2017-12-22 01:34

Л.Нурбулан: Та нарыг хөгжөөхөөр өвгөн ааваас түрүүлээд ирлээ

  Гэнэт ард “Хүүе цаана чинь алиалагч”, “Алиалагч ах аа, зогсоорой хамт зурагаа авахуулъя л даа” гэх хүүхдийн дуу цангинав. Эргэж хартал нээрээ алаг малгайгаа хэлтгий тавьсан марзан   алиалагч гүйж явна. Хаа нэг тийш яарч яваа бололтой. Гэсэн ч зурагаа авахуулахаас татгалзсангүй. Би ч бас “Алиалагч ах аа, цөөхөн асуултад хариулт өгөөч” гээд зүтгэчихлээ. Нэрт жүжигчин Т.Латиф агсны хүү, алиалагч  Л.Нурбулан бидний  асуултад ингэж хариуллаа.

–Сайн явж байна уу, алиалагч аа. Ажил ихтэй байна уу?
-Сайн явж байна аа. Цас мөсний орноос өвгөн ааваасаа  түрүүлээд та нарыг хөгжөөхөөр нисээд ирлээ /инээв/. Ажил их ээ. Олон цэцэрлэг, сургууль урилга ирүүлсэн. Хотын түгжрэлд тэр болгонд хүрч очих амаргүй. Хувцсаа сольж, нүүрээ  ч будах  завгүй харайлгаж явна /инээв/.
 
–Бяцхан үзэгчиддээ ямар бэлэг барих гэж байна?
– Хүүхдүүдийн хамгийн дуртай илбийн үзүүлбэр, жонглёр, дуу, шүлгээр богцоо дүүргэсэн. Дээр нь  инээд+инээд+инээд  байхыг бодож хүүхдэд зориулсан хошин гараанууд бэлдсэн.
 
–Нээрэн хүүхэд байхад алиалагчийг  өвлийн өвөөгийн хүү нь гэж боддогсон. Та юу гэж боддог байв?
-Би ч гэсэн  тэгж л боддог байсан. Өвлийн өвөө тэнгэрийн орноос  Хавтгай, Шонхор гэдэг хоёр хүүгээ чарган дээрээ суулгаад ирж  гэж итгэнэ. Аавыг алиалагчийн хувцсаа  өмсөөд биднийг хөгжөөхөд  танихгүй “Алиалагч ах аа, таны гэр хаана байдаг вэ” гэж асуудаг байлаа.
 
–Өөрөө алиалагч болчихоор юу бодогдох юм бэ?
-Би айлын бага хүү, бүрэг хүүхэд байлаа. Хүн  инээлгэх чинь хэцүү шүү дээ. Анх хүмүүсийг  инээлгэх нь бүү хэл өөрөө уйлж явсан удаатай.
 
–Яагаад?
-Анх алиалагч болох  гэж оролдож явахад дөр суугаагүй, туршлага муутай.  Нэг цэцэрлэгт алиалагчаар уригдаж очтол хүүхдүүд инээх биш айгаад уйлчихлаа. Хөөгдөх шахам гарсан. Асууж, зөвлөгөө авах ч  хүнгүй, “Аав минь байсан бол” гэж бодогдоод өөрийн эрхгүй нулимс урсч байсан. Сүүлд өөрийгөө бас ч гэж алиалагч болчихлоо гэж бодсон өдрөө аавынхаа алиалагчийн хувцсыг өмсөөд үсрээд  гартал юм оёж суусан  ээж минь  инээснээ дараа нь зөндөө уйлж байсан даа.
 
–Одоо архаг алиалагч болсон биз дээ?
-Тэгэлгүй яахав. СУИС-ийн жүжигчний ангиа Л.Чаминчулуун, Н.Ганхуяг   багш нарынхаа  удирдлагад төгссөн. Жүжигчин Р.Алтансүх /Аси/ багшаасаа их юм сурсан.  Багш нарынхаа заасан болгоныг бодит болгон  эрдэнээр бол зүлгэж өнгөлж явна. Хүүхдүүдийн үсэглэлийн баяр, шинэ жил,  төрсөн өдөрт уригддаг. Тэдний хамгийн хайртай зочин нь болсон.
 
–Сүүлийн үед ямар уран бүтээл туурвиж байна?
-Өнгөрсөн зун ӨМӨЗО-ы  интертаймент компанийн  урилгаар  тоглолт хийгээд ирсэн. “Сайн найз аа”, “Баян төмөр /АТМ/  очоод  зоос аваад ирье. Тоглолт үзнэ шүү” гээд намайг найрсаг угтсан. Сая Хөвсгөл аймгийн Мөрөн хот,  зарим  суманд тоглоод ирлээ. Он гаруут ОХУ руу аялан тоглохоор багаа бэлдэж байна. Энэ сарын 23, 24-нд Улаанбаатар чуулга дээр “Хандгай” театрынхаа хоёр дахь бие даасан тоглолтыг хийх гэж байна. Энэ дашрамд бяцхан үзэгчдээ уръя.
 
