2016-02-01 14:03

“Хурд” хамтлаг 2015 онд амжилт бүтээлээр дүүрэн байжээ

    Монголын рок поп урлагийн амьд домог болсон “Хурд” хамтлаг өнгөрөгч 2015 онд амжилт бүтээлээр дүүрэн байсан тухай хамтлагийн цахим хуудастаа нийтлэжээ. Тэрбээр үнэнч фенүүдэд нь сонирхолтой байлгах үүднээс бүрэн эхээр нь нийтлэж байна.

Хурд 2015 товчхон:

2015 он Хурд хамтлагийн хувьд аялан тоглолтын жил болж өнгөрлөө. Оны эхээр 1-р сард ӨМӨЗО-ны Шилийн хотод туурга нэгт зон олондоо тоглолтоо өргөн барьсан нь энэ оны анхны тоглолтоор нэрлэгдэж байна.

Үүний дараачаар 1998 оноос хойш Улаанбаатар хотод жил болгон 3 сарын 8 нд буюу олон улсын эмэгтэйчүүдийн эрхийг хамгаалах өдрийг тохиолдуулан тасралтгүй зохиогдож ирсэн алдарт “Ханьдаа дуулъя” дууны нэрээр нэрлэгдсэн концертыг онцолж байна. Учир нь энэхүү тоглолт энэ жил “Инээмсэглэ бүсгүйчүүд” нэртэйгээр UB Palace ийн концертийн их танхимд 3000 үзэгчдийг хамарсан томоохон тоглолт болсон юм. Энэхүү тоглолт нь урд өмнө нь жижиг танхимд цөөн үзэгчдэд зориулагдан зохиогддог байсан бол энэ жил олон олон бүсгүйчүүдийгээ “инээмсэглүүлсэн” гэдгийг энд онцлон тэмдэглье.

 

Буурал тивээр...

2014 онд Хурд хамтлаг АНУ д суугаа Монголчууддаа айлчлан тоглосон бол энэ онд Ёвропын холбоо, Скандинавын хойгийн орнуудаар 4 дүгээр сарын 18-с 5 дугаар сарын 13 нд аялан тоглож, эхний тоглолтоо 18/04/2015 нд Турк улсын Истамбул хотоос эхлэн Скандинавын хойгт орших Швед улсын нийслэл Стокольм хотод 24,25/04/2015, Будант албионы Лондонд 26,27/04/2015, Франц улсын Ринниц хотод 01/05/2015, Швейцарь улсын Женев хотноо 02/05/2015, Белги улсын Антверпен хотод 03/05/2015, Герман улсын Франкфурт хотод 08/05/2015, Австри улсын Линц хот, Чех улсын нийслэл Прага хотод 09/05/2015, Холбооны бүгд найрамдах Герман улсын нийслэл Берлин хотод 11/05/2015 тус тус тоглолтоо толилуулж дээр дурдсан орнуудад амьдарч буй Монголчууддаа ая дуугаа өргөлөө.

5 дугаар сард ӨМӨЗО-юн Шинжаан уйгарын өөртөө засах орон, ӨМӨЗОын хотуудаар аялан тоглосон байна. Улаанбаатар хотод Irish garden задгай асарт 6 сарын 17нд богино хэмжээний тоглолт хийв. 7 сард ӨМӨЗО-ын Хөлөнбуйр, Хайлаарт тоглож элэг нэгт ахан дүүсдээ уран бүтээлээ хүргэжээ. Мөн 7 сард Сүхбаатар аймгийн төв Баруун урт хотод, мөн аймгийн Асгат сумын 90 жилийн ойд тоглолт хийв. 8 сард Дундговь аймгийн Мандалговь хотын 50 жилийн ойд, 9 дүгээр сарын 25 нд Улаанбаатар хотод V1VT club-д доргио нэгэн үдшийг үзэгч сонсогчидтойгоо хамт үдэв. Мөн сардаа Шивээ овоогийн уурхайн 25 жилийн ойн арга хэмжээнд тоглолтоо сонирхуулжээ.
11 сарын 14нд ӨМӨЗО-ны Хөх хотод бүрэн хэмжээний тоглолт, 12 сарын 5,6-нд Харанга хамтлагтай хамтарсан тоглолтыг 13 жилийн дараа Шилийн хотод толилуулжээ.

2016 онд Харанга&Хурд тоглолт төлөвлөгөөнд багтсан гэдгийг дуулгахад таатай байна.

Монгол тулгатны 100 дуунд “Эх орон” дуу оров.

