2018-09-05 05:08

“ТОРГОНЫ ЗАМ – ВААРАН УРЛАЛ” ҮЗЭСГЭЛЭНГИЙН НЭЭЛТ 9 ДҮГЭЭР САРЫН 15-НД УРАН ЗУРГИЙН ГАЛАРЕЙД БОЛНО

 

            Засгийн газрын хэрэгжүүлэгч агентлаг Соёл, урлагийн газар нь “Бүс ба зам” хөтөлбөрийн хүрээнд БНХАУ-ын Үйлдвэр, мэдээллийн яамны дэргэдэх Соёл урлагийн төв болон И Ли мужийн Өв соёлын газар, ОХУ-ын Буриад Улсын Үндэсний музей, Монгол Улсын Уран зургийн галарейтэй хамтран “Торгоны зам – вааран урлал” олон улсын үзэсгэлэнг энэ оны 9-10 дугаар сард зохион байгуулахаар бэлтгэл ажлыг хангаж байна.

 2018 оны 01 дүгээр сарын 27-нд “Торгоны зам – вааран урлал” олон улсын үзэсгэлэнг зохион байгуулах анхны  ажлын уулзалтыг Улаанбаатар хотноо зохион байгуулж, хамтран ажиллах, оролцогч талыг төлөөлж Бүгд Найрамдах Хятад Ард Улсын Керамик зургийн орчин үеийн урлагийн холбооны тэргүүн Гуан Юүн Ки, ОХУ-ын Буриад Улсын Үндэсний музейн захирал Бороноева Т.А., монголын талаас Соёл, урлагийн газрын дарга Г.Эрдэнэбат болон хамтран ажиллах Уран зургийн галарейн захирал А.Янжив, мөн  бусад байгууллагын төлөөлөгчид, уран бүтээлчид оролцсон.

Соёл, урлагийн газар нь  “Торгоны зам – вааран урлал” олон улсын үзэсгэлэнг зохион байгуулах  хамтын ажиллагааны “Санамж бичиг”-ийг БНХАУ-ын үйлдвэр, мэдээллийн яамны Соёл, урлагийн төвтэй байгуулж,  тус үзэсгэлэнг Монгол, Буриад, Хятад 3 улсад  2018 оны 9 - 10 дугаар сард зохион байгуулахаар төлөвлөсөн юм.

Бэлтгэл ажлын хүрээнд БНХАУ-ын  шаазан урлалын төв болох Жиндэмин хотод монголын талаас Монгол Улсын Урлагийн гавьяат зүтгэлтэн, Төрийн шагналт, зураач Ш.Чимэддорж, уран бичлэгийн мастер, зураач П.Тамир, Буриадын талаас тус улсын нэрт уран бүтээлчид Александра Дугарова, Чингис Базаров нар Хятадын уран бүтээлчидтэй хамтран энэ оны 3 дугаар сарын 27-ноос 14 хоногийн хугацаатай  үзэсгэлэнд тавигдах уран бүтээлээ туурвих ажлыг хийж гүйцэтгэлээ.

“Торгоны зам – вааран урлал” олон улсын үзэсгэлэнгийн нээлтийн ажиллагаа Уран зургийн галарейд 2018 оны 9 дүгээр сарын 15-ны өдрийн 17:00 цагт болох ба  үзэсгэлэнг 7 хоногийн туршид олон нийтэд толилуулна.

10 дугаар сарын эхний долоо хоногт Буриад Улсын Үндэсний музейд тус үзэсгэлэнг зохион байгуулах юм.

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • “Сонгодог аялгуу” симфони найрал хөгжмийн тоглолт хэрлэн хөвөөнд эгшиглэнэ“Сонгодог аялгуу” симфони найрал хөгжмийн тоглолт хэрлэн хөвөөнд эгшиглэнэДорнод аймаг 2019 оныг “Аялал жуулчлалыг дэмжих жил” болгон зарласан. Энэ хүрээнд Хэрлэн голын эрэгт "Найрамдал" цэцэрлэгт хүрээлэнд Хөгжимт драмын театрын уран бүтээлчдийн “Сонгодог аялгуу” симфони найрал хөгжмийн бие даасан тоглолтыг энэ жилээс эхлэн, жил бүрийн 08 дугаар сарын 04-ний энэ өдөр тогтмол зохион байгуулахаар болжээ.
  • Наймдугаар сард ямар эвент, шоу болох вэ?Наймдугаар сард ямар эвент, шоу болох вэ?Урин цаг цаашилж, хичээл, сургууль гээд их ажлын цаг дөхөж байна. Зун цагт хүүхэд, залуучуудын чөлөөт цагаа өнгөрөөх сонирхолтой арга хэмжээ, эвентүүд үргэлжилсээр. Бид энэ удаад наймдугаар сард нийслэлд зохион байгуулагдах сонирхолтой эвент, арга хэмжээний талаар мэдээллийг хүргэж байна.
  • “Үдшийн музей” жазз хөгжмөөр “амьсгалав”“Үдшийн музей” жазз хөгжмөөр “амьсгалав”“Үдшийн музейд” 2015 онд “Хөсөгтөн” хамтлаг, 2016 онд Морин хуурын чуулга, 2017 онд “Улаанбаатар” чуулгын уран бүтээлчид зочилж байсан бол энэ жил Монгол Улсын Филармонийн “Баянмонгол” чуулга жазз тоглолтоороо үзэгчдэд бэлэг барилаа. Мөн Чойжин ламын сүм музейн арвин баялаг сан хөмрөг, хосгүй үнэт бүтээлүүдээс цугласан олонд тусгайлан зориулж, музейн “Цам” үзэсгэлэнг сонирхуулсан бол “Монгол төрийн сахиусны өргөө” түүхэн гэрэл зургийн үзэсгэлэнг үзэж мэлмий баясгахын зэрэгцээ музейн өвөрмөц тансаг орчинд тухлан жазз хөгжмийн гайхамшигт тоглолтыг тогложээ.
  • “Naadam night” шоу зохион байгуулна“Naadam night” шоу зохион байгуулнаБаяр наадмын үеэр жуулчдад зориулан зохион байгуулж буй “Naadam night” шоу долоодугаар сарын 11-ний орой 21:00 цагт Үндэсний соёл амралтын хүрээлэнд болно. Наадмын нээлтийн соёл урлагийн хөтөлбөрийг орой нь жуулчдад зориулан орчуулгатай хүргэх “Naadam night” шоу арга хэмжээг зохион байгуулах бэлтгэл ажил хангагдаж хөтөлбөр бэлэн болсон байна гэж
  • Хятан-Их Ляо улсын үеийн шилдэг үзмэрийн үзэсгэлэн нээгдлээХятан-Их Ляо улсын үеийн шилдэг үзмэрийн үзэсгэлэн нээгдлээМонгол Улс, БНХАУ-ын хооронд дипломат харилцаа тогтоосны 70 жилийн ойг хоёр улс 2019 онд ёслол төгөлдөр тэмдэглэж байна. Ойн хүрээнд хоёр улсын соёлын солилцоог хөгжүүлэх зорилгоор зохион байгуулж буй нэгэн томоохон ажил нь БНХАУ-ын Өвөр Монголын музей, Монголын Үндэсний музейтэй хамтран "Хятан-Их Ляо улс: БНХАУ-ын ӨВӨР МОНГОЛЫН ХЯТАНЫ ШИЛДЭГ ҮЗМЭР" үзэсгэлэн юм.