2018-05-21 01:16

“The Voice"-ийн шилдэг дөрвөн оролцогч тодров

   Дэлхийд алдартай “The Voice of Mongolia” шоуг “Монгол HD” телевизийн уран бүтээлчид албан ёсны онцгой эрхтэйгээр анхлан хүргэж байгаа билээ. Шоуны анхны дугаар 2018 оны нэгдүгээр сарын 21-ны өдөр эфирт цацагдаж байсан юм. Тэгвэл өчигдөр шилдэг найман оролцогчийн тоглолт болж, финалд өрсөлдөх дөрвөн оролцогч тодорсон. Энэ удаа шүүгч тус бүрээс шалгаран үлдсэн хоёр оролцогчийн нэг нь үзэгчийн саналаар сүүлийн шатанд үлдлээ.

   “The Voice of Mongolia” шоунд анх 108 оролцогч оролцсоноос 66 нь хоёрдугаар  шатанд үлдэж, цааш өрсөлдсөн. Тэднээс одоо дараах дөрвөн оролцогч үлдээд байна.

   Шүүгч Д.Отгонбаярын багаас мэргэжлийн дуучин гэх тодотголтой оролцогч А.Болормаа, С.Ононбатын багаас шат бүрт өсч яваа Б.Өсөхбаяр үлдсэн. Тэгвэл Төрийн соёрхолт Л.Болдын багаас Ж.Ариунжаргал финалд өрсөлдөх эрхийг авсан бол Д.Уламбаярын багаас арван жилийн дунд сургуулийн сурагч Ц.Энгүүн багийнхаа 16 оролцогчийн төлөөлөн шалгарлаа.

Энэ удаа ялагч болон дасгалжуулагч нарын сэтгэгдлийг хүргэе.

А.Болормаа

  • Охин, бид хоёрын мөрөөдөл байх болно. Би хагас шигшээд оролцож байгаа оролцогчдоос насаар эгч. Тиймээс хамгийн ахмад нь болж байна. Мэдээж мэргэжлийн гэх тодорхойлолтой надаас үзэгчид их зүйл хүлээж байгаа. Би үзүүлбэрээрээ бүх эмэгтэйчүүдийг хүчтэй байхыг харуулахыг зорьсон. Би ч гэсэн тэр хэрээр хүчтэй байх болно. Намайг дэмжсэн бүгдэд баярлалаа.

Дасгалжуулагч шүүгч Д.Отгонбаяр

  • Манай багийн хүчтэй оролцогчийн нэг бол тэр байсан. Тэр явсаар байна. Түмэн олон минь түүний төлөө харамгүй саналаа өгсөн. А.Болормаа маш хүчтэй, эрэмгий өрсөлдөгч. Хэр баргийн эмэгтэй хүнд байдаггүй хүчтэй хоолой түүнд бий. Тиймээс бид үүнийг харуулах болно.


Б.Өсөхбаяр

  • Би өөрийнхөө дууг хүмүүст хүргээд тэдний жаргалтай байгаа тэр сайхан мэдрэмжийг харах сайхан байдаг. Намайг дэмжсэн бүх хүмүүст баярлалаа. Манай багаас надтай хамт үлдэж хагас шигшээ хүртэл явсан Э.Энхсүх ах болон гэр бүлийнхэндээ талархаж байна. Миний өрсөлдөгч намайг үргэлж дэмжиж байлаа. Гайхалтай байна.   

Дасгалжуулагч, шүүгч С.Ононбат:

  • Бид энэ шоуны явцад маш олон дууг олон янзаар хийх гэж оролдсон. Дуулж байгаа дуу болгон, гарч байгаа авиа бүр түүний хүсэл мөрөөдлийг илэрхийлж байгаад би эргэлзэхгүй байна. Тиймдээ ч Өсөхбаяр бүгдийн хайрын тухай дууг дууллаа. Энэ бол хэцүү даалгавар байсан. Амархан дууг дуулах хамгийн хэцүү байдаг. Хүний сэтгэлд хүрсэн дууг дуулж, дахин амилуулахад маш их цаг хугацаа шаарддаг.


