2018-05-21 01:04

Сингапур, Монголын Соёлын сайдууд уулзлаа

   Боловсрол, соёл, шинжлэх ухаан, спортын сайд Ц.Цогзолмаа өчигдөр Бүгд Найрамдах Сингапур Улсын Соёл, нийгэм, залуучуудын сайд, хатагтай Грейс Фу-тай албан уулзалт хийлээ. Уулзалтын үеэр Боловсрол, соёл, шинжлэх ухаан, спортын сайд Ц.Цогзолмаа, сүүлийн жилүүдэд Сингапурт болсон олон улсын чанартай урлагийн наадамд манай төлөөлөгчид оролцоход Сингапурын тал дэмжлэг үзүүлсэнд талархал илэрхийлж, цаашид хоёр тал үзэсгэлэн, урлаг соёлын аялан тоглолт харилцан зохион байгуулах, соёлын салбарын мэргэжилтэн, уран бүтээлчид, багш нарыг солилцох, туршлага судлах зэрэг чиглэлээр хамтын ажиллагаа хөгжүүлэх цаашилбал кино урлагийн салбарт хамтран ажиллах, харилцан кино өдрүүдийг зохион байгуулах, соёлын бүтээлч үйлдвэрлэлийн салбарт хамтран ажиллах, хамтарсан төсөл, хөтөлбөр хэрэгжүүлэх, соёлын бодлого, эрх зүйн орчны талаар туршлага солилцох, судалгаа шинжилгээний хамтын ажиллагааг хөгжүүлэх зэргээр хамтран ажиллах хүсэлтэй байгаагаа илэрхийлж, санал солилцлоо.

   Сингапур нь гурван үндэстнээс бүрддэг, бүгдийнх нь соёл, өв уламжлалын онцлогийг хадгалж үлдэхийн зэрэгцээ Сингапурын үндэсний соёл хэмээх нэгдсэн соёлтой болж, түүнийг хөгжүүлэх тухайд төрийн бодлого нь чиглэгддэг болохыг хатагтай Грэйс Фу онцлоод Монгол Улстай бүх талаар хамтран ажиллахаа илэрхийллээ. Тэрээр өнгөрсөн жил хувиараа Монголоор аялсан бөгөөд онгон байгалийн дахин давтагдашгүй байдал, говь нутаг, элсэн цөл онцгой сэтгэгдэл төрүүлсэнийг хэлээд боломжтой үедээ Монгол Улсад албан айлчлал хийнэ гэдгээ хэллээ.

   Сингапурын Соёл, нийгэм, залуучуудын сайд Грейс Фу-гийн тухайд Бүгд Найрамдах Сингапур Улсын түүхэн дэх хоёр дахь эмэгтэй төрийн сайд бөгөөд тус улсын Наньяангийн охидын сургууль, Хва Чонгийн коллежийг тус тус дүүргэж Сингапурын Улсын их сургуулийг нягтлан бодогч мэргэжлээр бакалавр, Бизнесийн удирдлагын чиглэлээр магистр тус тус хамгаалжээ.

