2018-03-06 01:50

МСНЭ-ийн ерөнхийлөгч X.Mандахбаяр үндэсний сэтгүүл зүйн 105 жилийн ойг тохиолдуулан мэндчилгээ дэвшүүлэв

   Үндэсний сэтгүүл зүйн 105 жилийн ойг тохиолдуулан МСНЭ-ийн Ерөнхийлөгч Х.Мандахбаяр сэтгүүлч сурвалжлагчид, хэвлэл мэдээллийн ажилтнууд болон нийт уншигч үзэгчиддээ хандаж мэндчилгээ дэвшүүлэв.

   Мэндчилгээнд, "Эрхэм хүндэт сэтгүүлч нөхөд, хэвлэл мэдээллийн ажилтнууд, идэвхтэн бичигч болон Монгол улсынхаа нийт ард иргэд, Монгол улсад суугаа гадаадын дипломат ажилтнууд, зочид төлөөлөгчид та бүхэндээ Монгол улсад үндэсний сэтгүүлзүйн салбар үүсч хөгжсөний түүхт 105 жилийн ойн баярын мэнд дэвшүүлье.

   Мэргэжлийн сэтгүүлзүйн хөгжлийн төлөө хөлс хүч, хөдөлмөр зүтгэл, итгэл сэтгэлээ зориулсан ахмад сэтгүүлчдэдээ гүн талархал илэрхийлж, хүндэтгэн мэхийе. Одоогоос 105 жилийн өмнө Нийслэл хүрээнд “Шинэ толь хэмээх бичиг” нэртэй сонин хэвлэгдэн гарсныг түүхэнд тэмдэглэн үлдээжээ. Тэгвэл өнөөдөр Монгол улсад 2016 оны жилийн эцсийн байдлаар 125 телевиз, 89 сонин, 80 сэтгүүл, 96 сайт, 56 радио нийт 446 байгууллагад 4726 хүн ажиллаж байгаа тухай судалгааг Хэвлэлийн хүрээлэнгээс гаргасан нь Монгол улсын хэвлэл мэдээлэл, сэтгүүлзүйн салбарын хөгжлийн царааг илтгэж байна.

   Өдрөөс өдөрт даяаршиж буй дэлхийн хэвлэл мэдээллийн зах зээлийн глобал өрсөлдөөнд тэсч үлдэх, олон улсын сэтгүүлзүйн салбарт өөрийн гэсэн өнгө төрхийг хадгалахын зэрэгцээ дэлхийн хөгжилтэй хөл нийлүүлж, интернэтийн өндөр технологид суурилсан мультимедиа сэтгүүлзүйг нутагшуулах хэрэгцээ шаардлага Монголын хэвлэл мэдээллийн хэрэгслүүдэд тулгарлаа. Үүний зэрэгцээ, орчин цагийн цахим мэдээллийн сүлжээнд мэргэжлийн цахим сэтгүүлзүйн бодлогыг тодорхойлох, сэтгүүлчийн оюуны болон мэргэжлийн эрхийг хангах, хэвлэл мэдээллийн хэрэгслүүдийн контентын үнэлэмж, зохиогчийн эрхийг хамгаалах зэрэг олон талт асуудлууд ар араасаа урган гарсаар байна.

   105 жилийн түүхтэй Монгол улсын сэтгүүлзүйн салбарт 67 дахь жилдээ тогтвортой үйл ажиллагаа явуулж буй сэтгүүлзүйн салбарын мэргэжлийн төв байгууллагын хувьд МСНЭ-ийн удирдлагын багийн хамт олон бид өнгөрсөн хугацаанд олж авсан ололт амжилтаа бататгахын зэрэгцээ салбарынхаа ирээдүйн өөрчлөлтөнд дасан зохицох, шинэ дэвшилтэт хөгжилд манлайлан түүчээлэх, гадаад харилцаа хамтын ажиллагаагаа өргөжүүлэх шинэ бодлого, шинэ менежментийг Монгол улсынхаа сэтгүүлзүй, хэвлэл мэдээллийн салбарт хэрэгжүүлэхийн төлөө идэвхийлэн ажиллаж байна.

