2012-04-10 13:44

Ш.Гүрбазар – Ээмэг дууль

Манай нутагт, намайг бага байхад
Гуч хүрсэн эр хүн өрөөсөн чихэндээ ээмэгтэй явдагсан
Хүүхдүүд бид нар учиргүй их шохоорхдог байлаа
Гээд тэр нь энэ ертөнцөд хүний эцэг болохын зовлон хэцүүг өгүүлсэн Эртний нэг домогтой дүйж байсан юм.

Тэгээд би Ээмэг гэж дууль бичиж билээ
Одоо үүнийг таньд ярьж өгье!

Мөхдөггүй үлгэрийн эхэнд гэнэлээ
Мөнх зулыг бадамлахад гэнэлээ
Дээл ганцалж дэр хуваалцсан хоёр амраг
Дэргэдээ бүлээн амьсгаа охин хүртэх гээд чадсангүй
Нар сарнаас гуйж үр хэдэнтэй тэвэрлээ ч
Насны хөл бүдрэх тавтай жилээ үргэдэг байж
Хүү хүссэн хоёрын зовлон түүгээр дууссангүй
Хүнд бодлоо хөнгөлж эх дахиад хөл хүндэрлээ
Тогтоож чадаагүй жаргалынхаа ирсэн хатуу сургийг
Тоонон дээгүүр өнгөрөх ногтрууны сүүдрээс харамлан
Элж мөхөдгүй үнэнд үрийнхээ сургыг дуулгавал
Эргэж төрсөн хөөрхий үр минь гэртээ тогтох болвуу гэж
Олон шөнө хоёулаа одноос нуун бодож гэнэ ээ
Хол аянтай усны чимээнд хэлье гэвч
Хоногийн саалтаар ширгэх тавиланд нь эмээлээ
Урт настай уулын чулуунд дуулгая гэвч
Улирлын ялгаар элэх өнгөнд нь айж гэнээ
Мөхдөггүй үнэнд дуулгаж эс чадваас
Мөлхөж хуураад ээжийгээ гомдоох вий!
Элдэггүй үнэнд сонсгож эс чадваас
Инээж ирээд эцгийгээ айлгах вий! гэж
Цөнг усанд хадгалах шиг эмзэглэн
Цөхөртлөө хоёулаа бодсон гэнэ ээ
Зуун догшин унаганы ирмэг туурайд хэлвэл
Зугтах адууг хөлгөлсөн зөөлөн торгон хоцрох вий!
Чулуу гаслах үсэргээнд нь өлөг юугаа санаж
Билүү шаргиулах туурайнд нь алганы халууныг бараадна аа гэж
Эцгийн сэтгэл гэнэтхэн их хатууд сүсэглэн
Эх зовлонт ханиа агтны араас алхуулжээ
Бүс огс хийн алхааг хүнд бараанаар
Битүү тууртын түрүүч омоглон хөлөө цавчилхад
Таанын толгойд бүдчивүү гэмээр эх гэнэтхэн амсхийж
Ташаа даран дуншиж газар өвдөглөн доошлохдоо
Цэцэг гишгэж чулуу өшиглөөгүй байгаа гэж
Цээж эвэртэл өвтгөх зовлон дундаа бодсон гэдэг ээ
Тосоод авахын аз ингээд ирдэгч
Тогтоож хайрлахын заяа дутдаг хөөрхий
Аргадаад аргадаад тогтоож чадаагүй
Ахиад хүү мэндэлжээ
Хайр ухаан хоёроороо орчлонгоос хүүгээ аргамжиж
Хатуу зөөлний зарилгийг сүжигт даатгагдсан эцэг нь
Хатаагдсан ээмгийг зүүн чихэнд нь онголж
