2017-06-28 06:14

Фаррелл Уильямс: Гурван ихрийн аав болно хэмээн төсөөлж байсангүй

Дуучин Фаррелл Уилъямс өчигдөр “Jimmy Fallon The Tonight Show” шоунд оролцжээ. Энэхүү ярилцлагыг хүргэж байна.

 

 

-Энэхүү ярилцлагыг эхлэхийн өмнө танд томоос том баяр хүргэе. Хэдхэн сарын өмнө та гурван ихрийн эцэг болсон. Энэ мэдээг сонсоод надаас гадна олон хүн гайхсан. “Ээ бурхан минь Фаррелл Уилъямс гурван ихэртэй болчихсон байна” гэх үгс хаа сайгүй сонсогдож байсан?

 

-Мэдээж олон хүнээс гайхалтай сайхан үгсийг сонссон. Бусад хүмүүсийн ярианд тийм ч их ач холбогдол өгдөггүй. Зүгээр л тоохгүй байхыг илүүд үздэг.

 

-Яагаад, бусад хүмүүс бусдын яриаг сонсох дуртай байдаг?

 

-Намайг болон гэр бүлийг минь мэддэг мэт цуу яриа тараагчдыг тоож сэтгэлээ сэвтээхийг хүсэхгүй байна. Зүгээр л тэднийг тоохыг хүсэхгүй байна. Тэд ярьж л байг. Надад хамаагүй.

 

-Нэг л өдөр гурван хүүхэдтэй болчихсон. Мэдээж олон хүүхэд амаргүй гэдгийг би сайн мэднэ. Энэ талаараа сонирхуулаач?

 

-Бурхан минь. /инээв/ Амьдралдаа  ингэж буулт хийсэн хором мөч надад байгаагүй. Хүүхдүүдийнхээ өмнө зүгээр л би буулт хийсэн. Нэгийг нь хооллож эхлээгүй л байхад  дараагийнх нь уйлна. Ерөнхийдөө тэд байнга уйлдаг. /инээв/ Нэг нь уйлахаар нөгөө хоёр нь дагаад уйлна. Тэднийг тусад нь хооллохгүй бол нэг нэгнээ дагаад л уйлаад л уйлаад л. 

 

-Гурван ихрийн аав болно хэмээн төсөөлж байв уу?

 

-Үгүй төсөөлж байсангүй. Гурван ихрийн аав болно хэмээн төсөөлж байсангүй. Зүгээр л жаргалтай байна.

 

 

-Нулимс таныг залхааж буй бололтой.

 

-Эцэг хүний хувьд үр хүүхдүүдийнхээ нулимсыг бол тэвчиж чадна. Бүх хүүхэд л уйлдаг. Гэхдээ яг унтаж байхад тэд уйлахаар бага зэрэг сэтгэлээр унадаг.

 

-Таны яриаг сонсохоор та их сайн аав бололтой.

 

-Сайн байхаас өөр сонголтгүй. Эхнэр минь тэднийг тээхээс авахуулаад төрөх хүртлээ их ядарч бас өвдсөн. Тэр бүхнийг харахаас өөр сонголтгүй байгаадаа заримдаа өөрийгөө их л буруутгадаг байлаа. Тиймээс эхнэрээ бага зэрэг тэнхрэх хүртэл би илүү оролцоотой байхыг хүссэн.

 

-Өнөөг хүртэл хүүхдүүдийн тань зураг нийтэд ил болоогүй байгаа. Энэ талаар. тэднийг зүгээр л нууцлахыг хүсч байна уу?

 

-Тэд минь хэтэрхий балчир байна. Зүгээр л гэр бүлээ хамгаалмаар байна.

 

-Зарим нэгэн хүний ухаалаг төхөөрөмжийн ачаар энэ бүхэн ил болно хэмээн эмээхгүй байна уу?

 

-Үнэнийг хэлэхэд эмээж байна. Гэрийнхээ зарим төхөөрөмжийг бага зэрэг сайжруулсан. Тэд хөдөлж эхэлсэн бол би ч гэсэн хариу арга хэмжээ авах хэрэгтэй. Гэр бүл дархан цаазат бүс нутаг гэдгийг л тэдэнд ойлгуулаад өгөх хэн нэгэн байдаг ч болоосой.

 

 

-Хэдхэн өдрийн өмнө DG Калвин Харрис болон дуучин Кейти Перритэй хамтарсан уран бүтээлээ нийтийн хүртээл болгосон. Би сонссон. Үнэхээр догь бүтээл болсон байна лээ?

 

-Тэд бол сонгодог уран бүтээлчид. Бид нэг баг болж ажилласан. Олны талархлыг их хүлээгээсэй хэмээн хүсч байна.

 

-Мөн “Сарыг хулгайлах төлөвлөгөө 3” хүүхэлдэйн киноны дууг та бичсэн. “There's Something Special” дуу үнэхээр сайхан бүтээл болсон байна лээ?

