхдийн Анхны тэврэлт санаачлагыг хэрэгжүүлнэ” гэв. Харин НҮБ-ын Хүүхдийн сангийн Монгол дахь суурин төлөөлөгч Роберто Бэнес “Өнөөдөр бол бидний хувьд чухал өдөр. НҮБ-ын Хүүхдийн сан гэхээсээ илүү Монголын бүх хүүхдүүдэд чухал өдөр гэж хэлж болно. Учир нь манай Хүүхдийн сангийн зүгээс Монголын алдарт дуучин Т.Ариунаатай хамтын ажиллагаагаа шинэ шатанд гаргаж байна. Энэхүү харилцан ойлголцлын санамж бичигт гарын үсэг зурснаар харилцаагаа улам бүр бэхжүүлнэ” гэлээ.

“Анхны тэврэлт” аяны тухайд

Бүх төрсөн нярай хүүхдэд Анхны тэврэлт нэртэй тусламжийг үзүүлэх ёстой байдаг аж. Энэхүү арга нь төрөх үйл явцыг илүү хүнлэг, байгальд нь ойртуулж байгаа арга бөгөөд олон жилийн судалгааны үндсэнд бий болсон арга гэнэ. Анхны тэврэлт дотор дараах үндсэн дөрвөн дадал зуршлыг эрүүл мэндийн ажилтнууд хэрэгжүүлэх ёстой юм байна.

Үүнд: 1. Хуурайшуулах, малгай өмсгөх

2. Арьс-арьсаар шүргэлцүүлэх

3. Хүйг лугшилт зогссоны дараа хавчих, таслах

4. Хөхийг амлуулах Олон улсад хэрэгжиж байгаа энэ дадал, аргыг үндэсний хэмжээнд нэвтрүүлэхийн тулд эцэг эх, олон нийтэд мэдлэг мэдээлэл өгөх, сурталчлан таниулах нөлөөллийн ажилд дуучин Т.Ариунаа оролцох бөгөөд ингэснээр зөв дадлыг хэвшүүлж, олон нярайн эрүүл мэнд, цаашлаад амь насыг аврах боломжтой ажээ.

www.Urlag.mn 

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • Дуучин Б.Гүрбадамын “Дурлал шиг бүсгүй” тоглолт болноДуучин Б.Гүрбадамын “Дурлал шиг бүсгүй” тоглолт болноНийтийн дууны урлагт хоолойн цар хүрээгээрээ өөрийн гэсэн өвөрмөц өнгө аясыг бий болгож чадсан дуучин бол Баянмөнхийн Гүрбадам юм. Тэрээр “Өр зүрхний ээж” хэмээх энэрэл хайр, ухаарал шингэсэн дууг анх дуулж урлагт орж ирсэн бол “Дурлал шиг бүсгүй”, “Насанд олдсон хань” зэрэг хуучны сайхан дуунуудыг сэргээн дуулж, дахин амилуулж ард түмэнд танигдсан билээ. Түүний дуучин Э.Чулуунчимэгтэй хамтран дуулсан “Хайрт минь утсаа аваарай”, “Сайхан хань”, “Эрийн гурван наадам” дуучин Г.Энхнарантай “Ганцхан чамдаа”, дуучин Р.Болортуяатай “Учрлын уянга” зэрэг дуунууд нь сонсогчдийн хүртээл болж, фм радиогийн хит парадуудыг тэргүүлсээр байгаа билээ.
  • Улстөржилтөөс болж Улстөржилтөөс болж "The Hu" хамтлагийн хандивын тоглолт хойшиллоо“The Hu” хамтлаг энэ сарын 23-ны мягмар гаригт МҮОНРТ-ээр болон цахимаар бүрэн тоглолтоо хийхээр төлөвлөж, зараа хүртэл тараагаад байсан ч тоглолтоо цуцалжээ.Тэд “COVID-19”-ийн хорионд гадаадад гацаж, байгаад өнгөрсөн сард эх орондоо ирсэн. Ингээд сонгуулийн өмнөх өдөр хандивын тоглолт хийхээр төлөвлөөд байсан ч улс төрийн шалтгаанаас үүдэн цуцалсан байна.
  • “The Hu” хамтлаг УОК-т хандив өргөх онлайн тоглолтоо энэ сарын 23-нд хийнэ“The Hu” хамтлаг УОК-т хандив өргөх онлайн тоглолтоо энэ сарын 23-нд хийнэ“The Hu” хамтлаг УОК-т хандив өргөх онлайн тоглолтоо White Rock Center-т 2020 оны зургаадугаар сарын 23-ны мягмар гарагийн орой хийхээр болсон тухайгаа зарлалаа. Уг хандивын тоглолтыг “The HU” хамтлаг “Хүрээ энтертайнмент” ХХК-тай хамтран МҮОНРТ-ээр шууд дамжуулан хүргэх бөгөөд ивээн тэтгэгчээр Мобиком Корпораци, Хаан Банк ажиллахаар болжээ.
  • "Монгол соёл" онлайн тоглолтоор 102.952.147 төгрөгийн хандив, тусламж цуглажээДэлхийд гайхагдсан монгол соёлын өв тэр дундаа соёлын биет бус өвийн гайхам сайхныг нэгэн дор цогцлоох "Монгол өв соёлын цогцолбор" байгуулах төслийн хандивын аяны нээлтэд зориулсан монгол поп опера “Увертюра” хамтлаг болон язгуур урлагийн алдартай уран бүтээлчид, соёлын биет бус өвийн шилдэг өвлөн уламжлагчдын "Монгол соёл" онлайн тоглолт 06 дугаар сарын 01-нд 18:00 цагаас "ТВ8" телевизээр орон даяар шууд дамжуулагдсан билээ.
  • “Параллель” контемпорари үзэсгэлэн нээлтээ хийлээ“Параллель” контемпорари үзэсгэлэн нээлтээ хийлээДэлхий нийтийг түгшээгээд буй шинэ төрлийн Корона вирусийн /Ковид 19/ халдварын тархалтаас урьдчилан сэргийлэх зорилгоор Монгол Улсын Засгийн газар улс орон даяар онц байдал зарлан олон нийтийг хамарсан үйл ажиллагаа, мөн соёл урлагийн арга хэмжээг түр хугацаагаар зогсоосон байгаа билээ. Иймд МN17 Арт Галерейн санаачилгаар Засгийн газрын хэрэгжүүлэгч агентлаг Соёл, урлагийн газрын дэмжлэгтэйгээр Хүн Байгаль Хайр Эрх Чөлөө хөдөлгөөний уран бүтээлчидтэй хамтран “Параллель” контемпорари хамтарсан үзэсгэлэнгийн төслийг хэрэгжүүлж байна.
 Сүүлд нэмэгдсэн дуу