2017-10-05 01:49

"Аз хур" хуурамч гэх хямдралыг ШӨХТГ шалгаж байна

  Хямдрал нэрээр олон түмний халаасыг сэгсэрч байна. Хамгийн хэрэгтэй, сайн, сайхан зүйл тэгтлээ хямдардаггүй шүү дээ. "Номин" сүлжээ дэлгүүрийн хямдрал гэж олныг гонсойлгосон зүйл удаа дараа болоод, тэд ч ичээд, иргэд ч бухимдаaд таг болсон. Яг энэ түүхийг "Аз хур" номын дэлгүүр бараг давтчихлаа шүү дээ. 

   Тодруулбал, “Аз хур” номын их дэлгүүрийн “72 цаг 72 хувийн хямдрал” байв. Номд дугаарлаж байгаа иргэд ч ёс зүйтэй, дэг журамтайгаар дугаарлан хүн бүр багадаа л 3-5 ном худалдаж авч байгаа харагдсан. Эднийх 70 хүртэл хувийн хямдрал зарлаад байгаа гэж байсан тул иргэд ингэж олноор очсон хэрэг. Гэвч олны урмыг хугалсан нэг зүйл нь номын хуучин үнээс илүү үнэ нэмж бичээд, шошгон дээр нь давхарлаж наасан явдал байлаа.

   “Хаан төрийн нууц”, “Цагаан соёот”, “100 баримт” зэрэг номнуудын үнэ нь хямдрах битгий хэл нэмэгдсэн байсанд худалдан авагчид ихэд гомдол мэдүүлж, ШӨХТГ-т хүртэл ханджээ. Тиймдээ ШӨХТ уг номын дэлгүүрийг шалгаад эхэлсэн байна. Харин үүнтэй холбоотойгоор ШӨХТ-аас “Олон нийтийн хэвлэл мэдээллийн хэрэгсэлээр цацагдсан мэдээллийг үндэслэн Шударга өрсөлдөөн, хэрэглэгчийн газрын даргын 2017.10.03-ны өдрийн 1/14 дугаар удирдамжийн дагуу холбогдох хууль тогтоомжийн хүрээнд “Аз хур” ХХК-ийн номын хямдралтай худалдаанд хяналт шалгалтын ажил хийгдэж байна. Тус хямдралтай худалдаанаас номын худалдаа хийгээд үнийн дүнгийн зөрүүтэй байгаа иргэд 2017 оны 10 дугаар сарын 06-ны өдрийн дотор Шударга өрсөлдөөн, хэрэглэгчийн төлөө газарт худалдаж авсан ном, нотлох баримтын хамт ирж мэдэгдэнэ үү” гэсэн байна. 

   Ер нь хямдрал нэрээр бусдын халаасыг сэгсэрдэг нөхдийг энэ мэтээр шалгаж байх хэрэгтэй юм байна. Яагаав хүнсний дэлгүүрүүд хугацаа дууссан бүтээгдэхүүнийхээ шошгон дээр шинэ хугцаа бичээд давхарлаж наачихаад, хямдрал хэмээн борлуулдаг шүү дээ. Уг нь тэр нь хогийн саванд орох ёстой хүнс байтал хүний ходоодонд орчихдог.  Харин эднийх үнийг нь нэмж бичиж шошго наасан хэрнээ хямдрал гээд зарчихсан байгаа юм хэмээн ШӨХТГ шалгаж байна. 

