2018-09-05 06:52

Гадаад хэлийг ингэж амархан сур

Хэл хэрхэн бие даан хурдан  сурах талаар хэл шинжлэлийн экспертүүдийн зөвлөгөөг хүргье. Мэдээж хүн бүхэнд тогтсон арга барил бий ч гэлээ, тэднээс нэмж суралцах,  санаа авах зүйл байх  нь мадаггүй юм.

Aaron Knight

                   

PhraseMix-ийг санаачлагч, Японд англи хэлний багшаар  ажилладаг  

Үгийг дангаар нь бүү цээжил. Ямар ч үгийг хамт ашиглагддаг үгтэй нь хамт цээжилбэл дараа нь хэрэглээнд оруулахад дөхөмтэй байх болно. Тухайлбал “flock” буюу үс, ноос гэсэн үгийг “a flock of sheep” гэж цээжлэх хэрэгтэй. Ганц үгийг бус холбоо үгээр цээжлэх нь санаанд үлдэхэд, өгүүлбэрт оруулахад амар болгож өгдөг.

                                                                                    

 

 

Albert Wolfe

 Зохиолч, Гуанжугийн Peizheng коллежид багшилдаг

Үгийн сантай болно гэдэг хэл сурахын гол үндэс гэдэг үнэн. Бид ч анх  ярьж сурахдаа үг  цээжилж түүнийгээ холбох  гэж оролддог  шүү дээ. Тиймээс маш олон үгээр эргэн тойрноо хүрээлүүл. Компьютерийн дэлгэц, хана, нөүтбүүк, гар  утасны дэлгэц гэх мэт харж болох ямар  л газар байна түүнд шинэ үгсээ бичиж байрлуул.Хэд хэд харсан үгс амархан ойнд үлддэг.

 

 

André Klein

                                         Германы зохиолч, Learn Out Live блогтой.

Хэлийг өөрийгөө албадаж биш сэтгэлийн хөөрөлтэйгээр сурах ёстой. Миний хувьд өгүүллэг, богино бичвэрүүдийг унш гэж зөвлөдөг.  Өгүүллэг доторхи дүрийн өгүүлэмж, харилцаа зэрэг нь амьд байдаг учраас зүгээр л үг цээжилснээс хавьгүй амархан цээжлэгдэнэ.

 

                                                                                

 

 

Anne Merritt

 Лектор, хэл шинжлэлийн талаар The Telegraph сонинд нийтлэлээ гаргасан

Бид нэг үгээр ярьдаггүй учир контекстээр нь, өгүүлбэрээр нь цээжлэх хэрэгтэй. Би багадаа Франц хэл сурч байхад багш маань асуултад хэзээ  ч нэг үгээр хариулахыг зөвшөөрдөггүй байсан. "No” гэж хариулахын оронд “No, I don’t like bananas” ,“No, I haven’t seen that movie yet.” гэх мэт бүтэн өгүүлбэрээр хариул гэж шаарддаг  байв. Багш болсны дараа л үүний чухлыг ойлгож багшдаа талархсан.

 

 

Ben Whately

Шинэ үгийг цээжлэх нэг  арга бол тэр үгээ тархиндаа урьж оруул. Үүний тулд тухайн үгийнхээ утгыг бодож, зарим  хэрэглээ, контекстыг ч бод. Ингэсэн тохиолдолд тархи чинь шинэ үгийг хялбар тогтооно. Гадаад хэл сурахад хамгийн хэцүү нь шинэ үгээ бусад үгтэй холбож ярих  байдаг. Хялбар өгүүлбэрүүдийг тогтоож түүнийгээ хэрэглээндээ хэвшүүлээрэй.

