2018-05-24 01:29

"Харанга"-ынхан "Хайрла" гэдэг үгийг сануулна

   “Алдрын од” одонт “Харанга” хамтлагийн 30 жилийн ой 2019 онд тохиож байна. Энэхүү түүхэн ойг угтан тус хамтлагийнхан “Хайрла...” нэртэйгээр уран бүтээлийн тоглолтоо ирэх зургадугаар сарын 8, 9-ний өдрүүдэд "UB Palace"-ын концертын их танхимд тоглохоор болжээ.

   “Харанга” хамтлаг анх 1989 онд “Амьдрал” тоглолтоо хүргэснээс хойш бүрэн хэмжээний 20 гаруй тоглолтыг тоглосон байна. Энэхүү “Хайрла...” тоглолтын бэлтгэлд хамтлагийн гишүүд орсон бөгөөд өнөөдөр тоглолтын талаарх мэдээллийг өглөө.

   “Бидний амьдарч буй нийгэмд сайн зүйл олон байгаа хэдий ч бухимдаж, уурласан, заримдаа аливаад маш догшин хэрцгий хандаж байна. Мөн бие биенээ элдвээр муухайгаар хэлж, сошиалд хэтэрхий ихээр доромжлолыг хэлдэг болжээ. Сайн тал нь их байгаа ч саар тал нь давамгайлах гээд байна. Болж өгвөл нэгийг бариад шоронд оруулчий, эсвэл сэтгэл санааны дарамт өгч дайрах гээд их өөдгүй араншин гардаг болжээ. Наад захын замын хөдөлгөөний дүрмэнд бие биенээ хүндэтгэхгүй байх зэрэг сөрөг талууд их байна. Хэн бүхний нүднээ харагдаж сэтгэл эмзэглүүлсэн асуудал болоод байгааг эрхэм дүү нар мэдэж байгаа. Хүмүүсийн хоорондын харилцаа, байгаль эх дэлхийдээ хандах хандлага зэрэг аливаа үйлдлүүддээ “ХАЙРЛА” гэдэг үг болон илэрхийллийг бүрэн мартсан мэт. Тиймээс бид нийгэмд хандаж аугаа яруу найрагч О.Дашбалбарын бичсэн “Амьддаа бие биеээ ХАЙРЛА хүмүүсээ” хэмээх бидний мэддэг мөртлөө мэддэгүй, магадгүй мэдэхийг ч хүсдэггүй энэ үгийг та бүхэндээ дахин дахин энэхүү тоглолтоороо хүргэх болно. “Харанга” хамтлаг бат бөх байж, олон жил хамт байж ёс зүйтэй байсны хувьд дүү нартаа бие биенийгээ хайрлаач хэмээн энэхүү тоглолтондоо урьж байна.” гэж хамтлагийн аргил гитарчин, дуучин, Урлагийн гавьяат зүтгэлтэн Ц.Чулуунбат хэллээ.

“Харанга” хамтлагийн уран бүтээлчид ирэх онд болох түүхэн 30 жилийн ойн өмнө зохион байгуулж буй энэхүү тоглолтоо “Хайрла ...” хэмээн нэрлэж дараах уриаг гаргажээ. 

“ХАЙРЛАХТУН” хэмээн

“ХАРАНГА”-аа дэлднэм

СОНСОХТУН, НЭГДЭХТҮН! 

“Хайрла ...” тоглолт зургадугаар сарын 8, 9-ний өдөр UB Palace-ын концертын их танхимд болох бөгөөд тасалбарыг ticket.mn хаягаар худалдаалж байна. 

Харанга нь Монголын рок хамтлаг юм. Хамтлагийн гишүүд 1977 онд Ардын Армид татагдан танилцаж “Соёмбо” хамтлагт хамт тоглох болсон. Үүнээс хойш 10 гаран жил хамтдаа тоглож байгаад цэргээс халагдаж 1989 онд Драмын театрын дэргэд “Харанга” хамтлагийг анх байгуулжээ.

