2018-06-07 00:52

“Соёлын өвийн хадгалалт, хамгаалалтыг сайжруулах нь” сэдэвт сургалт боллоо

   БСШУСЯ-ны   Соёл, урлагийн бодлогын газраас Соёлын өвийн үндэсний төв болон Соёл урлагийн удирдлага менежментийн институттэй хамтран “Соёлын өвийн хадгалалт, хамгаалалтыг сайжруулах нь” сэдэвт сургалтыг Ховд аймагт зохион байгууллаа. Соёл, урлагийн ажилтан, уран бүтээлчдийг чадавхижуулах, мэдлэг мэдээллээр хангах зорилготой уг сургалтад аймгийн музей, нийтийн номын сан, Хөгжимт жүжгийн театрын ажилтнууд болон сумдын Соёлын төвийн ажилтнууд, урлагийн чиглэлээр үйл ажиллагаа явуулдаг иргэний нийгмийн байгууллага иргэдийн төлөөлөл нийт 40 гаруй хүн хамрагдлаа.

   Энэ үеэр БСШУСЯ-ны Соёл, урлагийн бодлогын газрын Соёлын биет бус өвийн бодлого, төлөвлөлт хариуцсан мэргэжилтэн Г.Ичинхорлоо “Соёлын өвийн талаар төрөөс баримтлах бодлого, хууль эрх зүйн орчин”, “Соёлын өвийн биет бус өвийн талаар цаашид авч хэрэгжүүлэх арга хэмжээ”, “Соёлын статистик-шинэчлэл” сэдвүүдээр, Соёлын өвийн үндэсний төвийн мэргэжилтэн Ц.Насанжаргал “Соёлын биет бус өвийн бүртгэл мэдээллийн санг бүрдүүлэх арга зүй, соёлын үл хөдлөх дурсгалын өнөөгийн байдал хадгалалт хамгаалалт” илтгэл тавилаа.

Мөн Ховд аймгийн өвлөн уламжлагч Ч.Ваша ардын хөгжмийн зэмсэг лимбэ хөгжмийг тоглох техник, хэлний, уруулын, амьсгааны гэх мэт хичээлээр лимбэ хөгжим тоглох битүү амьсгаа, өвлөн уламжлагч П.Мөнхцоожийн урианхай бий биелгээг, өвлөн уламжлагч н.Отгонхишигийн захчин бий биелгээний тухай бүртгэн баримтжуулалтыг хийх талаар дадлага ажилд урин оролцуулсан байна.

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • Анна Каренина жүжгийн нээлт хойшлогджээАнна Каренина жүжгийн нээлт хойшлогджээУлсын драмын эрдмийн театраас мэдэгдэл гаргажээ. Тус мэдэгдэлд дурдсанаар "нийслэлийн засаг даргын хэрэгжүүлэгч агентлаг, Мэргэжлийн хяналтын газрын мэдэгдлийн дагуу Улсын драмын эрдмийн театр нь үзэгчдийнхээ эрүүл мэндийг урьдчилан сэргийлэх үүднээс хоёрдугаар сарын тоглолтууд болон «Анна каренина» жүжгийн нээлтийг хойшлуулж түр хугацаанд үйлчилгээгээ зогсоож байна. Жүжгийн нээлтийн хугацааг тун удахгүй мэдээлэх болно" гэжээ.
  • "The Hu" хамтлагийн аялан тоглолтын тасалбар дуусчээМонголын “The Hu” хамтлаг 2020 оны Европ тивийн аялан тоглолтоо нэгдүгээр сарын 15-наас эхлүүлээд буй. Тэдний эхний тоглолт ХБНГУ-ын Хамбург хотоос эхэлсэн. Хамтлагийн энэ удаагийн аялан тоглолтын тасалбар тун эрэлттэй байгаа бөгөөд худалдаанд гарсан даруйдаа дуусчээ.
  • "Анд" цуврал контент үзэгчдийн хүртээл болж эхэллээ
  • Анна Каренина амилахад 40 хоног үлдлээАнна Каренина амилахад 40 хоног үлдлээДэлхийн сонгодог роман болох Оросын нэрт зохиолч Л.Н.Толстойн "Анна Каренина"-г Монголд анх удаа театрын жүжиг болгон тавих гэж байгаа талаар бид өмнө нь мэдээлсэн. Үзэгчдийн дунд хүлээлт үүсгээд байгаа тус жүжиг Улсын драмын эрдмийн театрын тайзнаа тавигдахад 40 хоног үлдээд байна. Зуу гаруй жил дамнан уншигдсан “Анна Каренина” романыг Н.Пүрэвдагва жүжгийн зохиол болгон бичсэн бөгөөд жүжгийн ерөнхий найруулагчаар Н.Наранбаатар, ерөнхий зураачаар Т.Ганхуяг нар ажиллах юм.
  • Энэ оны эхний жүжиг “Надтай үлдээч”Энэ оны эхний жүжиг “Надтай үлдээч”Улсын драмын эрдмийн театр /УДЭТ/-ын уран бүтээлчид 2020 оны уран бүтээлийн салхиа “Надтай үлдээч” жүжгээр хагалж байна. Өнгөрсөн жил нээлтээ хийсэн тус жүжгийг энэ сарын 18, 19, 25, 26-нд 18.00 цагт тоглох аж.
 Сүүлд нэмэгдсэн дуу