2017-01-20 04:49

Хүүхдийн уналт таталт өвчний тухай уналт таталтын үеийн анхны тусламж үзүүлэх арга

1. Уналт таталт өвчин гэж юу вэ?

Эпилепси буюу уналт таталт өвчин нь том хүнтэй харьцуулахад хүүхэд насанд элбэг тохиолддог бөгөөд гэр бүл, амьдрал ахуйд дарамт учруулдаг, хүүхдийн бие, сэтгэл зүйд айдас түгшүүр үүсгэн зарим тохиолдолд нийгмийн зүгээс үл ойлголцол төрүүлэхүйц нөлөө үзүүлдэг мэдрэлийн тогтолцооны түгээмэл эмгэг билээ.

Таталт гэдэг бол булчингийн нэгэн жигд хэмнэлээр, гэнэтийн санамсаргүйгээр агших агшилт юм.

Таталт нь маш олон хэлбэртэй байхаас гадна тэр нь хүүхдийн нас болон шалтгаанаас хамаарч өөр өөр байх жишээтэй. Бүх таталт нь тархмал болон хэсэгчилсн гэсэн 2 үндсэн хэлбэртэй ба эдгээр нь дотроо хэд хэдэн хэсэгт хуваагддаг.

Жишээ нь: Нярай болон бага насны хүүхдэд ээрч хөхрөх, амьсгалаа түгжих, хөхөх, амаа тамшаалах, толгой дохих, гэдийх, мөрөө хавчих, нүд чичирхийлэх ба сөлийх, гар хөлийн хөвсөн хөдөлгөөн эсвэл чичирхийлэх гэх мэтийн биеийн дээд мөчдийг хамарсан хэсэгчилсэн таталтаас эхлээд ерөнхий тархмал таталтууд ч илэрч болно.

Том насны хүүхдэд гэнэт гөлрөх буюу хийж байсан зүйлээ орхин идэвхгүй болон гадны цочролд хариу урвал үзүүлэхгүй болох, бүх биеийн булчин нумарч чангарах чичэрхийлсэн тархмал таталтууд зонхилдог.

Гэвч таталт болгон өвчин биш байдаг, зарим нь жинхэнэ уналт таталт өвчин байхад зарим нь аяндаа эдгэрдэг.

Ер нь хүүхэд анх удаа татаж байгаа бол эмнэлэгт хандан оношлогоо хийлгэж, шалтгааныг тодруулах, хэрэв давтан татаж байгаа болон таталтын эсрэг эм ууж байгаа тохиолдолд хяналтын эмчдээ хандах хэрэгтэй.

2. Таталтын шалтгаанууд

Таталтын шалтгаан нь наснаас хамааран янз бүр байдаг. Нярай үеийн таталтын шалтгааны зонхилох эмгэгүүд нь тархины хүчилтөрөгч, цусан хангамжийн дутмагшил, халдварууд, бодисын солилцооны өөрчлөлтүүд түүний төрөлхийн гажгууд, цус харвалт, тархины бүтцийн гажгууд байхаас гадна шалтгаан тодорхой бус байх тохиолдол байдаг. Мөн бага насны хүүхдэд халууралтын, амьсгал түгжилтийн буюу уйлахдаа ээрч хөхрөх таталт элбэг байдаг. Халууралтын таталт нь ямар нэг халдварын эхний үед 380-с дээш халуурсан тохиолдолд ихэвчлэн илэрдэг. Амьсгал түгжилтийн таталт нь ямар нэг таталтын эсрэг эмчилгээ шаарддаггүй.

Сургуулийн өмнөх болон сургуулийн насны хүүхдийн таталтын шалтгаанд тархины халдварууд /мэнэн, энцефалит/, хавдар, хордлогууд, тархи нугасны гэмтлүүд /тархи доргих, цус харвах гэх мэт/ нь зонхилох байрыг эзэлдэг. Мөн сэтгэл санааны тогтворгүй, таагүй байдлаас үүссэн уналт таталт ч байдаг. Энэ нь ихэвчлэн өсвөр насныханд илүү тохиолдоно.

Үүнээс гадна удамшлын шинжтэй уналт таталт байдаг. Ер нь шалтгаан тодорхой бус таталт нь жинхэнэ уналт таталт байхаас гадна удаан хугацааны эмчилгээ шаарддаг. Шалтгаан нь тодорхой таталт амархан намжиж, эмчилгээ шаарддаггүй, хүүхэд өөрөө эрүүл байх жишээтэй.

