2012-04-10 10:37

Гариг ертөнц

Дэмбэ дээвэр
Хамба хаяатай
                                                   /Тэнгэр/

Хайлан торгыг
Хайчилж болохгүй
                                                   /Тэнгэр/

Хөх торгонд
Хүрч болдоггүй
Хар торгонд
Хавьтаж болдоггүй
                                                   /Тэнгэр/

Хөх торгыг
Хөвж гүйцэхгүй
                                                   /Тэнгэр/

Энгүй торго
Эрээн торго
Захгүй торго
Задгай торго
                                                    /Тэнгэр/

Энгүй хот
Тэнгүй хөх
Тэр юу вэ?
                                                    /Тэнгэр/

Аавын хөнжлийг алдалж болохгүй
Ээжийн уужийг эвхэж болохгүй
                                                   /Тэнгэр, газар/

Алтай, Хангайн ард гэнэ
Арван түмэн адуу гэнэ
Цойлсон долоо гэнэ
Цугласан зургаа гэнэ
Цуварсан гурав гэнэ
Хар цагааныг ялгасан хоёр гэнэ
Хаягдаж хоцорсон нэг гэнэ
             /тэнгэр, од, долоон бурхан, мичид, марал, сар, нар, үүрийн цолмон/

Алтай, хангайн ард
Арван түмэн адуу гэнэ
Тоог нь авсан долоо гэнэ
Хар цагааныг ялгасан нь хоёр гэнэ
Хаягдсан нь нэг гэнэ
                       /Тэнгэр, од, долоон бурхан, мичид, сар, нар, үүрийн цолмон/

Хувилбар: Алтай хангайн ард
Арван түмэн адуу гэнэ
Товчилсон нь гурав гэнэ
Хайчин энтэй хоёр гэнэ
                                                  /тэнгэр, марал, чоно хоёр од/

Биздийн торгон дээл
Битүү мөнгөн товчтой
                                                  /тэнгэр од/

Биндэрьяа хүү
Битүү мөнгөн товчтой
Алтан мөнгөн
Хоёр тээгтэй
                                                   /тэнгэр, од, нар, сар/

Далай даян хаан
Далан живаа хоньтой
                                                   /тэнгэр, од/

Жин торго захгүй
Жижиг сувд нүхгүй
                                                   /тэнгэр, од/

Хувилбар: Хамба торго хээгүй
Ханчин сувд нүхгүй
                                                    /тэнгэр од/

Захгүй торгон дээр
Замбараагүй сувд
                                                    /тэнгэр од/

Зэс тогоо захгүй
Жижиг сувд нүхгүй
                                                    /тэнгэр од/

Ирэг, сэрхийн арьс
Эн чацуу
                                                    /тэнгэр, газар/

Хувилбар: Эрээ, сэрээ хоёрын
Эн чацуу
                                                    /тэнгэр, газар/

Иргийн гүзээ үсгүй
Сэрхийн гүзээ үстэй
                                                   /тэнгэр, газар/

Их хөх ишгэнд
Ирвэс барсын арьс тохоотой 
                                                   /үүлтэй, тэнгэр/

Нэгэн оёдолт хөх торгон шүхэр
Нийгэм цацрагч гэгээн сувдан эрих
Нийтийг гийгүүлэгч хас эрдэнэ толь
Нисэн дэгдэгч улаан алтан бөмбөг
                                                     /тэнгэр, од, сар, нар/

Хувилбар: Нэгэн гүйдэлтэй хөх торгон шүхэр
Нийлэн тарагч олон цагаан адуу
Нисэн довтлогч хос алтан луу
Нимгэн хөнгөн мяндсаар хувцаслагч
                                                      /тэнгэр, од, нар, сар,агаар/

Огт үл ширгэх тунамал сайхан далай
Осолдож үл хожимдох алтан мөнгөн загас
Олныг баясуулагч үзэсгэлэнт шар навч
Оршилгүй нисэгч олон цагаан галуу
                                                        /тэнгэр, нар, сар, гариг, од/

Тойрч болдоггүй нутагтай
Тоолж болдоггүй торомтой
Тахир цагаан ингэтэй
Тарган шар бууртай
                                                         /тэнгэр,од,сар, нар/

Том хөх аяга
Тоогүй олон хээтэй
                                                          /тэнгэр, од/

Төв төгрөгөн хот
Түмэн цагаан цэрэг
Дун цагаан тольтой
Долоон их жанжинтай
Гурван бойдаа дагаж
Гулгуур занги нэхнэ
                                                     /тэнгэр,од сар,долоон бурхан,марал,цолмон/

