2017-07-03 04:37

Алдарт "Монголын нэг өдөр” Афиныг зорьжээ

   Жар гаруй жилийн түүхтэй, дэлхийн дүрслэх урлагийн цөм гэгддэг “100 өдрийн музей - Документа”-ийн 14 дэх удаагийн олон улсын үзэсгэлэн Грекийн Афинд дөрөвдүгээр сарын 8-нд, Германы Касселд зургадугаар сарын 10-нд нээлтээ хийсан юм. 

   “Документа” үзэсгэлэнг анх 1955 онд дайны дараах Германы орчин үеийн соёл урлаг, уран бүтээлчдийг дэлхийд сурталчлан таниулах, нийтийн хүртээл болгох зорилгоор зохион байгуулж байсан бөгөөд өнөө цагт дэлхийн орчин үеийн шилдэг уран бүтээлүүдийг нэр дор цуглуулж олон сая хүний хүртээл болгодог ашгийн бус олон улсын хэмжээний үзэсгэлэн болж өргөжжээ. Таван жил тутамд 100 хоногийн турш үргэлжилдэг энэхүү үзэсгэлэн нь оролцогч сонирхогчдын цар хүрээ, нэр хүндээрээ дэлхийд тэргүүлдэг бөгөөд 14 дэх удаа Германы Кассел, Грекийн Афин хотуудад 2017 оны зургадугаар сарын 10-наас есдүгээр сарын 17-ны өдрүүдэд дэлгэгдэх юм.

   Олон улсын хэмжээнд өндөр зэрэглэл бүхий 'Документа' үзэсгэлэнг зохион байгуулагчид 'Документа 14' үзэсгэлэнд Монгол Улсыг зочин орноор оролцуулж, Монгол Улсын Түүх, соёлын хосгүй үнэт бүтээл, Балдуугийн Шаравын “Монголын нэг өдөр”, “Өвлийн ордон” уран зургийг үзэсгэлэнд дэлгэн, дэлхий нийтийн хүртээл болгож байгааг дуулгахад таатай байна. 

2017 оны энэхүү үзэсгэлэнд үзэсгэлэнгийн ерөнхий куратор Адам Чимчикийн урилгаар олон улсын 160 гаруй уран бүтээлч оролцож, Афин хотод 47, Касселд 30 гаруй байгууламж дотор бүтээлүүд нь дэлгэгджээ.

20-р зууны эхэн үеийн манай бүтээлүүд тухайн цаг үедээ уран зургийн шинэ техник, шийдлээрээ гайхамшигтай бөгөөд зураач хүн өөрийнхөө амьдарч буй нийгмийг дүгнэж, үнэлэн тэрийгээ уран зургаар дамжуулан илэрхийлэх талаараа дэлхийд хосгүй бүтээл гэж үнэлж байгаа юм.

Энэхүү дэлхийд нэр хүндтэй үзэсгэлэнд Монгол Улс оролцох боломж гарч буй нь монголын орчин үеийн дүрслэх урлагийн салбарыг дэлхийд таниулах, олон улсад үнэ цэнийг нь өсгөх, уран бүтээлчдээ олон улсад таниулах төдийгүй урлаг соёлын аялал жуулчлалыг хөгжүүлэх чухал ач холбогдолтой. Үзэсгэлэнд одоо амьд сэрүүн бус 120 гаруй уран бүтээлчдийн 1000 гаруй бүтээл дэлхийн олон орны музейн цуглуулгаас ирж оролцож байна.

Б.Шаравын “Монголын нэг өдөр”, “Өвлийн ордон” зургууд нь германы алдарт уран бүтээлч Жосеф Боиз болон бусад уран бүтээлчдийн бүтээлүүдтэй зэрэгцэн Касселын Neue Galerie-д байрлаж, зургадугаар сарын 10-аас олны хүртээл болоод байна. Таван жил тутамд нэг удаа зохион байгуулагддаг энэхүү өндөр зэрэглэлийн үзэсгэлэнд монгол уран бүтээл анх удаагаа оролцож байгаа юм. 