Монгол дуу 4к төсөл, Юнител группын хамтарсан орчин цагийн болон сэтгэлд хоногшсон 100 дууг өвлүүлэн үлдээх зорилго бүхий уг төсөлд Хурд хамтлагийн Эх орон, /үг:МУСГЗ Х.Чилаажав, Ая МУУГЗ Д.Ганбаяр, МУГЖ Д.Отгонбаяр/ Цэргийн бодол /үг,ая: Д.[Ганболд]/ дуунууд багтаж Монголын хөгжмийн урлагийн түүхийн хуудаснаа алтан үеийн болон энэ цаг үеийн бусад шилдэг бүтээлүүдийн хамт тодоор бичигдсэнийг энэ оны бас нэгэн онцлох үйл явдлаар гарцаагүй нэрлэж байна.

2015 онд Урлаг урлагаа дэмжие төслийг санаачлав. Энэ төсөл нь аймгуудын театрын уран бүтээлчидтэй хамтарсан тоглолтыг хийж тоглолтын орлогыг тухайн аймгийн театрт хандивлаж, уран бүтээлийн санг нэмэгдүүлэх, хөдөө орон нутгийн театруудын бүтээлийн чанарыг сайжруулах зэрэгт ач холбогдол өгөх зорилготой юм. Тус төслийн хүрээнд Баянхонгор аймгийн ХДТ-тай хамтарсан тоглолтыг 4 дүгээр сард UB Palace-т хийсэн байна.

Хурд хамтлагийн хөдөлмөр зүтгэлийг төрөөс үнэлэв.

Хурд хамтлагийн хөгжимчин Д.Мөнхбатад урлагийн салбарт оруулсан хувь нэмэр, хичээл зүтгэлийг үнэлэн 2015 оны 6 дугаар сард Монгол улсын соёлын тэргүүний ажилтан цол тэмдгээр шагнажээ.

2015.12.28нд Монгол Улсын Ерөнхийлөгч Ц.Элбэгдорж Үндэсний тусгаар тогтнолоо сэргээн мандуулсны 104 жилийн ойг тохиолдуулан зарлиг гаргаж Хурд хамтлагийн ахлагч, хөгжимчин Д.Ганбаярыг Монгол улсын урлагийн гавъяат зүтгэлтэн цолоор шагнаж урамшуулсан нь хоёр он солигдох баярт мөчтэй зэрэгцэж улирч буй энэ оны онцлох үйл явдлын нэгд зүй ёсоор нэрлэгдэв. Тэрээр Хурд хамтлагийн 3 дахь гавъяатаар түүхэнд бичигдэж байгаа бөгөөд хамтлагийн ахлагч маань Монголын хөгжмийн урлагт 40 жил хоёргүй сэтгэлээр зүтгэж, өөрийн авъяас, ур чадвараа дайчилсаар яваа эрхэм билээ.

Монголын ирээдүйн төлөө.

Хурд хамтлаг 20 жилийн ойдоо зориулан гаргасан Алтан пянзыг дуудлага худалдаа явуулан орлогыг хүүхдийн эмчилгээний тоног төхөөрөмж шаардлагатай байгаа хөдөө орон нутгийн эмнэлэгүүдэд хандивлаж байсан. Тэгвэл өнгөрөн одож буй энэ онд ч энэ хөтөлбөр маань үргэлжлэн хэрэгжиж Ёвропын холбооны улсуудад хийгдсэн аялан тоглолтын үеэр Алтан пянз дуудлага худалдаа явагдсан гэдгийг энд онцлож байна. Хурд хамтлагийн тус Алтан пянзыг худалдан авсан сонсогч фенүүддээ онцгойлон талархал илэрхийлэхийн учир та бүхний бодит хөрөнгө оруулалт олон айлд элэг бүтэн амьдрал бэлэглэж байгаад оршиж байгаа юм. Сайн үйлс дэлгэрэх болтугай.

2015 оны Хурд хамтлагийн онцлох үйл явдлуудыг та бүхэндээ оны сүүлчийн өдөр тоймлон түүвэрлэлээ. Шинэ оны эхээр удаан дуншсаны эцэст “Нарлаг диваажин” цомог та бидний гар дээр ирэхэд бэлэн болсон гэдгийг дуулгахад баяртай байна. Энэ онд Hurd | Хурд хуудас маань мэдээ мэдээллээ цаг тухай бүрт оруулж, ирсэн асуултуудад цаг алдалгүй хариулт өгч мэдээ мэдээллээр хангаж ажиллалаа. Мөн “‪#‎Black ‪#‎Box” цомгийн давхардсан тоогоороо 180 дууны үгсийг notes хэсэгт байршуулсан бөгөөд албан ёсны энэ хуудаснаас зөв, үнэн бодит алдаагүй үгсийг харах буюу унших, татаж авах боломжтой юм.

