2017-06-14 02:52

Диваажин

Сүүн замын доор намайг анх хашхичхад

Хайр ивлэсэн сүүгээр ижий минь намайг амлуулж
Хачин энхрий бүүвэйн дуугаар энд намайг аргамжсан
Аньсгаа нээхэд минь аав минь намайг 
Амар амгалангийн үнэгээр наадуулж
Адуунаасаа унага нүдлүүлж эрхлүүлсэн энд
Энэ 
Хоёр сая гэрлийн жилд ч үл орших
Хоёр сая живаа одон дунд ч үл олдох
Цэв цэнхэр диваажин минь
Энд бойтогтой хөлөөрөө анх газар тамгалахад
Бодь согоо нь түшиж хөлд оруулсан
Бор талын тэртээх булгийн ус нь
Ангааг минь тайлах гэж бориглодог
Борог өвс нь хүртэл
Шөнөжин нэрсэн шүүдэртэйгээ өглөө нь намайг хүлээдэг
Энд
Сайртай хөлийг минь агь ганга нь үнсэж аргадсан
Саарь чулуугаар нь хот айл болж тоглоход 
Уярсан горхи нь өдөржин мэлмэрдэг юмаа энэ диваажингийн
Энд 
Цасан ширхэг нь хацар дээр унах нь үнсэх мэт зөөлөн байдаг
Цагаан уул цэцэг нь энэ орчлонгийн билэгдэл байдаг
Сормуус нь цантсан бүсгүй нь ч үзэсгэлэнгийн дээд үзэсгэлэн байдаг
Салхины исгэрээ навчсийн сэржигнээн нь хүртэл яруу шүлэг мэт байдаг аа
Энд 
хуурын татлаганд өвгөд минь туульс хайлахад 
Хөх үүлсийнх нь дэргэдээс шонхор нь бууж надтай сонсдог
Хүрэн уулсийнх нь бэлд гэрээ дугуйлахад
Хүн чулуу нь ерөөл хэлдэг юмаа энэ диваажингийн
Энд
Саахалтын охинд сэтгэл алдан сарны дор болзоход минь
Сархиагт уулсийн дундаас буга нь урамдаж намайг зоригжуулсан
Цэцэг шиг бүсгүйн ядам хуруунд бэлзэг зүүхэд
Цээлийн ус нь намуухан дуу аялсан юмаа энэ диваажингийн
Энд
Шуурга нь хүртэл лимбэн эгшиг мэт ялдам аялгуутай
Саргүй шөнө нь бодлогошрохгүй байхын аргагүй гүн
Зүйдэлгүй тэнгэрийг нь зурахгүй байхын аргагүй номин
Зүрхний гүнээс хайрлахгүй байхын аргагүй охин үртэй энэ диваажин
Энд
Согоо нь янзгалахад уйлахгүй байхын аргагүй уярам
Сарьдагт ургасан вансэмбэрүүг нь үнэрлэхгүй байхын аргагүй үрийн минь зулай шиг
Хөх уулсыг нь бишрэхгүй байхын аргагүй өвгөд шиг минь
Хүйн гол нь ижий шиг минь зөөлөн байдаг юмаа энэ диваажингийн
Энэ диваажинд
Хэн нэгэн хүн биений эрээгүй шуналд автаж
Тэртээх оддын гүнээс мөнхийн оронг мөрөөдөж
Тэргэл сарны доор өвдөг сөхрөн залибарч 
Энхжингийн энэ диваажинд сэтгэл үл ханаад
Гэгээн хүний дүрд хувилснаа чамлагсад
Амьсгалийн тоо цэг дээр ирэхэд 
Амар амагалангийн энэ диваажингийн утгыг ойлгоод
Сар нарны энэ орчлонд сэтгэл нь хоргодож
Сүнс нь сүүдэр үгүй тэнүүчилдэг юм гэнэ билээ 
Тиймээ энд
Уруул мэт навчис нь өнгөө хувилгаж одоход 
Улаахан жимсгэнэ нь цасан доор нь зүүдэлж байдаг
Моддыг дарсан цас нь бодь биеэ хувилгаж одоход 
Мойлын төгөл цэцэглэж байдаг юм аа
Энд
Цаг хугацааны цагаан шувуу нисэвч 
Урсгал минь энд урсаж үндэс минь энд хавж
Уулсын дундаас чоно нь улианд
Үүлсийн дэргэд шонхор нь хашхичаанд омогшиж оршино
 