 

                                                                             

 

Benny Lewis

Fluent in 3 Months блогийн хөтлөгч

Англи хэл сурч буй бол англи хүнээс, хятад хэл  сурч буй хятад хүнээс үгийн утгыг асууж тэдэнтэй харилц. Энэ үр дүнтэ арга. Мөн anki http://ankisrs.net/, Memrise.com гэх мэт үг тогтооход туслах программ, сайтуудыг ашигла. Ойлгосон ч бай үгүй ч бай их унших нь хэлний чадварыг чинь дээшлүүлнэ.

 

Camille Chevalier-Karfis

"French Today" сайтыг хөтлөн ажиллуулдаг, Франц хэл 19  жил зааж буй

Би англи хэл сурахдаа картыг их ашигладаг байсан. Картын нэг талд англи үг бичиж, нөгөө талд орчуулгыг нь бичнэ. Орчуулгаа харж үгээ санаж хэлэх бөгөөд ингэхдээ заавал  богино өгүүлбэрт оруулна.Өгүүлбэр зохиохдоо гэр бүлийнхээ хүсүүсийн нэрсийг оруулж эсвэл бодит амьдралтай холбож зохиовол ой тойнд илүү үлддэг. Дараа нь  тэр үгтэйгээ холбоотой үгсийг, ижил болон эсрэг утгатай үг, олон тоо, дуудлага зэргийг бичиж аваарай. Мөн аудио сонсох нь дуудлага засахад хамгийн үр дүнтэй. Ялангуяа франц хэлний дуудлага бичилтээсээ өөр  байдаг тул  аудио  их сонсох хэрэгтэй.

 

 

Corinne McKay

Америкийн орчуулагчдын холбооны захирал, хэлний талаар хэд хэдэн ном гаргасан

Би аудио материалуудаас үгийн сангаа баяжуул л   гэж зөвлөнө.  Би одоо франц хэлээ сэргээхийн тулд подкаст буюу файлаар аудио сонсч youtube-ээс бичлэг үзэж байгаа.  Миний хувьд энэ бол   хэл сурах  хэмгийн дөхөм арга.

 

 

Catherine Wentworth

Women Learn Thai блогийн үүсгэн байгуулагч. Бангконг амьдардаг. Тайланд хэл сурах арга номтой.

Хэл сурахад байнгын давтлага маш чухал. Баянга уншиж, бичиж, түүнийгээ чанга дуугаар унших нь шинэ үгийг тогтоох сайхан арга.

 

 

 

 

David Mansaray

                       Бие дааж хэл сурах талаар зөвлөгөө өгдөг, DavidMansaray.com хуудастай.

Эргэн тойрныхоо бүх  л зүйлийг ажиглаж хэлтэйгээ холбохыг би хичээдэг. Гудамжаар нэг залуу явж байлаа гэж бодоход тэр хүний хувцаснуудыг,  орсон бүх өнгийг би хэлж чадах нь уу гэх мэтээр өөрийгөө шалгадаг. Мэдэхгүй үг таарвал тэр дор нь бичиж аваад дараа нь сэргээж харах гэх мэтээр үгийн сангаа нэмдэг  байлаа. Надад шинэ үг  бичих  цаас, үзэг, хэзээд, хаана ч байдаг  байсан.

Flora Petersen

17 сая хандагчтай хэл сурахад туслах Babbel.com сайтын менежер

Хэл сурах нэг л арга барил гэж байхгүй. Хэл сурах зорилгоо өдөр тутмын амьдралдаа, өдрийн хуваарьтаа багтаа.  Манай сайт "Үгс ба өгүүлбэр"  гэсэн аргыг хүмүүст санал болгодог. 3000 шинэ үгийг жишээ өгүүлбэрийн хамт тогтоож, үүний дараа өдөр бүр 1000 үг, өгүүлбэр нэмж тогтооно. Гол нь тогтоох өөрт тохирсон аргаа олох ёстой. Үгээ бичиж, сонсч, үсэглэж, дуулах гэх мэтээр бүтээлч ханд. Өрөөндөө хаалгаа түгжээд сууснаас гадагш  гарахдаа ч гарын доорхи зүйлс ашиглан,  янз бүрийн аппликейшний тусламжтайгаар үгийн сангаа нэмээрэй.