Төмөр авдар
Түмэн хадаастай 
                                                   /тэнгэр, од/

Хувилбар: Төмөр тогоо
Түмэн хадаастай
                                                    /тэнгэр, од/

Төрийн хөх буханд
Түмэн цэцэг ачаад
Даваа тангад хөтлөөд
Нямаа чавганц гилнэ
                                                     /тэнгэр,од, сар,нар/

Хувилбар: Түмтийн хөх буханд
Түмэн цэцэг ачаад
Даваа өвгөн хөтлөнө
Мягмар өвгөн тууна
                                                      /тэнгэр,од,сар, нар/

Хувилбар: Хөх буханд
Түмэн цэцэг ачиж
Хар хүү хөтөлж
Шар хүү тууна
                                                      /тэнгэр,од, сар, нар/

Туг нум
Тугалган хөвчтэй
Бар арслан
Хоёр тээгтэй
                                                      /тэнгэрийн заадас, нар, сар/

Урт хүн
Орой дээгүүр алдлав 
                                                                                               /тэнгэрийн заадал/

Хувилбар: Урт хүн
Орон дээгүүр алхав 
                                                                                               /тэнгэрийн заадал/

Уужим их тал
Олон түмэн адуу
Орь ганц харуулчин
Төгрөг их толгойтой
Төрсөн бие байхгүй 
                                                                                                    /тэнгэр, од, сар/

Хар торго хаваасгүй
Шар торго шаглаасгүй
                                                                                                       /тэнгэр, газар/

Хилэн торго энгүй
Хэсэг мах өөхгүй 
                                                                                                            /тэнгэр, од/

Хөх малгай
Хөвөн нөхөөстэй 
                                                                                                          /тэнгэр, үүл/

Хөх тогоо
Молор эмжээртэй
                                                                                                   /тэнгэр, солонго/

Хөх торгон дээл
Цагаан цэцгэн хээтэй 
                                                                                                             /тэнгэр, од/

Хөх торгыг
Хөшиж болдоггүй
Шар торгыг
Шаглаж болдоггүй
Хар торгыг
Хайчилж болдоггүй
                                                              /тэнгэр, газар, ус/

Хэмгүй уудамд
Тоогүй хонидыг
Эвэрт хоньчин хариулна
                                                              /тэнгэр, од, шинэ сар/

Хээр бор азаргатай
Хилэн сайхан гүүтэй
Асрай бор даагатай
Алтан цэцэг унагатай
                                                              /тэнгэр,газар,сар,нар/

Цагаан тэмээ
Таж нэмнээтэй
                                                              /тэнгэр, үүл/

Цал буурал өвгөн
Нэг нүдээрээ шөнө харна
Нэг нүдээрээ өдөр харна 
                                                              /тэнгэр,нар,сар/

Цэнхэр арсланд
Сэмж ачаална
                                                              /тэнгэр үүлших/

Энгүй захгүй торго
Тоогүй, тоймгүй сувд
                                                              /тэнгэр, од/

Энт торгыг эвхэж болохгүй
Мөнгөн сувдыг хэлхэж болохгүй 
                                                              /тэнгэр, од/

Эрдэнийн хөх үхэр
Эрээн магнаг тохомтой 
                                                              /тэнгэр,түүний заадал/

Эрэггүй далай
Эзэнгүй ямаад
                                                              /тэнгэр ,од/

Эрэггүй далай
Эхгүй өндөг
Эргүй басган
                                                               /тэнгэр, од, сар/

Нэг оёдолт хөх торгон шүхэр
Нийгмээр сүрэглэн гүйх гэгээн сувд
Нисэн довтлох хас эрдэнийн бөмбөрцөг
Нийлүүлээд шинжвэл миний нойр хүрнэ
                                                               /тэнгэр,од, шөнө болох/

Үүлэн хөх моринд
Элдвийн ном ачаалаад
Санж өвгөн хөтлөөд
Самдан чавганц гилээд явна
                                                               /Тэнгэр од түгэж, сар, нар мандах/

Алаг морь аргамжаатай
Аргамжийн үзүүр нь гэрт
                                                               /нар, түүний туяа/

Алгын чинээ галнаас
Амьтан бүхэн хөлчинө
                                                              /нар/

Алтан аргамжийг
Эвхэж ядав
                                                              /нарны туяа/

Алтан өндөг
Агаараар өнхөрнө
                                                              /нар/

Алтан толь нь халуун
Мөнгөн толь нь хүйтэн 
                                                            /нар, сар/

Агт нь гадаа
Аргамж нь гэрт
                                                            /нар, түүний туяа/

