2012-04-10 10:57

Ургамал мод

Ахуй сүр жавхлан бие нь
Тэнгэрт ил бөгөөд
Амин сүнсээ газарт хадгална
Аяс дүрэм бус бол
Улаан сахиусанд
Зоог болгож өгнө
                                                                /мод/

Газрын гадас
Ганц хөлтэй ёовонбуу
                                                                /мод/

Газар доогуур
Галуу нүүнэ
                                                                /модны үндэс/

Хувилбар: Газар доогуур
Галбингаа нүүв
                                                                 /модны үндэс/

Далан адуу давхиад явчлаа
Данигайн бор дэвхцээд хоцорлоо
                                                                  /мод навчаа гүвэх/

Далан шаргачин дав гэв
Далан цагаан азарга гээгдчихэв 
                                                                  /модны навч унах/

Дөчин дөрвөн баатар
Долоон өвгөнийг харахаараа
Дөч нь харангасан унав
Дөрөв нь босоо үлдэв
                                                              /мод сэрүүн, хүйтний 7 сард/

Нарийн болоод
Нарны бараа үздэггүй
Урт болоод
Усны бараа үздэггүй
                                                              /модны гол/

Хувилбар: Урт боловч
Ус үзсэнгүй
Нарийн боловч
Нар үзсэнгүй
                                                              /модны гол/

Нарийн хүү
Нарстай чацуу боловч
Насандаа
Нар огт үзсэнгүй
                                                               /модны гол/

Түмэн нь ойчоод
Түглэгэр нь үлдэв
                                                               /модны навч унах/

Тэсгэм өвөл
Нүцгэн мөртөө
Дэлгэр зун
Дээлээ нөмөрнө
                                                               /мод/

Уг нэгтэй
Удам олонтой
                                                              /модны үндэс, мөчир/

Буурлын хүүхдүүд
Булган малгайтай
                                                              /хожуул/

Хувилбар: Үхсэн хүн
Үнэгэн малгайтай
                                                             /хожуул/

Дагва өвгөн
Дах нөмөрч
                                                             /цасанд дарагдсан дархи/

Алтан наранд ивээгдэж
Агаарын хийгээр тэтгэгдэж
Хөх усыг хөлөөрөө ууж
Хөрст дэлхийг бүрхэнэ
                                                             /ургамал/

Арзгай
Архи ууна 
                                                            /өвсөнд тогтсон шүүдэр шингэх/

Гарахдаа цэл ногоон
Орохдоо шав шар
                                                           /ногоо ургах, гандах/

Хувилбар: Ирэхдээ цэл ногоон
Буцахдаа шав шар
                                                          /ногоо ургах, гандах/

Өсдөг үетэй
Үрждэг биетэй
Орчлон ертөнцийн
Онцын хэрэгцээ
                                                                /өвс, ургамал/

Чирхаарын жаран цагаан ямаа
Нэг зэрэг дэлэгнэж
Нэг зэрэг ишиглэнэ
                                                               /ногоо ургах/

Газраас гарсан ганиухайн
Ганган эрээн тоорцог
Алтан саа өнгөтэй
Агар зандангийн үнэртэй
                                                                /цэцэг/
Салаад
Сартагийн тос
                                                               /цэцэг/

Шулуун гуа биетэй
Шүхэр тоорцог малгайтай
                                                               /цэцэг/

Будантын буурал азарга
Бухаж шээж байхад
Хүдэнтийн хүрэгч гүү
Мөнгөн унага унагална
                                                              /борооны дараа ургах мөөг/

Хувилбар: Бултангийн буурал азарга
Бухаж булгиж байхад
Хэлтэнгийн хэлтгий ташаатай
Хээгч гүү мөнгөөр унагална
                                                               /мөөг ургах/

Хувилбар: Дэнхэнтийн хээр азарга дэгэж тонгочин
Бурхантын хээгч гүү шээс алдахад
Хангайтын хар байдас хийгээр дэлэгнээд
Хүрээтийн хашаанд цал мөнгөөр унагална
                                                              /борооны дараа ургах мөөг/

Газар дээр
Гархи 
                                                             /мөөгний хүрээ/

Ганц хөлтэй
Гадсан толгойтой
                                                              /мөөг/

Ганц хөлтэй
Гангар толгойтой
                                                              /мөөг/

