2018-01-04 04:51

Монгол баритон Г.Ариунбаатар

Дэлхийн сонгодог урлагийн тайзнаа “Монголын баритон” гэж алдаршсан дуучин Г.Ариунбаатарын тухай хүмүүс буланд онцолж байна.


Өнгөрсөн зун “ВВС” телевизийн “Cardiff Singer of the World” тэмцээний финалын үеэр шүүгч Мэри Кингийг уйлуулж, олны анхаарлыг татсан гайхалтай дуучин бол Г.Ариунбаатар.  Чацархуу бие, өргөн мөр, нүдэнд дулаан инээмсэглэлтэй, жирийн монгол залуу олон улсад алдартай тэмцээний шүүгчийг хүчирхэг дуу хоолойгоор уярааж орхив. Үүний дараа тэд Г.Ариунбаатарын тухай нэвтрүүлэг хийхээр 1000 гаруй миллийг туулан Монголын зэрлэг онгон байгальтай хөдөө талд нутаглах төрсөн гэрт нь зочилжээ. Тэд Г.Ариунбаатарын хүчирхэг баритон хоолойны нууц юунд оршиж буйг тайлахыг зорьсон нь энэ аж.  

Г.Ариунбаатар эцэг, эх, ах, дүүгийн хамт

Г.Ариунбаатар нь Төв аймгийн Баян-Өнжүүл суманд 1988 онд төржээ. Гурван хүүхэдтэй айлын дундах нь. Нэг ахтай, нэг эмэгтэй дүүтэй. Тэрбээр хөдөө талд хурга, тугалтай хөөцөлдөж өссөн гэдэг нь гадаадынхны анхаарлыг зүй ёсоор татдаг аж.

Г.Ариунбаатар Зуунмод хотын Хүмүүн цогцолбор сургуулийг 2005 онд төгсч, Улаанбаатар хотод оюутан болж ирсэн ч сургалтын төлбөрөө төлж чадаагүй учраас хоёр жилийн дараа их сургуулиа орхиход хүрчээ. Таксины жолооч хүртэл болж, өдөр хоногийг өнгөрөөж байв. Гэхдээ нэгэн шөнө амьдралыг нь үүрд өөрчлөх үйлчлүүлэгчтэй танилцсан нь цагдаагийн дарга байжээ. Үүнээс хойших урт түүхийг товчилбол, Г.Ариунбаатар Цагдаагийн “Сүлд” чуулгад элсэж, Соёл Урлагийн Их Сургуульдаа эргэн орж, дуурийн дуулаач мэргэжлээр төгсчээ. Энэ үеэс түүнд ОХУ, Европын дуурийн их театрын тайзнаа хөл тавих боломж нээгдсэн аж. Өдгөө тэрбээр ОХУ-ын Санкт-Петербург хотын Мариинский театрт, Буриадын Дуурь, бүжгийн эрдмийн театрын гоцлол дуучнаар ажиллаж байна.

-АЛДРЫН ОРГИЛ-

Г.Ариунбаатар 2011 онд 23 настайдаа Монгол Улсын Гавьяат жүжигчин хэмээх нэр хүндтэй цол хүртсэн. Төрийн шагнал дэмжлэгт урамшсан тэрбээр 2015 онд анх удаа Оросын суут хөгжмийн зохиолч П.И.Чайковскийн тэмцээний эрэгтэй гоцлол дуучны шагналыг хүртсэн байв. Үүнээс гадна дуурийн нэр хүндтэй олон улсын олон тэмцээнээс шагнал хүртжээ. Түүний хоолойг салхи шиг намуухан тэгснээ гэнэт хүчирхэг бүргэд далавчаараа агаар зүсэх мэт хэмээн зүйрлэжээ.  Дуурийн тайзнаа яагаад монголчууд хүч түрэн орж ирж, олон улсын тэмцээний гранпри шагналын түүх болсон нь гадныхны анхаарлыг ихээр татна. Г.Ариунбаатараас гадна Э.Амартүвшин, Б.Батжаргал зэрэг чадварлаг дуучид олон улсын тавцанд нэрээ дуурьсгах болжээ.

Дэлхийн соёл урлагийн тавцанд Монгол Улсын нэрийг гаргаж, таниулахад онцгой үүрэг гүйцэтгэж буйг нь үнэлж, 2016 онд Г.Ариунбаатарыг Монгол Улсын төрийн дээд шагнал-тэргүүн зэргийн одон “Чингис хаан” одонгоор шагнасан юм. Өнгөрсөн 2017 онд тэрбээр Өмнөд Солонгос улсад “Кармен” дуурьд хоёр удаа дуулснаас гадна Герман, Улаан-Үд, Москва, Владивосток зэрэг ОХУ-ын хэд хэдэн хотын театрт дуулах зэргээр завгүй ажиллажээ. Ийн завгүй ажиллах түүний хувьд Монголд ирэх боломж ховор байдаг аж.  Түүний нандин мөрөөдлүүдийн нэг нь Монголд дуурийн сургууль үүсгэн байгуулж, олон улсад алдартай уран бүтээлчдийг төгсгөх гэнэ. Түүнчлэн Монголын сонгодог бүтээлийг дэлхийд таниулахыг хүсч явдаг аж. Энэ зорилгынхоо төлөө  2018 эсвэл 2019 онд Монголын дуу хоолой ч гэдэг юм уу дэлхийн хэмжээний сайхан конкурс тэмцээн Монголдоо зохион байгуулахаар төлөвлөжээ.

