2018-09-05 07:26

"Unfriend " Аяны элч дуучин Анхбаяр цахим гэмт хэргээс урьдчилан сэргийлэхийг анхааруулж байна

Уран бүтээлч, залуу дуучин Б.Анхбаяр буюу A Cool нь нийгмийн хариуцлагынхаа хүрээнд цахим гэмт хэргээс урьдчилан сэргийлэх “Unfriend” аяны элчээр сонгогдож, өсвөр үе, залуучуудыг энэ төрлийн гэмт хэрэгт холбогдохоос урьдчилан сэргийлэх зорилгоор өөрийн дуу хоолойгоо нэгтгэж байгаа юм байна. Энэ хүрээнд дуучин Б.Анхбаяртай ярилцсанаа хүргэж байна.

-Цахим гэмт хэрэгтэй тэмцэх чиглэлээр та элчээр ажиллахаар болсон. Цаашид энэ чиглэлийнхээ дагуу ямар ажил хийнэ гэж төлөвлөж байна вэ?

Манай улсын хамгийн том баялаг, бидний ирээдүй болсон хүүхэд залуучуудынхаа төлөө  би үргэлж “За” гэж хэлдэг.  Нөгөө талаас тэдгээрийн аюулгүй байдал, сурч хөдөлмөрлөх эрх, хэрхэн зөв боловсон хүн болох талд дээр  аав хүний үүднээс ханддаг гэхэд илүүдэхгүй байх. Тэр ч утгаараа 2012 оноос хойш хүүхдийн чиглэлээр маш олон ажил хийсэн байдаг.  Энэ бүх хүүхдийн төлөө хийсэн ажлыг минь үнэлээд хүүхдийн элч дуучнаар сонгож байсан бол энэ удаад  ЦЕГ-ын Урьдчилан сэргийлэх хэлтсээс санаачлан, зохион байгуулж буй  цахим гэмт хэргээс урьдчилан сэргийлэх, таслан зогсоох зорилготой “Unfriend” аяны дуу хоолой болоочээ гэсэн санал тавьсан. Энэхүү саналыг маш талархалтайгаар хүлээн авсан.

Аяны хүрээнд ямар ажлууд хийх вэ?

Цахим гэмт хэрэгтэй тэмцэх ажлын хүрээнд эхний ээлжинд маш том хөдөлгөөн өрнүүлэх ажлыг ЦЕГ-ын гэмт хэргээс урьдчилан сэргийлэх хэлтэстэй хамтран хийхээр болоод байна.

Нэн тэргүүнд “Хар жагсаалт” группээр дамжуулан садар, самуун, хүчирхийлэлийн эсрэг группүүд, хуурамч хаягуудыг устгах, репорт хийх зорилгоор цахим орчинд иргэдийн дэмжлэгийг их авч байна. Энэ сарын 7-нд төрийн ордонд “Таны хүүхдийг танихгүй хүн хүмүүжүүлж байна” сэдвийн дор хэлэлцүүлэг хийгдэнэ. Уг хэлэлцүүлгийг УИХ дахь цахим бодлогын түр хороо дэмжин, хамтран оролцож байгаа. Олон ажлууд хийгдэж эхлээд явж байна. Ямартай ч энэ ажлын хүрээнд  цахим орчинд олон эерэг чиг хандлага авчирах байх гэж найдаж байна.

Та хүүхэд залуучуудын эрхийг хамгаалах чиглэлээр хийсэн ажлуудаасаа дурдаач?

Хамгийн анх 2013 онд ЦЕГ-ын хэвлэл мэдээлэлийн албаны дарга Б.Баатархүү хурандаагийн үед Монголын сурагчдын холбоо,  Сэлэнгэ бид нар анх “SCHOOL POLICE” хөтөлбөрийг  санаачлан би удирдагчаар нь ажиллаж байсан.

Одоо хөтөлбөр маань амжилттай хэрэгжиж байна.  Энэ хөтөлбөр анх нийслэлийн хэмжээнд хэрэгжиж зохион байгуулагдаж  байсан бол одоо бүр улсын хэмжээнд явагдаж байна. Энэ арга хэмжээнд гар биеэрээ оролцох нь  миний хувьд маш том ажил болж чадсан гэж хэлж болно. Мөн  “А.Баттулга” нэртэй  хүүхдийн сангаар дамжуулан бид бүхэн зорилтод бүлгийн хүүхдүүдэд туслах зорилготой хамтран ажиллаж байна. Дараагийн томоохон ажил гэвэл  хүнд өвчтэй, хавдартай хүүхдүүдэд туслах зорилгоор ХСҮТ-тэй хамтран олон ажлуудыг хийсэн.