Афин болон Касселд болсон нээлтийн үйл ажиллагаанд Грек улсын Ерөнхийлөгч Прокопис Павлопулос, Германы ерөнхийлөгч Франк-Вальтер Штайнмайер нар, түүнчлэн дэлхийн томоохон музейн захирлууд, дүрслэх урлагийн мэргэжилтнүүд, кураторууд, уран бүтээлчид болон 3000 гаруй сэтгүүлчид ирсэн байв. Харин Германы Кассел хотод 6-р сарын 7-9-ны хооронд зохион байгуулагдсан хаалттай үзвэр болон 10-ны өдрийн албан ёсны нээлтийн үйл ажиллагаанд Монгол Улсын засгийн газрыг төлөөлөн Засгийн газрын хэрэгжүүлэгч агентлаг Соёл, Урлагийн газрын дарга Г.Эрдэнэбат болон бусад төлөөлөгчид оролцлоо.

'Документа 14' олон улсын үзэсгэлэн Афинд дөрөвдүгээр сарын 8-наас долдугаар сарын 16 хүртэл, Касселд зургадугаар сарын 10-наас есдүгээр сарын 17 хүртэл үргэлжлэх юм.

Эх сурвалж: соёл урлагийн газар

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу

Шинэ мэдээ
Тоглолтын мэдээ
  • Come Fly With Me тоглолт маш өвөрмөц боллооCome Fly With Me тоглолт маш өвөрмөц боллооӨнгөрсөн Бямба гараг буюу 4-р сарын 14-нд Корпорейт Конвеншн төвийн концертын их танхимд дуучин Наагийгийн тоглолт болж өнгөрлөө. Тэрээр анхны тоглолтоо 2012 оны энэ өдөр Strangers In The Night нэртэйгээр Тусгаар тогтнолын ордонд хийж байсан юм. Өнгөрсөн 6 жилийн хугацаанд дуучны дуулах ур чадвар, дуулалтын мэдрэмжүүд улам нэмэгдсэн байсан бөгөөд тоглолтын 90 минутын турш өөртөө итгэлтэйгээр үзэгчдэд олны танил Монгол болон гадаад дуунуудыг хүртээл болгож байлаа.
  •  Жүжигчин Г.Ундармаа насанд хүрэгчдэд зориулсан шинэ бүтээлээ удахгүй нээнэ Жүжигчин Г.Ундармаа насанд хүрэгчдэд зориулсан шинэ бүтээлээ удахгүй нээнэХошин урлагийн тайзнаасаа хөндийрч дэлгэцийн бүтээлдээ түлхүү анхаарлаа хандуулж буй жүжигчин Г.Ундармаа дахин нэг өөр төрлийн шинэ бүтээлээрээ тун удахгүй тэсрэлт хийхээр зэхэж байна.
  •  Дуучин Наагий Дуучин Наагий "жазз" үдшээ уянгалуулахад бэлэн болжээ Дуучин Наагий "жазз" үдшээ уянгалуулахад бэлэн болжээ
  • Дуучин Наагийгийн тоглолтын тасалбар эрэлттэй байнаДуучин Наагийгийн тоглолтын тасалбар эрэлттэй байнаДуучин Наагийгийн 04-р сарын 14-нд болох “Come Fly With Me” swing concert-ын тасалбар тун чиг эрэлттэй байна. Дуугаралт, дэлгэц, орчин гээд бүгд мэргэжлийн өндөр түвшинд зохион байгуулагдаж байгаа тус тоглолтонд Герман улсаас жазз хөгжмийн нэртэй 2 хөгжимчин ирж байгаа гэнэ. Мөн тоглолтонд дуучин Наагийгийн багш МУГЖ Б.Дашдондог, С.Наран, Ц.Хулан нар оролцохоос гадна улсын Филармонийн Баянмонгол биг бэнд, симфони найрал хөгжмийн утсан хөгжимчид оролцсон нүсэр тоглолт болох гэнэ.
  •  Дуучин О.Гансувд бие даасан анхны тоглолтоо хийнэ Дуучин О.Гансувд бие даасан анхны тоглолтоо хийнэ Дуучин О.Гансувд бие даасан анхны тоглолтоо хийнэ