Хавь ойрын хүмүүст охин төрлөө гэж зарлажээ
Учир иймээс хойш ёс түүгээр ирнэ
Унаган хар даахинд нь сам шүүрийг хатгаж
Уй зөрчих хуруунд нь сүй бөгжийг товоллоо
Торгоны өөдөс өчгийн тасархайг тоглоомны хэлэнд баримтаглалаа
Хол ойрын айлд охинтой хойгуур урдуур өнгрөгсөдөд хөл хориотой ганц гэр
Орой ирсэн гийчний өлмий хүйтнийг цээрлэж
Орсон буурын зогдороор дээс томон хэллүүлж байжээ
Араг дүүргэж шидмэс сээрвүүлж эрхлүүлнэ
Алаг эрээн дээлийг буруу энгэртээ өмсүүлнэ
Бүстэй хүүхдийн бараанаар хүүгээ харамлан буруулуулж
Бүрэг номхон аашийг эр биенд нь шингээж гэнэ
Учир иймээр байлаа ч ёс түүгээр ирэхгүй ээ
Нууж болдоггүй үнэн насны аясаар цухалдаж
Хааж болдоггүй төрх хоног хоногоор гэрэлтэж эхэллээ
Үе зөрчих хуруу нь унагны бяраа ирлэж
Удмын өргөн цээж нь уурганы цээлшиг ханхайж
Явдал ааш хоёроос нь охин төрх гээгдэхийн цагт
Ямар жам ирхээс ижий аав хоёр нь эмээж эхэллээ
Мөхдөггүй үнэнийг нууж эс чадсанаас
Мөн биеэ үзүүлээд ижийгээ зовоох нь уу даа
Элдэггүй үнэнийг хааж эс чадсанаас
Инээж өсөөд эцгийгээ орхих нь уу даа гэж
Сүсэглэхийн эрхэнд шаналж
Шаналхын эрхэнд залбирдаг боллоо
Амар сайхан жаргаагүй үлгэрийн төгсгөлд та эвгүйцэв ээ
Аав эжийгээ гомдоосон үрийн аашинд та гомдв оо
Явдал учирийг ярья би цааш нь
Нэг л өглөөхөн аргадаж ордог үүдээ
Даландаа хүргэлгүй чулуудаж
Аав талдаа өвдөг сөөлжүүлж суусан гэнээ
Халуун чихэнд нь онголсон хатаагтай ээмэг үргэж
Хатан угжтай хүүхнийг эхнэрээ гэж дуулгасан гэнээ
Амий нь өмөрсөн сүжиг ариун цогцсоноос нь алдархад
Аз заяа дутлаа гэж аав ээж нь эмээж
Үгүй болохыг нь үзэхгүй байя гэхдээ
Үрийн сурагтай өтлөе гэхдээ
Хол явдаа миний хүү гэж
Хонгор ээж нь уйлжээ
Алс газар явдаа гэж аав нь хүүгээсээ учирлажээ
Холдоод явахыг нь ирэхийн ухаанаар аргадаж
Хоёулаа байгаагаа гурвуулаа юм шиг тайтгарч
Алд цагаан дээс ахин дахин томон
Дуусахын цагт нь дахин дахин задлан
Үзэхийн буянаар нас бүүвэй
Үнсэхийн буянаар хушуу бүүвэй
Өрх дутааж өлгий хайчлаарай үүд дутааж
Үнэг хайчлаарай гэж
Араар нь гарсан хүнд
Ачтай айл шиг
Үүдээр нь өнгөрсөн хүнд
Үртэй улс шиг
Аялсаар аялсаар аяархан болсон гэдэг
Дуулсаар дуулсаар дуугүй болсон гэдгээ

