2012-04-10 13:27

Ижийн дууль

                                                                                                                 Нар сар шиг  
                                                                                                                 Ижий үр хоёр
                                                                                                                 Намар зун шиг
                                                                                                                 Амьдран суудаг байж     

                                                                                                                 Зураг тавилан мэт
                                                                                                                 Он цагийн эрхшээлд
                                                                                                                 Сураг төдий газар
                                                                                                                 Хүү нь явах болчихож

                                                                                                                 Мөнгөн уул шиг улсад
                                                                                                                 Мөнхрөх юм шиг хөөрлөө
                                                                                                                 Мөрөөдлийн цэнхэр тэнгэрт
                                                                                                                 Мөр замгүй төөрлөө

                                                                                                                 Санчиг буурал ээжийнхээ
                                                                                                                 Нулмисан дундуур мордлоо
                                                                                                                 Сар төөрдөг нутгийнхаа
                                                                                                                 Зэрэглээн дундуур мордлоо

                                                                                                                 Ижийн ганц нар
                                                                                                                 Хүний газар мандлаа
                                                                                                                 Ирнэ,ирнэ гэсээр
                                                                                                                 Арван намрыг орхилоо

                                                                                                                 Хүүгээ хүлээсэн эх
                                                                                                                 Тэрлэгнээсээ түрүүлж гандлаа
                                                                                                                 Хүсэл хяслын салхинд
                                                                                                                 Наснаасаа түрүүлж гундлаа

                                                                                                                Шанага долоон одоор
                                                                                                                Сүү өргөж хүлээлээ
                                                                                                                Шар мяндсан өдрүүдээр
                                                                                                                Зүү  ороож хүлээлээ

                                                                                                                Хөшилдсөн цэнхэр уулсыг
                                                                                                                Нулимсандаа нурааж хүлээлээ
                                                                                                                Хөтлөлцсөн саарал жилүүдийг
                                                                                                                Сэтгэлдээ хурааж хүлээлээ

                                                                                                               Ороод ирэх юм шиг
                                                                                                               Зайг нь харамлаж хүлээлээ
                                                                                                               Оройтчихлоо доо гэж
                                                                                                               Цайгий нь халааж хүлээлээ

                                                                                                               Үхсэн хойно ч нялхаараа
                                                                                                             « Мөөмнөөсөө гараагүй» үр нь байдаггүй
                                                                                                              Үгүйрсэн хойно ч баян
                                                                                                               Мөнгөнөөс илүү үр нь байдаггүй

                                                                                                               Цэцгийн гурван сар
                                                                                                               Бороошоод ирлээ,байдаггүй
                                                                                                               Цэрэгт мордсон хүүхдүүд
                                                                                                               Борогшоод ирлээ,байдаггүй

                                                                                                              Зүрхэн дээрээс ниссэн
                                                                                                              Шувууд ирлээ,байдаггүй
                                                                                                              Зүлгэн дээрээс нүүсэн
                                                                                                              Айлууд ирлээ,байдаггүй

                                                                                                              Дөчин нэгэн чулуунд
                                                                                                              Баяр буулгаад байдаггүй
                                                                                                              Дөрөлж давсан замыг
                                                                                                              Хоёр болгоод байдаггүй
                                                            
                                                                                                             Хүлээсэн сэтгэлийн хүлээс
                                                                                                             Нэг л өдөр алдуурлаа
                                                                                                             Хүний нутгийн алсад
                                                                                                             Ижий нь өөрөө мордлоо

                                                                                                             Гадаад гадаад гэвч
                                                                                                             Гадаа гарахаас амархан байж
                                                                                                             Гандсан дээлтэй ижий
                                                                                                             Хүүдээ хүрээд ирж
     
                                                                                                             Далай далай гэвч  
                                                                                                             Алхаад гарахаар өчүүхэн байж
                                                                                                             Даанч их хүлээсэн
                                                                                                            Үрдээ зориод ирж

                                                                                                            Үүр шөнийн заагаар
                                                                                                            Зулайг нь үнслээ,сэрдэггүй
                                                                                                            Бүүр болохгүй болохоор
                                                                                                           Зүүдэнд нь орлоо,сэрдэггүй

                                                                                                           Өглөөний нартай цуг
                                                                                                           Цайлахад нь дуудаад хардаггүй
                                                                                                           Өдөржин цуг байхад
                                                                                                           Ижийгээ ганц тоодоггүй

                                                                                                         «Манцуйтай байсан даа,чи»  гэж
                                                                                                           Ярих гэж үзлээ,тоодоггүй
                                                                                                        « Манай нутгийн тэр» гэж
                                                                                                           Хуучлах гэж үзлээ,тоодоггүй

                                                                                                       «  Захиа явуулахад яана аа» гэж
                                                                                                         Загнах гэж үзлээ,тоодоггүй
                                                                                                       « Зангий нь мэдэхгүй хүнтэй..» гэж
                                                                                                         Сургах гэж үзлээ,тоодоггүй

                                                                                                         Ирье гэж ирэхэд нь
                                                                                                        Таван үгийн солиогүй
                                                                                                       « Ижийгээ тоодоггүй» үрээ
                                                                                                          Үнсэж үлгээд ханадаггүй

                                                                                                        Хүүдээ ирсэн эх
                                                                                                        Оройн нарнааар мордов
                                                                                                        Хүний нутгийн ууланд
                                                                                                        Солонго татаж хоцров
 
                                                                                                        Буцъяа гэж буцсангүй
                                                                                                       Тэнгэрийн цаг хатуу
                                                                                                        Бурхан ижийг өөрийг нь
                                                                                                        Бурхан дуудсан нь тэр байж...

