2018-05-14 02:21

Баялаг сан хөмрөгтэй баруун Монголын төв музей

   Ховд аймгийн музей нь 1950 онд орон нутаг сурталчлах кабинет нэртэй 1 орон тоотой, 40 гаруй үзмэртэй анх байгуулагдаж байжээ. Байгуулагдсан цагаасаа хойш аж ахуй зохион байгуулалтын талаар улам бэхжиж, баруун Монголын ард түмэнд аймаг орон нутгаа сурталчлах ажлын хүрээ жилээс жилд өсч, 1967 онд Аймгийн орон нутаг судлалын музей, 1991 онд Аймгийн музей болон өргөжсөн бөгөөд 2011 оноос хойш өөрийн салбар музейтэй болон ажиллаж байна.

 

Салбар музейн талаар товч дурвал 2008-2012 онд Ховд Аймгийн Засаг даргын санаачилсан “Оюунлаг Ховд” Хөтөлбөрийн хүрээнд Ховд Аймаг үүсэн байгуулагдсаны 80 жилийн ойг угтан олон ястны “Өв соёлын хүрээлэн”-г барьж байгуулсан. Энэхүү хүрээлэн нь холын цуутай Ховд нутагт мянга мянган жилийн турш эв найртай амьдран ирсэн олон үндэстэн ястнуудынхаа өвөрмөц ёс заншил, түүх соёлын онцлогийг харуулсан үндэсний соёлын өвийг төрөлх нутгийн зон олон ард иргэд болон гадаад, дотоодын зочид төлөөлөгчдөд таниулах, ирээдүй хойчдоо өв соёлоороо бахархах, үлгэр дуурайл үзүүлэх, өвлүүлэн үлдээх соёл гэгээрлийн томоохон төв болон ажиллаж байна.

Тулгамдаж буй асуудал: Музейн барилга нь их засварт орж байгаагүй. 1980 оноос өмнө музей барилга нь халаалт, дулаан байдаггүй байсан. 1980 онд сантехникийн ажил хийгдсэн. Барилгад их засвар хийх шаардлагатай байгаа. Боловсон хүчин, орон тоог нэмэгдүүлэр шаардлагатай байгааг салбарын сайдад уламжиллаа.

Сан хөмрөг

Ховд аймгийн музейн сан хөмрөг нь 3100 гаруй үзмэртэй. Баруун Монголын олон ястны түүх соёлын хосгүй үнэт өв, үзмэрүүдээс авахуулаад Ерөнхийлөгч асан Ц.Элбэгдоржийн нэрэмжит өрөө, өв соёлын хүрээлэн гэх мэт баялаг сан хөмрөгтэйгээр ард иргэдэд үйлчилж байна.

”Ард Аюушийн зарга”, Н.Хүүжав, 1962 он

Манжийн үеийн эрүү шүүлт

Манжийн харгислалын үед хүний толгой авдаг байсан цаазын сэлэм

Казак дээл хувцас

Тус музей нь Монгол Улсын Ерөнхийлөгч асан Ц.Элбэгдоржийн тохижуулж өгсөн танхимтай. Энд түүний бага наснаас Ерөнхийлөгч болох хүртэлх намтар түүх, зураг хөрөг бүхий цахим сантайгаас гадна Ерөнхийлөгчөөр сонгогдож тангараг өргөхдөө өмсч байсан дээл хувцас, тамганы хайрцаг сэлт байдаг. 

“Байтагийн тулалдаан” диарам. Зураач Б.Равсал, Ү.Батмөнх, Л.Дамба, Б.Дашням нарын бүтээл,  1979 он

   Ховд аймгийн Булган сумын Байтагийн заставын хилийн манаанд Хаянхирваа ахлагчтай 10 хилчин 1948 оны 7-р сарын 8-нд гоминданы 150 гаруй цэрэгтэй хүч тэнцвэргүй тулалдаанд орж эх орныхоо дархан хилийг баатарлагаар хамгаалжээ. Манааны ахлагч Хаянхирваа нэг цэргээ хилээс 45 км-т орших заставт хэл хүргүүлэхээр явуулж, үлдсэн 9 цэргээ Бүдүүн харгайтын голын аман дахь Байтаг ууланд тараан байрлуулж, тосон байлджээ. Хүчээр давуу дайсны эсрэг гурван цагийн турш тулалдаж, Б.Тэгшээ, Б.Гиваан, Л.Даваадорж нар дайсны гол хүчийг өөр дээрээ тогтоон барьж, эцийн сумаа дуустал байлдаж, үлдсэн ганц гранатаа тэслэн амь эрсджээ. Байтагийн тулалдаанд гарамгай гавьяа байгуулсан Б.Тэгшээ Ховд аймгийн Чандмань сум, Б.Гиваан Увс аймгийн Өлгий сум, Л.Даваадорж, Хөвсгөл аймгийн Бүрэнтогтох сум, нарыг 1948 онд Монгол Улсын Баатар цолоор нэхэн шагнажээ. 

