2018-03-09 04:10

Завханы театрт “Өндөр гэгээн” дуулалт жүжиг мориллоо

   Завхан аймгийн Л.Ванганы нэрэмжит Хөгжимт драмын театрын 60 жилийн ой энэ онд тохиож байна. Монголын төр-нийгэм, шашин-соёлын нэрт зүтгэлтэн, шарын шашны анхны тэргүүн буюу анхдугаар Богд Жавзандамба хутагт Г.Занабазарын амьдралаас сэдэвлэсэн “Өндөр гэгээн” дуулалт жүжгийг тус театрт өнгөрөгч даваа гаригт (2018.03.05) нээлтээ хийлээ. Уг жүжгийг Улсын драмын эрдмийн театрын ерөнхий найруулагч, Төрийн шагналт Н.Наранбаатар найруулжээ. Зохиолыг Төрийн шагналт Ц.Бавуудорж бичсэн бөгөөд монголчууд эв эеийг эрхэмлэж, залуу үеийнхэн монгол ахуй, түүхэн уламжлалаа дээдлэн хадгалж явахыг сургажээ. Хөгжмийн зохиолчоор Урлагийн гавьяат зүтгэлтэн Т.Сэр-Од, ерөнхий зураачаар Улсын драмын эрдмийн театрын зураач Т.Ганхуяг ажилласан байна.

   Жүжгийн гол дүр Өндөр гэгээнд тус театрын жүжигчин Ч.Лхагвадорж, Номунд Э.Мягмарцэцэг нар тоглож байгаа аж.

   “Өндөр гэгээн” дуулалт жүжгийг Завхан аймгийн Хөгжимт драмын театрт гуравдугаар сарын 9-ний өдрийг хүртэл тоглох бөгөөд Уланбаатар хот болон Дархан-Уул, Орхон, Өвөрхангай аймагт тоглохоор төлөвлөж байгаа юм байна.

ӨНДӨР ГЭГЭЭН дуулалт жүжиг: (2018.03.05-9)

  • ТӨСЛИЙН ЕРӨНХИЙ УДИРДАГЧ: УИХ-ЫН ДЭД ДАРГА Я.Санжмятав
  • ЕРӨНХИЙ ПРОДЮСЕР: Д.Батсайхан
  • ГҮЙЦЭТГЭХ ПРОДЮСЕР: СТА Г.Солонго
  • ЗОХИОЛЧ: Төрийн соёрхолт Ц.Бавуудорж
  • ЕРӨНХИЙ НАЙРУУЛАГЧ: Төрийн соёрхолт Н.Наранбаатар
  • ХӨГЖМИЙН ЗОХИОЛЧ: УГЗ Т.Сэр-Од
  • ЕРӨНХИЙ ЗУРААЧ: СТА Т.Ганхуяг
  • БҮЖИГ ДЭГЛЭЭЧ:СТА В.Энхтайван, СТА А.Отгон
  • ШАШНЫ ЗӨВЛӨХ: Ц.Мөнх-Эрдэнэ
  • ТУСЛАХ НАЙРУУЛАГЧ СТА Б.Сандуйжав,
  • МЕНЕЖЕР З.Нямзул
  • ХУВЦАСНЫ ДИЗАЙНЕР: Ц.Уянга
  • ГҮЙЦЭТГЭХ ЗУРААЧ: Ж.Гоомарал,
  • ДУУНЫ НАЙРУУЛАГЧ Г.Мөнхжаргал
  • ГЭРЛИЙН НАЙРУУЛАГЧ: Я.Чадраабал
  • ТАЙЗ ЖИЖИГ ХЭРЭГЛЭЛИЙН ЭРХЛЭГЧ: В.Энхбаяр, Б.Цэрэндаш
  • ХУВЦАСНЫ ЭРХЛЭГЧ: С.Чулуунцэцэг


Гол дүрд:

  • ӨНДӨР ГЭГЭЭН Ч.Лхагвадорж
  • НОМУН: Э.Мягмарцэцэг

Дүрүүдэд:

  • МАНЖИЙН ХААН Б.Баярбаатар
  • МАНЖИЙН ХАТАН: Б.Ариунзаяа
  • ТОЙМ ЛАМ: СТА Б.Сандуйжав,
  • ШАВЬ Д.Батундрах, СТА Э.Золсайхан
  • ЗАНАБАЗАР-1 С.Нямжав
  • ЗАНАБАЗАР-2 А.Цэрэнбалжир
  • Хөгжимт театрын уран бүтээлчид

