2017-06-12 05:53

П.Шүүдэрцэцэг: Тэмпог эргээд ирэх болов уу гэж их хүлээсэн, даанч...

   Олны танил үлгэр жишээ хосуудын тоонд зүй ёсоор бичигдэж явсан жүжигчин П.Шүүдэрцэцэг, “Mixx” хамтлагийн дуучин Б.Болдбаатар буюу Тэмпо нарын дурлалын романс хоёр жилийн өмнө төгсгөл болсон. Учир шалтгаанаа удтал нууцалж явсан хосууд саяхнаас ам нээж, дуучин Тэмпо хайртай бүсгүйгээ “Бид гурвын болзоо” кинонд тоглосноос нь болж алдсан тухайгаа хэвлэлийнхэнд ярьсан удаатай.

   Тэгвэл мисс, жүжигчин П.Шүүдэрцэцэг сэтгэлийн хямралаа даван туулах гэж хэрхэн хоёр жилийг туулж өнгөрүүлснээ “Open house” нэвтрүүлэгт оролцохдоо нулимс цийлэгнүүлэн ярилаа. Тэрбээр хайр дурлалынхаа талаар “Надад үнэхээр хүнд хэцүү даваа байлаа. Энэ хугацаанд би ямар ч уран бүтээлд тоглоогүй, зөвхөн ганцаараа байж сэтгэл санаагаа аварч үлдэхийг хичээсэн. Магадгүй, бидний харилцаа эргээд сэргэх болов уу гэж тэвчээртэй хүлээсэн. Даанч болохгүй юм гэдэг угаасаа болдоггүй л юм билээ. Энэ бүхэнд хүмүүс Тэмпог биш намайг буруутгаж яриасай гэж одоо хүртэл түүнийгээ өмөөрч боддог.

   Тэр хүний талаар ямар ч муухай дурсамж сэтгэлд минь байхгүй учраас цаг үргэлж хайрласаар байх болно. Эргээд харахад Тэмпо бид хоёрын хайр үнэхээр агуу байж... Бидэнд одоо сайхан хайрын дурсамж, “Шүүдэрхэн” дуу маань л үлдэж дээ” хэмээн сэтгэлээ уудалсан юм. Мисс, жүжигчин бүсгүйн хувьд, саяхан “Шүүдэрхэн” нэртэй бэлхүүс нарийсгах бүс гаргасан бөгөөд уран бүтээлийн ажилдаа ч идэвхтэй оролцоно гэдгээ нуугаагүй. Ганц бие болсноос нь хойш эргүүлэх залуусын тоо эрс нэмэгдсэн ч, тэрбээр эмэгтэй хүнд халамжтай, илүү дутуу маяггүй, аливаа зүйлд чин сэтгэлээсээ ханддаг эрийг л хайрлана гэнэ лээ.

С.Бамбар

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • Баянхонгор аймгийн театр Баянхонгор аймгийн театр "Шинос" мюзиклээр намар цагийн тоглолтоо нээлээБаянхонгор аймгийн Хөгжимт драмын театр орон нутгийн дэмжлэгтэйгээр тус театрын найруулагч МУСТА С.Тогоомөнхийн зохиол, найруулга, МУГЖ Ц.Алтанцэцэгийн дэглэлт, продюсер Б.Пүрэвдагвын санаачилгаар "ШИНОС" мюзиклийн уран бүтээл туурвин, 09 дүгээр сарын 24,25-ны өдрүүдэд үзэгчдийн хүртээл болголоо. Уран бүтээл нь хүн үүслийн овог, отгийн амьдрал, эртний омгуудын хоорондох зөрчил, хайр сэтгэлийн холбоог бүжгийн мюзикл хэлбэрээр найруулсан, 80 гаруй уран бүтээлчид оролцсон бүрэн хэмжээний бүтээл болсон юм.
  • Дуучин Б.Гүрбадамын “Дурлал шиг бүсгүй” тоглолт болноДуучин Б.Гүрбадамын “Дурлал шиг бүсгүй” тоглолт болноНийтийн дууны урлагт хоолойн цар хүрээгээрээ өөрийн гэсэн өвөрмөц өнгө аясыг бий болгож чадсан дуучин бол Баянмөнхийн Гүрбадам юм. Тэрээр “Өр зүрхний ээж” хэмээх энэрэл хайр, ухаарал шингэсэн дууг анх дуулж урлагт орж ирсэн бол “Дурлал шиг бүсгүй”, “Насанд олдсон хань” зэрэг хуучны сайхан дуунуудыг сэргээн дуулж, дахин амилуулж ард түмэнд танигдсан билээ. Түүний дуучин Э.Чулуунчимэгтэй хамтран дуулсан “Хайрт минь утсаа аваарай”, “Сайхан хань”, “Эрийн гурван наадам” дуучин Г.Энхнарантай “Ганцхан чамдаа”, дуучин Р.Болортуяатай “Учрлын уянга” зэрэг дуунууд нь сонсогчдийн хүртээл болж, фм радиогийн хит парадуудыг тэргүүлсээр байгаа билээ.
  • Улстөржилтөөс болж Улстөржилтөөс болж "The Hu" хамтлагийн хандивын тоглолт хойшиллоо“The Hu” хамтлаг энэ сарын 23-ны мягмар гаригт МҮОНРТ-ээр болон цахимаар бүрэн тоглолтоо хийхээр төлөвлөж, зараа хүртэл тараагаад байсан ч тоглолтоо цуцалжээ.Тэд “COVID-19”-ийн хорионд гадаадад гацаж, байгаад өнгөрсөн сард эх орондоо ирсэн. Ингээд сонгуулийн өмнөх өдөр хандивын тоглолт хийхээр төлөвлөөд байсан ч улс төрийн шалтгаанаас үүдэн цуцалсан байна.
  • “The Hu” хамтлаг УОК-т хандив өргөх онлайн тоглолтоо энэ сарын 23-нд хийнэ“The Hu” хамтлаг УОК-т хандив өргөх онлайн тоглолтоо энэ сарын 23-нд хийнэ“The Hu” хамтлаг УОК-т хандив өргөх онлайн тоглолтоо White Rock Center-т 2020 оны зургаадугаар сарын 23-ны мягмар гарагийн орой хийхээр болсон тухайгаа зарлалаа. Уг хандивын тоглолтыг “The HU” хамтлаг “Хүрээ энтертайнмент” ХХК-тай хамтран МҮОНРТ-ээр шууд дамжуулан хүргэх бөгөөд ивээн тэтгэгчээр Мобиком Корпораци, Хаан Банк ажиллахаар болжээ.
  • "Монгол соёл" онлайн тоглолтоор 102.952.147 төгрөгийн хандив, тусламж цуглажээДэлхийд гайхагдсан монгол соёлын өв тэр дундаа соёлын биет бус өвийн гайхам сайхныг нэгэн дор цогцлоох "Монгол өв соёлын цогцолбор" байгуулах төслийн хандивын аяны нээлтэд зориулсан монгол поп опера “Увертюра” хамтлаг болон язгуур урлагийн алдартай уран бүтээлчид, соёлын биет бус өвийн шилдэг өвлөн уламжлагчдын "Монгол соёл" онлайн тоглолт 06 дугаар сарын 01-нд 18:00 цагаас "ТВ8" телевизээр орон даяар шууд дамжуулагдсан билээ.
 Сүүлд нэмэгдсэн дуу