Цахим гэмт хэрэг нь дотроо олон төрлөөр төрөлжиж байх шиг байна. Танд эсхүл таны танил хэн нэгэнд аль нэг нь тохиолхож байсан уу?

Миний хувьд бол ховор. Би өөрийнхөө Фэйсбүүк ч юмуу бусад цахим орчин дах хэрэглээнд маш их анхаарал хандуулдаг. Аль болох  эерэг сэтгэлгээ төрүүлэх, ямар нэгэн сөрөг мэдээллээс ангид байхыг эрмэлздэг.  Харин энэ цахим гэмт хэргийн золиос томчууд бид биш хүүхэд, залуучууд маань ихээр өртөж байна. Жишээ нь цахимаар садар самууныг сурталчилсан  маш олон группууд байна. Садар самууныг өдөөсөн маш олон зураг, постууд байна. Эдгээр зүйлүүд нь хүүхдүүдийг буруу чиг хандлагаруу хөтлөх болно. Дээрээс нь цахим залилах гамт хэрэгт манай найз нөхөд холбогдож байсан үе байгаа. Тиймээс яг фэйсбүүк дээр нэртэй, зурагтай хүнтэй л харилцах хэрэгтэй. Аюул бол маш ойрхон байгаа шүү.  Үүнээс сэрэмжлэхийн тулд цахим хуудсаа зөв зохистой хэрэглээсэй гэдгийг эцэг, эхчүүд, залуучуудад  уриалж байна.

Фэйсбүүкээр хар жагсаалт буюу “Black list” нэртэй хүүхэд, залуучуудын гэмт хэргээс урьдчилан сэргийлэх, эцэг эхчүүдийг нэгтгэсэн  олон нийтийн нээлттэй групп нээгдсэн байна. Та гишүүн нь болсон уу?

Би “Black list”-нд хамгийн түрүүнд гишүүн болсон. Энэ нь +18 аас дээш янз бүрийн бичлэг, муу муухай мэдээллүүд мөн дээрээс нь зарууд болж бүтэхгүй байгаа постууд зэргийг цуглуулж байгаад Репорт хийх нэг ёсондоо устгаж байгаа юм.

Энэ Black list-с эцэг эхчүүд, залуучууд , хүүхдүүд зөв мэдээлэл аваасай гэж хүсэж байна. Та бүхнийг ч мөн энэ “Unfriend” аянд нэгдээсэй хэмээн хүсч байна.

-Та эцэг эхчүүдэд юу гэж зөвлөмөөр байна?

Эцэг эхчүүдэд хандаж хэлэхэд хүүхдийнхээ гар утасыг аваад хүүхэд тань таньдаг болон танихгүй хүмүүстэй хэрхэн найзалж байна, танихгүй хүмүүс нь хэд байна зэргээр шалгаж байгаарай. Өөрөөр хэлбэл танихгүй хүмүүс таны хүүхдүүдийг хүмүүжүүлээд байна гэдэг гол санааг хэлээд байгаа юм. Тийм учраас та  хүүхэдтэйгээ сайн ярилцаад танихгүй хүмүүсийг нь устгуулж найзын хүсэлтээс нь татгалзуулаачээ, таних танихгүй хүүхдүүд таны хүүхдийн талаар мэдээлэл авч байна гэдгийг ойлгох хэрэгтэй. Энэ маань өөрөө гэмт хэрэг гарах үүсэл нь болоод байна. Нэг удаа ч гэсэн хүүхдийхээ гар утсыг шалгаж анхаараачээ гэж зөвлөмөөр байна.

