2018-09-06 09:04

П.Орхонд ямар шийтгэл ногдуулах вэ

“Жакарта 2018” Азийн зуны спортын наадмын чөлөөт бөхийн эмэгтэйчүүдийн 62 кг-ын жинд алтан медаль хүртсэнП.Орхоноос авсан сэргээшийн шинжилгээний хариу эерэг гарсан тул Азийн олимпийн зөвлөл манай тамирчнаас медалийг нь хураах шийдвэр гаргажээ. Insidethegames.biz цахим хуудаст сэтгүүлч Лиам Морган энэ талаар мэдээллээ.

Азийн олимпийн зөвлөлийн албан ёсны цахим хуудсанд энэ сарын 3-нд гаргсан мэдээллээр, өнгөрсөн наймдугаар сарын 20-ны өдөр манай тамирчнаас авсан шинжилгээгээр станазолол буюу ОУДЭА-ийн хориглосон эм, бэлдмэлийн 2018 оны жагсаалтад бичигдсэн “S1.1A Exogenous Anabolic Androgenic Steroids”-ын төрлийн бэлдмэл илэрсэн нь тогтоогдсон аж. Азийн наадмын чөлөөт бөхийн төрөлд оролцсон тамирчдын хоёроос нь хориотой эм бэлдмэл илэрсэн бөгөөд нэг нь П.Орхон, нөгөө нь Туркменистаны Рустем Назаров юм байна. Туркмен бөхийн цуснаас фуросемид гэх эм илэрчээ. Энэ фуросемид нь хүч чадал шууд нэмэгдүүлдэггүй боловч шээс хөөж, хаван буулгадаг үйлчилгээтэй учир допинг хэрэглэсэн бөхчүүд түүнийгээ биеэсээ хурдан гадагшлуулахын тулд хэрэглэсэн байж болзошгүй гэдэг агуулгаар хориотой бодисын жагсаалтад орсон байдаг аж. Харин манай тамирчны хэрэглэсэн гээд буй бэлдмэл нь анаболик стероид буюу ажиллах чадварт шууд нөлөөлдөг хүчтэй бодис юм.

Лиам Морганы бичсэнээр бол манай бөх урт хугацаанд эрхээ хасуулах нь тодорхой гэнэ. Харин яг ямар хугацаагаар хасуулах вэ гэдэг нь одоогоор тодорхойгүй байгаа юм. Практикаас харахад сэргээш хэрэглэсэн тамирчдын тэмцээн уралдаанд оролцох эрхийг ихэвчлэн хоёр жил хасдаг. Хэрвээ ийм хугацаагаар хасвал манай бөх "Токио 2020" олимпийн наадамд барилдах боломжгүй болно /Токио 2020 олимп 2020 оны зургадугаар сарын 24-нөөс долдугаар сарын 9-нд болохоор товлогдсон/. Манай чөлөөт бөхийн тамирчдаас МУГТ О.Пүрэвбаатар фуросемид хэрэглэсэн гэдэг үндэслэлээр 2000 оны олимпийн тавдугаар байрын шагналаа хүчингүй болгуулж байсан. Түүний эрхийг дараа жилийнх нь ДАШТ дуустал хассан ч азтай тохиолдлоор ДАШТ хойшилж, манай бөхийн эрх сэргэснээр мөнгөн медаль хүртэж байсан түүх бий.

Үүнээс үзэхэд манай тамирчны эрхийг багаар бодоход нэг жилээр хасах нь тодорхой болоод байна.    

Киргизстаны хэвлэлээр манай бөхөд ялагдаж мөнгө дээр буусан Айсулу Тыныбекова алтан медаль хүртэхээр болсон хэмээн бичээд эхэлжээ.  

Эцэст нь, манай тамирчдаас допингтой нэр холбогдсон тохиолдлуудыг танилцуулж байна.       

