2018-02-19 02:19

Сар шинийн үндэсний бөхийн барилдааны тэргүүн бөх Б.Бат-Өлзий танаа

Тахиа жилийн үндэсний бөхийн чансааны тэргүүн бөх Нохой жилийн сар шинийн үндэсний бөхийн барилдааны тэргүүн бөх

Батөлзий танаа

Алтан тээлийн цэнхэр хөндийн хөрсөнд 
Атгаж тавьсан морь буусан молор эрднийн шагай 
Ардын төрийн их цэнгэлд наадмын дэвжээнд 
Асаж дүрэлзсэн баруун алтайн дүүрэн хийморь

Орохын голын ай сав ариун дагшин газраас 
Огшиж гарсан хүч чадлын дээд гольдрол 
Олон ястны цөсийг хөөргөн шар суулгахдаа 
Омог зангидаж цээжинд нь асаасан их бардамнал

Дөрвөн хайрханыхаа суудал шиг тэнцүү
Дөрвөн мөчиндөө унаган бяр тэгширсэн
Захчин түмнээр захаа мушгуулж уухай дуудуулсан
Зард гарсан алтайн хөх харчуудын босоо удам

Уул нь өндөр газрын үр юм болохоор
Баруун алтайн эрчүүд бяртай байхаас яадгийм
Ус нь тунгалаг нутгийн хүү юм болохоор
Баруун монголчууд бядтай байхаас яахав

Цаст их уулсын хүдэр бор эрчүүд юм чинь 
Цээжний омогшил дүүрэн байлгүй яадгийм
Цагийг эзлэн дэвж яваа ийм сайхан эртэй юм чинь
Цээж дүүртэл онгирохгүй би яаж чимээгүй суухын

Хиргис Цогоо Отгонбаатар
2018он

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
 Сүүлд нэмэгдсэн дуу