2018-05-01 08:49

Залуу малчид, уяачид анх удаа зөвлөлдөнө

“Залуу малчид, уяачдын үндэсний зөвлөгөөн” 2018 оны тавдугаар сарын 11-нд Төрийн ордоны Их танхимд зохион байгуулагдах гэж байна. УИХ-ын гишүүн Д.Гантулгын тэргүүлдэг Монголын морин спорт, залуу уяачдын холбооноос санаачлан, Монгол Улсын Засгийн газрын Хэрэг эрхлэх газар, Хүнс, хөдөө аж ахуй, хөнгөн үйлдвэрийн яам, Хөдөлмөр, нийгмийн хамгааллын яам, Боловсрол, соёл, шинжлэх, ухаан, спортын яамтай хамтран зохион байгуулж байгаа үндэсний зөвлөгөөнд, Монгол Улсын бүх аймаг, сум, дүүрэг, баг, хороодын малчид, уяачдын төлөөлөл бүхий 800 малчид, уяачид чуулна. Энэхүү зөвлөгөөний талаар Монголын морин спорт залуу уяачдын холбооны Ерөнхий нарийн бичгийн дарга Н.Мөнхбаясгалангаас тодрууллаа. 

-Залуу малчид, уяачдын үндэсний зөвлөгөөний гол зорилго нь юу вэ?

-Залуу малчид, уяачдын үндэсний зөвлөгөөн нь анх удаа зохион байгуулагдаж байгаа юм. Энэ зөвлөгөөний үеэр залуу малчид, уяачдыг дэмжих чиглэлээр төр засгийн зүгээс явуулж байгаа бодлогуудыг  Хүнс, хөдөө аж ахуй, хөнгөн үйлдвэрийн яам, Хөдөлмөр, нийгмийн хамгааллын яам, Боловсрол, соёл, шинжлэх, ухаан, спортын яамнаас танилцуулна. Хоёрдугаарт, залуу малчид тулгамдсан асуудлаа хэлэлцэж, санал санаачлага хэлэх юм. Мөн хурдан морины уралдаан зохион байгуулах дүрэм журмын талаар санал авна. Үүнээс гадна хэд хэдэн хуулийн төслийг танилцуулахаар төлөвлөж байгаа. Үүнд, Үндэсний их баяр наадмын тухай хуулийн төсөл, малын генетик нөөцийн хууль, Мал амьтны эрүүл мэндийн тухай хуулиудыг танилцуулна. 
Мөн улсын баяр наадам, бүсийн хэмжээний томоохон уралдааныг зохион байгуулалт талаас нь шүүмжлэл гардаг. Тэгэхээр морин уралдааныг хэрхэн зохион байгуулах, уяач болон уралдаанч хүүхдийг бүртгэж, сертфикаттай болгохоор төлөвлөж байгаа. Монголын морин спорт залуу уяачдын холбоо 21 аймагт салбартай. Салбар хороодоор дамжуулаад аймаг, сумдын төлөөллийг оролцуулсан өргөн хүрээний том зөвлөгөөн зохион байгуулахаар бэлтгэл ажилдаа ороод байна.

-Зөвлөгөөнд оролцох хүсэлтэй хүмүүс хэрхэн бүртгүүлэх вэ?

-Заавал холбооны байранд ирж бүртгүүлэх шаардлагагүй.  Монголын морин спорт залуу уяачдын холбоо гэсэн фейсбүүк хаягаар бүртгүүлж болно. Мөн энэ хаягаар шаардлагатай мэдээллээ авах боломжтой.