 

      Он        Нэр           Спортын төрөл              Тэмцээн                             Илэрсэн бодис

 

1.   1972      Б.Буядаа               Жүдо                     Мюнхен-1972 олимпийн наадам               Кофейн 

2.   1984     П.Батсүх                 Цана                     Сараево-1984 олимпийн наадам              анаболик стероид

3.   2000     О.Пүрэвбаатар     Чөлөөт бөх             Сидней-2000 олимпийн наадам                фуросемид

4.   2002     А.Сүхбат               Үндэсний бөх          Үндэсний их баяр наадам                          анаболик стероид

5.   2003     Д.Батбаяр             Үндэсний бөх         Үндэсний их баяр наадам                          анаболик стероид

6.   2004     Д.Мягмарсүрэн     Үндэсний бөх         Үндэсний их баяр наадам                          анаболик стероид

7.   2004     Г.Ганхуяг              Үндэсний бөх          Үндэсний их баяр наадам                         анаболик стероид

8.   2006     Д.Рагчаа               Үндэсний бөх          Үндэсний их баяр наадам                         анаболик стероид

9.   2006     Г.Эрхэмбаяр         Үндэсний бөх          Үндэсний их баяр наадам                         анаболик стероид

10. 2007     н.Гансүх                Хүндийг өргөлт       Улсын аварга шалгаруулах тэмцээн       анаболик стероид

11. 2007    Д.Чинзориг            Хүндийг өргөлт      Улсын аварга шалгаруулах тэмцээн        анаболик стероид

12. 2007    Т.Чахар                  Бодибилдинг           Улсын аварга шалгаруулах тэмцээн        анаболик стероид

13. 2007    Б.Батхуяг               Бодибилдинг           Улсын аварга шалгаруулах тэмцээн        анаболик стероид

14. 2007    Ж.Нурлан              Бодибилдинг           Улсын аварга шалгаруулах тэмцээн        анаболик стероид

15. 2007    З.Мөнхбаатар       Бодибилдинг           Улсын аварга шалгаруулах тэмцээн        анаболик стероид

16. 2007    Б.Ариун-Эрдэнэ    Жүдо                        Тэмцээний бус үеийн шинжилгээ             сальбутамол

17. 2008    Д.Ерболат             Хүндийг өргөлт       Азийн Клубуудын АШТ                             анаболик стероид

18. 2009    Ц.Сумъяабээс       Үндэсний бөх           Үндэсний их баяр наадам                        анаболик стероид

19. 2009    Б.Соронзонболд   Үндэсний  бөх          Үндэсний их баяр наадам                        дексаметазон

20. 2009    Ц.Цэрэннадмид    Жүдо                        Улаанбаатар Дэлхийн цом                      фуросемид

21. 2011    н.Алтангэрэл        Үндэсний бөх           Үндэсний их баяр наадам                        анаболик стероид

22. 2011    Ц.Цогбаяр            Үндэсний бөх           Үндэсний их баяр наадам                        анаболик стероид

23. 2012    Б.Сугаржаргал     Үндэсний бөх           Үндэсний их баяр наадам                        анаболик стероид

24. 2012    Х.Мөнхбаатар       Үндэсний бөх           Үндэсний их баяр наадам                       анаболик стероид

25. 2012    Н.Баярмаа            Хүндийг өргөлт        Азийн аварга шалгаруулах тэмцээн      анаболик стероид

26. 2014    Б.Суманчулуун     Үндэсний бөх            Үндэсний их баяр наадам                       анаболик стероид

27. 2014    Н.Адъяабат          Үндэсний бөх            Үндэсний их баяр наадам                       анаболик стероид

28. 2016    Э.Сумъяа              Чөлөөт бөх               Олимпийн эрх олгох тэмцээн                  мелдониум   

29. 2016   Б.Баатарцол          Үндэсний бөх            Үндэсний их баяр наадам                       мелдониум

