2018-08-06 06:01

“Зиндаа” сэтгүүл БНСУ-ын “Asia Today” сонинтой санамж бичиг байгууллаа

   БНСУ-ын “Asia Today” сонины Ерөнхийлөгч, ноён Ү Жон Сүн /Woo Jong Soon/ "Эрхэт Монгол" группын урилгаар 8 сарын 2-4-ний өдрүүдэд Монгол Улсад ажлын айлчлал хийв. Уг айлчлалын үеэр “Эрхэт Монгол” группийн “Зиндаа” сэтгүүлийн Гүйцэтгэх захирал, хатагтай С.Мөнхзул, БНСУ-ын “Asia Today” сонины Ерөнхийлөгч, ноён Ү Жон Сүн нар хамтран ажиллах санамж бичигт гарын үсэг зурлаа. Санамж бичигт талууд сэтгүүл зүйн салбарт өргөн хүрээнд хамтран ажиллах, олон улсын тавцанд өрсөлдөх чадвар бүхий хэвлэл мэдээллийн байгууллагыг бий болгоход харилцан дэмжлэг үзүүлэх, сэтгүүлч болон контент солилцох зэрэг олон асуудлууд тусгагдсан юм.

   "Asia Today" сонины Ерөнхийлөгч Ү Жон Сүн  Монгол Улсад хийж буй ажил хэргийн айлчлал, хамтын ажиллагааны эхлэлийг тавьсан уулзалтдаа сэтгэл хангалуун байгаагаа илэрхийлэв. Тэрбээр “1990 онд Солонгос, Монгол хоёр улс нь дипломат харилцаа тогтоосноос хойш улс төр, нийгэм, эдийн засаг, соёлын гэх мэт бүх салбарт найрамдалт харилцаа өргөжин хөгжиж байгаа. Өнөөдөр Азийн энхтайван ба хөгжил цэцэглэлтийн төлөө бага ч болов хувь нэмэр оруулахын төлөө зорьж ажилладаг "Asia Today" сонины хувьд "Эрхэт Монгол” группийн “Зиндаа” сэтгүүл, Zindaa.mn сайттай хамтран ажиллах санамж бичигт гарын үсэг зурсан нь олон улсад хүрээгээ тэлж байгаа онцлох үйл явдал болж буй тул маш их баяртай байна. Цаашид хоёр байгууллага нь харилцан хүндэтгэл, итгэлцэл дээр тулгуурлан олон чухал үр дүнтэй ажлуудыг хийж хэрэгжүүлэхийн төлөө нарийн нягт хамтран ажиллах хүсэлтэй байна” хэмээн хэллээ.

   “Asia Today” сонин нь XXI зуунд Ази тив дэлхийд тэргүүлэх түүхийг нээх, Ази тивийн энх тайван, хөгжил цэцэглэлтэд хувь нэмрээ оруулдаг Азийн хэвлэл мэдээллийн хэрэгсэл болох зорилт тавин ажиллаж байна. Энэтхэгийн Дели, Хятадын Бээжин хотод салбартай. “Asia Today” сонин нь БНСУ-ын хэмжээнд мобайл уншигчийн тоогоор тэргүүлдэг хэвлэлүүдийн нэг бөгөөд онлайн телевиз, мэдээллийн сайт, сэтгүүлээс бүрдсэн томоохон хэвлэл мэдээллийн байгууллага ажээ.

   2005 оноос эхлэн үйл ажиллагаа явуулж буй “Asia Today” нь анх онлайн хувилбараар гарч, 2007 оноос эхлэн өдөр тутмын “Asia Today” сонин болон хэвлэгдэж эхэлжээ. Тус сонин 2008 онд хамгийн олон уншигчтай 10 сонины нэг болж, хамгийн их хурдацтай хөгжиж байгаа мэдээллийн хэрэгслээр шалгарсан төдийгүй 2012 онд англи, хятад хэлээр нийтлэгддэг “AsiaToday” вэб сайтаа нээж байв. 2015 онд “Asia Today” сонин Хамгийн олон уншигч, дэмжигчтэй No.1 өдөр тутмын сонин болж, өдөр тутмын сонинуудын дундаас хамгийн шилдэг онлайн мэдээллийн хэрэгслийн нэг болж, 2017 онд “AsiaToday” хамгийн олон хүн зочилдог сонины сайт болжээ. Түүнчлэн AsiaToday нь Хятадын томоохон портал Baidu-д мэдээгээ нийтэлдэг Солонгосын цор ганц сонин гэдгээрээ онцлог юм.