Хувилбар: Алтан шарга гадаа
Аргамжийн үзүүр дотор
                                                            /нар, түүний туяа/

Хувилбар: Ороо шаргал гадаа
Уургын үзүүр нь гэрт
                                                             /нар, түүний туяа/

Ноёны хөлөг гадаа
Ногтны үзүүр гэрт
                                                             /нар, түүний туяа/

Алтан шарга морь
Аргамжаагаа чирнэ
                                                            /нар, түүний туяа/

Амьтныг гийгүүлэгч
Алтан өнгөт
                                                             /нар/

Арвай хээр азаргатай
Тарвай хээгч гүүтэй
Агар зандан сарваатай
Алтан цэцэг унагатай
                                                             /нар, сар, газар, ургамал/

Аягын чинээ өөхөнд
Амьтан бүхэн шамдана
                                                                /нар/

Хувилбар: Шагайн чинээн тосонд
Хамаг амьтан шандана
                                                                /нар/

Хувилбар: Бүлхийн чинээ өөхөнд
Бүх л хот шандана
                                                                /нар/

Буур нь гадаа
Бурантаг нь дотор
                                                                /нар, түүний туяа/

Гайхамшигт их биетэй
Газарт хүрэм дэлтэй
                                                               /Нар, түүний туяа/

Гуулин шарыг харж болохгүй
Гуриа цагааныг барьж болохгүй
                                                              /нар, сар/

Дээр дэншиг шиг
Дэн ууланд гарсан юм шиг
Гуулин морь унасан юм шиг
Гурван ертөнцийг харсан юм шиг
                                                             /нар/

Завагт зандан цөгц
Мөсөнд мөнгөн цөгц
                                                             /нар, сар/

Мөсөн дээр
Мөнгөн аяга
Цасан дээр
Шаазан аяга
                                                            /нар, сар/

Хувилбар: Мөсөн дээр
Мөнгөн аяга
Авдран дээр
Алтан аяга
                                                          /нар, сар/

Мэлмэрэх мөнгөн товч
Тунирах улаан залаа
                                                          /нар, түүний туяа/

Энд үгүй гууль
Эзэнд үгүй гууль
Төө гууль
Төгрөг гууль
                                                             /нар/

Хувилбар: Энд үгүй гууль
Эрдэнэ зууд үгүй гууль
Манайд үгүй гууль
Манзширд үгүй гууль
                                                             /нар/

Төрсөн бие тэнгэрт
Тулсан таяг газарт
                                                            /нар, түүний туяа/

Тэртээ цэнхэр далайд
Алтан хүү мишээнэ
Тэр хүүгийн мишээлт
Тив дэлхийг гийгүүлнэ
                                                            /нар/

Тээр тэнд
Тэнүүн хавар
                                                            /нар/

Усан дээр
Уран толь
                                                             /нар/

Уулын цаанаас
Улаан гал
                                                             /нар/

Хотын их байшинд
Хоёр сайхан шагайвар
                                                             /нар, сар/

Хүрч болдоггүй
Хүрэл, үрэл хоёр
                                                              /нар, сар/

Алтан хаалга хааж
Мөнгөн хаалга нээгээд
Мянган зул асаав
                                                              /нар шингэж, сар мандаж, од түгэх/

Алтан хаалга хаалттай
Мөнгөн хаалга нээлттэй
Мөнгөн хаалгаар
Мөнгөтэй адуу цувна
                                                            /нар жаргаж, сар гарч, од түгэх/     

Банчин богд морилоод ирэхэд
Бадмаанямбуу зугатаад одлоо
                                                           /нар гарч, сар шингэх/

Дам газраас гараад
Дамжуу газар очно
                                                           /нар мандаж жаргах/

Зүүн хаалгар ороод
Баруун хаалгаар гарна
                                                            /нар мандаж, жаргах/

Зүүнтэйгээс
Зүтгэсээр ирэв
Унтсан хүнийг
Босгосоор ирэв
Үгээгүй хүнийг
Баяжуулсаар ирэв
                                                            /нар мандах/

Үйтийн холоос
Үнэгийн чих бултайна
                                                            /нар гарах/

Хааны бухыг ирэхлээр
Зааны адуу үргэж гэнэ
                                                           /нар гарч, од замхрах/

Шар нохой
Шагаавраар бултайх
                                                           /нар тусах/

Ариун хээр
Алтан шанага
                                                            /сар/

Гангаа мөрний эрэг дээр
Ганц цагаан шувуу сууна
                                                             /сар/