30. 2016   Б.Ганзориг            Үндэсний бөх            Үндэсний их баяр наадам                       анаболик стериод   

eagle.mn

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • Хоёр дахь дугаарын ялагчаар Хоёр дахь дугаарын ялагчаар "Их хувьсгал" баг тодорлооАрдын хувьсгал ялсан үйл явдлыг тайз, дэлгэцийн бүтээл болгон, уран сайхны хэлбэрээр хүргэх ТВ8 телевизийн шинэ бүтээл “Ардын журамт цэргийн мөрөөр” түүхэн сэдэвт шоу нэвтрүүлгийн эхний дугаар Монгол Улсад орчин цагийн Зэвсэгт хүчин үүсэн байгуулагдсаны түүхт 100 жилийн ойн өдөр буюу Монгол ардын журамт цэрэг жанжин Д.Сүхбаатарын удирдлага дор эх нутгаа харийнхнаас чөлөөлөх зэвсэгт тэмцлийг эхлүүлсэн гуравдугаар сарын 18-ны өдөр үзэгч та бүхний хүртээл болсон билээ.
  • “Ардын журамт цэргийн мөрөөр” түүхэн сэдэвт шоу нэвтрүүлэг “ТВ8” телевизээр үзэгчдэд хүрнэ“Ардын журамт цэргийн мөрөөр” түүхэн сэдэвт шоу нэвтрүүлэг “ТВ8” телевизээр үзэгчдэд хүрнэҮндэсний тусгаар тогтнол, сэргэн мандалтын үндсийг тавьсан Ардын хувьсгал ялсны 100 жилийн ойд зориулсан “Ардын журамт цэргийн мөрөөр” түүхэн сэдэвт шоу нэвтрүүлэг гуравдугаар сарын 18-ны “Монгол цэргийн өдөр”-өөс эхлэн үзэгчдийн хүртээл болох гэж байна.
  • УДЭТ “Анна Каренина” жүжгээ тодорхойгүй хугацаагаар ЦУЦАЛЛААУДЭТ “Анна Каренина” жүжгээ тодорхойгүй хугацаагаар ЦУЦАЛЛААУлсын драмын эрдмийн театр гуравдугаар сарын 4-нөөс эхлэн “Анна Каренина” жүжгийг тайзнаа толилуулж эхэлсэн билээ. Гэвч тус театрын захиргаа болон жүжигчин, уран бүтээлчид, техникийн ажилтнууд, тэдгээрийн гэр бүл гэсэн нийт 54 хүнээс халдвар илэрсэн тул жүжгийг тодорхойгүй хугацаагаар цуцаллаа. Энэ мэдээллийг албаны эх сурвалж баталсан тул сэрэмжлүүлэх үүднээс мэдээллийг хүргэж байна. Театрын зүгээс жүжгийг цуцалсан талаараа дараах МЭДЭГДЛИЙГ гаргалаа.
  • ФАУСТ | Аз жаргалын томъёог түгээхээр дахин ирлээФАУСТ | Аз жаргалын томъёог түгээхээр дахин ирлээМонголыг төдийгүй дэлхийг байлдан дагуулсан И.В.Гётегийн ФАУСТ жүжиг Монголын тайзнаа амилсан өдрөөсөө олон нийтийг байлдан дагуулж чадсан. С.Болд-Эрдэнийн гайхалтай жүжиглэлт, Т.Бархүүгийн төслөөлөшгүй хувиралт, жүжгийн найруулга, уран бүтээлчдийн онцлог, постдрамын сонин содон шийдэл нь алга ташилтыг харамгүй бэлэглэж, дахин дахин үзэх хүсэлтээр тус хамт олныг булж байсан нь саяхан.
  • МУГЖ Г.Ариунбаатар МУГЖ Г.Ариунбаатар "Би Монгол" тоглолтоо хийнэДэлхийн сонгодог урлагийн тайзнаа “Монголын баритон” нэрээр алдаршсан П.И.Чайковскийн нэрэмжит олон улсын мэргэжлийн дуурийн дуулаачдын XV уралдааны шилдэг эрэгтэй дуучин, "Чингис хаан" одонт, Монгол Улсын Гавьяат жүжигчин Г.Ариунбаатар эх орондоо зохион байгуулах "Би Монгол" тоглолтынхоо товыг зарлалаа.
 Сүүлд нэмэгдсэн дуу