2012-04-10 11:01

Амьтан

Улиаснаас
Улавч өлгөөтэй
                                                               /туулайн чих/

Хувилбар: Хусанд
Хуруувч өлгөөтэй 
                                                              /туулайн чих/

Алиа лам
Аягаа орхиод зугтаав
                                                             /туулай босож давхих/

Бутан дотор бур хийнэ
Бурхан ширээ нир хийнэ 
                                                            /туулай босох/

Илжиг шиг чихтэй
Нохой шиг савартай
Ямаа шиг дэвхрэмтгий
                                                            /чандага/

Мэгэр мэгэр харайцтай
Мэтэр хойноо орхицтой
                                                           /чандаганы мөр/

Хадан дээр
Хамниган бөөлнө
                                                          /чандага/

Цагаан ямаа
Цасан далтай
                                                         /чандага/

Газар доор
Гантай шар тос
                                                         /тарвага/

Талд
Тагдгар нохой хуцна
                                                              /тарвага/

Шавар гэрийн орой дээр
Шалсай балин шовойно
                                                              /тарвага/

Энгэр хажуу гүйдэлтэй
Эмч ламын суудалтай
                                                              /тарвага/

Шавар гэрийн оройд
Шалдан хүн чарлана
                                                             /тарвага хошгирох/

Модон дотуур монцолзоно
Монголд хүрэхээр сэнхэлзэнэ
                                                             /хэрэм/

Монгол газрын молтогчин
Модон дээгүүр дүүлэгчин
                                                            /хэрэм/

Монголоос
Модоор нүүв
                                                            /хэрэм/

Өөлдийн адуу
Өвчүү цагаан
                                                           /хэрэм/

Алаг цоохор дээлийг чив гэтэл өмсөөд
Агар зандан модыг орой дээрээ шүтээд
Аглаг хангайгаар нутаглах дуртай
Асар гоёмсог авгайг хэн гэж нэрлэх вэ? 
                                                                 /буга/

Борогчны толгойд
Бургаас ургана
                                                                 /буга/

Малигар хүүгийн толгойд
Маргад эрдэнэ хатгаатай
                                                                 /буга/

Найгал найгал явдалтай
Найман салаа гөхөлтэй
Зүүдэн зүүдэн явдалтай
Зүүн хойноо хөхөлтэй
                                                                 /буга, зүр/

Хоёр шүрэн салааг толгой дээрээ хатгаж
Хосгүй эрээн хуягийг биендээ өмсөж
Хасын салаа мэт нарийхан дөрвөн хөлтэй
Хад хайрханд гүйхдээ нисэх мэт түргэн
                                                                  /буга/

Арын уулын мод
Аварга байгаад хэврэг
Өврийн уулын мод
Бөгтөр байгаад бөх
                                                                   /бугын эвэр/

Сэтгэр байтлаа
Шантгар
                                                                  /гахай/

Хаяснаа эрсэн шиг эргэлдэнэ
Ханиад хүрсэн шиг шуухитнана
                                                                   /гахай/

Хойд айлын хөвүүд
Хондлой цагаан
                                                                  /гөрөөс/

Хонгоодорын басгад
Хондлой цагаан
                                                              /гөрөөс/

Хотгойдын адуу
Хондлой цагаан 
                                                              /гөрөөс/

Хээрийн хоёр
Сүүл цагаан
Өвчүү цагаан
                                                              /гөрөөс, хэрэм/

Галбын говиор нутагтай
Гадсан шовгор малгайтай
Мэнэнгийн говиор нутагтай
Мэтгэр гадсан малгайтай
                                                               /зээр/

Шил дээр шайван шайван
Шалдан нүцгэн жийвэн жийвэн
Хөдөө хээр хөөвөн хөөвөн
Хөл нүцгэн жийвэн жийвэн
                                                              /зээр/

Гайхалт нүүр нь улаан боловч гоё биш
Гар уран боловч үйлдвэрлэлд олдой
Гадар хувцас нь бүтэн боловч
Суудал нь цоорхой
Газар орныг нь ажиглавал нэрийдэхэд бэрх
                                                                          /самж/