Ч.БОЛОР

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу

Шинэ мэдээ
Тоглолтын мэдээ
  • “Өндөр гэгээн” дуулалт жүжгийг Орхонд тоглоно“Өндөр гэгээн” дуулалт жүжгийг Орхонд тоглоно Урлагийн гавьяат зүтгэлтэн Л.Ванганы нэрэмжит Завхан аймгийн хөгжимт жүжгийн театрын бүтээл “Өндөр гэгээн” дуулалт жүжгийг энэ сарын 14-ний өдөр Орхон аймгийн соёлын ордонд тоглохоор болжээ. Жүжгийг хоёр удаа тоглох юм байна. Завхан аймгийн Шилүүстэй сумын харьяат Төрийн соёрхолт яруу найрагч Ц.Бавуудоржийн зохиол, хөгжмийн зохиолч Урлагийн гавьяат зүтгэлтэн Т.Сэр-Од, Төрийн соёрхолт, Улсын Драмын эрдмийн театрын ерөнхий найруулагч Н.Наранбаатар нарын хамтран бүтээсэн “Өндөр гэгээн” дуулалт жүжгийг бүтээх үйл явж жил гаруй үргэлжилжээ. Жүжгийн нээлт өнгөрөгч гуравдугаар сард Завхан аймгийн театрт болж байв.
  • “Номоо солилцъё” өдөрлөг энэ сарын 4,5-д болно“Номоо солилцъё” өдөрлөг энэ сарын 4,5-д болноНийслэлийн иргэд цуглаж өөрт байгаа номоо сарын хугацаатай бусадтайгаа солилцож уншдаг болоод жил гаруй хугацаанд тасралтгүй үргэлжилж буй “Номоо солилцъё” өдөрлөг энэ сарын 04-ны өдөр 10:00-17:00 цагийн хооронд, 05-ны өдөр 10:00-14:00 цагийн хооронд хоёр өдрийн турш Улаанбаатар хотын нийтийн төв номын санд зохион байгуулагдах гэж байна. Энэ удаагийн өдөрлөг “ҮНДЭСНИЙ БИЧИГ ҮСГИЙН БАЯР”-ын өдрийн хүрээнд зохион байгуулагдаж байгаагаараа ихээхэн онцлогтой юм.
  • Playing Love Best тоглогдоноPlaying Love Best тоглогдоноХөгжмийн зохиолчдын авьяас билгээ сорих, ур чадвараа харуулах нэг шалгуур нь киноны хөгжим байдаг гэлцдэг. Кино урлаг үүсэж хөгжихтэй хамт бий болж, хөгжсөн хөгжмийн энэхүү томоохон урсгалын энэ үеийн гол төлөөлөгчдийн нэг нь Эннио Морриконе билээ. Түүний "1900-гийн домог" (Legend of 1900) кинонд зориулан бичсэн "Playing love" зохиолоор нэрлэгдсэн тоглолтоо Морин хуурын чуулга найм дахь жилдээ үзэгч, сонсогч олондоо өргөн барих гэж байна. Энэхүү тоглолт нь Монголын төдийгүй дэлхийн алдарт киноны сэтгэлд хоногшсон сонгомол хөгжим аялгууг үндэсний хөгжмийн хөг эгшгээр амилуулан хөгжимдөж, Морин хуур хэмээх гайхамшигт хөгжмийн зэмсгийн чадал, ур хийцийн гайхамшгийг тод томруун харуулдаг тул үзэгчид жил жилийн тоглолтыг тэсэн ядан хүлээдэг биз ээ.
  • Come Fly With Me тоглолт маш өвөрмөц боллооCome Fly With Me тоглолт маш өвөрмөц боллооӨнгөрсөн Бямба гараг буюу 4-р сарын 14-нд Корпорейт Конвеншн төвийн концертын их танхимд дуучин Наагийгийн тоглолт болж өнгөрлөө. Тэрээр анхны тоглолтоо 2012 оны энэ өдөр Strangers In The Night нэртэйгээр Тусгаар тогтнолын ордонд хийж байсан юм. Өнгөрсөн 6 жилийн хугацаанд дуучны дуулах ур чадвар, дуулалтын мэдрэмжүүд улам нэмэгдсэн байсан бөгөөд тоглолтын 90 минутын турш өөртөө итгэлтэйгээр үзэгчдэд олны танил Монгол болон гадаад дуунуудыг хүртээл болгож байлаа.
  •  Жүжигчин Г.Ундармаа насанд хүрэгчдэд зориулсан шинэ бүтээлээ удахгүй нээнэ Жүжигчин Г.Ундармаа насанд хүрэгчдэд зориулсан шинэ бүтээлээ удахгүй нээнэХошин урлагийн тайзнаасаа хөндийрч дэлгэцийн бүтээлдээ түлхүү анхаарлаа хандуулж буй жүжигчин Г.Ундармаа дахин нэг өөр төрлийн шинэ бүтээлээрээ тун удахгүй тэсрэлт хийхээр зэхэж байна.