   “AsiaToday” сонин нийгэмд чиглэсэн олон үйл ажиллагаа явуулдаг. Тухайлбал, хавдартай хүүхдүүдэд туслах марафон, Сөүл хотын хөгжлийн бэрхшээлтэй иргэдийн усанд сэлэлтийн аварга шалгаруулах тэмцээн, “AsiaToday Green Construction Awards-2013”, БНСУ-БНХАУ-ын хооронд дипломат харилцаа тогтоосны 20 жилийн ойн баярын тоглолт, Эмэгтэйчүүдийн мэргэжлийн гольфийн тэмцээн зэрэг олон том арга хэмжээг зохион байгуулсан хэвлэл мэдээллийн хэрэгсэл юм.

   “Эрхэт Монгол” группийн “Зиндаа” сэтгүүл нь 22 жилийн түүхэн замналтай хэвлэл бөгөөд 1996 онд байгуулагдсан “Зиндаа” сонины 20 жил, 2011 онд байгуулагдсан “Zindaa.mn” сайтын 5 жилийн ойгоор анхны дугаараа эрхлэн гаргаж байв. “Зиндаа” сэтгүүл нь 240-280 нүүрээр 2 сар тутамд хэвлэгддэг нийгэм, соён гэгээрлийн сэтгүүл бөгөөд 2017 онд МСНЭ-ийн шалгаруулалтаар “Монгол Улсын шилдэг сэтгүүл” өргөмжлөл хүртжээ. “Zindaa.mn” сайт нь өргөн мэдээллийн сайт бөгөөд одоогоор мэдээллийн сайтуудын эхний 10-т зүй ёсоор багтаж байгаа болно. “Зиндаа” сонины 22 жилийн ой, “Zindaa.mn” сайтын 7 жилийн ойн дээр ийнхүү Азийн улс орнуудтай хамтран ажиллах санамж бичгийн анхны гараагаа амжилттай эхэллээ.

   Монгол Улсын хөгжлийн түүхийг Монгол хүний амжилтын дээдийг урлан бичиж уламжлуулан хадгалуулна гэсэн уриатай тус сэтгүүл Монголын хэвлэл мэдээллийн салбарт хурдацтай хөгжиж яваа чөлөөт хэвлэлийн нэг бөгөөд “Эрхэт Монгол” медиа группийн үйл ажиллагаанд чухал байр суурийг эзэлдэг. Тус хамт олон монголчуудынхаа амжилтын түүхийг дэлхий дахинаа таниулах анхны алхмаа хийж “Asia Today” сонинтой хамтын ажиллагаагаа ийнхүү эхлүүллээ.

