2018-06-04 04:02

Монголын Үндэсний балет II уралдаан боллоо

   БСШУСЯ-ны ивээл дор Монголын Үндэсний балет II уралдаан 5 дугаар сарын 28-29-ны өдрүүдэд амжилттай болж өндөрлөлөө. Тус уралдаанд өсвөрийн балетчид 8-18 насны ангилалд, 4 төрлөөр өрсөлдсөн юм.  Уралдаанд Дархан-Уул аймаг болон орон нутгаас багийн төрөлд хүүхдүүд ирж өрсөлдсөн ба нийслэл Улаанбаатар хотод үйл ажиллагаа явуулж байгаа Монголын Үндэсний балетын сургууль, Монголын үндэсний консерватори, “Силфида балет”, “Классик балет”, “Тулиф” зэрэг балетын сургуулийн сурагчид болон ДБЭТ-ын бүжигчид нийт 150 гаруй хүүхэд, залуус оролцлоо.  Энэхүү тэмцээний 12-14, 15-18 насны төрөлд финал болон шагналт байруудад шалгарсан хүүхдүүд нь 5 дугаар сарын 30-наас 6 дугаар сарын 01-ний хооронд зохиогдох Балетын олон улсын анхдугаар тэмцээнд оролцох эрх авсан байна. 

   Монголын Үндэсний балет II уралдааны Ерөнхий шүүгчээр ХБНГУ-ын “Steats Ballet Berlin” компанийн гоцлол бүжигчин Надя Саидакова ажилласан бол шүүгчдээр БНХАУ-ын Шанхай хотын Шанхай олон улсын тэмцээний хүндэт гишүүн, Япон улсын “Асамимаки” компанийн гоцлол бүжигчин Шао Зи Жун, Сингапур улсын Залуу бүжигчдийн төвийн захирал Ван Яан, БНСУ-ын “Youth Ballet Stars” компанийн захирал Жү Ми Сон, Монголын балетын хөгжил сангийн тэргүүн, Монгол Улсын гавьяат жүжигчин Д. Алтанхуяг, ДБЭТ-ийн туслах найруулагч, Монгол Улсын гавьяат жүжигчин Х. Гэрэлчимэг, СУИС-ийн БУС-ийн Найруулах урлагийн тэнхимийн эрхлэгч Д.Алтантуяа нар шүүжээ.  Монголын Үндэсний балет анхдугаар уралдаан 2016 онд зохион байгуулагдсан бөгөөд III уралдаан нь ирэх жил буюу 2019 оны гуравдугаар сарын 10-11-нд зохион байгуулагдахаар товлогдсон байна.  Монголын Үндэсний балет тэмцээний алт, мөнгө, хүрэл медальтнууд:

1. 6-8 насны багийн төрөл 

1. Монголын Үндэсний Балет Сургууль 4 

2. Классик Балет сургууль, Силфида сургууль 

3. Монголын Үндэсний Балет Сургууль, ГЛАДНЕСС сургууль Үзэгчидийннэрэмжит буюу тусгай байр: ИхЭзэнХааныТеатр

2. 9-11 насны ангилал  

1. Б.Эмүжин 

2. Тан Шуан Юү Сидней, Б.Дөлгөөн 

3. Л.Энхжин, Д.Бөртэ-Үжин, Т.Мэргэнчулуу 

Тусгай байр: Д.Бөртжин

4. 12-14 насны ангилалд  

1. А.Баяржавхлан 

2. Б.Хулан, Г.Дөлгөөнням 

3. Н.Оюунгэрэл, О.Буянжаргал 

Тусгай байр: Б.Хүслэн

5. 15-18 насны ангилалд 

1. Б.Марал, О.Даваадорж 

3. С.Нямжаргал, Ц.Мөнгөншагай.