Ганцхан хөлтэй тахиа
Газрын хөрснөөс уяатай
                                                               /мөөг/

Газрын гадас
Ганц хөлтэй ембүү
                                                               /мөөг/

Гархин дээр
Гялаан шигтгээ
                                                               /хүрээ дээрх мөөг/

Өөрийн нь биеэс
Өмссөн малгай нь том 
                                                              /мөөг/

Өрөөсөн хөлтэй чандага
Өехий доороо сиймхий
                                                              /мөөг/

Талын тахир хороонд
Тарган цагаан ямаа
                                                             /мөөгний хүрээ, мөөг/

Талд ганц хөлтэй
Тахиа зогсоно 
                                                             /мөөг/

Хувилбар: Цагаан тахиа ганц
Хөл дээрээ зогсож байна
                                                             /мөөг/

Түлээгүй үнс
Алаагүй мах
                                                               /тэнгэрийн дүлий/

Улаан малгай толгойгүй
                                                              /мөөг/

Хөдөө газар
Хөнгөн цагаан малгайтай хүмүүс
Өдөрт ч зогсоо, шөнө ч зогсоо
                                                              /мөөг/

Хөх мөнгөн аавтай
Хөвсгөр шингэн ээжтэй
Ерэн долоон үрчлээтэй
Ембүү цагаан хүү
                                                              /мөөг/

Шавар шаахайтай
Шаазан малгайтай
                                                              /мөөг/

Эрхийн чинээ биетэй
Тогоон чинээ толгойтой
                                                              /мөөг/

Үет ургамлын зүйл
Газраас боссон дэглээхэй
Гань шарга дээлтэй
Үнэгэн хөөмий малгайтай
Үлгэн салган биетэй
                                                             /дэрс/

Зодог саарал
Зогсоо буурал
                                                            /дэрс/

Өндөр голшиг нуруутай
Үнэгэн саанаг малгайтай
Үзүүрсгэн сармай дээлтэй
Өрмөг тааран гуталтай
                                                           /дэрс/

Жараахай жаралзана
Жаран цагаан бөхөлзөнө
                                                             /дэрс салхинд хийсэх/

Мянга түмэн хүн
Малгайгаараа дайтна
                                                             /дэрсний толгой салхинд найгах/

Цаана чинь
Цагаан дээлтэй хүн
Даллаж байна
                                                            /дэрс салхинд найгах/

Эцэнхий цагаан морь
Элэнхий цагаан тохомтой
                                                            /дэрсэнд хяруу суух/

Авдар дээр авдар
Залгаа дээр залгаа 
                                                            /хулс/

Гуур гуур дуутай
Гучин таван үетэй
Чандмань духтай
Шар шувууны отготой 
                                                           /хулс/

Гучин цагаан хувцастай
Үнэгэн сагсаг малгайтай
                                                           /хулс/

Дам дам бучийхай
Давхар давхар бучийхай
Дээрээ нэг цацагтай
                                                           /хулс/

Жиргэрийн цаана
Жаран бултанг 
                                                          /хулсны залаа/

Өндөр хүн үнэгэн малгайтай
Богино хүн булган малгайтай
                                                          /хулс, дэрс/

Өндөр хүүхэн
Өөд уруугүй мөргөнө
                                                          /хулс/

Шав гэсэн биетэй
Шар үнэгэн малгайтай
Гав гэсэн биетэй
Гал шаргал өнгөтэй
                                                               /хулс/

Шаг шаг дуутай
Шар үнэгэн малгайтай
Гуалиг сайхан биетэй
Гучин хоёр нуруутай 
                                                              /Хулс/

Шарга даага
Шагайгаараа ус уув
                                                             /хулс, зэгс/

Хувилбар: Шарга даага
Сагаагаараа ус ууна
                                                              /хулс, зэгс/

Эрэгт
Ивэр шивэр
                                                              /хулс/

Угалзан толгойтой
Уландаа шөвөгтэй
                                                              /шивээ өвс/

Халгай, хамхуулын зүйл
Гар хэрвээ түүнд хүрвэл
Гал дөлгүй ч түлж орхидог
                                                              /халгай/

Хажуу дээр бажуудай
Бариад авбал бачтай
                                                              /халгай/

Бай бай шаргачин
Бас нэг шаргачин
Зүй зүй шаргачин
Зүсэм нийлсэн шаргачин
                                                              /хамхуул/