Ховд аймаг, Ховд хот, 2018.05.11

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • Нэрт найруулагч Г.Доржсамбуу агсны 70 насны ойд зориулсан тоглолт болноНэрт найруулагч Г.Доржсамбуу агсны 70 насны ойд зориулсан тоглолт болноУлсын Драмын Эрдмийн театрын хамт олон алтан үеийн болон ахмад уран бүтээлчдийн алдрыг хүндэтгэж, бүтээж туурвих арга ухааныг нь хойч үедээ уламжлуулан үлдээх зорилгоор “Алтан тайзны эзэд- Бид мартахгүй” дурсамж, хүндэтгэлийн арга хэмжээг жил бүр уламжлал болгон зохион байгуулдаг билээ. Харин энэ удаад нэрт найруулагч, жүжигчин Г. Доржсамбуу агсны 70 насны ойг тохиолдуулан “Тэнгэр мэднэ” хүндэтгэлийн арга хэмжээг зохион байгуулах гэж байна.”Тэнгэр мэднэ” хүндэтгэлийн арга хэмжээ энэ сарын 22-нд Улсын Драмын эрдмийн театрт 13:00 цагт болно.
  • Олон улсын циркийн тоглолтын эхний өдрүүдийн тасалбар дуусчээОлон улсын циркийн тоглолтын эхний өдрүүдийн тасалбар дуусчээЖил бүрийн хавар Монголын Үндэсний Цирк дэлхийн өнцөг булан бүрээс шилдэг циркийн үзүүлбэрүүдийг эх орондоо урьж авчирдаг. Тэгвэл энэ жилийн хувьд Олон улсын циркийн тоглолт 3-р сарын 23-ны өдрөөс эхлэх гэнэ. Тус тоглолтонд Орос, Франц, Украин, Киргиз, Польш зэрэг орны төлөөллүүд хүрэлцэн ирсэн байна. Жүжигчдийн хувьд олон улсын циркийн наадмын шагналт, тэргүүн байрын уран бүтээлчид байгаагаараа онцлог аж. Үзэгч хүүхдүүдэд хамгийн их таалагдах үзүүлбэр нь сургуультай пудль нохой, эр зоригт морьтон залуусын тоглолт байх бол үзэгчдийг хөгжөөн баясгах алиалагчид энэ удаа жинхэнэ мэт цагаан баавгайтай хамтран тоглох нь.
  • Дөрөвдүгээр сарын үзвэрийн хуваарьДөрөвдүгээр сарын үзвэрийн хуваарьУрлагийн салбарын салаа мөчир дундаас сонгодог урлаг, дуурийн дуулаач, балеть мастерууд үзэгчдийн мэлмийг баясгаж оюуны боловсрол олгон, сэтгэлийн таашаал өгч байдаг. Ингээд дөрөвдүгээр сард ямар ямар тоглолт болох талаарх мэдээллийг хүргэе.
  • "Хайрын урь" тоглолт болноХүмүүний амьдралд жаргал зовлон, баяр гуниг, хайр дурлал, хагацал учрал байгаа цагт дуу төрсөөр, дуучид дуулсаар л байх болно. Дуу хөгжим гэдэг хүний сэтгэлийг сэргээн уярааж, ухаарал уярал хайрлаж байдаг агуу ид шидтэй, ая эгшигийн дээд. Монгол түмэн хэзээнээсээ дууч ард түмэн.
  • "Алтан өргөө" симфони чуулбар болон дан хөгжмийн бүтээлүүд эгшиглэнэ1961 онд “Алтан өргөө” Монголын уран сайхны кино дэлгэцийн бүтээл болж, та бидний сэтгэлд хоногшин үлдсэн түүхтэй. Эл киног үзээгүй хүн ховор. Тэгвэл "Алтан өргөө" киноны симфони чуулбарыг Монгол Улсын Филармонийн симфони найрал хөгжим үзэгчдэд сонордуулах гэж байна. Тоглолт 2019 оны гуравдугаар сарын 15-нд 19:00 цагаас Улсын Филармонийн тайзнаа ганцхан удаа болно. Тоглолтын үеэр хөөмий, хуучир, төгөлдөр хуурын дан хөгжмийн бүтээлийг мөн толилуулах ажээ.