3. Уналт таталтын үеийн анхны тусламж

Таталт нь ихэнх эцэг эхчүүд ойр тойрныхныг нь сандралд оруулдаг. Татах үеийн бодит аюул нь ухаан алдах, унаж бэртэх юм. Иймээс эцэг эхчүүд анхны тусламж үзүүлэх чадварыг эзэмшсэн байх шаардлагатай. Анхны тусламжыг дараах байдлаар үзүүлнэ.

· Хүүхдэд таталт илэрсэн даруйд өргөн ор эсвэл шалан дээр байрлуулж, аль болох хурц ирмэгтэй зүйлээс холдуулна.

· Хажуугаар нь хэвтүүлнэ. Энэ нь хэл болон шүлс амьсгалын замд орж бөглөрөхөөс сэргийлнэ.

· Аманд юм хийх, хуруугаараа хэлэн дээр дарахыг хориглоно.

· Ихэнхдээ таталт нь хэдэн секундээс 2-3 минут үргэлжилдэг.

Таталт намжсаны дараа:

· Хүүхэд амьсгалж буйг шалга. Хэрэв амьсгалахгүй бол зохиомол амьсгал /ам амаар/ хийнэ. Харин таталтын үед зохиомол амьсгал хийж болохгүй.

· Хүүхдийг бүрэн сэргэтэл орхиж явахгүй байх, яагаад гэвэл таталт нь дахин давтагдаж болох учраас

· Таталт бүрэн намжаагүй тохиолдолд хүүхдэд уух эм болон шингэнийг өгөхгүй байх, яагаад гэвэл хүүхэд залгиж чадахгүй.

· Хэрэв хүүхэд халуунтай байвал шулуун гэдсээр парацетамол лаагаар хийнэ.

Түргэн хэзээ дуудах вэ?

· Таталт нь хүүхдэд анх удаа илэрч байвал

· Таталт 5-с дээш минут үргэлжилвэл

· Татах үедээ хүүхэд гэмтвэл /юм мөргөх, түлэгдэх гэх мэт/

· Таталтын дараа хүүхэд хүнд байдалтай, амьсгал нь жигд бус байвал

4. Таталтын эсрэг эмчилгээний талаар эцэг эхчүүд юу мэдэх шаардлагатай вэ?

· Эмчийн заасан эмчилгээний төлөвлөгөөг дагах хэрэгтэй.

· Татсан хүүхэд бүр таталтын эсрэг эмчилгээ шаарддаггүй.

· Таталтын эсрэг эмийг хүүхэд бүрт тусад нь таталтын хэлбэрээс нь хамаарч сонгодог.

· Таталтын эсрэг эм нь таталтын зарим хэлбэрт үр дүнтэй байхад заримд нь үр дүнгүй байдаг.

· Ихэнхдээ нэг эм сонгоход хангалттай байдаг.

· Эмийн 80% нь таталтыг намжаадаг.

· Таталтын эсрэг эмийн ихэнх нь унтамхай болох, анхаарал, идэвх сулрах, дотор муухайрах, хоолонд дургүй болох зэрэг гаж нөлөө үзүүлдгийг мэдэх хэрэгтэй.

· Ямар ч тохиолдолд эмийг гэнэт зогсоох, таслах эсвэл тунг өөрчлөх /эмчийн зөвшөөрөлгүй/ нь гаж нөлөөг ихэсгэж, таталтыг сэдрээж болдогийг анхаарна.

· Хүүхдийг эмээ өөрөө бие даан уухад нь сургах ба хэзээ ч хүүхдэд бүрэн хариуцлагыг хүлээлгэхгүй байх.

· Таталтын эсрэг эмийг нэг ч өдөр таслахгүй тогтмол, удаан жилээр эмчийн хяналтанд ууж хэрэглэснээр үр дүнд хүрдэг.

· Эмийг эмчийн хяналтанд 2-5 жил ууж тархины цахилгаан бичлэгт өөрчлөлтгүй болсон үед эмийн тунг аажим буулгаж хасна.