Бөн бөн шаргачин
Бөөр зүрхгүй шаргачин
Дэн дэн шаргачин
Дэл сүүлгүй шаргачин
                                                              /хамхуул/

Гарахдаа газраас болов
Тэнэхдээ тэнгэрээс болов
Хоцрохдоо хонхороос болов
Үхэхдээ үнээнээс болов
                                                               /хамхуул/

Хувилбар: Гарах нь газраас
Дэгдэх нь дээрээс
Хонох нь хонхороос
Өтлөх нь жалганаас
                                                                /хамхуул/

Хувилбар: Гарах нь газраас
Галзуурах нь тэнгэрээс
Унах нь усанд
Унтах нь бутанд
                                                                /хамхуул/

Хувилбар: Гарах нь газраас
Гайтах нь тэнгэрээс
Өтлөх нь бутанд
Үхэх нь жалганд 
                                                                /хамхуул/

Дээрээ дэмбий
Дэрсэн хөндий
Байрай дамбий
Балтгар саарал 
                                                               /хамхуул/

Муу эрд алба мундахгүй
Мухар эрэгт цуглаантай
                                                               /хамхуул/

Ноёны амрыг эрэх гэсэн
Морины ам дийлдсэнгүй 
                                                              /хамхуул/

Төрөх минь төхөмд
Явах минь салхинд
Хонох минь хонхорт
                                                              /хамхуул/

Тээр тэнд тээглүү
Тэрний наагуур сийглүү
Ганц модонд гааглуу
Газрын дээгүүр гийглүү
                                                               /хамхуул/

Тэндээс ирэх нь
Тэмээ шиг
Тэргэнд шургах нь
Ямаа шиг
                                                                /хамхуул/

Унзад лам
Ухаангүй шогшино
                                                                /хамхуул/

Ургах нь ууланд
Оодрох нь талд
Онхолдох нь худагт
                                                               /хамхуул/

Хувилбар: Ургах газар нутаг
Унах газар худаг
                                                                /хамхуул/

Үрийн сайнаар ургаж
Үндэсний муугаар ховхорлоо
Төрсөн газар төхөмдсөн
Төлдрийн салхинд гарсан юм
Нүүхийг салхи мэднэ
Буухыг бут мэднэ
                                                                /хамхуул/

Хувилбар: Төрсөн нутаг минь төхөм юмсан
Төлдрийн салхинд гарсан юмсан
Үрийн сайнд ургасан юмсан
Үндэсний мууд унасан юмсан
Эцсийн нутаг минь
Эрэг мухраас хаа зайлав гэж
                                                                /хамхуул/

Хувилбар: Үрийн сайнд ургасан
Үндэсний мууд мултарсан
Үлээхийн сайнд дэгдсэн
Үдлэх газар бут бургаас
Үхэх газар гуу ганга
                                                                /хамхуул/

Хай хай бөөрнө
Хайран чулуунд хага бөөрнө
Түн түн бөөрнө
Түмэн чулуунд хага бөөрнө
                                                              /хамхуул/

Хаахалзаж яваад
Хавцалд унана
                                                              /хамхуул/

Хитлэг гэдэг газраас
Хялгасан улаан хуц гүйж ирнэ
                                                               /хамхуул/

Хажуу хажууд жуухайлгана
Хавар намар жуухайлгана
Нэмэн нэмэн жуухайлгана
Нэвсгэр ухаа дээгүүр жуухайлгана
Улам улам жуухайлгана
Учир мэдэхгүй жуухайлгана
                                                              /хамхуул/

Салбархай хувцастай эмгэн
Саднаа эрээд сажилж явна
                                                             /хамхуул/

Хонхор газар хонож өнждөг
Худаг дотор үхэж үрэгддэг 
                                                             /хамхуул/

Цагаан төмс, сонгины төрлийн ургамал
Аав нь амбан улаан жинстэй
Алсын барааг харна
Хүү нь гүндийн цагаан жинстэй
Хүйдсэн доор нойрсоно
                                                              /сараана цэцэг/

Бугын шагай булаастай
Булган малгай сөхөөстэй
Намайг энд байгааг хэн ч мэдэхгүй
Сагсгар баавгай л гадарлаж мэднэ
                                                              /цагаан төмс/

Бухын тархи булаатай
Булган малгай хийсгээстэй
                                                              /цагаан төмс/