   Бид 2018-2022 онд хийж хэрэгжүүлэхээр дэвшүүлсэн мөрийн хөтөлбөрийн хэрэгжилтээ хангах ажлыг орон нутгийн салбар зөвлөлүүдээ дэмжих, чадавхжуулахаас эхэлсэн бөгөөд түүхт 105 жилийнхээ ойг тэмдэглэн өнгөрүүлэх “Үндэсний сэтгүүлзүйн 105 жилийн ойн бүтээлч ажлууд” хөтөлбөрийг 2018 ондоо багтаан хэрэгжүүлэхээр ажиллаж байна. Монгол сэтгүүлчийн үг бүр нь үнэ цэнэтэй, үйлс бүхэн нь өөдлөн дэвжихийн ерөөл өргөе.

   Монгол Улсын сэтгүүлзүйн салбарын хөгжил мандан бадрах болтугай" гэжээ.

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • "The Hu" хамтлагийн аялан тоглолтын тасалбар дуусчээМонголын “The Hu” хамтлаг 2020 оны Европ тивийн аялан тоглолтоо нэгдүгээр сарын 15-наас эхлүүлээд буй. Тэдний эхний тоглолт ХБНГУ-ын Хамбург хотоос эхэлсэн. Хамтлагийн энэ удаагийн аялан тоглолтын тасалбар тун эрэлттэй байгаа бөгөөд худалдаанд гарсан даруйдаа дуусчээ.
  • "Анд" цуврал контент үзэгчдийн хүртээл болж эхэллээ
  • Анна Каренина амилахад 40 хоног үлдлээАнна Каренина амилахад 40 хоног үлдлээДэлхийн сонгодог роман болох Оросын нэрт зохиолч Л.Н.Толстойн "Анна Каренина"-г Монголд анх удаа театрын жүжиг болгон тавих гэж байгаа талаар бид өмнө нь мэдээлсэн. Үзэгчдийн дунд хүлээлт үүсгээд байгаа тус жүжиг Улсын драмын эрдмийн театрын тайзнаа тавигдахад 40 хоног үлдээд байна. Зуу гаруй жил дамнан уншигдсан “Анна Каренина” романыг Н.Пүрэвдагва жүжгийн зохиол болгон бичсэн бөгөөд жүжгийн ерөнхий найруулагчаар Н.Наранбаатар, ерөнхий зураачаар Т.Ганхуяг нар ажиллах юм.
  • Энэ оны эхний жүжиг “Надтай үлдээч”Энэ оны эхний жүжиг “Надтай үлдээч”Улсын драмын эрдмийн театр /УДЭТ/-ын уран бүтээлчид 2020 оны уран бүтээлийн салхиа “Надтай үлдээч” жүжгээр хагалж байна. Өнгөрсөн жил нээлтээ хийсэн тус жүжгийг энэ сарын 18, 19, 25, 26-нд 18.00 цагт тоглох аж.
  • "Хун цагаан хайр"-ын дууч Л.БОЛДБААТАРЫН "Түмэндээ өргөх дуунууд"“1992 оны намар сан. Аав минь намаржин будаанд явж олсон цалингаараа надад магнитифон аваад өгчихөж билээ. Ээж минь ширүүхэн буусан боловч тэгсхийгээд зөөлөрсөн сөн. Хүүгээ дуу, хөгжимд дурлуулж, хөгжүүлэх гэсэн аав, ээж хоёрын минь сэтгэл агуу байж” гэж түүнийг хэлэхэд аньсага нь мэлмэрээд ирэх. Бүх ард түмний урлагийн үзлэгээс алтан медаль авч урам зориг авснаас хойш урлагийн гавьяат жүжигчин болтлоо дуу, хөгжмөөсөө тэр урвасангүй. Зөөлөн тослог хоолой, аргадаж учирласан өнгө, сэтгэл сэмлэсэн бүлээн салхи шиг түүний дуунууд ард түмний сэтгэлд хэдийн хоногшжээ.
 Сүүлд нэмэгдсэн дуу