2018-07-09 04:04

Орчлон сургуулийн сурагч Н.Нэмүн мэргэжлийн киокушинкай каратэгийн хүрэл цомын эзэн боллоо

Мэргэжлийн киокушинкай каратэгийн JOSO Cup-2018 тэмцээн 2018 оны 7-р сарын 01 өдөр Японы нийслэл Токио хотноо боллоо.

Тэмцээнд эх орноо төлөөлөн эмэгтэй 9 насны ангилалд Х.Эрхсаран, 10 насны эрэгтэй төрөлд Н.Нэгүн, эрэгтэй долоон насны төрөлд Н.Нэмүн нар хурд, хүч, авхаалж самбаагаа сорин оролцсон юм.

Монголын баг тамирчдыг Улаанбаатар дожогийн багш О.Хонгорзул дасгалжуулсан бөгөөд тэд Японы нийслэл Токио хотноо тэмцээн болохоос 14 хоногийн өмнө очиж бэлтгэлээ базаасан байна.

Эрэгтэй долоон насны ангилалд оролцсон "Oрчлон" сургуулийн 1B ангийн сурагчН.Нэмүн хүрэл цомын эзэн болсон юм. Бид түүнийг эх орондоо дөнгөж ирээд байхад нь уулзаж тэмцээний талаарх сэтгэгдэлийг нь сонслоо.

Н.Нэмүн: Киокушинкай каратэгаар хичээллээд хоёр жил болж байна. Би Монголд хоёр удаа улсын аваргад ороод түрүүлсэн. Японд гурван удаа  тэмцээнд  оролцсон.Анх таван настайдаа Дэлхийн аваргад орохдоо хүрэл цомын төлөө тулалдаад ялагдаж байсан. Харин энэ удаад хүрэл цомын эзэн болсон. Тэмцээнд орох гоё байна.

1964 онд Киокушинкай каратэ үүссэн бөгөөд өдгөө Японы үндэсний спортын нэг төрөл болтлоо хөгжсөн бөгөөд Монгол улсад хөгжөөд 20 гаруй жил болж байгаа. Жилийн жилд “хүчний карате”-аар хичээллэж байгаа хүний тоо нэмэгдсээр байгаа.  

Өөрөөр хэлбэл олон зуун сая хүн хичээллэдэг уг спортын чансаа өндөр мэргэжлийн тэмцээнээс Монгол хүү анх удаагаа медалийн эзэн болно гэдэг нь Монголын бахархал юм.

Н.Нэмүний энэ амжилт нь Монгол Улс түүхэндээ анх удаа хүүхдийнкиокушинкай каратэгийн төрлөөр цом авч байгаа тохиолдол юм. Өмнө нь Монгол Улсаас уг тэмцээнд манай улсын тамирчид оролцож байсан ч ийм амжилт үзүүлж байгаагүй бөгөөд долоон настай хүү мэргэжлийн тамирчдын медалийн салхийг хагалж байгаа нь энэ.

Н.Нэмүний хувьд анх таван настайдаа Дэлхийн аваргын тэмцээнд хүрэл медалийн төлөө тулаан хийж байсан бөгөөд амжилтаа ахиулсаар энэ жил цомын эзэн боллоо. Хурд, хүч, авхаалж самбаа, тэсвэр хатуужил шаардсан мэргэжлийн киокушинкай каратэгаар хичээллэх нь олон давуу талтай бөгөөд хүүхэд залуусыг энэ спортын төрлөөр шаргуу хичээллэхийг бяцхан тамирчин Н.Нэмүн уриалсан юм.

Монголын баг тамирчдын хувьд 2019 оны 04-р сард болох дэлхийн аварга шалгаруулах тэмцээнд орохоор төлөвлөөд байгаа аж.

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • Улстөржилтөөс болж Улстөржилтөөс болж "The Hu" хамтлагийн хандивын тоглолт хойшиллоо“The Hu” хамтлаг энэ сарын 23-ны мягмар гаригт МҮОНРТ-ээр болон цахимаар бүрэн тоглолтоо хийхээр төлөвлөж, зараа хүртэл тараагаад байсан ч тоглолтоо цуцалжээ.Тэд “COVID-19”-ийн хорионд гадаадад гацаж, байгаад өнгөрсөн сард эх орондоо ирсэн. Ингээд сонгуулийн өмнөх өдөр хандивын тоглолт хийхээр төлөвлөөд байсан ч улс төрийн шалтгаанаас үүдэн цуцалсан байна.
  • “The Hu” хамтлаг УОК-т хандив өргөх онлайн тоглолтоо энэ сарын 23-нд хийнэ“The Hu” хамтлаг УОК-т хандив өргөх онлайн тоглолтоо энэ сарын 23-нд хийнэ“The Hu” хамтлаг УОК-т хандив өргөх онлайн тоглолтоо White Rock Center-т 2020 оны зургаадугаар сарын 23-ны мягмар гарагийн орой хийхээр болсон тухайгаа зарлалаа. Уг хандивын тоглолтыг “The HU” хамтлаг “Хүрээ энтертайнмент” ХХК-тай хамтран МҮОНРТ-ээр шууд дамжуулан хүргэх бөгөөд ивээн тэтгэгчээр Мобиком Корпораци, Хаан Банк ажиллахаар болжээ.
  • "Монгол соёл" онлайн тоглолтоор 102.952.147 төгрөгийн хандив, тусламж цуглажээДэлхийд гайхагдсан монгол соёлын өв тэр дундаа соёлын биет бус өвийн гайхам сайхныг нэгэн дор цогцлоох "Монгол өв соёлын цогцолбор" байгуулах төслийн хандивын аяны нээлтэд зориулсан монгол поп опера “Увертюра” хамтлаг болон язгуур урлагийн алдартай уран бүтээлчид, соёлын биет бус өвийн шилдэг өвлөн уламжлагчдын "Монгол соёл" онлайн тоглолт 06 дугаар сарын 01-нд 18:00 цагаас "ТВ8" телевизээр орон даяар шууд дамжуулагдсан билээ.
  • “Параллель” контемпорари үзэсгэлэн нээлтээ хийлээ“Параллель” контемпорари үзэсгэлэн нээлтээ хийлээДэлхий нийтийг түгшээгээд буй шинэ төрлийн Корона вирусийн /Ковид 19/ халдварын тархалтаас урьдчилан сэргийлэх зорилгоор Монгол Улсын Засгийн газар улс орон даяар онц байдал зарлан олон нийтийг хамарсан үйл ажиллагаа, мөн соёл урлагийн арга хэмжээг түр хугацаагаар зогсоосон байгаа билээ. Иймд МN17 Арт Галерейн санаачилгаар Засгийн газрын хэрэгжүүлэгч агентлаг Соёл, урлагийн газрын дэмжлэгтэйгээр Хүн Байгаль Хайр Эрх Чөлөө хөдөлгөөний уран бүтээлчидтэй хамтран “Параллель” контемпорари хамтарсан үзэсгэлэнгийн төслийг хэрэгжүүлж байна.
  • "Хурд" хамтлаг онлайн тоглолтоороо 246 сая төгрөгийн хандив цуглуулжээ “Хурд” хамтлаг олон улсын эмэгтэйчүүд ийн эрхийг хамгаалах өдрөөр буюу өнөөдөр /2020.03.08/ нийт эмэгтэйчүүддээ зориулж "Буцааж нэхэхгүй хайр" онлайн тоглолт зохион байгууллаа.
 Сүүлд нэмэгдсэн дуу