Ч.Зотол
Эх сурвалж: “Зууны мэдээ” сонин
Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу

Шинэ мэдээ
Тоглолтын мэдээ
  • “Өндөр гэгээн” дуулалт жүжгийг Орхонд тоглоно“Өндөр гэгээн” дуулалт жүжгийг Орхонд тоглоно Урлагийн гавьяат зүтгэлтэн Л.Ванганы нэрэмжит Завхан аймгийн хөгжимт жүжгийн театрын бүтээл “Өндөр гэгээн” дуулалт жүжгийг энэ сарын 14-ний өдөр Орхон аймгийн соёлын ордонд тоглохоор болжээ. Жүжгийг хоёр удаа тоглох юм байна. Завхан аймгийн Шилүүстэй сумын харьяат Төрийн соёрхолт яруу найрагч Ц.Бавуудоржийн зохиол, хөгжмийн зохиолч Урлагийн гавьяат зүтгэлтэн Т.Сэр-Од, Төрийн соёрхолт, Улсын Драмын эрдмийн театрын ерөнхий найруулагч Н.Наранбаатар нарын хамтран бүтээсэн “Өндөр гэгээн” дуулалт жүжгийг бүтээх үйл явж жил гаруй үргэлжилжээ. Жүжгийн нээлт өнгөрөгч гуравдугаар сард Завхан аймгийн театрт болж байв.
  • “Номоо солилцъё” өдөрлөг энэ сарын 4,5-д болно“Номоо солилцъё” өдөрлөг энэ сарын 4,5-д болноНийслэлийн иргэд цуглаж өөрт байгаа номоо сарын хугацаатай бусадтайгаа солилцож уншдаг болоод жил гаруй хугацаанд тасралтгүй үргэлжилж буй “Номоо солилцъё” өдөрлөг энэ сарын 04-ны өдөр 10:00-17:00 цагийн хооронд, 05-ны өдөр 10:00-14:00 цагийн хооронд хоёр өдрийн турш Улаанбаатар хотын нийтийн төв номын санд зохион байгуулагдах гэж байна. Энэ удаагийн өдөрлөг “ҮНДЭСНИЙ БИЧИГ ҮСГИЙН БАЯР”-ын өдрийн хүрээнд зохион байгуулагдаж байгаагаараа ихээхэн онцлогтой юм.
  • Playing Love Best тоглогдоноPlaying Love Best тоглогдоноХөгжмийн зохиолчдын авьяас билгээ сорих, ур чадвараа харуулах нэг шалгуур нь киноны хөгжим байдаг гэлцдэг. Кино урлаг үүсэж хөгжихтэй хамт бий болж, хөгжсөн хөгжмийн энэхүү томоохон урсгалын энэ үеийн гол төлөөлөгчдийн нэг нь Эннио Морриконе билээ. Түүний "1900-гийн домог" (Legend of 1900) кинонд зориулан бичсэн "Playing love" зохиолоор нэрлэгдсэн тоглолтоо Морин хуурын чуулга найм дахь жилдээ үзэгч, сонсогч олондоо өргөн барих гэж байна. Энэхүү тоглолт нь Монголын төдийгүй дэлхийн алдарт киноны сэтгэлд хоногшсон сонгомол хөгжим аялгууг үндэсний хөгжмийн хөг эгшгээр амилуулан хөгжимдөж, Морин хуур хэмээх гайхамшигт хөгжмийн зэмсгийн чадал, ур хийцийн гайхамшгийг тод томруун харуулдаг тул үзэгчид жил жилийн тоглолтыг тэсэн ядан хүлээдэг биз ээ.
  • Come Fly With Me тоглолт маш өвөрмөц боллооCome Fly With Me тоглолт маш өвөрмөц боллооӨнгөрсөн Бямба гараг буюу 4-р сарын 14-нд Корпорейт Конвеншн төвийн концертын их танхимд дуучин Наагийгийн тоглолт болж өнгөрлөө. Тэрээр анхны тоглолтоо 2012 оны энэ өдөр Strangers In The Night нэртэйгээр Тусгаар тогтнолын ордонд хийж байсан юм. Өнгөрсөн 6 жилийн хугацаанд дуучны дуулах ур чадвар, дуулалтын мэдрэмжүүд улам нэмэгдсэн байсан бөгөөд тоглолтын 90 минутын турш өөртөө итгэлтэйгээр үзэгчдэд олны танил Монгол болон гадаад дуунуудыг хүртээл болгож байлаа.
  •  Жүжигчин Г.Ундармаа насанд хүрэгчдэд зориулсан шинэ бүтээлээ удахгүй нээнэ Жүжигчин Г.Ундармаа насанд хүрэгчдэд зориулсан шинэ бүтээлээ удахгүй нээнэХошин урлагийн тайзнаасаа хөндийрч дэлгэцийн бүтээлдээ түлхүү анхаарлаа хандуулж буй жүжигчин Г.Ундармаа дахин нэг өөр төрлийн шинэ бүтээлээрээ тун удахгүй тэсрэлт хийхээр зэхэж байна.