2018-04-04 02:42

Музейн боловсролын ажилтан, багш нарын сургалт, семинар зохион байгуулагдана

   “Музейд суралцахуй” улс, орон нутгийн музейн захирал, боловсролын ажилтан, Нийслэлийн ерөнхий боловсролын сургуулийн багш нарт зориулсан сургалт, семинар 2018 оны 4-р сарын 5-нд Монголын Үндэсний музейд зохион байгуулагдана. Сургалт, семинарыг Боловсрол, соёл, шинжлэх ухаан, спортын яам, Нийслэлийн боловсролын газрын дэмжлэгтэйгээр Засгийн газрын хэрэгжүүлэгч агентлаг Соёл, урлагийн газар, ЮНЕСКО-ийн Монголын үндэсний комисс, Монголын Үндэсний музей зохион байгуулалтыг  хариуцан ажиллаж байна.  

   Дэлхий нийтэд музейн боловсролын талаарх ойлголтыг “үзэгчийг соён гэгээрүүлэхэд чиглэсэн үнэт зүйлс, үзэл баримтлал, мэдлэг, дадлагын цогц” гэж  тодорхойлжээ. Энэ нь сурган хүмүүжүүлэх арга, хувь хүний хөгжил, төлөвшил, аливааг гүйцэтгэх чадвар, шинэ мэдлэг олж авахыг нэгтгэсэн бие хүний соёлын түвшинг нэмэгдүүлэх үйл явц юм. Музейн сургалт нь “албан бус” сургалтын нэг хэлбэр бөгөөд боловсролын байгууллагатай нягт уялдаа холбоотой ажилладаг.  

   Музей нь хүүхдүүдийн мэдлэгийн хүрээг тэлж, тэдэнд суралцах, хөгжилдөж цэнгэх, хэлэлцэх зэрэг олон төрлийг санал болгодог. Мөн музейг чөлөөтэй орчинд үзэж, бусадтай харилцаж, нийтлэг бүлгийн сургалтын хэвшмэл орчноос ялгаатай, бие дааж өөрөө таашаан сонирхох хөгжих боломжийг олгодог. Музейд гурван настай балчираас эхлээд наян настай ахмадууд суралцахаар ирдэг нь хувь хүний хөгжлийг хангаж, нийгмийн харилцаанд томоохон үүргийг гүйцэтгэдэг. Энэ удаагийн сургалт, семинарын зорилго нь музейн боловсролын хөтөлбөрийг ЕБС-ийн суурь боловсролын Түүх Нийгэм, Газарзүй, Монгол хэл бичиг, Дизайн технологи, Урлаг, Иргэний боловсрол, Хичээлээс гадуурх үйл ажиллагаа, Амьдрах чадварт суралцах үйл ажиллагаа хичээлийн хөтөлбөртэй уялдуулан сайжруулснаар музейн сургалтыг орчин үеийн сургалтын шаардлагад нийцсэн хөтөлбөрөөр баяжуулж, боловсролын ажилтны ур чадварыг дээшлүүлж, музейн багш бэлтгэх, музей сургууль хоорондын харилцааг уялдуулан холбоход оршино.

   Музейн сургалтыг бодит үзмэр дээр тулгуурлан, ЕБС-ийн танхимын сургалтын төлөвлөгөөтэй нягт уялдуулж боловсруулсан хөтөлбөрийн дагуу явуулснаар суралцагчдын сурах идэвхи сайжирч, хамтран ажиллах бүтээлч үйл ажиллагаа нэмэгдэж, сургалтын чанар, үр дүн дээшилж, мэдлэг нь хэрэглээ болох төдийгүй музей, сургууль хоёрын харилцаа сайжран, музейн сургалтын хэрэгцээ үүснэ. Улмаар музей нь сургалтын тусгай бэлтгэгдсэн төв болно. Музей нь өөрийн онцлогийг тусгасан сургалтын хөтөлбөртэй болох нь музейн боловсролын ажилтан ба ЕБС-ийн багш нарын мэргэжлийн ур чадвар дээшлэхэд дэмжлэг болж буйгаараа шинэлэг чухал ач холбогдолтой юм.