Гайхамшигт нүүр нь улаан боловч гоё бус
Гар уран боловч ажилд бүтэмжгүй
Гадар хувцас нь бүтэн боловч суудал цоорхой
Газар холын гайхал чөтгөр, нэрлэхэд бэрх
                                                                          /самж/

Гайхамшигт нүүр улаан гэвч гуа биш
Гар хуруу түргэн боловч үйл ажилд олдой
Газар орныг асуувал нэрлэхэд бэрх
Гагцхүү бөгс нь онгорхой
                                                                /самж/

Бөхийн зогсвол хүн шиг
Бөгцийн суувал нохой шиг
                                                                /сармагчин/

Махчин амьтдын зүйл
Ах нь айлгадаг хар
Дундах нь дугуйрдаг хар
Дүү нь дүүлдэг хар
                                                                 /баавгай, нохой, хэрэм/

Газар доор галтан
Гал шар нэртэн
Буруу гэртэн
Бузгай санаатан 
                                                                 /баавгай/

Газар дор
Гандан багш
                                                                 /ичсэн баавгай/

Нүүлийн цаана
Нүгэлтэй чөтгөр
Нүд амандаа
Галтай чөтгөр
                                                                 /баавгай/

Ах нь арлан тарлан
Дүү нь түүдэг хөх
Дундах нь дурдан шар
Отгон нь оготор бор
                                                                  /бар, чоно, үнэг, туулай/

Буруу ташаа суудалтай
Бурхан ламын байдалтай
Тэнгэрийн цолмон нүдтэй
Тэмээн халиун зүстэй
                                                                  /бар/

Уул хаданд орших оронтой
Араатан олондоо ван нэртэй
                                                               /бар/

Хүр хүр дуутай
Хүрэн эрээн биетэй
Гал шар нүдтэй
Галзуу хурц зантай
                                                                /бар/

Алтан шаргал биетэй
Алиа шалиг ааштай
Заль мэх ихтэй
Зайдуу хөндийд нутагтай
                                                                /үнэг/

Манай хааны хүү
Өвөлд нь мөнгөн малгайтай
Зунд нь шүрэн малгайтай
                                                                /бугын эвэр/

Өвөл ургаж явна
Зундаа өмхөрч явна
                                                               /бугын эвэр/

Хувилбар: Өвөлдөө ургана
Зундаа унана
                                                               /бугын эвэр/

Хан уулын хаданд
Хангай уулын мод ургана
                                                              /бугын эвэр/

Тэнгэрийн хаан
Титэмээ гээлээ
                                                             /буга эврээ хаях/

Хувилбар: Хаан
Хайчаа гээв
                                                             /буга эврээ хаях/

Гээгээгүй байж эрдэг
Гэмтээгүй байж ёолдог
                                                             /гахай/

Бур бур гүйдэлтэй
Буж торгон дээлтэй
                                                               /үнэг/

Ганган хүүхэн
Ганцаар явах заяатай
                                                              /үнэг/

Гуунд
Гуулин шанага
                                                              /үнэг/

Жалга уруудаад жийвэнхэн
Жавар сөрөөд сийвэнхэн 
                                                             /үнэг/

Зул шархан биетэй
Зургаан хар тэмдэгтэй
                                                             /үнэг/

Хувилбар: Зуун шар
Зургаан хар
                                                            /үнэг/

Хувилбар: Зууван улаан
Зургаан хартьай
                                                            /үнэг/

Лав лав явдалтай
Лам шар дээлтэй
Суг суг явдалтай
Сухай шар дээлтэй
                                                           /үнэг/

Хувилбар: Нам нам гүйдэлтэй
Навчин шар дээлтэй
                                                           /үнэг/

Мөнгөн дээжит
Алтан уурга чирнэ 
                                                          /үнэг/

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
 Сүүлд нэмэгдсэн дуу