2017-10-04 02:41

Майкл Жексоныг дуурайгч

   Попын хаан Майкл Жексон 2009 оны зургадугаар сарын 25-нд нас барахад дэлхий даяар харамсан гашуудсан. Майкл Жексон алдартай дуучин, ая зохиогч, бүжигчин байсан төдийгүй поп соёлын бурхан мэт шүтээн байсан билээ.

   Дуу, хөгжмийн бизнест асар их хувь нэмэр оруулсан тэрээр загварын ертөнц, энтертайнмент салбарт бүхэлд нь нөлөө үзүүлсэн юм. Түүнийг нас барсан өдөр дэлхийн өнцөг булан бүрд шүтэн бишрэгчид нь харамсан гашуудаж,  дэлхий даяар веб сайтуудын ачаалал эрс нэмэгдсэн гэдэг.

   Нас барахад нь олон хүн түүнийг дахин тайзан дээр гарахыг нь харж чадахгүй гэж бодож байсан байх. Харин хэдхэн хоногийн өмнө Лурде Завалета хэмээх нэгэн эмэгтэй твиттерт найз залуугийнхаа зургийг нийтэлсэн нь хүмүүст Майкл Жексон амилсан мэт санагдсан гэнэ. Хүмүүс Майкл Жексонтой усны дусал шиг адилхан болохыг гайхаж, бүсгүйг комментоор  булах шахсан гэнэ.

   Үнэн хэрэгтээ зураг дээрх залуу түүний найз залуу биш, алдарт дуучныг дуурайгч Сержио Кортес гэгч испани эр ажээ. Лурде түүний зургийг твиттертээ  есдүгээр сарын 18-нд нийтэлж, “Манай царайлаг залууг хардаа, тэр дөнгөж сая над руу илгээлээ” гэж бичжээ.

Гэхдээ Майкл Жексоны жинхэнэ, үнэнч шүтэн бишрэгчид түүнийг үнэнээ хэлэхээс өөр аргагүй байдалд оруулсан тул бүсгүй удалгүй зураг дээрх залуу түүний найз залуу биш, зургийг интернэтээс олсон гэдгийг тайлбарлажээ.  Зураг нийтлэгдсэнээс хойш хэдхэн өдрийн дотор 12,000 лайк цуглуулж, 3,300 удаа түгээгдсэн байна.

Түүгээр ч барахгүй энэ залуу Лурдегийн найз залуу ердөө ч биш, харин мэргэжлийн  дуурайгч болохыг олж тогтоожээ. Сержио шоу, тоглолтод Майкл Жексоны дууг нь дуулж, бүжгийг нь бүжиглэж, дуурайдаг байна.

Сержио попын хааны сонгодог “Thriller,” “Man in the Mirror,” болон “Smooth Criminal.” Дууг нь ч бас дуулдаг гэнэ.  Мэргэжлийн дуурайгч Сержио одоо Өмнөд Америкт аялан тоглолтоор явж байгаа ажээ.

Лурде түүнийг өөрийн найз залуу гэж хүмүүсийг хуурсан ч гэлээ Майкл Жексонд хүмүүс ямар их хайртайг, бас тэр хүмүүсийн шүтээн хэвээр гэдгийг баталсан байна.