Т.НОМИН

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • “Үдшийн музей” жазз хөгжмөөр “амьсгалав”“Үдшийн музей” жазз хөгжмөөр “амьсгалав”“Үдшийн музейд” 2015 онд “Хөсөгтөн” хамтлаг, 2016 онд Морин хуурын чуулга, 2017 онд “Улаанбаатар” чуулгын уран бүтээлчид зочилж байсан бол энэ жил Монгол Улсын Филармонийн “Баянмонгол” чуулга жазз тоглолтоороо үзэгчдэд бэлэг барилаа. Мөн Чойжин ламын сүм музейн арвин баялаг сан хөмрөг, хосгүй үнэт бүтээлүүдээс цугласан олонд тусгайлан зориулж, музейн “Цам” үзэсгэлэнг сонирхуулсан бол “Монгол төрийн сахиусны өргөө” түүхэн гэрэл зургийн үзэсгэлэнг үзэж мэлмий баясгахын зэрэгцээ музейн өвөрмөц тансаг орчинд тухлан жазз хөгжмийн гайхамшигт тоглолтыг тогложээ.
  • “Naadam night” шоу зохион байгуулна“Naadam night” шоу зохион байгуулнаБаяр наадмын үеэр жуулчдад зориулан зохион байгуулж буй “Naadam night” шоу долоодугаар сарын 11-ний орой 21:00 цагт Үндэсний соёл амралтын хүрээлэнд болно. Наадмын нээлтийн соёл урлагийн хөтөлбөрийг орой нь жуулчдад зориулан орчуулгатай хүргэх “Naadam night” шоу арга хэмжээг зохион байгуулах бэлтгэл ажил хангагдаж хөтөлбөр бэлэн болсон байна гэж
  • Хятан-Их Ляо улсын үеийн шилдэг үзмэрийн үзэсгэлэн нээгдлээХятан-Их Ляо улсын үеийн шилдэг үзмэрийн үзэсгэлэн нээгдлээМонгол Улс, БНХАУ-ын хооронд дипломат харилцаа тогтоосны 70 жилийн ойг хоёр улс 2019 онд ёслол төгөлдөр тэмдэглэж байна. Ойн хүрээнд хоёр улсын соёлын солилцоог хөгжүүлэх зорилгоор зохион байгуулж буй нэгэн томоохон ажил нь БНХАУ-ын Өвөр Монголын музей, Монголын Үндэсний музейтэй хамтран "Хятан-Их Ляо улс: БНХАУ-ын ӨВӨР МОНГОЛЫН ХЯТАНЫ ШИЛДЭГ ҮЗМЭР" үзэсгэлэн юм.
  • “Урлагийн амьдрал” хамтарсан үзэсгэлэн тун удахгүй дэлгэгдэнэ“Урлагийн амьдрал” хамтарсан үзэсгэлэн тун удахгүй дэлгэгдэнэМонголын зураач урчууд Ардын Их баяр наадамдаа онцгой сайхан уран бүтээлийн бэлэг барьдаг уламжлал ёсоор Бадамжавын Чогсом /Монгол улсын Ардын зураач, МУЭ-ийн шагналт/ Долгоржавын Болд /Монгол улсын Ардын зураач, Төрийн шагналт/ нар хамтран “Урлагийн амьдрал” уран бүтээлийн хамтарсан үзэсгэлэнгээ 2019 оны 07 сарын 01-28-ны өдрүүдэд “МОНГОЛ АРТ ГАЛЕРЕЙ”-н танхимд дэлгэн толилуулах гэж байна.
  • Жуулчдын сэтгэлийг татах “LEGEND”Жуулчдын сэтгэлийг татах “LEGEND”Урин дулаан цаг ирж албан байгууллагуудын амралт эхлэхтэй зэрэгцэн аялал жуулчлалын үез алгадаг. Манай улс зуны улиралд 3 сая жуулчин хүлээн авах бүрэн хүчин чадалтай ч сүүлийн 10 жилд ирж буй гадаадын жуулчдын тоо 400 мянгаас илүү гарахгүй байна гэх судалгаа бий. Гадаадын жуулчид Монголд ирээд нүд хужирлах чанартай, хүлээн зөвшөөрөгдөхүйц соёл, урлагийн арга хэмжээ байхгүй байдаг нь жилийн жилд бидэнд тулгардаг асуудлын нэг.