2018-05-24 01:03

Дуу хөгжим, технологийн хичээлээр дамжуулан хүүхэд хүмүүжүүлэх аргаас хуваалцав

   Боловсрол, соёл, шинжлэх ухаан, спортын яам, Багшийн мэргэжил дээшлүүлэх институт, Глогал олон улсын нийгмийн халамжийн төв, Солонгос дахь монгол эмэгтэйчүүдийн холбоо хамтран ерөнхий боловсролын сургуулийн бага ангийн 80, технологийн 30, хөгжмийн 90 гээд нийт 200 орчим багш нарын дунд “Урлаг-танин мэдэхүйн боловсрол” сэдэвт сургалтыг энэ сарын 22-23-нд зохион байгуулж байна.  Дуу хөгжим, технологийн хичээл заадаг багш нарт өөрсдийн зааж буй хичээлээр дамжуулан хэрхэн хүүхдийн танин мэдэхүй, сэтгэн бодох чадварыг хөгжүүлж болох, хичээлд хандах хандлагыг нь яаж нэмэгдүүлэх арга зүйн шинэлэг санааг тус сургалтаар өгч байна.

   Багш нар уг сургалтаас олж мэдсэн арга зүй, мэдлэг чадвараа сурагч хүүхдүүдэд зааж сургах, эзэмшүүлэх, улмаар сурагчид төрөл бүрийн хөгжмийн зэмсэгтэй харьцаж сурах, тэдний сэтгэн бодох чадвар, танин мэдэхүйд гарах өөрчлөлтийг илрүүлэх, урлаг, урлан бүтээх хичээлээр дамжуулан сурагчдын анхаарал төвлөрөл, хүмүүжил, төлөвшилд нөлөө үзүүлэхэд сургалтын зорилго оршиж байгаа гэж БНСУ дахь Глогал төвийн захирал Чон Хан Сү хэллээ. Энэ бүх дадлыг хүүхдүүдэд бага насанд нь зааж сургаснаар хүүхэд хувийн зохион байгуулалттай болон багаар ажиллах чадвартай болох, бие бялдрын хөгжил, хөдөлгөөний эвсэлтэй болох юм.

   Өнөөдөр болсон сургалтаар Солонгос улсын Гёнги их сургуулийн багш, Самсён цэцэрлэгийн эрхлэгч Ким Ми Жүнг гарын доорх материалаар хэрхэн бүтээл хийж болох талаар сургалт явууллаа.  Харин маргааш Багшийн хөгжлийн ордонд 09.00-12.00 цагт болох сургалтаар цохилуур хөгжмийн хичээл, дуу авиаг зөв хуваарилан амьсгал зөв авах дадлага зэрэг сургалтыг явуулах юм байна.  

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • “Цэнхэр нүдэн бүсгүй“Цэнхэр нүдэн бүсгүй" балетаар хөшгөө нээнэУлсын дуурь, бүжгийн эрдмийн театрын уран бүтээлчид 2019 оны эхний тоглолтоо Л.Делиб "Цэнхэр нүдэн бүсгүй" балетаар эхлүүлэх гэж байна. Гурван бүлэг, таван үзэгдэлт уг балетыг манай театрын тайзнаа анх тавьсны түүхт 50 жилийн ой энэ онд тохиож байгаа аж. Энэ сарын 12-нд үзэгчдэд хүрэх гайхалтай балетыг анх 1870 оны тавдугаар сарын 25-ны өдөр Францын Парим хотноо “Гранд опера” театрын тайзнаа амилуулсан түүхтэй.
  • "Тамгагүй төр" эмгэнэлт драмын жүжиг дахин тайзнааУлсын драмын эрдмийн театр 2019 оны нэгдүгээр сарын үзвэрийн хуваариа дэлгэжээ. Энэ сард тус театрын уран бүтээлчид Б.Лхагвасүрэнгийн "Тамгагүй төр" эмгэнэлт драмын жүжиг болон Ш.Гүрбазарын "Жаргаагүй нар" түүхэн эмгэнэлт жүжгүүдийг үзэгчдэдээ толилуулах нь ээ.
  • Монгол, Японы уран бүтээлчдийн хамтарсан үзэсгэлэн дэлгэгдэнэМонгол, Японы уран бүтээлчдийн хамтарсан үзэсгэлэн дэлгэгдэнэМонголын урчуудын эвлэлийн гишүүн зураач М.Ган-Очир, Х.Ариунзаяа болон Японы зураач Ацуши Ямада нарын хамтарсан уран бүтээлийн үзэсгэлэн нэгдүгээр сарын 11-19-ний өдрүүдэд "Бэст арт" галерейн үзэсгэлэнгийн танхимд дэлгэгдэх гэж байна.
  • УДБЭТ-ын нэгдүгээр сарын үзвэрийн хуваарьУДБЭТ-ын нэгдүгээр сарын үзвэрийн хуваарь Улсын дуурь, бүжгийн эрдмийн театрын 2019 оны нэгдүгээр сарын үзвэрийн хуваарийг хүргэж байна.
  • “Щелкунчик” балетыг хоёр өдөр тоглоно“Щелкунчик” балетыг хоёр өдөр тоглоноУлсын дуурь бүжгийн эрдмийн театрын тайзнаа энэ амралтын өдрүүдэд /2018.12.15-16/ “Щелкунчик” балетыг тоглох гэж байна.