ЭХЭМҮТ

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • Монгол, Америк хүүхдүүдийн хамтарсан үзэсгэлэн гарнаМонгол, Америк хүүхдүүдийн хамтарсан үзэсгэлэн гарнаКембрижийн хөтөлбөртэй "Монгол тэмүүлэл" ахлах сургуулийн 10-12-р ангийн Зураг урлалын хичээлийг олон улсын хөтөлбөрөөр судалдаг сурагчдын 2019 оны хаврын сессийн шалгалтад явуулсан бүтээл судалгааны материалууд, Америкийн уран зураг сонирхогч хүүхдүүдийн 170 гаруй бүтээлүүд багтсан "Монгол холбоос" сайн дурын байгууллага, "Go!" хүүхдийн бүтээлийг сурталчилах олон улсын нийгэмлэгтэй хамтран "Тэмүүлэл" үзэсгэлэнг арваннэгдүгээр сарын 15-20-ны өдрүүдэд нээн толилуулах гэж байна.
  • “Take off” хамтлаг “Хайрын нислэг” хийнэ“Take off” хамтлаг “Хайрын нислэг” хийнэ2002 оны намар хүсэл зорилго нэгдсэн үе тэнгийн 4 залуу нийлж "Аялгуу" нэртэй хамтлагийг анх үүсгэн байгуулж байжээ. Тэдний хамгийн анхны уран бүтээл нь Гавьяат жүжигчин, дуучин Т.Ариунаа болон Гурван охин хамтлагтай хамтран дуулсан "Оюутан нас Аялгуу" дуу билээ. Ийнхүү рок попын тогоонд эргэлт буцалтгүйгээр хөл тавьсан тус хамтлаг 2004 оны 3-р сарын 1-нд өдгөөгийн бидний мэддэг “Take off” нэрийг хамтлагтаа албан ёсоор өгч өдгөө 15-н жилийн ойгоо угтах гэж байна. Хамтлаг байгуулагдаад “Цасан дээр”, “Мартахгүй”, “Буцаад л хоёулаа” "Гүнж", "Урваагүй", "Чиний явсан зүгт", "Би буцахгүй" зэрэг дуунуудыг хийсэн ба гарсан даруйдаа хит болж байсан нь одоо ч сонсогчдын дуртай дуу хэвээр байгаа билээ.
  • The HU хамтлаг Их Британи, Ирландад ирэх хоёрдугаар сард тоглоноThe HU хамтлаг Их Британи, Ирландад ирэх хоёрдугаар сард тоглоноДэлхийн хөгжмийн урлагт нэгэн үзэгдэл болон гарч ирж буй “The HU” рок хамтлаг Их Британи, Ирланд улсад 2020 оны хоёрдугаар сард аялан тоглохоор болсноо албан ёсоор зарлалаа. Тус хамтлаг өнгөрсөн зун Их Британид болсон Download хөгжмийн наадмаар тоглоход 23 өдрийн өмнө бүх тасалбар нь зарагдаж дууссан юм. Их Британийн аялан тоглолтод Элтон Жоныг албан ёсоор урьсан тухай мэдээлж байсан билээ.
  • “ХОЁР АРД ТҮМЭН-НЭГ ЯЛАЛТ” гэрэл зургийн үзэсгэлэн нээлтээ хийлээ“ХОЁР АРД ТҮМЭН-НЭГ ЯЛАЛТ” гэрэл зургийн үзэсгэлэн нээлтээ хийлээХалх голын байлдааны ялалтын 80 жилийн ойн хүрээнд МОНЦАМЭ агентлаг, ОХУ-ын олон улсын мэдээллийн “Россия сегодня” агентлагийн “Спутник” радиотой хамтран нийслэлийн Засаг даргын Тамгын газрын дэмжлэгтэйгээр Монголын уран зургийн галлерейд “ХОЁР АРД ТҮМЭН-НЭГ ЯЛАЛТ” гэрэл зургийн үзэсгэлэнг өнөөдөр олон нийтэд дэлгэж байна. Үзэсгэлэнгийн нээлтэд Гадаад харилцааны сайд Д.Цогтбаатар нийслэлийн Засаг дарга бөгөөд Улаанбаатар хотын захирагч С.Амарсайхан, МОНЦАМЭ агентлагийн дарга Б.Ганчимэг, үе үеийн гэрэл зурагчид болон албаны хүмүүс оролцов.
  • “Сонгодог аялгуу” симфони найрал хөгжмийн тоглолт хэрлэн хөвөөнд эгшиглэнэ“Сонгодог аялгуу” симфони найрал хөгжмийн тоглолт хэрлэн хөвөөнд эгшиглэнэДорнод аймаг 2019 оныг “Аялал жуулчлалыг дэмжих жил” болгон зарласан. Энэ хүрээнд Хэрлэн голын эрэгт "Найрамдал" цэцэрлэгт хүрээлэнд Хөгжимт драмын театрын уран бүтээлчдийн “Сонгодог аялгуу” симфони найрал хөгжмийн бие даасан тоглолтыг энэ жилээс эхлэн, жил бүрийн 08 дугаар сарын 04-ний энэ өдөр тогтмол зохион байгуулахаар болжээ.
 Сүүлд нэмэгдсэн дуу