Хувилбар: Бутантай тос булаатай
Булган малгай өлгөөтэй
                                                               /цагаан төмс/

Бухын эвэрт
Буржгар улаан
                                                                /сараана/

Газар доор бие минь
Ганган сайхан нэр минь
                                                                /сараана/

Газар доор нутагтай
Ганган шаавай биетэй
Цагаан бүүрхэн малгайтай
Улаан сампин залаатай 
                                                               /цагаан төмс/

Хувилбар: Газар доорх нэр минь
Ганган цагаан бие минь
Улаан тэнзэн малгай минь
Ногоон торгон цацаг минь
                                                              /цагаан төмс/

Дээрээ улаан
Дундаа бөндий
Доороо цацаг
                                                             /цагаан төмс/

Хувилбар: Дээрээ ногоон
Дундаа бүдүүн
Доороо нарийн
                                                             /цагаан төмс/

Өөхөн бумбай
Өвсөн сагсай
                                                                /цагаан төмс/

Улаан залаатай
Цагаан хөлтэй цүзээдэй
                                                                /цагаан төмс/

Улаг зулаг
Улаан хавтас
Тахир мухир
Мөнгөн товч
                                                               /цагаан төмс/

Улсаас нуугдсаны минь
Улаан малгай л ховлочихлоо
                                                               /цагаан төмс/

Уулан дээр
Улаан тугал уяатай
                                                               /сараана цэцэг/

Уургын үзүүрт
Улаан залаа
                                                               /сараана цэцэг/

Уургын үзүүрт
Улаан залаа
                                                               /сараана цэцэг/

Чавганаас улаан
Чандганаас цагаан
                                                               /цагаан төмс/

Шүрэн тооно
Оюу багана
Дун гэр
                                                               /цагаан төмс/

Аагт гэлэн
Арвагар сахалтай
                                                               /зэрлэг сонгино/

Газраас гарсан ганиухай
Ганган улаан дээлтэй
Гархин хурган малгайтай
Гавгүй цагаан биетэй
                                                              /зэрлэг сонгино/

Хувилбар: Газраас гарсан ганиухай
Гашил торгон дээлтэй
Үнэгэн сэгсэн малгайтай
Үзэмж сайхан биетэй 
                                                               /зэрлэг сонгино/

Бумбагар улаан банди
Буман жанчтай
                                                               /зэрлэг сонгино/

Долоон давхар
Намайг даарч байхад
Чармаан шалдан
Хүү яаж байгаа бол
                                                               /зэрлэг сонгино, тэмээн хөх/

Ууланд нутагтай
Уйлуулах чадалтай
Өлгийд боодолтой
Өнчин ганц биетэй 
                                                               /зэрлэг сонгино/

Ууланд төрсөн
Улаан зусаг
                                                               /зэрлэг сонгино/

Хөл нь сахлаасаа олон
Сахал нь биенээсээ урт
                                                               /зэрлэг сонгино/

Цагаан тахиа
Ногоон сүүлтэй 
                                                               /зэрлэг сонгино/

Хувилбар: Улаан тахиа
Ногоон сүүлтэй
                                                               /зэрлэг сонгино/

Яайрах бугын эвэр
Янгинах согооны цөс
                                                               /зэрлэг сонгино/

Хувилбар: Ёй бугын эвэр
Ёгоо согоон цөс
                                                                /зэрлэг сонгино/

Дотор газрын хүүхэн
Долоон давхар хувцастай
                                                               /мангир/

Мөнцийх мөнгөн товч
Дунирагч улаан залаа
                                                               /мангир/

Хөх ишиг
Цагаан хөлтэй
                                                                /мангир/

Бусад өвс ургамлын зүйл
Арын хурганы арьс
Аржгар буржгар байтлаа
Анхилам сайхан үнэртэй
                                                                 /агь/

Далдай цагаан ямаа
Дандаа нэг янз
                                                                 /агь/

Ганган нэртэй
Газарт биетэй
                                                                 /чихэр өвс/

Нарсан сайхан модыг
Ногоон цамцтай хүүхэн бооно
                                                                 /буурцаг/

Бор гэрийн дотор
Бумба шар хүү
                                                                 /туулайн бөөр/

Түнтгэр эмгэн
Түмэн шүдтэй
                                                                 /ортууз өвс/

