2016-04-18 02:31

Луут харшийн гүнж

Ясүнари Кавабата 
“Булшны минь чулууг эмэгтэй хүнээс өндөр хийж, түүнийг хүчээр тэврүүлэн чулуутай хамт далайд булшил.”
Аав нь уй гунигт автсан сүүлийн мөчид энэ үгсийг хэлээд өөд болжээ. Тиймээс л түүний хоёр хүү хамгийн дээд зэргийн хөшөөг босгуулахаар захиалсан байна. Тэрбээр залуу эхнэр болон түүний амрагийн гарт харгис хэрцгийгээр амь үрэгджээ. Анхны эхнэрийнх нь хүүхдүүд болох эдгээр хөвгүүд аавынхаа сүүлчийн хүслийг гүйцэлдүүлэхээр далайн дэргэдэх хавцал дээр булшны хөшөөг нь авчирч зогсоно. Яг л аавынх нь хэлснээр булшны чулуу нь тэдний дайсан болсон эмэгтэйгээс өндөр хийгджээ. Хэсэг чулуу хаднаас унахыг харах үнэхээр аймаар байлаа. Унасан чулуу улам жижиг болсоор сүүлдээ будаанаас ч томгүй харагдана. Тэдний дотор нь муухайрч эхлэхүйд тэд харахаа болив.

Чингээд хөвгүүд эмэгтэйн хувцсыг тайлан чулуунд өргөл өргөж, бүсгүйг хөшөөтэй уяах ёстой байлаа. Бүсгүй гар болон хөлөө хөшөөний эргэн тойронд ороов. Хөшөөг ирмэгээс унагахад яг л амьд юм шиг гаслах шиг болжээ. Дараа нь юу болсон гээч! Нүд ирмэхийн зуурт л өнөөх хөшөө хадны дунд хэсэгт хүрээд зогсох шиг болов. Нөгөө хөшөө нуруун дээрээ эмэгтэйг тавьсан чигтээ цасан дээрхи чарга шиг л хөнгөхөн гулсаж, далайд унахын даваан дээр бяцхан завь болон хувирч, тэнгэрийн хаяа өөд нисэн дүүлжээ. Үүнийг харсан хөвгүүд “Аав аа, биднийг уучлаарай” хэмээн хашгиралдаж, бие биедээ наалдсан чигтээ газар уналаа. Бүсгүйн дурлалт залуу хадны ирмэг рүү гүйв. Завь агаарт замхран хурдлахуйд ямар ч энгийн завь түүнийг барьж чадахааргүй болжээ. Залуу үхсэн нөхрийнх нь булш руу гүйн хөшөөний суурь чулууг хавцалд авчрав. Түүнийгээ барьсаар тэр далай руу хүчтэйхэн үсэрчээ. Яг тэр мөчид булшны чулуу дахин тэнгэрийн хаяа руу хурдлах завь болон хувирч гэнэ. Завь бүсгүйн завийг түрүүлж, хайртай хосууд бие биетэйгээ учрав.

- Одоо бид түүнд талархах хэрэгтэй.  
- Үгүй ээ, миний нөхөрт бид талархаж болохгүй. Хэрэв чи зүрхэндээ жаахан ч гэсэн талархах сэтгэл мэдрэх л юм бол чиний завь буцаад л булшны чулуу болон хувирна.
Бүсгүй энэ үгээ хэлж дуусаагүй байтал залуугийн завь буцаад булшны чулуу болон хувирч, түүнийг аваад далайн гүнд живжээ. Үүнийг харсан бүсгүй “Өө, завь минь. Чулуу болон хувирч хайртын минь араас далайн гүн рүү живээч!” хэмээн хэлэхүйд хөшөөг тэвэрсэн нүцгэн эмэгтэй лусын дагина шиг л далайн гүн рүү шумбан орлоо. Гэвч ганцаар живэх ёстой байсан тэр л залуу дээш гарч ирээд “Булшны чулуу минь, завь болон хувирч миний хайртын араас хөвөн нисээч” хэмээн дуудахуйд өөрийг нь егүүтгэсэн залуугийн хүсэлтийг биелүүлэн булшны чулуу залууг аван дээшилж эхэлжээ. 