Дэрэн дээр
Дэншиг
                                                             /сарны тусгал/

Завагт
Зандан цөгц
                                                             /сарны гэрэл/

Мөсөн дээр
Мөнгөн аяга
                                                             /сар/

Хувилбар: Мөсөн дээр
Мөнгөн хундага
                                                             /сар/

Хувилбар: Мөсөн дээр
Мөнгөн цөгц
                                                             /сар/

Оршилгүй явдаг
Нэгэн цагаан шувуу
Осолдолгүй явдаг
Нэгэн алтан загас
                                                            /сар, нар/

Өрхөн дээр
Өрөөл талх 
                                                             /сар/

Хувилбар: Булан дээр
Болсон талх
                                                              /сар/

Өсөх насандаа
Цээжээ иддэг
Өтлөх насандаа
Бөгсөө иддэг
                                                               /сарны шинэ, хууч/

Өсөхдөө өвчүүгүй
Өтлөхдөө нуруугүй
                                                             /сарны шинэ, хууч/

Түмэн хонь
Бэлчээд явчихад
Түнтгэр хуц нь
Унтаад хоцорно
                                                              /од, сар/

Тэнгэр дээр
Тэх, хуц хоёр
                                                              /сар, нар/

Ум мааниа унав
Умаа хумааханаа сундлав
Юмаа гэлэнг хөтлөв
Даваа багш нь туув
                                                               /сар, од, нар/

Хоттой хонинд
Хоёр дээрэмхий
                                                              /сар, нар/

Хяр дээгүүр
Хялайдаг хуц
Буйр дээгүүр
Бултайдаг хуц
                                                               /сар/

Хээр хэлтгий шанага
Голд гуулин шанага
                                                              /сар, нар/

Хувилбар: Голд
Гуулин шанага
                                                              /сар/

Эхлэхдээ ирт зэвсэг шиг годгор
Тэнхрэхдээ гуулин толь шиг гялгар
Барагдахдаа бугын эвэр шиг махгир
                                                               /сар/

Далангийн чулуу
Далдгас гэхэд
Булангийн чулуу
Бултгас гэнэ
                                                               /Сар шингэж нар мандах/

Зүүн хажуугаасаа үүснэ
Баруун хажуугаасаа барагдана
                                                              /сар хуучрах/

Тоодог шувуу тонгос
Тогос шувуу мэлтэс
                                                             /сар орж, нар гарах/

Хадны цаанаас
Халзан хуц цухуйв
                                                             /Сар гарах/

Далан шувууны өдийг
Далдгай бухандаа ачаад
Авид бурхан дагуулаад
Аюуш бурхан тууна 
                                                             /Од, тэнгэр, сар, нэр/

Жарав жарав жараахай
Жаран алд гялаахай
                                                             /од/

Жигд шүр нүхгүй
Жин торго захгүй
                                                             /од, тэнгэр/

Мөсөн дээрх
Мөнгийг тоолж ядав
                                                             /од/

Мянган хонинд
Мэлзэн хуц
                                                             /од, сар/

Хувилбар: Мянган цагаан хонины дотор
Малигар цагаан хуц 
                                                             /од, сар/

Хувилбар: Түмэн хонины дунд
Түнтгэр цагаан хуц
                                                              /од, сар/

Өрхөн дээр
Өөхөн цөвдөл
                                                             /од/

Хувилбар: Өрхөн дээр
Өмбөө цөмбөө
                                                            /од/

Тов тов цоохор
Тоолшгүй цоохор
Бар бар цоохор
Барьшгүй цоохор
                                                           /одтой тэнгэр/

Тоогүй олон торомтой
Тоодгор цагаан ингэ
                                                           /од, сар/

Хувилбар: Тоолж баршгүй тором
Толь манхин буур
                                                           /од, сар/

Тооной баяны адуу
Тоолж боломгүй олон ч
Зун болохоор цөөрч
Намар болохоор олширно
                                                            /од/

Тотгон дээр
Догшин үйрмэг
                                                            /од/

Түмэн хонь бэлчээд явчихад
Түнтгэр улаан төлөг хэвтээд хоцорно
                                                            /од, үүрийн цолмон/

Үдэш ургасан цэцэг
Өглөө босоход хагдарна
                                                            /од/

Үелэнгийн толгой дээр
Үй түмэн цэцэг
                                                            /од/

Хавтага дүүрэн мөнгөнд
Хачин том шижир
                                                              /од, сар/

Ховтоор дүүрэн шагай
Хоёр сайхан ахдай
                                                             /од, нар, сар/

