2017-09-20 06:02

Улаанбаатар хот шинэ өнгө төрхтэй боллоо

   Нийслэлийн Засаг даргын зөвлөлийн ээлжит хуралдаанаар “Улаанбаатар: Аз жаргалтай хот” брэндийг танилцуулж, батлууллаа. Тус брэндийн гол зорилго нь нийслэлээс зохион байгуулж буй аливаа үйл ажиллагаа, хэвлэмэл материал, бэлэг дурсгал зэрэг бүхий л зүйлсэд тогтмол хадгалагдах, Улаанбаатар хотыг илэрхийлэх өвөрмөц өнгө төрхийг  бий болгох явдал юм. Нийслэл хотынхоо нүүр царай болох аливаа бүтээлч ажиллагаанд гар бие оролцож буй хүн бүр энэхүү брэнд хөтчийг ашиглах боломжтой.

   Брэнд гэдэг орчин үед зөвхөн бараа бүтээгдэхүүний шошго, чанарын илэрхийлэл хэмээх ойлголтоор хязгаарлагдахаа хэдийн больжээ. Үүний дээр олон нийтэд мэдээллийг зөвхөн үгээр хүргэх бус, дүрс, зураг, өнгө дизайны шийдлийг чадварлаг ашиглах шаардлага өдрөөс өдөрт өсч байна. Чухам энэ л шаардлагын дагуу Улаанбаатар хотын нүүр царайг илэрхийлэх бүхий л зүйлсэд ашиглагдах өнгөний сонголтууд, дизайн элементүүд болон бичлэгийн хэв маяг, аливаа хэвлэл мэдээллийн хэрэгслээр цацагдах контентуудын тогтмол, нэгдсэн өнгө төрхийг тодорхойлж өгөх шаардлагатай болоод байна. Шинэ өнгө төрхөө тогтмол баримталснаар гадаад, дотоодын хэний ч ухамсарт Улаанбаатар хотын талаар бидний хүсэж буй төсөөлөл, эерэг сэтгэгдэл тодхон үлдэнэ гэдэгт бид итгэлтэй байна. 

   Улаанбаатар хот бол хүний эрхийг дээдлэгч, хүнлэг энэрэнгүй, ардчилсан улс орны улс төр, эдийн засгийн төв. Хүн амынх нь 63.6 хувийг 35 хүртэлх насны залуучууд эзэлдэг идэр залуу хот. Улаанбаатар хот алс холоос зорин ирсэн айлчин гийчдээ өгөөмөр сэтгэлээр угтдаг шигээ өөрчлөлт шинэчлэлт, шинэ соёл, шинэ урлагийг гар дэлгэн угтан авдаг орчин үеийн хот. Бид бүс нутгийнхаа бизнес, санхүүгийн нэгэн чухал төв, аялал жуулчлалын цэг, улс орныхоо төдийгүй нийт Монгол туургатны оюун санааны нийслэл болох алсын хараатай.

   Нийслэл хотын маань энэ хоёр эсрэг тэсрэг чанар харшилдан зөрчилдөх бус, харин сүлэлдэн нэгдэж, зөвхөн Улаанбаатарын гэсэн өвөрмөц уур амьсгалыг бүрдүүлж, хот маань аз жаргалтай оршдог. Улаанбаатар хотын хөгжил дэвшил, Улаанбаатарчууд бидний аз жаргалын тулгуур нь бидний үнэт зүйлс.

  • Зуу зуун мянган залуусын маань ЭРЧ ХҮЧ
  • Ирсэн зочноо халуун сэтгэлээр угтдаг НАЙРСАГ, ЗОЧЛОМТГОЙ ЗАН
  • Зөв, сайн бүхний эхлэл болсон БОЛОВСРОЛ, ШИНЖЛЭХ УХААН
  • Ахмад үе, үүх түүхээ, ах дүүс, хөрш саахалтаа хүндэтгэх ХҮНДЛЭЛ
  • Эцэг өвгөдийн минь бидэнд л үлдээсэн ӨВ СОЁЛ

Хэрэв хотыг хүн гэвэл дэд бүтэц, барилга байгууламж, цэцэрлэг талбай нь түүний бие махбод, гоёл зүүсгэл нь. Харин хотын иргэд нь түүний оюун сэтгэл, зан төрх нь болно. Тэгвэл манай хот хэн байх вэ?

 

  • Залуухан
  • Эрч хүчтэй
  • Сонирхолтой
  • Эелдэг, найрсаг
  • Аз жаргалтай
  • Орчин үеийн
  • Ажил хэрэгч

   Аливаа хот зохион байгуулж буй соёл урлагийн арга хэмжээнүүдээрээ, гудамж талбайнхаа өнгө төрхөөр, хэвлэл мэдээллээр, удирдлагынх нь гаргаж байгаа шийдвэрүүдээр иргэдтэйгээ болон зочидтойгоо үргэлж харилцан ярилцаж байдаг. Тэгвэл Улаанбаатар хот юу хэлэх бол?