     Idahosa Ness
The Mimic Method номын зохиогч


Чи хэдий толь доторхи бүх үгийг цээжилсэн байлаа ч өөрийгөө тэр үгээр илэрхийлэхдээ яаж хэлэгдэхийг нь, хэрэглээг нь мэдэхгүй бол энэ хэрэггүй мэдээлэл гэсэн үг. Миний хувьд төрөлх хэлнийх нь хүнтэй харилцаж, сонсч, ярихыг оролдох нь хамгийн сайн арга гэж зөвлөнө.

 

James Heisig

Хятад,Япон хэл дээр олон ном зохиосон, философич


Би ганц л дүрэм хэлнэ. Унш, унш, унш. Эхлээд хүүхдийн хялбаршуулсан ном уншиж, аажмаар түвшин ахих үедээ номын түвшингээ ч  хүндрүүлэх хэрэгтэй.

 

 

 

Lutz Marten

Хэл шинжлэлийн профессор

Хүн бүрт тохирох нэг арга барил гэж байхгүй. Тиймээс өөрийгөө идэвхижүүлэх, зоригжуулах тохирсон арга хэрэгтэй. Хамгийн гол нь ямар ч завгүй байсан өдөрт дор хаяж 20  минут хэл сурахдаа зориулах ёстой. Би хаа ч явсан жижиг  дэвтэр авч явж шинэ үгээ тэмдэглэдэг байсан. Харин одоо бол гар утас I pad дээрээ ч тэмдэглэх боломжтой болж.

 

   Susanna Zaraysky

 Language is Music номын зохиолч, 11 хэлтэй 50 гаруй оронд очиж байсан

Хэл сурахдаа хөгжим ашиглах нь хөгжилтэй, үр дүнтэй арга. Сонсох дуртай ч үгийг нь сайн мэддэггүй дууны үгээ олж аваад сонс. Дууны үгийг www.lyrics.com хуудаснаас олж авч болно. Ингэж тогтоосон үг, өгүүлбэр амархан цээжлэгдэхээс гадна удаан мартагддаг.

 

 

 

Tim Bewer

Зохиолч, орчуулагч

Би шинэ үгс бичсэн жижигхэн цаасны өөдөс байнга халаасандаа авч явдаг. Хэн нэгнийг хүлээх, автобусанд суух үедээ, дэлгүүрт 

дугаарлахдаа тэрийгээ гаргаж хардаг. Мөн шинэ үгсээ бичдэг дэвтэр надад бий. Өдөрт тэндээсээ 2-3 хуудсыг  заавал хардаг.Өмнө нь цээжилсэн ч хэрэглэх гэхээр мартаад  байгаа үгээ халаасан дахь цаасан дээрээ мартахгүй болтлоо давтаж бичдэг.
 

 

Lizzie Fane

Эдинбургийн их сургуулийн оюутан, ThirdYearAbroad.com гадаад  суралцагчдад  зориулсан цахим хуудсыг үндэслэгч

1. Google Chrome-оор дамжуулан  дэлхийн ямар ч хэлтэй танилцаж,  бусад хэл дээр  материалуудыг харьцуулж уншиж болно. Амархан хэрнээ үр дүнтэй арга.

2. Сонсох, уншихыг  зэрэгцүүл. Тодруулбал, эх хэл дээрээ ном уншихдаа  тэр номынхоо гадаад хэл дээрх аудио хувилбарыг давхар сонсоорой. Энэ арга надад хэл  сурахад их дөхөм болсон.