Эх сурвалж: NEWS.mn
ОРЧУУЛСАН Н.Энхтуяа

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу

Шинэ мэдээ
Тоглолтын мэдээ
  • “Өндөр гэгээн” дуулалт жүжгийг Орхонд тоглоно“Өндөр гэгээн” дуулалт жүжгийг Орхонд тоглоно Урлагийн гавьяат зүтгэлтэн Л.Ванганы нэрэмжит Завхан аймгийн хөгжимт жүжгийн театрын бүтээл “Өндөр гэгээн” дуулалт жүжгийг энэ сарын 14-ний өдөр Орхон аймгийн соёлын ордонд тоглохоор болжээ. Жүжгийг хоёр удаа тоглох юм байна. Завхан аймгийн Шилүүстэй сумын харьяат Төрийн соёрхолт яруу найрагч Ц.Бавуудоржийн зохиол, хөгжмийн зохиолч Урлагийн гавьяат зүтгэлтэн Т.Сэр-Од, Төрийн соёрхолт, Улсын Драмын эрдмийн театрын ерөнхий найруулагч Н.Наранбаатар нарын хамтран бүтээсэн “Өндөр гэгээн” дуулалт жүжгийг бүтээх үйл явж жил гаруй үргэлжилжээ. Жүжгийн нээлт өнгөрөгч гуравдугаар сард Завхан аймгийн театрт болж байв.
  • “Номоо солилцъё” өдөрлөг энэ сарын 4,5-д болно“Номоо солилцъё” өдөрлөг энэ сарын 4,5-д болноНийслэлийн иргэд цуглаж өөрт байгаа номоо сарын хугацаатай бусадтайгаа солилцож уншдаг болоод жил гаруй хугацаанд тасралтгүй үргэлжилж буй “Номоо солилцъё” өдөрлөг энэ сарын 04-ны өдөр 10:00-17:00 цагийн хооронд, 05-ны өдөр 10:00-14:00 цагийн хооронд хоёр өдрийн турш Улаанбаатар хотын нийтийн төв номын санд зохион байгуулагдах гэж байна. Энэ удаагийн өдөрлөг “ҮНДЭСНИЙ БИЧИГ ҮСГИЙН БАЯР”-ын өдрийн хүрээнд зохион байгуулагдаж байгаагаараа ихээхэн онцлогтой юм.
  • Playing Love Best тоглогдоноPlaying Love Best тоглогдоноХөгжмийн зохиолчдын авьяас билгээ сорих, ур чадвараа харуулах нэг шалгуур нь киноны хөгжим байдаг гэлцдэг. Кино урлаг үүсэж хөгжихтэй хамт бий болж, хөгжсөн хөгжмийн энэхүү томоохон урсгалын энэ үеийн гол төлөөлөгчдийн нэг нь Эннио Морриконе билээ. Түүний "1900-гийн домог" (Legend of 1900) кинонд зориулан бичсэн "Playing love" зохиолоор нэрлэгдсэн тоглолтоо Морин хуурын чуулга найм дахь жилдээ үзэгч, сонсогч олондоо өргөн барих гэж байна. Энэхүү тоглолт нь Монголын төдийгүй дэлхийн алдарт киноны сэтгэлд хоногшсон сонгомол хөгжим аялгууг үндэсний хөгжмийн хөг эгшгээр амилуулан хөгжимдөж, Морин хуур хэмээх гайхамшигт хөгжмийн зэмсгийн чадал, ур хийцийн гайхамшгийг тод томруун харуулдаг тул үзэгчид жил жилийн тоглолтыг тэсэн ядан хүлээдэг биз ээ.
  • Come Fly With Me тоглолт маш өвөрмөц боллооCome Fly With Me тоглолт маш өвөрмөц боллооӨнгөрсөн Бямба гараг буюу 4-р сарын 14-нд Корпорейт Конвеншн төвийн концертын их танхимд дуучин Наагийгийн тоглолт болж өнгөрлөө. Тэрээр анхны тоглолтоо 2012 оны энэ өдөр Strangers In The Night нэртэйгээр Тусгаар тогтнолын ордонд хийж байсан юм. Өнгөрсөн 6 жилийн хугацаанд дуучны дуулах ур чадвар, дуулалтын мэдрэмжүүд улам нэмэгдсэн байсан бөгөөд тоглолтын 90 минутын турш өөртөө итгэлтэйгээр үзэгчдэд олны танил Монгол болон гадаад дуунуудыг хүртээл болгож байлаа.
  •  Жүжигчин Г.Ундармаа насанд хүрэгчдэд зориулсан шинэ бүтээлээ удахгүй нээнэ Жүжигчин Г.Ундармаа насанд хүрэгчдэд зориулсан шинэ бүтээлээ удахгүй нээнэХошин урлагийн тайзнаасаа хөндийрч дэлгэцийн бүтээлдээ түлхүү анхаарлаа хандуулж буй жүжигчин Г.Ундармаа дахин нэг өөр төрлийн шинэ бүтээлээрээ тун удахгүй тэсрэлт хийхээр зэхэж байна.