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу

Шинэ мэдээ
Тоглолтын мэдээ
  • Дуучин С.Наран, Б.Баярцэцэг нар хамтарсан тоглолтоо хийнэДуучин С.Наран, Б.Баярцэцэг нар хамтарсан тоглолтоо хийнэӨнгөрсөн зургаадугаар сард сүр дуулиантайгаар нээлтээ хийсэн White Rock Center-т нэгэн томоохон тоглолт толилуулахад бэлэн болжээ. Танхимын онцлог болсон тайз, хөгжим, 360’ Projection Mapping Show-ны гайхамшгийг шингээсэн уг тоглолтын гол эзэд нь эрч хүчтэй Поп дива С.Наран, уянгалаг зөөлөн Б.Баярцэцэг нар юм.
  • “Балар эртний цадиг” үзэсгэлэн сарын турш олны хүртээл болно“Балар эртний цадиг” үзэсгэлэн сарын турш олны хүртээл болно “Балар эртний цадиг” үзэсгэлэн өнөөдөр Үлэг гүрвэлийн төв музейд нээлтээ хийлээ. Монголд анх удаа улс, аймгийн чанартай музей болон хувийн музейгээс бөөгийн хувцас хэрэглэлийг цуглуулж энэхүү үзэсгэлэнг дэлгэн олон түмэнд толилуулж байна. Үзэсгэлэнд Монгол түмний биет өв буюу монголчуудын өөрсдийнх нь бишрэл шүтлэг болсон бөө мөргөл, тэдний эдлэл хэрэглэл, хувцас хунар, дээд хэнгэргийг дэлгэжээ.
  • “Өндөр гэгээн” дуулалт жүжгийг Орхонд тоглоно“Өндөр гэгээн” дуулалт жүжгийг Орхонд тоглоно Урлагийн гавьяат зүтгэлтэн Л.Ванганы нэрэмжит Завхан аймгийн хөгжимт жүжгийн театрын бүтээл “Өндөр гэгээн” дуулалт жүжгийг энэ сарын 14-ний өдөр Орхон аймгийн соёлын ордонд тоглохоор болжээ. Жүжгийг хоёр удаа тоглох юм байна. Завхан аймгийн Шилүүстэй сумын харьяат Төрийн соёрхолт яруу найрагч Ц.Бавуудоржийн зохиол, хөгжмийн зохиолч Урлагийн гавьяат зүтгэлтэн Т.Сэр-Од, Төрийн соёрхолт, Улсын Драмын эрдмийн театрын ерөнхий найруулагч Н.Наранбаатар нарын хамтран бүтээсэн “Өндөр гэгээн” дуулалт жүжгийг бүтээх үйл явж жил гаруй үргэлжилжээ. Жүжгийн нээлт өнгөрөгч гуравдугаар сард Завхан аймгийн театрт болж байв.
  • “Номоо солилцъё” өдөрлөг энэ сарын 4,5-д болно“Номоо солилцъё” өдөрлөг энэ сарын 4,5-д болноНийслэлийн иргэд цуглаж өөрт байгаа номоо сарын хугацаатай бусадтайгаа солилцож уншдаг болоод жил гаруй хугацаанд тасралтгүй үргэлжилж буй “Номоо солилцъё” өдөрлөг энэ сарын 04-ны өдөр 10:00-17:00 цагийн хооронд, 05-ны өдөр 10:00-14:00 цагийн хооронд хоёр өдрийн турш Улаанбаатар хотын нийтийн төв номын санд зохион байгуулагдах гэж байна. Энэ удаагийн өдөрлөг “ҮНДЭСНИЙ БИЧИГ ҮСГИЙН БАЯР”-ын өдрийн хүрээнд зохион байгуулагдаж байгаагаараа ихээхэн онцлогтой юм.
  • Playing Love Best тоглогдоноPlaying Love Best тоглогдоноХөгжмийн зохиолчдын авьяас билгээ сорих, ур чадвараа харуулах нэг шалгуур нь киноны хөгжим байдаг гэлцдэг. Кино урлаг үүсэж хөгжихтэй хамт бий болж, хөгжсөн хөгжмийн энэхүү томоохон урсгалын энэ үеийн гол төлөөлөгчдийн нэг нь Эннио Морриконе билээ. Түүний "1900-гийн домог" (Legend of 1900) кинонд зориулан бичсэн "Playing love" зохиолоор нэрлэгдсэн тоглолтоо Морин хуурын чуулга найм дахь жилдээ үзэгч, сонсогч олондоо өргөн барих гэж байна. Энэхүү тоглолт нь Монголын төдийгүй дэлхийн алдарт киноны сэтгэлд хоногшсон сонгомол хөгжим аялгууг үндэсний хөгжмийн хөг эгшгээр амилуулан хөгжимдөж, Морин хуур хэмээх гайхамшигт хөгжмийн зэмсгийн чадал, ур хийцийн гайхамшгийг тод томруун харуулдаг тул үзэгчид жил жилийн тоглолтыг тэсэн ядан хүлээдэг биз ээ.