Хонгио өндөр хөлтэй
Хорголон чинээ биетэй
Хоёр сайхан нэртэй
                                                                  /хонгор зул/

Цагаан залаа цацаг минь
Гэгээн залаа гэзэг минь
Гайхалтай сайхан нэр минь
Ганган хээнцэр бие минь
                                                                  /хонгор зул/

Буман бор адуу
Булган буурал азаргатай
                                                              /мэхээр хулгана/

Газар доор
Гаатай чихэр 
                                                               /мэхээр/

Ууцаа мааждаг
Улаан ямаа
Ухаж иддэг
Улцан чавганц
                                                              /мэхээр, хулгана/

Үхэр уутанд
Үзэм чихэр
Түүнийг олж иддэг
Шороон зурхайч
                                                              /мэхээр, бор хулгана/

Шороон бор хоньтой
Шодон бор хуцтай
                                                              /мэхээр, хулгана/

Ээтгэр өвгөн
Элгэндээ үстэй
                                                              /мэхээр/

Наг нагийн мод
Наян нэгэн салаатай
Салаа бүр үртэй
Үр бүр өндөгтэй 
                                                               /цулхир/

Хувилбар: Нянгаа мод наян нэгэн салаатай
Салаа бүр нь үүрцэгтэй
Үүрцэг бүр нь нэг үндэстэй
                                                               /цулхир/

Үндэсгүй модон дээр
Сүнсгүй шувуу
                                                               /цулхир/

Уулын хажууд
Улаан сувд
                                                               /анис/

Хаврын хүйтэнд
Цагаан майхантай
Зуны халуунд
Ногоон майхантай
Намрын дулаанд
Хар майхантай
                                                               /монос/

Торгон дээлт
Товчоо дааж ядах
                                                               /монос/

Хар бяруу
Хайр дотортой
                                                                /мойл/

Хувилбар: Хар бяруу
Ясан гүзээтэй
                                                                /мойл/

Хувилбар: Хархан бяруу
Ясан ходоодтой
                                                                /мойл/

Хар морь
Сүүлээ дааж ядна
                                                                /мойл/

Хар хурга
Ясан бөөртэй 
                                                                /мойл/

Харахад хархан
Хазахад ногоохон
                                                                 /мойл/

Хээр хэрмэлзэн
Хэрмэн чих мэрмэлзэнэ
                                                                 /мойл/

Улаахан бумба
Улиасан таглаатай
                                                               /нохойн хошуу/

Хувилбар: Улаан бумба
Өвсөн бөглөөтэй
                                                               /нохойн хошуу/

Шүрэн домбо
Өвсөн таглаатай
                                                                /нохойн хошуу/

Хадын хажууд
Хар сувд
                                                                /нэрс/

Тас гэх ясгүй
Таван пунт махгүй
                                                                /нэрс/

Улаан бяруу
Усан гүзээтэй 
                                                               /улаагана/

Хар бяруу
Хальсан гэдэстэй
                                                              /үхрийн нүд/

Минаагийн үзүүрт мах
Шөвгийн үзүүрт шөл
                                                              /зэдгэнэ, шүүдэр/

Өлгөр басган
Өвөл даардаггүй
Зун халууцдаггүй
                                                              /гацуур/

Өвөл зунгүй нэг өнгөтэй
Өвгөн залуугүй нэг дуутай
                                                              /жодоо, нарс, хуш, гацуур/

Бөх хар хүн
Битүү дээлтэй 
                                                             /шинэс/

Амьд байхдаа аятайхан
Үхээд хэвтэхдээ үнэтэйхэн
Амьддаа сэрүүн өгдөг
Үхэхдээ дулаан өгдөг
                                                               /нарс/

Арын буур аржгар
Өврийн буур буржгар
                                                               /нарс, хуш/

Ат нь арзгар
Буур нь бурзгар
                                                               /нарс, харгай мод/

Залгуу хөвүүн
Зундаа ч дахтай
                                                               /нарс/

Нааг нааг сэхэлзүүр
Наян найман бүлэгтэй
Бүлэг бүр бүлтэй
Бүл бүр хөвүүдтэй 
                                                                /хуш,, самар/

Наг наг мод
Найман түмэн гишүү
Гишүү болгон үүр
Үүр болгон өндөг
Өндөг болгон шар тос
                                                                 /хуш, самар/