Эх сурвалж: өдрийн сонин

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • Дуучин Б.Гүрбадамын “Дурлал шиг бүсгүй” тоглолт болноДуучин Б.Гүрбадамын “Дурлал шиг бүсгүй” тоглолт болноНийтийн дууны урлагт хоолойн цар хүрээгээрээ өөрийн гэсэн өвөрмөц өнгө аясыг бий болгож чадсан дуучин бол Баянмөнхийн Гүрбадам юм. Тэрээр “Өр зүрхний ээж” хэмээх энэрэл хайр, ухаарал шингэсэн дууг анх дуулж урлагт орж ирсэн бол “Дурлал шиг бүсгүй”, “Насанд олдсон хань” зэрэг хуучны сайхан дуунуудыг сэргээн дуулж, дахин амилуулж ард түмэнд танигдсан билээ. Түүний дуучин Э.Чулуунчимэгтэй хамтран дуулсан “Хайрт минь утсаа аваарай”, “Сайхан хань”, “Эрийн гурван наадам” дуучин Г.Энхнарантай “Ганцхан чамдаа”, дуучин Р.Болортуяатай “Учрлын уянга” зэрэг дуунууд нь сонсогчдийн хүртээл болж, фм радиогийн хит парадуудыг тэргүүлсээр байгаа билээ.
  • Улстөржилтөөс болж Улстөржилтөөс болж "The Hu" хамтлагийн хандивын тоглолт хойшиллоо“The Hu” хамтлаг энэ сарын 23-ны мягмар гаригт МҮОНРТ-ээр болон цахимаар бүрэн тоглолтоо хийхээр төлөвлөж, зараа хүртэл тараагаад байсан ч тоглолтоо цуцалжээ.Тэд “COVID-19”-ийн хорионд гадаадад гацаж, байгаад өнгөрсөн сард эх орондоо ирсэн. Ингээд сонгуулийн өмнөх өдөр хандивын тоглолт хийхээр төлөвлөөд байсан ч улс төрийн шалтгаанаас үүдэн цуцалсан байна.
  • “The Hu” хамтлаг УОК-т хандив өргөх онлайн тоглолтоо энэ сарын 23-нд хийнэ“The Hu” хамтлаг УОК-т хандив өргөх онлайн тоглолтоо энэ сарын 23-нд хийнэ“The Hu” хамтлаг УОК-т хандив өргөх онлайн тоглолтоо White Rock Center-т 2020 оны зургаадугаар сарын 23-ны мягмар гарагийн орой хийхээр болсон тухайгаа зарлалаа. Уг хандивын тоглолтыг “The HU” хамтлаг “Хүрээ энтертайнмент” ХХК-тай хамтран МҮОНРТ-ээр шууд дамжуулан хүргэх бөгөөд ивээн тэтгэгчээр Мобиком Корпораци, Хаан Банк ажиллахаар болжээ.
  • "Монгол соёл" онлайн тоглолтоор 102.952.147 төгрөгийн хандив, тусламж цуглажээДэлхийд гайхагдсан монгол соёлын өв тэр дундаа соёлын биет бус өвийн гайхам сайхныг нэгэн дор цогцлоох "Монгол өв соёлын цогцолбор" байгуулах төслийн хандивын аяны нээлтэд зориулсан монгол поп опера “Увертюра” хамтлаг болон язгуур урлагийн алдартай уран бүтээлчид, соёлын биет бус өвийн шилдэг өвлөн уламжлагчдын "Монгол соёл" онлайн тоглолт 06 дугаар сарын 01-нд 18:00 цагаас "ТВ8" телевизээр орон даяар шууд дамжуулагдсан билээ.
  • “Параллель” контемпорари үзэсгэлэн нээлтээ хийлээ“Параллель” контемпорари үзэсгэлэн нээлтээ хийлээДэлхий нийтийг түгшээгээд буй шинэ төрлийн Корона вирусийн /Ковид 19/ халдварын тархалтаас урьдчилан сэргийлэх зорилгоор Монгол Улсын Засгийн газар улс орон даяар онц байдал зарлан олон нийтийг хамарсан үйл ажиллагаа, мөн соёл урлагийн арга хэмжээг түр хугацаагаар зогсоосон байгаа билээ. Иймд МN17 Арт Галерейн санаачилгаар Засгийн газрын хэрэгжүүлэгч агентлаг Соёл, урлагийн газрын дэмжлэгтэйгээр Хүн Байгаль Хайр Эрх Чөлөө хөдөлгөөний уран бүтээлчидтэй хамтран “Параллель” контемпорари хамтарсан үзэсгэлэнгийн төслийг хэрэгжүүлж байна.
 Сүүлд нэмэгдсэн дуу