Хормойгоор нэгэн шагайнд
Хоёр хорголжтой цах
                                                             /од, нар, сар/

Хороогоор дүүрэн хонинд
Хув шар хуц ганцаараа
                                                             /од, сар/

Хувилбар: Хороо хонин дотор
Хотгор мөнгөн хуц
                                                              /од, сар/

Хормой дүүрэн шагайн дотор
Хоёр мөнгөн аргай
                                                              /од, нар, сар/

Хэлхэшгүй шүр
Эвхэшгүй торго
                                                              /од, тэнгэр/

Эцгийн мөнгийг тоолж барж ядав
Эхийн эсгийг эвхэж барж ядав
                                                               /од, цас/

Ээжийн өгсөн сувдыг хэлхэж болдоггүй
Аавын өгсөн торгыг эвхэж болдоггүй
                                                               /од, тэнгэр/

Адуун үргэж
Амбан үүдээ сахижээ
                                                              /од замхарч, сар хээр хонох/

Барагчны адуу
Баруун тийшээ бэлчинэ
                                                               /од шуугдах/

Хар морь гүйвэл
Хязгаартаа тултал
Хангайн адуу үргэвэл
Хэмжээндээ хүртэл
                                                                /од харвах, үүл нүүх/

Эзэн сангийн мөнгийг
Эмнэг луусанд ачаад
Шантан эмгэн хөтлөөд
Шангуй эмгэн тууна
/од түгэх, нар сар гарах/

Дагуулж явах долоо
Долоож явах нэг
Гийгүүлж явах гурав
Гэрэлтүүлж явах хоёр
/Долоон бурхан, дэлхий, марал, нар, сар/

Долоон дохиур
Зургаан хунгууд
Харгалдай ноёны ганц хүү
Төвд вангийн гурван хүү
                                              /Долоон бурхан, мичид, үүрийн цолмон, марал/

Долоон өвгөн долуулаа явна
Долдой хүү цаахна нь сууна
                                                             /Долоон бурхан, алтан гадас/

Ижийн гэр дээр
Ишигний гуя
                                                             /Долоон бурхан/

Тойрон явах нь долоо
Доогуур явах нь гурав
Гүйн гарах нь ганцаараа
Гийгүүлж явах нь хоёулаа 
                                                           /долоон бурхан, марал, цолмон, нар, сар/

Тосдын ноёдыг
Тоолоход сондгой
                                                              /долоон бурхан/     

Хааны түмэн сүргийг
Харц долоо хариулна
                                                              /долоон бурхан/

Харын гурван гүүг
Хавар алдаад
Намар олно
                                                              /марал/

Айлын зургаан хүү
Зургуулаа цачуухан
Зургуулаа нэг нэртэй
                                                              /мичид/

Ар хээрт
Атга хиаг
                                                             /мичид/

Гургалдайн гунан бухнууд
Гурван сар алга болоод
Булгийн давааны цаанаас
Бултайн бултайсаар гарч ирнэ
                                                             /мичид/

Зонховын зургаан зусаг ямаа
Өвлийн шуурганд үхээгүй байж
Зуны бороонд зуурч үхэв
                                                             /мичид/

Зунхуваагийн
Зургаан ямаа
Зудад үхээгүй байж
Зун үхнэ
                                                              /мичид/

Зоогийн арын зургаан хайлс
Зун ургахгүй өвөл ургана
Өдөр ургахгүй шөнө ургана
                                                              /мичид/

Зун алдсан
Зургаан байдсыг
Өвөл олж авлаа
                                                              /мичид/

Хувилбар: Зун байдаггүй
Зургаан ялаа
Өвөл гарна
                                                              /мичид/

Зун ургадаггүй, өвөл ургадаг
Зургаан улаан бургаас
                                                               /мичид/

Зургаан баавгай
Зун ичэн
Өвөл гарна
                                                             /мичид/

Зуна голын эхэн дэх
Зургаан хялгана
Зун хагдарч
Өвөл ургана.
                                                              /мичид/

Хувилбар: Зүүн уулын оройд
Зургаан зүйлийн цэцэг
Зундаа ургадаггүй цэцэг
Өвөлдөө ургадаг тэр юу вэ?
                                                             /мичид/

Цөөхөн хонь
Цөнгөрөгийн даваагаар давах
                                                             /мичид/

Том том гууль
Тогоон чинээ гууль
Замбуулингаар дүүрэн гууль
                                                             /гариг, од/

Нэг айлын долоон хүү
Долуулаа чацуу
Долуулаа онд ондоо нэртэй
                                                             /долоон гариг/

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
 Сүүлд нэмэгдсэн дуу