Эх сурвалж: hiub.mn

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу

Шинэ мэдээ
Тоглолтын мэдээ
  • Буриадын “Байгал” театр Монголд айлчлан тоглоноБуриадын “Байгал” театр Монголд айлчлан тоглоноМонгол-Оросын найрамдал, хамтын аижллагааны өдрүүдийг тохиолдуулан Буриад улсын үндэсний дуу бүжгийн “Байгал” театр Монголд 20 жилийн дараа ахин тоглохоор болжээ. Соёлын төв өргөөний 30 жилийн ойд зориулсан тус арга хэмжээг ОХУ-аас Монгол Улсад суугаа Элчин сайдын ивээл дор явуулахаар шийдвэрлэсэн байна.
  • Л.Сөрөлт, А.Түмэн-Өлзий нарын хоёрдахь бие даасан тоглолтоо хийнэЛ.Сөрөлт, А.Түмэн-Өлзий нарын хоёрдахь бие даасан тоглолтоо хийнэМонголын хошин урлаг болоод нийтийн дууны урлагт өөрийн гэсэн өнгө төрх, орон зайг бий болгосон авъяаслаг уран бүтээлчид МУСТА Л.Сөрөлт, МУСТА А.Түмэн-Өлзий нар хамтарч уран бүтээл хийгээд багагүй хугацааг үджээ. Тэдний анхны бие даасан “Хайрын тэнгэр диваажин” тоглолт сүр дуулиантай болж азтай нэг үзэгчид байрны урьдчилгаатай тэнцэх 25.800.000 төгрөгийг тайзан дээр гардуулж байсан юм.
  • ”Хурд” хамтлагийн ”Нар” тоглолт өнөөдөр, маргааш болно”Хурд” хамтлагийн ”Нар” тоглолт өнөөдөр, маргааш болноТэртээх 1993 онд байгуулагдсан цагаасаа “Цэргийн бодол”, “Зураг шиг бүсгүй”, “Бүсгүй”, “Нулимсаа тэвчье”, “Чимээгүй ирэх дурлал”, “Би аавтай хүн” зэрэг олон арван дууг хит болгон эгшиглүүлсээр түмэн олны хайр хүндлэлийг хүлээсэн хамтлаг бол "Хурд"-ынхан.
  • Тансаг үдшийг мэдрүүлэх “New season”-ы бэлтгэл хангагджээТансаг үдшийг мэдрүүлэх “New season”-ы бэлтгэл хангагджээУлсын филармони намар цагийн үзвэрийн нээлтээ “New season” тоглолтоор эхлүүлдэг уламжлалтай. Энэ удаад Морин хуурын чуулгын шинэ бүтээлээр үзэгчиддээ бэлэг барихаар бэлтгэл хангажээ. Тоглолтынх нь талаар Улсын филармонийн маркетингийн алба хариуцсан хэвлэл мэдээллийн ажилтан Г.Банзрагчаас тодруулахад “Энэ жил 47 дахь удаагийн нээлтийн тоглолтоо эхлүүлэхэд бэлэн болоод байна. Тоглолтын бэлтгэл ажил дуусах шатандаа орсон. Улсын филармонийн уран бүтээлчид Морин хуурын чуулга шинэ бүтээлүүдээрээ үзэгчдээ баярлуулна” гэв.
  • “Миний дуунууд” тоглолт 20 дахь жилдээ“Миний дуунууд” тоглолт 20 дахь жилдээМонгол Улсын Урлагийн Гавьяат зүтгэлтэн хөгжмийн зохиолч Л.Балхжав үзэгч түмэндээ зориулан шилдэг, шинэ уран бүтээлийн дээж "Миний дуунууд" тоглолтоо 20 жилийн турш тасралтгүй сонсогч түмэндээ толилуулаад байгаа билээ. Тэгвэл энэ жил "Миний дуунууд" тоглолтын 20 дахь жилийн ойн баяр "Миний дуунууд – 2018" концерт 2018 оны аравдугаар сарын 26,27 ны өдрүүдэд UB Palace төвийн Концертын их танхимд зохион байгуулагдах гэж байна.