2017-02-16 10:53

Хотын дарга Эрхүүгийн амбан захирагчтай уулзлаа

    

    Нийслэлийн Засаг дарга бөгөөд Улаанбаатар хотын Захирагч С.Батболд ОХУ-ын Эрхүү мужийн Амбан захирагч С.Г.Левченког өнөөдөр хүлээн авч уулзлаа. Уулзалтад нийслэлийн Засаг даргын Ногоон хөгжил, агаарын бохирдлын асуудал хариуцсан орлогч Ж.Батбаясгалан, Эрхүү хот дахь Ерөнхий консул Л.Амарсанаа, нийслэлийн ЗДТГ-ын Гадаад харилцааны хэлтсийн дарга Ш.Сүхбаатар болон харьяа агентлагийн дарга нар, ОХУ-ын талаас Монгол Улсад суугаа Онц бөгөөд Бүрэн эрхт Элчин сайд И.К.Азизов, тус улсын ГХЯ-ны Эрхүү хот дахь Төлөөлөгчийн газрын тэргүүн Б.А.Курбатова, ОХУ-аас Монгол Улсад суугаа Элчин сайд асан Б.А.Говорин, Эрхүү мужийн Боловсролын сайд В.В.Перегудова болон бусад албаныхан оролцов.

     Энэ үеэр хотын дарга ОХУ-ын Эрхүү мужийн Амбан захирагч С.Г.Левченко болон бусад албаныхны хийж буй ажлын айлчлалд амжилт хүсээд “ОХУ-ын Эрхүү муж манай улстай олон жилийн түүхэн харилцаатай явж ирсэн. Өнөөгийн энэхүү харилцааны эхлэл өнгөрсөн зууны эхээр тавигдсан түүхтэй. Одоо ч манай 2 улсын эдийн засаг, нийгэм, соёл, боловсрол зэрэг салбарт хамтын ажиллагаа уламжлагдан үргэлжилсээр байгаа. 2014 оноос ОХУ-руу визгүй зорчдог болсноор манай улсын иргэд чөлөөтэй зорчиж, аялах боломж бүрдсэн. Бид бүхэн эдийн засаг, нийгэм, зам тээвэр, соёл, боловсрол, аялал жуулчлал зэрэг салбарын хамтын ажиллагаагаа улам өргөжүүлэх хэрэгтэй байгаа юм. Цаашид хамтын харилцаа өргөжин, олон жил уламжлагдан үргэлжлэх болно гэдэгт итгэж байна” гэв.

     ОХУ-ын Эрхүү мужийн Амбан захирагч С.Г.Левченко “Сүүлийн жилүүдэд Орос-Монголын харилцаа хурдацтай хөгжиж байгаа. Тэр дундаа боловсролын салбарын хамтын ажиллагаа түлхүү байгааг онцлох нь зүйтэй байх. Сурагч солилцоо болон оюутан залуус их, дээд сургуульд олноор суралцдаг. Тэдний сурах нөхцөл боломжийг жил ирэх тусам нэмэгдүүлсээр байгаа. Ерөнхийдөө 2016 оны судалгаагаар 2 талын хамтын ажиллагааны үр дүн маш эерэг хандлагатай байсан. Эрхүү муж Улаанбаатар хот хоорондоо ах дүүгийн найрамдалт харилцаатай. Тиймээс хамтын ажиллагаагаа маань ирэх жилүүдэд илүү шинэ төвшинд хүрэх байх гэдэгт найдаж байна” гэлээ. Тэрбээр Улаанбаатар хотод Эрхүү мужийн төлөөлөгчийн газар буюу Эрхүү мужийн хөрөнгө оруулалтын хөгжлийн агентлагийг өнөөдөр нээж байгааг онцлон хэллээ гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу

Шинэ мэдээ
Тоглолтын мэдээ
  • “НАРАН МАНДАХ ТАЛЫН МОНГОЛ” концерт нээлтээ хийлээ“НАРАН МАНДАХ ТАЛЫН МОНГОЛ” концерт нээлтээ хийлээСэвжидийн Сүхбаатарын сор бүтээлүүдийн нэгэнд зүй ёсоор орох “НАРАН МАНДАХ ТАЛЫН МОНГОЛ” концертын нээлтийн тоглолтыг үзсэн үзэгчид мартагдашгүй нэгэн үдшийг өнгөрүүлсэн билээ. Монгол Улсын Урлагийн гавьяат зүтгэлтэн, Төрийн шагналт С.Сүхбаатарын найруулгаар бүтээсэн уг концертод Монгол түмний өв соёл, ахуй амьдрал, түүхэн уламжлалыг дүрслэн харуулж, байгаль эх дэлхий Говь, Тал, Хангайг магтан дуулсан үндэсний урлагийн тайзны шинэхэн бүтээл юм.
  • Рок поп урлагийн шинэ цагийн төлөөлөл дуучид, жазз оркестртой хамтарнаРок поп урлагийн шинэ цагийн төлөөлөл дуучид, жазз оркестртой хамтарнаГэгээн хайрын баярын өдрөөр хайрттайгаа хамт нэгэн үдшийг өнгөрөөхийг хүсвэл Улсын Филармонийн Баянмонгол жазз найрал хөгжим, рок поп урлагийн шинэ цагийн төлөөлөл болох дуучин Л.Насанбуян, Б.Маралжингоо, С.Хишигжаргал, П.Баярцэнгэл, Г.Тэнүүн нарын хамтарсан "I love you" тоглолтыг зориорой. Тус тоглолтын уран бүтээлчид хүрэлцэн ирсэн хосууддаа өөрсдийн хайр дурлалын дуунууд, жазз хөгжмийн бүтээлүүдээс хүргэн нэгэн үдшийг хамтдаа өнгөрүүлэх юм.
  • Валентиний баярт зориулсан “I LOVE YOU” тоглолт 6 дахь жилдээВалентиний баярт зориулсан “I LOVE YOU” тоглолт 6 дахь жилдээУлсын Филармониос жил бүрийн Валентиний баяраар уламжлал болгон зохион байгуулдаг I love you тоглолтоо 2018 оны 02-р сарын 14-нд 19:00 цагт Улсын Филармонийн концертын танхимд ганцхан удаа тоглох гэж байна. Тоглолтод Баянмонгол жазз найрал хөгжмийн уран бүтээлчид, удирдаач С.Саруул-Од, дуучин Л.Насанбуян, Б.Маралжингоо, С.Хишигжаргал, П.Баярцэнгэл, Г.Тэнүүн нар оролцож хайр дурлалын сэдэвт дуу, хөгжмийг үзэгч сонсогчдын хүртээл болгоно.
  •  Дуучин Мөнхбат, Үүрээ хайрын романсаа эргэн сэргээжээ Дуучин Мөнхбат, Үүрээ хайрын романсаа эргэн сэргээжээ Дуучин Мөнхбат, Үүрээ хайрын романсаа эргэн сэргээжээ
  • “НАРАН МАНДАХ ТАЛЫН МОНГОЛ” бүрэн хэмжээний концерт тун удахгүй тайзнаа“НАРАН МАНДАХ ТАЛЫН МОНГОЛ” бүрэн хэмжээний концерт тун удахгүй тайзнааҮУИТ-ын хамт олон “НАРАН МАНДАХ ТАЛЫН МОНГОЛ” бүрэн хэмжээний концертыг Монгол улсын урлагийн гавьяат зүтгэлтэн, Төрийн шагналт С.Сүхбаатарын найруулгаар бүтээж байна. Монгол түмний өв соёл, ахуй амьдрал, түүхэн уламжлалыг дүрслэн харуулж, байгаль эх дэлхий Говь, Тал, Хангайг магтан дуулсан үндэсний урлагийн тайзны шинэхэн бүтээлийг толилуулах гэж байна.