Ц.Оюунчимэг

WWW.ZINDAA.MN

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • Дуучин Б.Гүрбадамын “Дурлал шиг бүсгүй” тоглолт болноДуучин Б.Гүрбадамын “Дурлал шиг бүсгүй” тоглолт болноНийтийн дууны урлагт хоолойн цар хүрээгээрээ өөрийн гэсэн өвөрмөц өнгө аясыг бий болгож чадсан дуучин бол Баянмөнхийн Гүрбадам юм. Тэрээр “Өр зүрхний ээж” хэмээх энэрэл хайр, ухаарал шингэсэн дууг анх дуулж урлагт орж ирсэн бол “Дурлал шиг бүсгүй”, “Насанд олдсон хань” зэрэг хуучны сайхан дуунуудыг сэргээн дуулж, дахин амилуулж ард түмэнд танигдсан билээ. Түүний дуучин Э.Чулуунчимэгтэй хамтран дуулсан “Хайрт минь утсаа аваарай”, “Сайхан хань”, “Эрийн гурван наадам” дуучин Г.Энхнарантай “Ганцхан чамдаа”, дуучин Р.Болортуяатай “Учрлын уянга” зэрэг дуунууд нь сонсогчдийн хүртээл болж, фм радиогийн хит парадуудыг тэргүүлсээр байгаа билээ.
  • Улстөржилтөөс болж Улстөржилтөөс болж "The Hu" хамтлагийн хандивын тоглолт хойшиллоо“The Hu” хамтлаг энэ сарын 23-ны мягмар гаригт МҮОНРТ-ээр болон цахимаар бүрэн тоглолтоо хийхээр төлөвлөж, зараа хүртэл тараагаад байсан ч тоглолтоо цуцалжээ.Тэд “COVID-19”-ийн хорионд гадаадад гацаж, байгаад өнгөрсөн сард эх орондоо ирсэн. Ингээд сонгуулийн өмнөх өдөр хандивын тоглолт хийхээр төлөвлөөд байсан ч улс төрийн шалтгаанаас үүдэн цуцалсан байна.
  • “The Hu” хамтлаг УОК-т хандив өргөх онлайн тоглолтоо энэ сарын 23-нд хийнэ“The Hu” хамтлаг УОК-т хандив өргөх онлайн тоглолтоо энэ сарын 23-нд хийнэ“The Hu” хамтлаг УОК-т хандив өргөх онлайн тоглолтоо White Rock Center-т 2020 оны зургаадугаар сарын 23-ны мягмар гарагийн орой хийхээр болсон тухайгаа зарлалаа. Уг хандивын тоглолтыг “The HU” хамтлаг “Хүрээ энтертайнмент” ХХК-тай хамтран МҮОНРТ-ээр шууд дамжуулан хүргэх бөгөөд ивээн тэтгэгчээр Мобиком Корпораци, Хаан Банк ажиллахаар болжээ.
  • "Монгол соёл" онлайн тоглолтоор 102.952.147 төгрөгийн хандив, тусламж цуглажээДэлхийд гайхагдсан монгол соёлын өв тэр дундаа соёлын биет бус өвийн гайхам сайхныг нэгэн дор цогцлоох "Монгол өв соёлын цогцолбор" байгуулах төслийн хандивын аяны нээлтэд зориулсан монгол поп опера “Увертюра” хамтлаг болон язгуур урлагийн алдартай уран бүтээлчид, соёлын биет бус өвийн шилдэг өвлөн уламжлагчдын "Монгол соёл" онлайн тоглолт 06 дугаар сарын 01-нд 18:00 цагаас "ТВ8" телевизээр орон даяар шууд дамжуулагдсан билээ.
  • “Параллель” контемпорари үзэсгэлэн нээлтээ хийлээ“Параллель” контемпорари үзэсгэлэн нээлтээ хийлээДэлхий нийтийг түгшээгээд буй шинэ төрлийн Корона вирусийн /Ковид 19/ халдварын тархалтаас урьдчилан сэргийлэх зорилгоор Монгол Улсын Засгийн газар улс орон даяар онц байдал зарлан олон нийтийг хамарсан үйл ажиллагаа, мөн соёл урлагийн арга хэмжээг түр хугацаагаар зогсоосон байгаа билээ. Иймд МN17 Арт Галерейн санаачилгаар Засгийн газрын хэрэгжүүлэгч агентлаг Соёл, урлагийн газрын дэмжлэгтэйгээр Хүн Байгаль Хайр Эрх Чөлөө хөдөлгөөний уран бүтээлчидтэй хамтран “Параллель” контемпорари хамтарсан үзэсгэлэнгийн төслийг хэрэгжүүлж байна.
 Сүүлд нэмэгдсэн дуу