Найр наадамтай
Найман түмэн салаатай
Салаа бүгд гишүүтэй
Гишүү бүгд үртэй
Үр бүгд өндөгтэй
Өндөг бүгд жимстэй 
                                                                  /хуш, самар/

Найр найр мод
Наян салаа мод
Түр түр мод
Түмэн салаа мод
Мөчир болгон гишүүтэй
Гишүү болгон өндөгтэй
Өндөг болгон уурагтай
                                                                  /хуш, самар/

 

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • Улстөржилтөөс болж Улстөржилтөөс болж "The Hu" хамтлагийн хандивын тоглолт хойшиллоо“The Hu” хамтлаг энэ сарын 23-ны мягмар гаригт МҮОНРТ-ээр болон цахимаар бүрэн тоглолтоо хийхээр төлөвлөж, зараа хүртэл тараагаад байсан ч тоглолтоо цуцалжээ.Тэд “COVID-19”-ийн хорионд гадаадад гацаж, байгаад өнгөрсөн сард эх орондоо ирсэн. Ингээд сонгуулийн өмнөх өдөр хандивын тоглолт хийхээр төлөвлөөд байсан ч улс төрийн шалтгаанаас үүдэн цуцалсан байна.
  • “The Hu” хамтлаг УОК-т хандив өргөх онлайн тоглолтоо энэ сарын 23-нд хийнэ“The Hu” хамтлаг УОК-т хандив өргөх онлайн тоглолтоо энэ сарын 23-нд хийнэ“The Hu” хамтлаг УОК-т хандив өргөх онлайн тоглолтоо White Rock Center-т 2020 оны зургаадугаар сарын 23-ны мягмар гарагийн орой хийхээр болсон тухайгаа зарлалаа. Уг хандивын тоглолтыг “The HU” хамтлаг “Хүрээ энтертайнмент” ХХК-тай хамтран МҮОНРТ-ээр шууд дамжуулан хүргэх бөгөөд ивээн тэтгэгчээр Мобиком Корпораци, Хаан Банк ажиллахаар болжээ.
  • "Монгол соёл" онлайн тоглолтоор 102.952.147 төгрөгийн хандив, тусламж цуглажээДэлхийд гайхагдсан монгол соёлын өв тэр дундаа соёлын биет бус өвийн гайхам сайхныг нэгэн дор цогцлоох "Монгол өв соёлын цогцолбор" байгуулах төслийн хандивын аяны нээлтэд зориулсан монгол поп опера “Увертюра” хамтлаг болон язгуур урлагийн алдартай уран бүтээлчид, соёлын биет бус өвийн шилдэг өвлөн уламжлагчдын "Монгол соёл" онлайн тоглолт 06 дугаар сарын 01-нд 18:00 цагаас "ТВ8" телевизээр орон даяар шууд дамжуулагдсан билээ.
  • “Параллель” контемпорари үзэсгэлэн нээлтээ хийлээ“Параллель” контемпорари үзэсгэлэн нээлтээ хийлээДэлхий нийтийг түгшээгээд буй шинэ төрлийн Корона вирусийн /Ковид 19/ халдварын тархалтаас урьдчилан сэргийлэх зорилгоор Монгол Улсын Засгийн газар улс орон даяар онц байдал зарлан олон нийтийг хамарсан үйл ажиллагаа, мөн соёл урлагийн арга хэмжээг түр хугацаагаар зогсоосон байгаа билээ. Иймд МN17 Арт Галерейн санаачилгаар Засгийн газрын хэрэгжүүлэгч агентлаг Соёл, урлагийн газрын дэмжлэгтэйгээр Хүн Байгаль Хайр Эрх Чөлөө хөдөлгөөний уран бүтээлчидтэй хамтран “Параллель” контемпорари хамтарсан үзэсгэлэнгийн төслийг хэрэгжүүлж байна.
  • "Хурд" хамтлаг онлайн тоглолтоороо 246 сая төгрөгийн хандив цуглуулжээ “Хурд” хамтлаг олон улсын эмэгтэйчүүд ийн эрхийг хамгаалах өдрөөр буюу өнөөдөр /2020.03.08/ нийт эмэгтэйчүүддээ зориулж "Буцааж нэхэхгүй хайр" онлайн тоглолт зохион байгууллаа.
 Сүүлд нэмэгдсэн дуу