Дараа нь юу болсон гэж санана аа. Хайртай хосууд далайд зөржээ. Бүсгүй живж, залуу дээш хөөрөн ниссэн байлаа. Ингээд бүсгүй ганцаар далайн гүнд живсэн хэдий ч Луут цайзын гүнж болон хувирсан гэлцдэг. 
Бүсгүй энэ үлгэрийг ярихад надад тэр өөрийгөө л хайрын золиос болгожээ гэх бодол төрсөн юм. Үнэндээ тэр хайрттайгаа л далайн гүнд живсэн. Эрэгтэй нь үхсэн. Харин хуурч мэхэлсэн нөхрөө тэврэн уйлах тэр мөчид бүсгүй ахин амилсан ажээ. Дараа нь би түүнтэй таарахад тэрбээр “Энэ яг л үлгэр шиг зүйл байсан. Бүх төгсгөл ижил!” гэж билээ.

Эх сурвалж www.wikimon.mn 

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • МУГЖ Г.Ариунбаатар МУГЖ Г.Ариунбаатар "Би Монгол" тоглолтоо хийнэДэлхийн сонгодог урлагийн тайзнаа “Монголын баритон” нэрээр алдаршсан П.И.Чайковскийн нэрэмжит олон улсын мэргэжлийн дуурийн дуулаачдын XV уралдааны шилдэг эрэгтэй дуучин, "Чингис хаан" одонт, Монгол Улсын Гавьяат жүжигчин Г.Ариунбаатар эх орондоо зохион байгуулах "Би Монгол" тоглолтынхоо товыг зарлалаа.
  • Үндэсний урлагийн их театрын 70 жилийн ой тохиож байнаҮндэсний урлагийн их театрын 70 жилийн ой тохиож байнаҮндэсний урлагийн их театрын 70 жилийн ой энэ жил тохиож буй. Ойн хүрээнд баримтат кино, кино концерт, түүхэн ном бүтээж, цуврал тоглолт хийхээр төлөвлөж байгаа талаар уран бүтээлчид нь мэдээлэл хийлээ.
  • Д.Отгонжаргал фэнүүдээ Д.Отгонжаргал фэнүүдээ "Хун галуу"-ны эгшиглэнт ертөнцөөр аялуулнаДуучин Д.Отгонжаргал гэхээр Миний ээж тэмээчин, Хайрлахын жаргал, Хун галуу гээд хүн бүрт өөр өөрийн танил, дотно дуунууд санаанд бууна. Ийм сайхан бүтээлүүдийн эзэн, уянгат сайхан хоолойгоороо сонсогчдынхоо зүрх сэтгэлийг нэвт эзэмдэж чаддаг энэ уран бүтээлч маань төр, түмнээсээ "Монгол Улсын Соёлын тэргүүний ажилтан" хэмээх эрхэм алдрыг хүртсэн нь саяхан.
  • С.Жавхлан гавьяатын тоглолт ҮЗЭГЧДИЙН ХҮСЭЛТЭЭР дахин товлогдлооС.Жавхлан гавьяатын тоглолт ҮЗЭГЧДИЙН ХҮСЭЛТЭЭР дахин товлогдлооС.Жавхлангийн дууг мэдэхгүй хүн гэж үгүй. Найман настай балчраас наян настай буурай хүртэл даган дуулж, уяран хайлж байна. Түүний дуунууд одоо ч хуучнаараа, сонсох бүрийд дотнохон. УИХ-ын гишүүн болоод урлагийн алтан тайз, үзэгч, сонсогч фэнүүдээсээ хэсэг хугацаанд хөндийрөөд байсан Гавьяат жүжигчин С.Жавхлан тайзнаа иргэн ирлээ. Тэрээр ард түмэнтэйгээ тайзан дээрээс энэ өдрүүдэд мэндчилж байна.
  • “МОРИН ХУУР- 33” шилдэг дууны концерт болно“МОРИН ХУУР- 33” шилдэг дууны концерт болноМонгол Улсын Соёлын яам, Засгийн газрын хэрэгжүүлэгч агентлаг Соёл, урлагийн газар, Монголын Хөгжмийн Зохиолчдын холбоо, Монгол Улсын Филармони хамтран “БҮХ НИЙТИЙН ХӨГЖМИЙН БАЯР 2020” арга хэмжээг 2020 оны аравдугаар сарын 05-ны өдрөөс арваннэгдүгээр сарын 15-ны өдрийг хүртэлх хугацаанд улсын хэмжээнд зохион байгуулж байна.
 Сүүлд нэмэгдсэн дуу