Г.Наран 

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу

Шинэ мэдээ
Тоглолтын мэдээ
  • Одод элэг бүтэн амьдралын төлөө нэгдлээОдод элэг бүтэн амьдралын төлөө нэгдлээУрлаг соёлын одод элэг бүтэн амьдралын төлөө нэгдсэн байна. Тэд энэ сарын 23-ны 19 цагт “Элэг бүтэн амьдрал хамгийн сайхан” тоглолтыг Монголын Үндэсний АСА циркт хийхээр болжээ.МУГЖ “Чингис хаан” хамтлагийн ахлагч Д.Жаргалсайхан, МУГЖ Д.Энхзул нарын Хэнтий нутгаас төрөн гарсан гавьяатуудын санаачилсан уг тололтод тэднээс гадна МУГЖ Г.Эрдэнэбат, МУГЖ Х.Болормаа, МУГЖ Г.Хонгорзул, СТА Л.Чулуунбаатар, СТА Г.Чинболор, СТА Б.Болдбаатар, СТА А.Түмэн-Өлзий, СТА С.Бичүү, СТА Б.Баярцэцэг, дуучин Д.Найдандорж нарын олны танил уран бүтээлчид оролцож, ая дуугаа өргөх аж. Ийнхүү гавъяатууд, олны сонсох дуртай дуучид цугласан нэгэн үдэш үзэгчдийг хүлээж байна.
  • Т.Дэлгэрмөрөн төрсөн өдрөөрөө “Хүмүүн” тоглолт хийнэТ.Дэлгэрмөрөн төрсөн өдрөөрөө “Хүмүүн” тоглолт хийнэ“Номин талст” хамтлагийн дуучин Т.Дэлгэрмөрөн бие даасан тоглолтынхоо товыг зарлалаа. Түүний тоглолт “Монгол бөхийн өргөө”-нд ирэх арваннэгдүгээр сарын 17-нд болно. Энэ өдөр дуучны болон түүний охины төрсөн өдөр аж.
  • “ААДАР” хамтлагийн цомгийн баяр болно“ААДАР” хамтлагийн цомгийн баяр болноҮе үеийн залууст хэмнэлийг мэдрүүлж, цөсийг нь хөөргөдөг амьд хөгжмийн хамтлагуудын залгамж халаа болон гарч ирж буй “Аадар” хамтлаг анхны цомгоо өлгийдөн авчээ. Тэд цомгийн баяраа аравдугаар сарын 21-ний 20:00 цагт фенүүдтэйгээ хамт тэмдэглэхээр бэлтгэл ажилдаа ороод байгаа аж. Энэ үдэш “Аадар”-ынхан “Дүрэлзэн ас”, “Хачин дурлал”, “Би чамд хайртай” зэрэг сонсогчдод хүрсэн дуунуудаасаа гадна цоо шинэ бүтээлүүдээс бүрдсэн тоглолтоороо Hard Rock Cafe-ийн жаврыг үргээх нь ээ.
  • “НАМРЫН ХИТ 2017” зохиолын дуучдын нэгдсэн тоглолт болно“НАМРЫН ХИТ 2017” зохиолын дуучдын нэгдсэн тоглолт болноҮндэсний өв соёл, хөгжил дэвшлийг эрхэмлэгч Өлзий телевизээс жил бүр уламжлал болгон зохион байгуулдаг НАМРЫН ХИТ 2017 тоглолт 10-р сарын 20-нд 19:00 цагаас тоглогдоно. Тоглолтонд нийтийн дуучдын шилдэг уран бүтээлүүд эгшиглэхээс гадна Шилдгийн шилдэг уран бүтээлчийг шалгаруулах ёслолын ажиллагаа болно.
  • ДБЭТ-ын тайзнаа дэлхийн сонгодгууд ”амилна” ДБЭТ-ын тайзнаа дэлхийн сонгодгууд ”амилна” ДБЭТеатрын тайзнаа хүн төрөлхтний сонгодог хөгжмийн урлагийн “охь дээж” болсон бүтээлүүдийг 2017 оны 10 дугаар сарын 11-ний өдрийн 19.00 цагт эгшиглүүлэх гэж байна. Энэ удаагийн тоглолтод Иоганн Себастьян Бах, Антонио Вивальди, Фридрих Шопен, Жузеппе Верди, Дмитрий Шостакович болон бусад хөгжмийн зохиолчдын сор болсон шилдэг бүтээлүүдийг толилуулах юм.