 

-Би дууг хүүхдүүдээ бодож бичсэн. Тиймээс л амжилтад хүрсэн гэж бодож байгаа. Миний хэд хэдэн дууг мөн уг хүүхэлдэйн кинонд ашигласан. Надад таалагдсан шүү.

 

-Таныг наснаасаа залуухан харагддаг гэж олон жилийн өмнөөс ярилцдаг.

 

-Тийм ээ би энэ талаар хангалттай сонссон.

 

-Тэгэхээр гадаад төрхөндөө сэтгэл хангалуун байдаг уу?

 

-Мэдээж хэрэг. Сэтгэлээр унах асуудал огт үүсч байгаагүй.

 

-Ингэхэд хэдэн настай юм.

 

-44 настай.

 

-Бурхан минь. Тэгвэл тэдний зөв байж. Миний бодлоор наснаасаа 10 гаруй насаар залуухан харагддаг юм байна.

 

-Баярлалаа. Сэтгэл хөдөлж байна шүү. /инээв/

 

Б.Дэлгэрцэцэг 

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу

Шинэ мэдээ
Тоглолтын мэдээ
  • “Номоо солилцъё” өдөрлөг энэ сарын 4,5-д болно“Номоо солилцъё” өдөрлөг энэ сарын 4,5-д болноНийслэлийн иргэд цуглаж өөрт байгаа номоо сарын хугацаатай бусадтайгаа солилцож уншдаг болоод жил гаруй хугацаанд тасралтгүй үргэлжилж буй “Номоо солилцъё” өдөрлөг энэ сарын 04-ны өдөр 10:00-17:00 цагийн хооронд, 05-ны өдөр 10:00-14:00 цагийн хооронд хоёр өдрийн турш Улаанбаатар хотын нийтийн төв номын санд зохион байгуулагдах гэж байна. Энэ удаагийн өдөрлөг “ҮНДЭСНИЙ БИЧИГ ҮСГИЙН БАЯР”-ын өдрийн хүрээнд зохион байгуулагдаж байгаагаараа ихээхэн онцлогтой юм.
  • Playing Love Best тоглогдоноPlaying Love Best тоглогдоноХөгжмийн зохиолчдын авьяас билгээ сорих, ур чадвараа харуулах нэг шалгуур нь киноны хөгжим байдаг гэлцдэг. Кино урлаг үүсэж хөгжихтэй хамт бий болж, хөгжсөн хөгжмийн энэхүү томоохон урсгалын энэ үеийн гол төлөөлөгчдийн нэг нь Эннио Морриконе билээ. Түүний "1900-гийн домог" (Legend of 1900) кинонд зориулан бичсэн "Playing love" зохиолоор нэрлэгдсэн тоглолтоо Морин хуурын чуулга найм дахь жилдээ үзэгч, сонсогч олондоо өргөн барих гэж байна. Энэхүү тоглолт нь Монголын төдийгүй дэлхийн алдарт киноны сэтгэлд хоногшсон сонгомол хөгжим аялгууг үндэсний хөгжмийн хөг эгшгээр амилуулан хөгжимдөж, Морин хуур хэмээх гайхамшигт хөгжмийн зэмсгийн чадал, ур хийцийн гайхамшгийг тод томруун харуулдаг тул үзэгчид жил жилийн тоглолтыг тэсэн ядан хүлээдэг биз ээ.
  • Come Fly With Me тоглолт маш өвөрмөц боллооCome Fly With Me тоглолт маш өвөрмөц боллооӨнгөрсөн Бямба гараг буюу 4-р сарын 14-нд Корпорейт Конвеншн төвийн концертын их танхимд дуучин Наагийгийн тоглолт болж өнгөрлөө. Тэрээр анхны тоглолтоо 2012 оны энэ өдөр Strangers In The Night нэртэйгээр Тусгаар тогтнолын ордонд хийж байсан юм. Өнгөрсөн 6 жилийн хугацаанд дуучны дуулах ур чадвар, дуулалтын мэдрэмжүүд улам нэмэгдсэн байсан бөгөөд тоглолтын 90 минутын турш өөртөө итгэлтэйгээр үзэгчдэд олны танил Монгол болон гадаад дуунуудыг хүртээл болгож байлаа.
  •  Жүжигчин Г.Ундармаа насанд хүрэгчдэд зориулсан шинэ бүтээлээ удахгүй нээнэ Жүжигчин Г.Ундармаа насанд хүрэгчдэд зориулсан шинэ бүтээлээ удахгүй нээнэХошин урлагийн тайзнаасаа хөндийрч дэлгэцийн бүтээлдээ түлхүү анхаарлаа хандуулж буй жүжигчин Г.Ундармаа дахин нэг өөр төрлийн шинэ бүтээлээрээ тун удахгүй тэсрэлт хийхээр зэхэж байна.
  •  Дуучин Наагий Дуучин Наагий "жазз" үдшээ уянгалуулахад бэлэн болжээ Дуучин Наагий "жазз" үдшээ уянгалуулахад бэлэн болжээ