 

 

 

 

 

 

 

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • “The Hu” хамтлаг өнөөдрөөс эхлэн Европын зургаан хотод тоглоно“The Hu” хамтлаг өнөөдрөөс эхлэн Европын зургаан хотод тоглоноЕвропын 23 орноор аялан тоглолт хийж буй “The Hu” хамтлагийг өчигдөр Монгол Улсаас ИБУИНХУ-д суугаа Элчин сайд Н.Тулга хүлээн авч уулзжээ. Энэ үеэр Элчин сайдын яам болон тоглолтын ерөнхий зохион байгуулагч “Eleven Seven” студи хамтран хэвлэлийн бага хурал, уулзалт ярилцлага зохион байгуулжээ. Үүнд Британийн нэр хүндтэй “BBC 3 World Music”, “Daily Express”, “BBC Radio 6 Music” “Daily Telegraph”, “I Newspaper”, “Classic Rock”, “Freelance”, “Forbes”, “Меtro”, “Record Collector” зэрэг 20 гаруй хэвлэл мэдээллийн байгууллагын 40 төлөөлөгч оролцож, “The Hu” хамтлагийн хамтлагийн уран бүтээл, Монгол хөгжмийн гайхамшгийн талаар чөлөөт яриа өрнүүллээ. Энэ үеэр “The Hu” хамтлагийнхан жил хүрэхгүй хугацаанд зөвхөн youtube сувгаар 27 орчим сая сонсогч, үзэгчид хүрсэн “Yu ve yu ve yu” дуугаа дуулж сонирхуулав.
  • “Хайрын виз” 13-н жилийн дараа шинэ дүр төрх, шинэ тавилттайгаар дахин амилна“Хайрын виз” 13-н жилийн дараа шинэ дүр төрх, шинэ тавилттайгаар дахин амилнаУлсын драмын эрдмийн театрт соёлын гавьяат зүтгэлтэн, зохиолч, сэтгүүлч Ц.Балдоржийн “Хайрын виз” уянгын драмын жүжгийг 13-н жилийн дараа шинэ дүр төрх, шинэ тавилттайгаар дахин амилуулахаар болжээ. Жүжгийн найруулагчаар М.Батболд ажиллаж байгаа бол Т.Сэргэлэн, О.Майдарравжаа, П.Мягмарсүрэн, Ц.Цэлмүүн, СТА М.Түвшинхүү, МУГЖ Ж.Оюундарь нар тоглож байгаа юм байна.
  • "К ПОП"-ын ковер тоглолт үзээд Солонгос Улсад хосоороо аялаарайДэлхийн урлаг соёлын салбарт Ази, тэр дундаа Солонгос уран бүтээлчид хүчээ авч байгаа энэ цаг үед "Dream High Mongolia"-гийн хамт олон цаг үеэ олсон тоглолтыг зохион байгуулахаар болоод байна. Энэхүү тоглолт нь "Kpop cover concert" юм.
  • “The Hu” хамтлагийнхан хоёр азтан шалгаруулна“The Hu” хамтлагийнхан хоёр азтан шалгаруулнаДэлхийд нэрээ цуурайтуулж буй “The Hu” хамтлаг анхныхаа бүрэн хэмжээний тоглолтоо эх орондоо хийх гэж байгаа билээ. Тэд “Гэрэг” хэмээх анхны рок концертоо тавдугаар сарын 23,24-ний өдрийн 19.00 цагаас “White Rock” центрт тоглоно. Тэгвэл тус хамтлагийн “Гэрэг” цомгийн дуунуудаас бүрдсэн тоглолтын өдөр хоёр азтан шалгаруулж, тасалбар олгох гэж байна.
  • “Хүүхдэд зориулав-2019” үзэсгэлэн худалдааг зохион байгуулна“Хүүхдэд зориулав-2019” үзэсгэлэн худалдааг зохион байгуулнаЭх үрсийн баярыг угтан “Эх оронч худалдан авалтыг дэмжих жил”-ийн хүрээнд үндэсний үйлдвэрлэгчдийн бүтээгдэхүүний “Хүүхдэд зориулав-2019” үзэсгэлэн худалдааг 2019 оны тавдугаар сарын 25, 26-ны өдрийн 09.00-18.00 цагт Үндэсний цэцэрлэгт хүрээлэнд зохион байгуулна.