#Хурд дараачийнхаа нэгэн ‪#‎ХУРДНЫ араанд залгагдлаа...
Та бүхэндээ шинэ оны мэнд хүргье. #Хурд ‪#‎ХУРДАЛНА АА!!! /Ахлагчийн үг/

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • Дуучин Б.Гүрбадамын “Дурлал шиг бүсгүй” тоглолт болноДуучин Б.Гүрбадамын “Дурлал шиг бүсгүй” тоглолт болноНийтийн дууны урлагт хоолойн цар хүрээгээрээ өөрийн гэсэн өвөрмөц өнгө аясыг бий болгож чадсан дуучин бол Баянмөнхийн Гүрбадам юм. Тэрээр “Өр зүрхний ээж” хэмээх энэрэл хайр, ухаарал шингэсэн дууг анх дуулж урлагт орж ирсэн бол “Дурлал шиг бүсгүй”, “Насанд олдсон хань” зэрэг хуучны сайхан дуунуудыг сэргээн дуулж, дахин амилуулж ард түмэнд танигдсан билээ. Түүний дуучин Э.Чулуунчимэгтэй хамтран дуулсан “Хайрт минь утсаа аваарай”, “Сайхан хань”, “Эрийн гурван наадам” дуучин Г.Энхнарантай “Ганцхан чамдаа”, дуучин Р.Болортуяатай “Учрлын уянга” зэрэг дуунууд нь сонсогчдийн хүртээл болж, фм радиогийн хит парадуудыг тэргүүлсээр байгаа билээ.
  • Улстөржилтөөс болж Улстөржилтөөс болж "The Hu" хамтлагийн хандивын тоглолт хойшиллоо“The Hu” хамтлаг энэ сарын 23-ны мягмар гаригт МҮОНРТ-ээр болон цахимаар бүрэн тоглолтоо хийхээр төлөвлөж, зараа хүртэл тараагаад байсан ч тоглолтоо цуцалжээ.Тэд “COVID-19”-ийн хорионд гадаадад гацаж, байгаад өнгөрсөн сард эх орондоо ирсэн. Ингээд сонгуулийн өмнөх өдөр хандивын тоглолт хийхээр төлөвлөөд байсан ч улс төрийн шалтгаанаас үүдэн цуцалсан байна.
  • “The Hu” хамтлаг УОК-т хандив өргөх онлайн тоглолтоо энэ сарын 23-нд хийнэ“The Hu” хамтлаг УОК-т хандив өргөх онлайн тоглолтоо энэ сарын 23-нд хийнэ“The Hu” хамтлаг УОК-т хандив өргөх онлайн тоглолтоо White Rock Center-т 2020 оны зургаадугаар сарын 23-ны мягмар гарагийн орой хийхээр болсон тухайгаа зарлалаа. Уг хандивын тоглолтыг “The HU” хамтлаг “Хүрээ энтертайнмент” ХХК-тай хамтран МҮОНРТ-ээр шууд дамжуулан хүргэх бөгөөд ивээн тэтгэгчээр Мобиком Корпораци, Хаан Банк ажиллахаар болжээ.
  • "Монгол соёл" онлайн тоглолтоор 102.952.147 төгрөгийн хандив, тусламж цуглажээДэлхийд гайхагдсан монгол соёлын өв тэр дундаа соёлын биет бус өвийн гайхам сайхныг нэгэн дор цогцлоох "Монгол өв соёлын цогцолбор" байгуулах төслийн хандивын аяны нээлтэд зориулсан монгол поп опера “Увертюра” хамтлаг болон язгуур урлагийн алдартай уран бүтээлчид, соёлын биет бус өвийн шилдэг өвлөн уламжлагчдын "Монгол соёл" онлайн тоглолт 06 дугаар сарын 01-нд 18:00 цагаас "ТВ8" телевизээр орон даяар шууд дамжуулагдсан билээ.
  • “Параллель” контемпорари үзэсгэлэн нээлтээ хийлээ“Параллель” контемпорари үзэсгэлэн нээлтээ хийлээДэлхий нийтийг түгшээгээд буй шинэ төрлийн Корона вирусийн /Ковид 19/ халдварын тархалтаас урьдчилан сэргийлэх зорилгоор Монгол Улсын Засгийн газар улс орон даяар онц байдал зарлан олон нийтийг хамарсан үйл ажиллагаа, мөн соёл урлагийн арга хэмжээг түр хугацаагаар зогсоосон байгаа билээ. Иймд МN17 Арт Галерейн санаачилгаар Засгийн газрын хэрэгжүүлэгч агентлаг Соёл, урлагийн газрын дэмжлэгтэйгээр Хүн Байгаль Хайр Эрх Чөлөө хөдөлгөөний уран бүтээлчидтэй хамтран “Параллель” контемпорари хамтарсан үзэсгэлэнгийн төслийг хэрэгжүүлж байна.
 Сүүлд нэмэгдсэн дуу