2018-08-06 03:33

“Нүүдэлчин Монгол” наадмаар морь уралдаж, бөх барилдахгүй

  

Мэдээлэл дунд төөрөгдөх нь хаа сайгүй байх болжээ. Шашин, ёс заншлын хэмээн тодотгосон, “Даншиг” гэж нэрлэсэн наадамд хөрөнгө, хүч, цаг хугацаа нэлээд зарцуулдаг ч олон түмэнд хүрэх нь бага, үзэгч цөөн, ер нь ач холбогдол төдийлөн харагдахгүй байгаа талаар манай сэтгүүлч өмнө бичсэн нь явсаар нийслэлийн удирдлагын сонорт хүрсэн. Нийслэлийн ИТХ-ын Тэргүүлэгчдийн дарга С.Амарсайхан наадмын дараах ийм арга хэмжээнд хэрэгтэй гэдэг дээр албаны хүмүүстэй санал солилцсон байна билээ. Даншиг болдгоороо болох байх. Үүний зэрэгцээ “Нүүдэлчин Монгол” гэж бас нэг наадамтай болох нь уу, хаанахын хэн, юунаас “ухаад” гаргаад ирэв, ийм олон наадмаар яах нь вэ гэсэн асуудал босож иржээ. Үүнийг “Даншиг”-тай адилтгахын аргагүй.

   Олон жилийн өмнөөс зохион байгуулж ирсэн соёл урлаг болон спортын гэсэн чиглэлийн уралдаан, тэмцээнийг нэгэн дээвэр дор нэгтгэсэн цогц арга хэмжээ ажээ. Соёл урлагийн гэдэг нь тэртээ социалист нийгмийн үеэс гурван жил тутамд зохион байгуулж ирсэн язгуур урлагийн их наадмыг багтаасан, соёлын биет бус өвийг сурталчилдаг арга хэмжээ юм байна. Нөгөөх нь спортын төрөл бүрийн тэмцээнээс бүрдсэн спартакиад. Энэ удаа Хүй долоон худагт язгуур урлагийн наадамтай хамтатгаж хийх гээд байгаа нь Бүх ард түмний VI спартакиад ажээ.

   БСШУСЯ энэ хоёр салбарын аль алиныг хамардгийн хувьд нэг сумаар хоёр туулай буудах маягаар зохион байгуулах шийдвэр гаргасан бөгөөд нэгэнт олныг хамарсан, сонирхолтой арга хэмжээ болох тул нэр өгье гээд “Нүүдэлчин Монгол” хэмээжээ. Наймдугаар сард гадаадын жуулчид ирдэг үе. Таарвал жуулчид ч гэсэн сонирхох биз гээд БОАЖЯ болон аялал жуулчлалын компаниудад ийм бүтэц, “хийцтэй” наадам зохион байгуулах тухайгаа мэдээлсэн байна.

   Гурван жил тутамд явуулдаг язгуур урлагийн их наадмын сүүлчийнх одоогоос таван жилийн өмнө болсон юм билээ. Болох ёстой байснаас нь хоёр жилийн хойно зарласныг хэлэх үү, энэхүү арга хэмжээг хүсэн хүлээдэг эх орны өнцөг булан бүрийн авьяастнууд, язгуур урлагийг өвлөн тээгчид ихэд баярлан, өргөн бэлтгэж байгаа аж. Тэгээд ч шат шатны шалгаруулалтыг давж, одоо Хүй долоон худагт болох “Нүүдэлчин Монгол” наадмаар явуулах эцсийн шатны сорилтыг амжилттай давж, “Шилдэг өвлөн залгамжлагч” болж чадвал 20 сая төгрөгийн эзэн болох тул идэвхтэй бэлтгэж байгаа аж. Спортын төрөл бүрийн тэмцээнүүдийн тухайд ч адил. Шилдгүүдэд зохих шагнал, урамшуулал очно.

   Язгуур урлагийн болон спортын урьдчилсан шалгаруулалтууд 21 аймаг, нийслэлийн есэн дүүрэгт энэ оны зургадугаар сарын 5-25-нд явагдсан байна. Одоо Хүй долоон худагт энэ сарын 11-15-нд болох эцсийн шатны, шилдгийн төлөөх өрсөлдөөнд авьяас, “шандас” сорих л үлджээ. “Нүүдэлчин Монгол” соёлын биет бус өвийн наадмын үеэр уламжлалт цагаан идээ болон гар урлалын бүтээгдэхүүний үзэсгэлэн худалдаа зохион байгуулна. Харин морь уралдуулж, бөх барилдахгүй.  Бэлтгэсэн: Р.Оюунаа

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • Анна Каренина жүжгийн нээлт хойшлогджээАнна Каренина жүжгийн нээлт хойшлогджээУлсын драмын эрдмийн театраас мэдэгдэл гаргажээ. Тус мэдэгдэлд дурдсанаар "нийслэлийн засаг даргын хэрэгжүүлэгч агентлаг, Мэргэжлийн хяналтын газрын мэдэгдлийн дагуу Улсын драмын эрдмийн театр нь үзэгчдийнхээ эрүүл мэндийг урьдчилан сэргийлэх үүднээс хоёрдугаар сарын тоглолтууд болон «Анна каренина» жүжгийн нээлтийг хойшлуулж түр хугацаанд үйлчилгээгээ зогсоож байна. Жүжгийн нээлтийн хугацааг тун удахгүй мэдээлэх болно" гэжээ.
  • "The Hu" хамтлагийн аялан тоглолтын тасалбар дуусчээМонголын “The Hu” хамтлаг 2020 оны Европ тивийн аялан тоглолтоо нэгдүгээр сарын 15-наас эхлүүлээд буй. Тэдний эхний тоглолт ХБНГУ-ын Хамбург хотоос эхэлсэн. Хамтлагийн энэ удаагийн аялан тоглолтын тасалбар тун эрэлттэй байгаа бөгөөд худалдаанд гарсан даруйдаа дуусчээ.
  • "Анд" цуврал контент үзэгчдийн хүртээл болж эхэллээ
  • Анна Каренина амилахад 40 хоног үлдлээАнна Каренина амилахад 40 хоног үлдлээДэлхийн сонгодог роман болох Оросын нэрт зохиолч Л.Н.Толстойн "Анна Каренина"-г Монголд анх удаа театрын жүжиг болгон тавих гэж байгаа талаар бид өмнө нь мэдээлсэн. Үзэгчдийн дунд хүлээлт үүсгээд байгаа тус жүжиг Улсын драмын эрдмийн театрын тайзнаа тавигдахад 40 хоног үлдээд байна. Зуу гаруй жил дамнан уншигдсан “Анна Каренина” романыг Н.Пүрэвдагва жүжгийн зохиол болгон бичсэн бөгөөд жүжгийн ерөнхий найруулагчаар Н.Наранбаатар, ерөнхий зураачаар Т.Ганхуяг нар ажиллах юм.
  • Энэ оны эхний жүжиг “Надтай үлдээч”Энэ оны эхний жүжиг “Надтай үлдээч”Улсын драмын эрдмийн театр /УДЭТ/-ын уран бүтээлчид 2020 оны уран бүтээлийн салхиа “Надтай үлдээч” жүжгээр хагалж байна. Өнгөрсөн жил нээлтээ хийсэн тус жүжгийг энэ сарын 18, 19, 25, 26-нд 18.00 цагт тоглох аж.
 Сүүлд нэмэгдсэн дуу