   Цаашид (I) “Музейн хичээлийн хөтөлбөр”-ийг тогтмолжуулж, ач холбогдлыг үнэлж, бодлого төлөвлөлтөд оруулж, хөгжүүлэх, (II) ЕБС-ийн хичээлийг музейн сургалтын албан бус хэлбэрээр явуулж, хүүхдийг бие даан бүтээлчээр сэтгэх, соёл уламжлалаа дээдэлсэн эх оронч сэтгэлгээг төлөвшүүлэхэд музейн боловсролын ажилтныг бэлтгэж, давтан сургах, (III) багш нарт зориулсан тусгай сургалтын хөтөлбөр боловсруулж, “Музейн багш” бэлтгэх шаардлагатай байна. Улмаар багш нар хичээлийн бусад цагаар музейд сайн дурын хэлбэрээр ажиллах боломж нээгдэх үр дүнтэй.

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • “Найруулга” хөгжмийн тоглолт тайзнаа дахин амилна“Найруулга” хөгжмийн тоглолт тайзнаа дахин амилнаМонгол Улсын Консерваторийн сонгодог хөгжмийн мэргэжлийн сургуулийн Үлээвэр, цохивор хөгжмийн тэнхимийн багш, Монгол Улсын гавьяат багш Б.Зоригт гуравдугаар сарын 25, 26-нд шавь нарынхаа хамт шинэ уран бүтээлийн “Найруулга-2019” тоглолтоо сонсогч олондоо өргөн барих гэж байна.
  • Нэрт найруулагч Г.Доржсамбуу агсны 70 насны ойд зориулсан тоглолт болноНэрт найруулагч Г.Доржсамбуу агсны 70 насны ойд зориулсан тоглолт болноУлсын Драмын Эрдмийн театрын хамт олон алтан үеийн болон ахмад уран бүтээлчдийн алдрыг хүндэтгэж, бүтээж туурвих арга ухааныг нь хойч үедээ уламжлуулан үлдээх зорилгоор “Алтан тайзны эзэд- Бид мартахгүй” дурсамж, хүндэтгэлийн арга хэмжээг жил бүр уламжлал болгон зохион байгуулдаг билээ. Харин энэ удаад нэрт найруулагч, жүжигчин Г. Доржсамбуу агсны 70 насны ойг тохиолдуулан “Тэнгэр мэднэ” хүндэтгэлийн арга хэмжээг зохион байгуулах гэж байна.”Тэнгэр мэднэ” хүндэтгэлийн арга хэмжээ энэ сарын 22-нд Улсын Драмын эрдмийн театрт 13:00 цагт болно.
  • Олон улсын циркийн тоглолтын эхний өдрүүдийн тасалбар дуусчээОлон улсын циркийн тоглолтын эхний өдрүүдийн тасалбар дуусчээЖил бүрийн хавар Монголын Үндэсний Цирк дэлхийн өнцөг булан бүрээс шилдэг циркийн үзүүлбэрүүдийг эх орондоо урьж авчирдаг. Тэгвэл энэ жилийн хувьд Олон улсын циркийн тоглолт 3-р сарын 23-ны өдрөөс эхлэх гэнэ. Тус тоглолтонд Орос, Франц, Украин, Киргиз, Польш зэрэг орны төлөөллүүд хүрэлцэн ирсэн байна. Жүжигчдийн хувьд олон улсын циркийн наадмын шагналт, тэргүүн байрын уран бүтээлчид байгаагаараа онцлог аж. Үзэгч хүүхдүүдэд хамгийн их таалагдах үзүүлбэр нь сургуультай пудль нохой, эр зоригт морьтон залуусын тоглолт байх бол үзэгчдийг хөгжөөн баясгах алиалагчид энэ удаа жинхэнэ мэт цагаан баавгайтай хамтран тоглох нь.
  • Дөрөвдүгээр сарын үзвэрийн хуваарьДөрөвдүгээр сарын үзвэрийн хуваарьУрлагийн салбарын салаа мөчир дундаас сонгодог урлаг, дуурийн дуулаач, балеть мастерууд үзэгчдийн мэлмийг баясгаж оюуны боловсрол олгон, сэтгэлийн таашаал өгч байдаг. Ингээд дөрөвдүгээр сард ямар ямар тоглолт болох талаарх мэдээллийг хүргэе.
  • "Хайрын урь" тоглолт болноХүмүүний амьдралд жаргал зовлон, баяр гуниг, хайр дурлал, хагацал учрал байгаа цагт дуу төрсөөр, дуучид дуулсаар л байх болно. Дуу хөгжим гэдэг хүний сэтгэлийг сэргээн уярааж, ухаарал уярал хайрлаж байдаг агуу ид шидтэй, ая эгшигийн дээд. Монгол түмэн хэзээнээсээ дууч ард түмэн.