Модун Ш
Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу

Шинэ мэдээ
Тоглолтын мэдээ
  • Буриадын “Байгал” театр Монголд айлчлан тоглоноБуриадын “Байгал” театр Монголд айлчлан тоглоноМонгол-Оросын найрамдал, хамтын аижллагааны өдрүүдийг тохиолдуулан Буриад улсын үндэсний дуу бүжгийн “Байгал” театр Монголд 20 жилийн дараа ахин тоглохоор болжээ. Соёлын төв өргөөний 30 жилийн ойд зориулсан тус арга хэмжээг ОХУ-аас Монгол Улсад суугаа Элчин сайдын ивээл дор явуулахаар шийдвэрлэсэн байна.
  • Л.Сөрөлт, А.Түмэн-Өлзий нарын хоёрдахь бие даасан тоглолтоо хийнэЛ.Сөрөлт, А.Түмэн-Өлзий нарын хоёрдахь бие даасан тоглолтоо хийнэМонголын хошин урлаг болоод нийтийн дууны урлагт өөрийн гэсэн өнгө төрх, орон зайг бий болгосон авъяаслаг уран бүтээлчид МУСТА Л.Сөрөлт, МУСТА А.Түмэн-Өлзий нар хамтарч уран бүтээл хийгээд багагүй хугацааг үджээ. Тэдний анхны бие даасан “Хайрын тэнгэр диваажин” тоглолт сүр дуулиантай болж азтай нэг үзэгчид байрны урьдчилгаатай тэнцэх 25.800.000 төгрөгийг тайзан дээр гардуулж байсан юм.
  • ”Хурд” хамтлагийн ”Нар” тоглолт өнөөдөр, маргааш болно”Хурд” хамтлагийн ”Нар” тоглолт өнөөдөр, маргааш болноТэртээх 1993 онд байгуулагдсан цагаасаа “Цэргийн бодол”, “Зураг шиг бүсгүй”, “Бүсгүй”, “Нулимсаа тэвчье”, “Чимээгүй ирэх дурлал”, “Би аавтай хүн” зэрэг олон арван дууг хит болгон эгшиглүүлсээр түмэн олны хайр хүндлэлийг хүлээсэн хамтлаг бол "Хурд"-ынхан.
  • Тансаг үдшийг мэдрүүлэх “New season”-ы бэлтгэл хангагджээТансаг үдшийг мэдрүүлэх “New season”-ы бэлтгэл хангагджээУлсын филармони намар цагийн үзвэрийн нээлтээ “New season” тоглолтоор эхлүүлдэг уламжлалтай. Энэ удаад Морин хуурын чуулгын шинэ бүтээлээр үзэгчиддээ бэлэг барихаар бэлтгэл хангажээ. Тоглолтынх нь талаар Улсын филармонийн маркетингийн алба хариуцсан хэвлэл мэдээллийн ажилтан Г.Банзрагчаас тодруулахад “Энэ жил 47 дахь удаагийн нээлтийн тоглолтоо эхлүүлэхэд бэлэн болоод байна. Тоглолтын бэлтгэл ажил дуусах шатандаа орсон. Улсын филармонийн уран бүтээлчид Морин хуурын чуулга шинэ бүтээлүүдээрээ үзэгчдээ баярлуулна” гэв.
  • “Миний дуунууд” тоглолт 20 дахь жилдээ“Миний дуунууд” тоглолт 20 дахь жилдээМонгол Улсын Урлагийн Гавьяат зүтгэлтэн хөгжмийн зохиолч Л.Балхжав үзэгч түмэндээ зориулан шилдэг, шинэ уран бүтээлийн дээж "Миний дуунууд" тоглолтоо 20 жилийн турш тасралтгүй сонсогч түмэндээ толилуулаад байгаа билээ. Тэгвэл энэ жил "Миний дуунууд" тоглолтын 20 дахь жилийн ойн баяр "Миний дуунууд – 2018" концерт 2018 оны аравдугаар сарын 26,27 ны өдрүүдэд UB Palace төвийн Концертын их танхимд зохион байгуулагдах гэж байна.