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • Хоёр дахь дугаарын ялагчаар Хоёр дахь дугаарын ялагчаар "Их хувьсгал" баг тодорлооАрдын хувьсгал ялсан үйл явдлыг тайз, дэлгэцийн бүтээл болгон, уран сайхны хэлбэрээр хүргэх ТВ8 телевизийн шинэ бүтээл “Ардын журамт цэргийн мөрөөр” түүхэн сэдэвт шоу нэвтрүүлгийн эхний дугаар Монгол Улсад орчин цагийн Зэвсэгт хүчин үүсэн байгуулагдсаны түүхт 100 жилийн ойн өдөр буюу Монгол ардын журамт цэрэг жанжин Д.Сүхбаатарын удирдлага дор эх нутгаа харийнхнаас чөлөөлөх зэвсэгт тэмцлийг эхлүүлсэн гуравдугаар сарын 18-ны өдөр үзэгч та бүхний хүртээл болсон билээ.
  • “Ардын журамт цэргийн мөрөөр” түүхэн сэдэвт шоу нэвтрүүлэг “ТВ8” телевизээр үзэгчдэд хүрнэ“Ардын журамт цэргийн мөрөөр” түүхэн сэдэвт шоу нэвтрүүлэг “ТВ8” телевизээр үзэгчдэд хүрнэҮндэсний тусгаар тогтнол, сэргэн мандалтын үндсийг тавьсан Ардын хувьсгал ялсны 100 жилийн ойд зориулсан “Ардын журамт цэргийн мөрөөр” түүхэн сэдэвт шоу нэвтрүүлэг гуравдугаар сарын 18-ны “Монгол цэргийн өдөр”-өөс эхлэн үзэгчдийн хүртээл болох гэж байна.
  • УДЭТ “Анна Каренина” жүжгээ тодорхойгүй хугацаагаар ЦУЦАЛЛААУДЭТ “Анна Каренина” жүжгээ тодорхойгүй хугацаагаар ЦУЦАЛЛААУлсын драмын эрдмийн театр гуравдугаар сарын 4-нөөс эхлэн “Анна Каренина” жүжгийг тайзнаа толилуулж эхэлсэн билээ. Гэвч тус театрын захиргаа болон жүжигчин, уран бүтээлчид, техникийн ажилтнууд, тэдгээрийн гэр бүл гэсэн нийт 54 хүнээс халдвар илэрсэн тул жүжгийг тодорхойгүй хугацаагаар цуцаллаа. Энэ мэдээллийг албаны эх сурвалж баталсан тул сэрэмжлүүлэх үүднээс мэдээллийг хүргэж байна. Театрын зүгээс жүжгийг цуцалсан талаараа дараах МЭДЭГДЛИЙГ гаргалаа.
  • ФАУСТ | Аз жаргалын томъёог түгээхээр дахин ирлээФАУСТ | Аз жаргалын томъёог түгээхээр дахин ирлээМонголыг төдийгүй дэлхийг байлдан дагуулсан И.В.Гётегийн ФАУСТ жүжиг Монголын тайзнаа амилсан өдрөөсөө олон нийтийг байлдан дагуулж чадсан. С.Болд-Эрдэнийн гайхалтай жүжиглэлт, Т.Бархүүгийн төслөөлөшгүй хувиралт, жүжгийн найруулга, уран бүтээлчдийн онцлог, постдрамын сонин содон шийдэл нь алга ташилтыг харамгүй бэлэглэж, дахин дахин үзэх хүсэлтээр тус хамт олныг булж байсан нь саяхан.
  • МУГЖ Г.Ариунбаатар МУГЖ Г.Ариунбаатар "Би Монгол" тоглолтоо хийнэДэлхийн сонгодог урлагийн тайзнаа “Монголын баритон” нэрээр алдаршсан П.И.Чайковскийн нэрэмжит олон улсын мэргэжлийн дуурийн дуулаачдын XV уралдааны шилдэг эрэгтэй дуучин, "Чингис хаан" одонт, Монгол Улсын Гавьяат жүжигчин Г.Ариунбаатар эх орондоо зохион байгуулах "Би Монгол" тоглолтынхоо товыг зарлалаа.
 Сүүлд нэмэгдсэн дуу