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • Хоёр дахь дугаарын ялагчаар Хоёр дахь дугаарын ялагчаар "Их хувьсгал" баг тодорлооАрдын хувьсгал ялсан үйл явдлыг тайз, дэлгэцийн бүтээл болгон, уран сайхны хэлбэрээр хүргэх ТВ8 телевизийн шинэ бүтээл “Ардын журамт цэргийн мөрөөр” түүхэн сэдэвт шоу нэвтрүүлгийн эхний дугаар Монгол Улсад орчин цагийн Зэвсэгт хүчин үүсэн байгуулагдсаны түүхт 100 жилийн ойн өдөр буюу Монгол ардын журамт цэрэг жанжин Д.Сүхбаатарын удирдлага дор эх нутгаа харийнхнаас чөлөөлөх зэвсэгт тэмцлийг эхлүүлсэн гуравдугаар сарын 18-ны өдөр үзэгч та бүхний хүртээл болсон билээ.
  • “Ардын журамт цэргийн мөрөөр” түүхэн сэдэвт шоу нэвтрүүлэг “ТВ8” телевизээр үзэгчдэд хүрнэ“Ардын журамт цэргийн мөрөөр” түүхэн сэдэвт шоу нэвтрүүлэг “ТВ8” телевизээр үзэгчдэд хүрнэҮндэсний тусгаар тогтнол, сэргэн мандалтын үндсийг тавьсан Ардын хувьсгал ялсны 100 жилийн ойд зориулсан “Ардын журамт цэргийн мөрөөр” түүхэн сэдэвт шоу нэвтрүүлэг гуравдугаар сарын 18-ны “Монгол цэргийн өдөр”-өөс эхлэн үзэгчдийн хүртээл болох гэж байна.
  • УДЭТ “Анна Каренина” жүжгээ тодорхойгүй хугацаагаар ЦУЦАЛЛААУДЭТ “Анна Каренина” жүжгээ тодорхойгүй хугацаагаар ЦУЦАЛЛААУлсын драмын эрдмийн театр гуравдугаар сарын 4-нөөс эхлэн “Анна Каренина” жүжгийг тайзнаа толилуулж эхэлсэн билээ. Гэвч тус театрын захиргаа болон жүжигчин, уран бүтээлчид, техникийн ажилтнууд, тэдгээрийн гэр бүл гэсэн нийт 54 хүнээс халдвар илэрсэн тул жүжгийг тодорхойгүй хугацаагаар цуцаллаа. Энэ мэдээллийг албаны эх сурвалж баталсан тул сэрэмжлүүлэх үүднээс мэдээллийг хүргэж байна. Театрын зүгээс жүжгийг цуцалсан талаараа дараах МЭДЭГДЛИЙГ гаргалаа.
  • ФАУСТ | Аз жаргалын томъёог түгээхээр дахин ирлээФАУСТ | Аз жаргалын томъёог түгээхээр дахин ирлээМонголыг төдийгүй дэлхийг байлдан дагуулсан И.В.Гётегийн ФАУСТ жүжиг Монголын тайзнаа амилсан өдрөөсөө олон нийтийг байлдан дагуулж чадсан. С.Болд-Эрдэнийн гайхалтай жүжиглэлт, Т.Бархүүгийн төслөөлөшгүй хувиралт, жүжгийн найруулга, уран бүтээлчдийн онцлог, постдрамын сонин содон шийдэл нь алга ташилтыг харамгүй бэлэглэж, дахин дахин үзэх хүсэлтээр тус хамт олныг булж байсан нь саяхан.
  • МУГЖ Г.Ариунбаатар МУГЖ Г.Ариунбаатар "Би Монгол" тоглолтоо хийнэДэлхийн сонгодог урлагийн тайзнаа “Монголын баритон” нэрээр алдаршсан П.И.Чайковскийн нэрэмжит олон улсын мэргэжлийн дуурийн дуулаачдын XV уралдааны шилдэг эрэгтэй дуучин, "Чингис хаан" одонт, Монгол Улсын Гавьяат жүжигчин Г.Ариунбаатар эх орондоо зохион байгуулах "Би Монгол" тоглолтынхоо товыг зарлалаа.
 Сүүлд нэмэгдсэн дуу