2017-04-04 07:37

Өмнөговь аймгийн МАН-ын хорооны удирдлагууд аймгийн АН-ын шинэ дарга Р.Сэддоржийг хүлээн авч уулзлаа

   Өмнөговь аймгийн Ардчилсан намын хорооны даргад Тавантолгой хувьцаат компаний захирал Р.Сэддорж, Ардчилсан намын Хэрэг эрхлэх газрын дарга Ц.Уртнасан нар нэр дэвшиж, намын гишүүд дэмжигчдийнхээ олонхын саналаар Р.Сэддорж ялалт байгууллаа.

   Өмнөговь аймгийн Засаг дарга, аймгийн МАН-ын хорооны дарга Н.Наранбаатар, Аймгийн МАН-ын хорооны дэд дарга Х.Мандахбаяр, аймгийн Засаг даргын уул уурхай, байгаль орчин, дэд бүтцийн асуудал хариуцсан орлогч, аймгийн МАН-ы хорооны төрийн байгууллагын хамтын ажиллагаа хариуцсан дэд дарга С.Мөнхбаяр нар аймгийн Ардчилсан намын хорооны шинэ дарга Р.Сэддоржийг хүлээн авч уулзан намынхаа дотоод сонгуульд ялалт байгуулсанд баяр хүргэж, амжилт хүслээ.

   Өмнөговь аймгийн Засаг дарга, аймгийн МАН-ын хорооны дарга Н.Наранбаатар уулзалтын үеэр “Аймаг орон нутгийнхаа нийтлэг эрх ашиг, хөгжил дэвшил, хүн ардынхаа сайн сайхны тусын тулд орон нутагт үйл ажиллагаа явуулж байгаа улс төрийн намууд улс төржилгүйгээр хамтран ажиллах нь зүйтэй юм. Бид эрх баригч намын хувьд сөрөг хүчнийхээ ажил хэрэгч санал, бодит шүүмжлэлийг хүлээж авч үйл ажиллагаандаа тусган ажиллах болно” гэж мэдэгдсэн юм.

Энэхүү үйл явдал нь говь нутгийн хөгжил дэвшлийн төлөө нутгийн улс төрчид нам харгалзалгүйгээр хамтран ажиллах боломжийг бүрдүүлж, нэг нэгэндээ хүндэтгэлтэй хандах улстөрийн соёлыг төлөвшүүлэхэд томоохон түлхэц боллоо.

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • "The Hu" хамтлагийн аялан тоглолтын тасалбар дуусчээМонголын “The Hu” хамтлаг 2020 оны Европ тивийн аялан тоглолтоо нэгдүгээр сарын 15-наас эхлүүлээд буй. Тэдний эхний тоглолт ХБНГУ-ын Хамбург хотоос эхэлсэн. Хамтлагийн энэ удаагийн аялан тоглолтын тасалбар тун эрэлттэй байгаа бөгөөд худалдаанд гарсан даруйдаа дуусчээ.
  • "Анд" цуврал контент үзэгчдийн хүртээл болж эхэллээ
  • Анна Каренина амилахад 40 хоног үлдлээАнна Каренина амилахад 40 хоног үлдлээДэлхийн сонгодог роман болох Оросын нэрт зохиолч Л.Н.Толстойн "Анна Каренина"-г Монголд анх удаа театрын жүжиг болгон тавих гэж байгаа талаар бид өмнө нь мэдээлсэн. Үзэгчдийн дунд хүлээлт үүсгээд байгаа тус жүжиг Улсын драмын эрдмийн театрын тайзнаа тавигдахад 40 хоног үлдээд байна. Зуу гаруй жил дамнан уншигдсан “Анна Каренина” романыг Н.Пүрэвдагва жүжгийн зохиол болгон бичсэн бөгөөд жүжгийн ерөнхий найруулагчаар Н.Наранбаатар, ерөнхий зураачаар Т.Ганхуяг нар ажиллах юм.
  • Энэ оны эхний жүжиг “Надтай үлдээч”Энэ оны эхний жүжиг “Надтай үлдээч”Улсын драмын эрдмийн театр /УДЭТ/-ын уран бүтээлчид 2020 оны уран бүтээлийн салхиа “Надтай үлдээч” жүжгээр хагалж байна. Өнгөрсөн жил нээлтээ хийсэн тус жүжгийг энэ сарын 18, 19, 25, 26-нд 18.00 цагт тоглох аж.
  • "Хун цагаан хайр"-ын дууч Л.БОЛДБААТАРЫН "Түмэндээ өргөх дуунууд"“1992 оны намар сан. Аав минь намаржин будаанд явж олсон цалингаараа надад магнитифон аваад өгчихөж билээ. Ээж минь ширүүхэн буусан боловч тэгсхийгээд зөөлөрсөн сөн. Хүүгээ дуу, хөгжимд дурлуулж, хөгжүүлэх гэсэн аав, ээж хоёрын минь сэтгэл агуу байж” гэж түүнийг хэлэхэд аньсага нь мэлмэрээд ирэх. Бүх ард түмний урлагийн үзлэгээс алтан медаль авч урам зориг авснаас хойш урлагийн гавьяат жүжигчин болтлоо дуу, хөгжмөөсөө тэр урвасангүй. Зөөлөн тослог хоолой, аргадаж учирласан өнгө, сэтгэл сэмлэсэн бүлээн салхи шиг түүний дуунууд ард түмний сэтгэлд хэдийн хоногшжээ.
 Сүүлд нэмэгдсэн дуу