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • “The Hu” хамтлаг өнөөдрөөс эхлэн Европын зургаан хотод тоглоно“The Hu” хамтлаг өнөөдрөөс эхлэн Европын зургаан хотод тоглоноЕвропын 23 орноор аялан тоглолт хийж буй “The Hu” хамтлагийг өчигдөр Монгол Улсаас ИБУИНХУ-д суугаа Элчин сайд Н.Тулга хүлээн авч уулзжээ. Энэ үеэр Элчин сайдын яам болон тоглолтын ерөнхий зохион байгуулагч “Eleven Seven” студи хамтран хэвлэлийн бага хурал, уулзалт ярилцлага зохион байгуулжээ. Үүнд Британийн нэр хүндтэй “BBC 3 World Music”, “Daily Express”, “BBC Radio 6 Music” “Daily Telegraph”, “I Newspaper”, “Classic Rock”, “Freelance”, “Forbes”, “Меtro”, “Record Collector” зэрэг 20 гаруй хэвлэл мэдээллийн байгууллагын 40 төлөөлөгч оролцож, “The Hu” хамтлагийн хамтлагийн уран бүтээл, Монгол хөгжмийн гайхамшгийн талаар чөлөөт яриа өрнүүллээ. Энэ үеэр “The Hu” хамтлагийнхан жил хүрэхгүй хугацаанд зөвхөн youtube сувгаар 27 орчим сая сонсогч, үзэгчид хүрсэн “Yu ve yu ve yu” дуугаа дуулж сонирхуулав.
  • “Хайрын виз” 13-н жилийн дараа шинэ дүр төрх, шинэ тавилттайгаар дахин амилна“Хайрын виз” 13-н жилийн дараа шинэ дүр төрх, шинэ тавилттайгаар дахин амилнаУлсын драмын эрдмийн театрт соёлын гавьяат зүтгэлтэн, зохиолч, сэтгүүлч Ц.Балдоржийн “Хайрын виз” уянгын драмын жүжгийг 13-н жилийн дараа шинэ дүр төрх, шинэ тавилттайгаар дахин амилуулахаар болжээ. Жүжгийн найруулагчаар М.Батболд ажиллаж байгаа бол Т.Сэргэлэн, О.Майдарравжаа, П.Мягмарсүрэн, Ц.Цэлмүүн, СТА М.Түвшинхүү, МУГЖ Ж.Оюундарь нар тоглож байгаа юм байна.
  • "К ПОП"-ын ковер тоглолт үзээд Солонгос Улсад хосоороо аялаарайДэлхийн урлаг соёлын салбарт Ази, тэр дундаа Солонгос уран бүтээлчид хүчээ авч байгаа энэ цаг үед "Dream High Mongolia"-гийн хамт олон цаг үеэ олсон тоглолтыг зохион байгуулахаар болоод байна. Энэхүү тоглолт нь "Kpop cover concert" юм.
  • “The Hu” хамтлагийнхан хоёр азтан шалгаруулна“The Hu” хамтлагийнхан хоёр азтан шалгаруулнаДэлхийд нэрээ цуурайтуулж буй “The Hu” хамтлаг анхныхаа бүрэн хэмжээний тоглолтоо эх орондоо хийх гэж байгаа билээ. Тэд “Гэрэг” хэмээх анхны рок концертоо тавдугаар сарын 23,24-ний өдрийн 19.00 цагаас “White Rock” центрт тоглоно. Тэгвэл тус хамтлагийн “Гэрэг” цомгийн дуунуудаас бүрдсэн тоглолтын өдөр хоёр азтан шалгаруулж, тасалбар олгох гэж байна.
  • “Хүүхдэд зориулав-2019” үзэсгэлэн худалдааг зохион байгуулна“Хүүхдэд зориулав-2019” үзэсгэлэн худалдааг зохион байгуулнаЭх үрсийн баярыг угтан “Эх оронч худалдан авалтыг дэмжих жил”-ийн хүрээнд үндэсний үйлдвэрлэгчдийн бүтээгдэхүүний “Хүүхдэд зориулав-2019” үзэсгэлэн худалдааг 2019 оны тавдугаар сарын 25, 26-ны өдрийн 09.00-18.00 цагт Үндэсний цэцэрлэгт хүрээлэнд зохион байгуулна.