Ж.Ариунжаргал

  • Хүний амьдралд онцгой мөч гэж байдаг бол тэр мөч нь одоо. Учир нь үзэгчид намайг дахин сонсохыг хүссэн учраас саналаа өгсөн байх. Мэдээж шат ахин оролцож байгаа оролцогч бүр надад чухал. Бүх хүмүүст дуулсан дуугаа өөрийнхөөрөө хүргэхийг хүсдэг. Сэтгэл маш өндөр байна. Надад маш том хариуцлага ирлээ.

Дасгалжуулагч, шүүгч Д.Болд

  • Манай багийн Ж.Ариунжаргал шат болгонд төгс гүйцэтгэл, дуулалтыг хийсээр ирсэн. Бид яаж дотроосоо дуулахыг харуулахыг хүссэн. Бэлтгэлийн зааланд манай багийнхан байнга ярьдаг. Дууг зүрх сэтгэлээсээ дуулах хэрэгтэй. Дууг хэн ч дуулж чадна. Гэхдээ дотоод сэтгэлээрээ хүний зүрх сэтгэлд хүрч чадна гэдэг бол давуу тал. Бидний бэлтгэсэн дуу 100 хувь хүрч чадлаа.

Ц.Энгүүн

  • Би жирийн нэгэн охин байсан бол өнөөдөр хүн бүрийн мэддэг Энгүүн болж хувирсан. Бүх зүйл надаас шалтгаална гэдгийг ойлгож байна.  Манай багт олон хүчтэй өрсөлдөгч байсан. Ука шүүгч намайг сонгосон. Энэ сонголт бол тэнгэрээс од шүүрэхтэй адил сэтгэгдэл төрж байлаа. Итгэлийг нь алдахгүй хичээх болно. Надад олон хүн захидал бичсэн. Би тэр  бүгдийг уншиж байгаа. Ийм том итгэл хүлээлгэж байгаа та бүхэндээ баярлалаа.

“Миний охины сайхан дуулдаг, авьяастай гэж хэлэх олон хүн байна. Энэ хэрээр түүний амьдрал олон түмний өмнө маш их ил болдог юм байна. Ээж хүний хувьд санаа зовоож байна. Энэ олон хүний хүндэтгэлийг хүлээж явна гэдэг бол маш том хариуцлага болно.” хэмээн түүний ээж хэлсэн юм.  

Дасгалжуулагч, шүүгч Д.Уламбаяр түүний талаар хэлэхдээ “Би Энгүүнийг энэ шат хүртэл явна гэж маш их итгэлтэй байсан.”

Ийнхүү өнгөрөгч нэгдүгээр сард эхэлсэн “The Voice of Mongolia” шоуг өндөрлөх дөхлөө. Шоуны финалын шалгаруулалтыг ирэх ням гаригт болж, ялагчийг харах үлдлээ.

Дасгалжуулагчдын хэлснээр сэтгэл зүрхийг хүмүүст хүргэж, хүчтэй хоолойн цар хүрээг харах, “voice”-оор амьдарч байгаа монголчуудад жинхэнэ “voice”-ыг мэдрүүлэхийг тэд амалсан. Ирэх ням гаригт эргэн “Монгол HD” телевизийн дэлгэцийн өмнө уулзацгаая.