-ХУВИЙН АМЬДРАЛ-

Г.Ариунбаатар хөвгүүдийнхээ хамт

Дуурь, дуу хөгжмийн ертөнцөд гаргасан Г.Ариунбаатарын амжилтынх нь хажууд хувийн амьдрал нь тогтож амжаагүй байна. Тэрбээр оюутан байхдаа эцэг болсон ч хожим өөрөөсөө эгчмэд бүсгүйтэй гэрлэж, хүүтэй болжээ. Амжилтын шатаар алхам алхмаар өгсөж явахдаа тэрбээр ар гэрээ умартсанаас хос хоёр хөндийрч салсан аж. Өдгөө тэрбээр гурван охины ээж, жүжигчин Б.Баярмаатай ханилж, хосууд өнгөрсөн долдугаар сард хүүтэй болжээ.

Эх сурвалж: NEWS.mn

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • Улстөржилтөөс болж Улстөржилтөөс болж "The Hu" хамтлагийн хандивын тоглолт хойшиллоо“The Hu” хамтлаг энэ сарын 23-ны мягмар гаригт МҮОНРТ-ээр болон цахимаар бүрэн тоглолтоо хийхээр төлөвлөж, зараа хүртэл тараагаад байсан ч тоглолтоо цуцалжээ.Тэд “COVID-19”-ийн хорионд гадаадад гацаж, байгаад өнгөрсөн сард эх орондоо ирсэн. Ингээд сонгуулийн өмнөх өдөр хандивын тоглолт хийхээр төлөвлөөд байсан ч улс төрийн шалтгаанаас үүдэн цуцалсан байна.
  • “The Hu” хамтлаг УОК-т хандив өргөх онлайн тоглолтоо энэ сарын 23-нд хийнэ“The Hu” хамтлаг УОК-т хандив өргөх онлайн тоглолтоо энэ сарын 23-нд хийнэ“The Hu” хамтлаг УОК-т хандив өргөх онлайн тоглолтоо White Rock Center-т 2020 оны зургаадугаар сарын 23-ны мягмар гарагийн орой хийхээр болсон тухайгаа зарлалаа. Уг хандивын тоглолтыг “The HU” хамтлаг “Хүрээ энтертайнмент” ХХК-тай хамтран МҮОНРТ-ээр шууд дамжуулан хүргэх бөгөөд ивээн тэтгэгчээр Мобиком Корпораци, Хаан Банк ажиллахаар болжээ.
  • "Монгол соёл" онлайн тоглолтоор 102.952.147 төгрөгийн хандив, тусламж цуглажээДэлхийд гайхагдсан монгол соёлын өв тэр дундаа соёлын биет бус өвийн гайхам сайхныг нэгэн дор цогцлоох "Монгол өв соёлын цогцолбор" байгуулах төслийн хандивын аяны нээлтэд зориулсан монгол поп опера “Увертюра” хамтлаг болон язгуур урлагийн алдартай уран бүтээлчид, соёлын биет бус өвийн шилдэг өвлөн уламжлагчдын "Монгол соёл" онлайн тоглолт 06 дугаар сарын 01-нд 18:00 цагаас "ТВ8" телевизээр орон даяар шууд дамжуулагдсан билээ.
  • “Параллель” контемпорари үзэсгэлэн нээлтээ хийлээ“Параллель” контемпорари үзэсгэлэн нээлтээ хийлээДэлхий нийтийг түгшээгээд буй шинэ төрлийн Корона вирусийн /Ковид 19/ халдварын тархалтаас урьдчилан сэргийлэх зорилгоор Монгол Улсын Засгийн газар улс орон даяар онц байдал зарлан олон нийтийг хамарсан үйл ажиллагаа, мөн соёл урлагийн арга хэмжээг түр хугацаагаар зогсоосон байгаа билээ. Иймд МN17 Арт Галерейн санаачилгаар Засгийн газрын хэрэгжүүлэгч агентлаг Соёл, урлагийн газрын дэмжлэгтэйгээр Хүн Байгаль Хайр Эрх Чөлөө хөдөлгөөний уран бүтээлчидтэй хамтран “Параллель” контемпорари хамтарсан үзэсгэлэнгийн төслийг хэрэгжүүлж байна.
  • "Хурд" хамтлаг онлайн тоглолтоороо 246 сая төгрөгийн хандив цуглуулжээ “Хурд” хамтлаг олон улсын эмэгтэйчүүд ийн эрхийг хамгаалах өдрөөр буюу өнөөдөр /2020.03.08/ нийт эмэгтэйчүүддээ зориулж "Буцааж нэхэхгүй хайр" онлайн тоглолт зохион байгууллаа.
 Сүүлд нэмэгдсэн дуу