  • Хэн бүхэнд нээлттэй
  • Бизнесийн таатай орчинтой
  • Боломжоор дүүрэн
  • Сонирхолтой үйл явдлаар дүүрэн

   Логонд буй Улаанбаатар хотын нэрийг бичсэн фонт нь энгийн бус, уран бичлэгтэй байгаа нь сонирхолтой харагдах бөгөөд, дэвсгэр дүрс нь Улаанбаатар хотын газрын зургийг хялбаршуулсан дүрсээр илэрхийлж байгаа юм. Газрын зургийг жинхэнэ хэлбэрээр нь бус, хялбаршуулсан дүрсээр оруулж байгаа нь лого дизайны нэн тэргүүний дүрэм болох энгийн байх шаардлагат нийцүүлж байгаагаас гадна, логог аливаа зураг, дүрсэнд дизайн элемент болгон байрлуулахад тохиромжтой болгож байгаа юм. Мөн тухайн нөхцөл байдлаасаа хамаараад энэхүү дэвсгэр дүрсийн өнгийг өөрчилж, хүссэн өнгө төрхөө бүрдүүлэх боломжтой гэж НЗДТГ-ын Хэвлэл, мэдээлэл, олон нийттэй харилцах хэлтсээс мэдээллээ.

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу

Шинэ мэдээ
Тоглолтын мэдээ
  • “Өндөр гэгээн” дуулалт жүжгийг Орхонд тоглоно“Өндөр гэгээн” дуулалт жүжгийг Орхонд тоглоно Урлагийн гавьяат зүтгэлтэн Л.Ванганы нэрэмжит Завхан аймгийн хөгжимт жүжгийн театрын бүтээл “Өндөр гэгээн” дуулалт жүжгийг энэ сарын 14-ний өдөр Орхон аймгийн соёлын ордонд тоглохоор болжээ. Жүжгийг хоёр удаа тоглох юм байна. Завхан аймгийн Шилүүстэй сумын харьяат Төрийн соёрхолт яруу найрагч Ц.Бавуудоржийн зохиол, хөгжмийн зохиолч Урлагийн гавьяат зүтгэлтэн Т.Сэр-Од, Төрийн соёрхолт, Улсын Драмын эрдмийн театрын ерөнхий найруулагч Н.Наранбаатар нарын хамтран бүтээсэн “Өндөр гэгээн” дуулалт жүжгийг бүтээх үйл явж жил гаруй үргэлжилжээ. Жүжгийн нээлт өнгөрөгч гуравдугаар сард Завхан аймгийн театрт болж байв.
  • “Номоо солилцъё” өдөрлөг энэ сарын 4,5-д болно“Номоо солилцъё” өдөрлөг энэ сарын 4,5-д болноНийслэлийн иргэд цуглаж өөрт байгаа номоо сарын хугацаатай бусадтайгаа солилцож уншдаг болоод жил гаруй хугацаанд тасралтгүй үргэлжилж буй “Номоо солилцъё” өдөрлөг энэ сарын 04-ны өдөр 10:00-17:00 цагийн хооронд, 05-ны өдөр 10:00-14:00 цагийн хооронд хоёр өдрийн турш Улаанбаатар хотын нийтийн төв номын санд зохион байгуулагдах гэж байна. Энэ удаагийн өдөрлөг “ҮНДЭСНИЙ БИЧИГ ҮСГИЙН БАЯР”-ын өдрийн хүрээнд зохион байгуулагдаж байгаагаараа ихээхэн онцлогтой юм.
  • Playing Love Best тоглогдоноPlaying Love Best тоглогдоноХөгжмийн зохиолчдын авьяас билгээ сорих, ур чадвараа харуулах нэг шалгуур нь киноны хөгжим байдаг гэлцдэг. Кино урлаг үүсэж хөгжихтэй хамт бий болж, хөгжсөн хөгжмийн энэхүү томоохон урсгалын энэ үеийн гол төлөөлөгчдийн нэг нь Эннио Морриконе билээ. Түүний "1900-гийн домог" (Legend of 1900) кинонд зориулан бичсэн "Playing love" зохиолоор нэрлэгдсэн тоглолтоо Морин хуурын чуулга найм дахь жилдээ үзэгч, сонсогч олондоо өргөн барих гэж байна. Энэхүү тоглолт нь Монголын төдийгүй дэлхийн алдарт киноны сэтгэлд хоногшсон сонгомол хөгжим аялгууг үндэсний хөгжмийн хөг эгшгээр амилуулан хөгжимдөж, Морин хуур хэмээх гайхамшигт хөгжмийн зэмсгийн чадал, ур хийцийн гайхамшгийг тод томруун харуулдаг тул үзэгчид жил жилийн тоглолтыг тэсэн ядан хүлээдэг биз ээ.
  • Come Fly With Me тоглолт маш өвөрмөц боллооCome Fly With Me тоглолт маш өвөрмөц боллооӨнгөрсөн Бямба гараг буюу 4-р сарын 14-нд Корпорейт Конвеншн төвийн концертын их танхимд дуучин Наагийгийн тоглолт болж өнгөрлөө. Тэрээр анхны тоглолтоо 2012 оны энэ өдөр Strangers In The Night нэртэйгээр Тусгаар тогтнолын ордонд хийж байсан юм. Өнгөрсөн 6 жилийн хугацаанд дуучны дуулах ур чадвар, дуулалтын мэдрэмжүүд улам нэмэгдсэн байсан бөгөөд тоглолтын 90 минутын турш өөртөө итгэлтэйгээр үзэгчдэд олны танил Монгол болон гадаад дуунуудыг хүртээл болгож байлаа.
  •  Жүжигчин Г.Ундармаа насанд хүрэгчдэд зориулсан шинэ бүтээлээ удахгүй нээнэ Жүжигчин Г.Ундармаа насанд хүрэгчдэд зориулсан шинэ бүтээлээ удахгүй нээнэХошин урлагийн тайзнаасаа хөндийрч дэлгэцийн бүтээлдээ түлхүү анхаарлаа хандуулж буй жүжигчин Г.Ундармаа дахин нэг өөр төрлийн шинэ бүтээлээрээ тун удахгүй тэсрэлт хийхээр зэхэж байна.