2016-07-20 03:54

Найз минь... /Шүлэг/

Хорчины үгэнд итгэчихээд
Хөөрхөн найз минь надад гомдсон аж.
Сайхан нөхөрлөлд хорсож хийссэн нь
Сажилж хийсээд чихэнд нь сонордож.
....Даан ч яав даа хэмээн гоморхон
Дараа уулзая гэж цааргална
Харин би байж сууж чадахгүй нь
Хувираа үгүй сэтгэл чамайг нэхнэ.
....Өчигдөр танилцсан биш ээ
Өвөр түрийндээ нөхөрлөлөөр дулаацсан
Өрөөл бусдын сиймхий ч үл багтах
Үнэнч андын үнэнд тунасан сайн найз минь.
.....Утас чагнаж нилээн хүлээлээ
Унтах бүртээ гэмээ шүүлээ.
Хэлсэн үг хийсэн үйлдэл үгүй
Хэн нэгний хор мундаг найрагдaж.
.....За ямар ч гэсэн найз нь чамайг санаад
Завгүй гэж хэлэхийг мэдэх юм чинь
Харилцуураа шүүрэх гэж яарсангүй
Хаалганы чинь гадаа чамайг хүлээнээ.
.....Итгэл гэдэг хамгийн нандин
Сэтгэл гэдэг төчнөөн ариун
Хийгээгүй үйлдэлдээ яллагдмааргүй
Хэлээгүй үгэндээ хэлмэгдмээргүй....
.....Хэдхэн мөчид намайг сонсоорой
Хиймэл баг бус үнэн төрхөнд минь итгэ.
Гомдлын нулимсыг нь ажиглаарай
Ганц чиний найз гэдэгт бүү эргэлз..
.....Ингээд хоёр тийшээ болвол
Эгдүүцэн баярлах нь олон
Инээд хөөрөөр хөтлөлцөн алхахад
Эc буc хороор хачирлахад нэмэргүйг мэднэ.
.....Хүний басааг бялхаагaaд хэрэггүй ээ
Хийссэн үгийг салхинд даатгаа.
Миний сэтгэлийг чи л мэддэг хойно
Найзын гомдол шаналалаа наддаа л тайл.
.....Ойлгосонд баярлалаа найз минь
Одоо л нэг сэтгэл цэлмэлээ
Ойрын өдрүүдэд ямар их шаналсан
Оргүйг нөхөж найзаараа үлдсэнд баярлалаа.
.....Чамдаа хайртай шүү найз минь
Чадал тэнхээ буйд бүгдийг зориулахад бэлэн.
Замбуулин хорвоод андын журам хамгийн эрхэм
Зуу татчихъя найз минь итгэл xopшинo гоё доo,гоё.....
........С.Амина

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • "The Hu" хамтлагийн аялан тоглолтын тасалбар дуусчээМонголын “The Hu” хамтлаг 2020 оны Европ тивийн аялан тоглолтоо нэгдүгээр сарын 15-наас эхлүүлээд буй. Тэдний эхний тоглолт ХБНГУ-ын Хамбург хотоос эхэлсэн. Хамтлагийн энэ удаагийн аялан тоглолтын тасалбар тун эрэлттэй байгаа бөгөөд худалдаанд гарсан даруйдаа дуусчээ.
  • "Анд" цуврал контент үзэгчдийн хүртээл болж эхэллээ
  • Анна Каренина амилахад 40 хоног үлдлээАнна Каренина амилахад 40 хоног үлдлээДэлхийн сонгодог роман болох Оросын нэрт зохиолч Л.Н.Толстойн "Анна Каренина"-г Монголд анх удаа театрын жүжиг болгон тавих гэж байгаа талаар бид өмнө нь мэдээлсэн. Үзэгчдийн дунд хүлээлт үүсгээд байгаа тус жүжиг Улсын драмын эрдмийн театрын тайзнаа тавигдахад 40 хоног үлдээд байна. Зуу гаруй жил дамнан уншигдсан “Анна Каренина” романыг Н.Пүрэвдагва жүжгийн зохиол болгон бичсэн бөгөөд жүжгийн ерөнхий найруулагчаар Н.Наранбаатар, ерөнхий зураачаар Т.Ганхуяг нар ажиллах юм.
  • Энэ оны эхний жүжиг “Надтай үлдээч”Энэ оны эхний жүжиг “Надтай үлдээч”Улсын драмын эрдмийн театр /УДЭТ/-ын уран бүтээлчид 2020 оны уран бүтээлийн салхиа “Надтай үлдээч” жүжгээр хагалж байна. Өнгөрсөн жил нээлтээ хийсэн тус жүжгийг энэ сарын 18, 19, 25, 26-нд 18.00 цагт тоглох аж.
  • "Хун цагаан хайр"-ын дууч Л.БОЛДБААТАРЫН "Түмэндээ өргөх дуунууд"“1992 оны намар сан. Аав минь намаржин будаанд явж олсон цалингаараа надад магнитифон аваад өгчихөж билээ. Ээж минь ширүүхэн буусан боловч тэгсхийгээд зөөлөрсөн сөн. Хүүгээ дуу, хөгжимд дурлуулж, хөгжүүлэх гэсэн аав, ээж хоёрын минь сэтгэл агуу байж” гэж түүнийг хэлэхэд аньсага нь мэлмэрээд ирэх. Бүх ард түмний урлагийн үзлэгээс алтан медаль авч урам зориг авснаас хойш урлагийн гавьяат жүжигчин болтлоо дуу, хөгжмөөсөө тэр урвасангүй. Зөөлөн тослог хоолой, аргадаж учирласан өнгө, сэтгэл сэмлэсэн бүлээн салхи шиг түүний дуунууд ард түмний сэтгэлд хэдийн хоногшжээ.
 Сүүлд нэмэгдсэн дуу