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу

Шинэ мэдээ
Тоглолтын мэдээ
  • Дуучин С.Наран, Б.Баярцэцэг нар хамтарсан тоглолтоо хийнэДуучин С.Наран, Б.Баярцэцэг нар хамтарсан тоглолтоо хийнэӨнгөрсөн зургаадугаар сард сүр дуулиантайгаар нээлтээ хийсэн White Rock Center-т нэгэн томоохон тоглолт толилуулахад бэлэн болжээ. Танхимын онцлог болсон тайз, хөгжим, 360’ Projection Mapping Show-ны гайхамшгийг шингээсэн уг тоглолтын гол эзэд нь эрч хүчтэй Поп дива С.Наран, уянгалаг зөөлөн Б.Баярцэцэг нар юм.
  • “Балар эртний цадиг” үзэсгэлэн сарын турш олны хүртээл болно“Балар эртний цадиг” үзэсгэлэн сарын турш олны хүртээл болно “Балар эртний цадиг” үзэсгэлэн өнөөдөр Үлэг гүрвэлийн төв музейд нээлтээ хийлээ. Монголд анх удаа улс, аймгийн чанартай музей болон хувийн музейгээс бөөгийн хувцас хэрэглэлийг цуглуулж энэхүү үзэсгэлэнг дэлгэн олон түмэнд толилуулж байна. Үзэсгэлэнд Монгол түмний биет өв буюу монголчуудын өөрсдийнх нь бишрэл шүтлэг болсон бөө мөргөл, тэдний эдлэл хэрэглэл, хувцас хунар, дээд хэнгэргийг дэлгэжээ.
  • “Өндөр гэгээн” дуулалт жүжгийг Орхонд тоглоно“Өндөр гэгээн” дуулалт жүжгийг Орхонд тоглоно Урлагийн гавьяат зүтгэлтэн Л.Ванганы нэрэмжит Завхан аймгийн хөгжимт жүжгийн театрын бүтээл “Өндөр гэгээн” дуулалт жүжгийг энэ сарын 14-ний өдөр Орхон аймгийн соёлын ордонд тоглохоор болжээ. Жүжгийг хоёр удаа тоглох юм байна. Завхан аймгийн Шилүүстэй сумын харьяат Төрийн соёрхолт яруу найрагч Ц.Бавуудоржийн зохиол, хөгжмийн зохиолч Урлагийн гавьяат зүтгэлтэн Т.Сэр-Од, Төрийн соёрхолт, Улсын Драмын эрдмийн театрын ерөнхий найруулагч Н.Наранбаатар нарын хамтран бүтээсэн “Өндөр гэгээн” дуулалт жүжгийг бүтээх үйл явж жил гаруй үргэлжилжээ. Жүжгийн нээлт өнгөрөгч гуравдугаар сард Завхан аймгийн театрт болж байв.
  • “Номоо солилцъё” өдөрлөг энэ сарын 4,5-д болно“Номоо солилцъё” өдөрлөг энэ сарын 4,5-д болноНийслэлийн иргэд цуглаж өөрт байгаа номоо сарын хугацаатай бусадтайгаа солилцож уншдаг болоод жил гаруй хугацаанд тасралтгүй үргэлжилж буй “Номоо солилцъё” өдөрлөг энэ сарын 04-ны өдөр 10:00-17:00 цагийн хооронд, 05-ны өдөр 10:00-14:00 цагийн хооронд хоёр өдрийн турш Улаанбаатар хотын нийтийн төв номын санд зохион байгуулагдах гэж байна. Энэ удаагийн өдөрлөг “ҮНДЭСНИЙ БИЧИГ ҮСГИЙН БАЯР”-ын өдрийн хүрээнд зохион байгуулагдаж байгаагаараа ихээхэн онцлогтой юм.
  • Playing Love Best тоглогдоноPlaying Love Best тоглогдоноХөгжмийн зохиолчдын авьяас билгээ сорих, ур чадвараа харуулах нэг шалгуур нь киноны хөгжим байдаг гэлцдэг. Кино урлаг үүсэж хөгжихтэй хамт бий болж, хөгжсөн хөгжмийн энэхүү томоохон урсгалын энэ үеийн гол төлөөлөгчдийн нэг нь Эннио Морриконе билээ. Түүний "1900-гийн домог" (Legend of 1900) кинонд зориулан бичсэн "Playing love" зохиолоор нэрлэгдсэн тоглолтоо Морин хуурын чуулга найм дахь жилдээ үзэгч, сонсогч олондоо өргөн барих гэж байна. Энэхүү тоглолт нь Монголын төдийгүй дэлхийн алдарт киноны сэтгэлд хоногшсон сонгомол хөгжим аялгууг үндэсний хөгжмийн хөг эгшгээр амилуулан хөгжимдөж, Морин хуур хэмээх гайхамшигт хөгжмийн зэмсгийн чадал, ур хийцийн гайхамшгийг тод томруун харуулдаг тул үзэгчид жил жилийн тоглолтыг тэсэн ядан хүлээдэг биз ээ.