2018-10-05 05:20

”Хурд” хамтлагийн ”Нар” тоглолт өнөөдөр, маргааш болно

   Тэртээх 1993 онд байгуулагдсан цагаасаа “Цэргийн бодол”, “Зураг шиг бүсгүй”, “Бүсгүй”, “Нулимсаа тэвчье”, “Чимээгүй ирэх дурлал”, “Би аавтай хүн” зэрэг олон арван дууг хит болгон эгшиглүүлсээр түмэн олны хайр хүндлэлийг хүлээсэн хамтлаг бол "Хурд"-ынхан.

Анхны тоглолтоо “Хар салхи” нэртэйгээр 1995 оны гуравдугаар сард тоглож байсан "Хурд" хамтлаг өдгөө 25 нас хүрлээ. Үндэсний их баяр наадмын өдөр буюу өнгөрсөн долоодугаар сарын 11-нд “Хурд” хамтлаг төв талбайд нийслэлчүүдтэйгээ 25 жилийн ойн баяраа тэмдэглэсэн. Одоогоос найман жилийн тэртээ "Хурд" хамтлаг “Цэргийн бодол-32” тоглолтоо хийж байсан. Тухайн жил "Цэргийн бодол" дууны үг зохиогдоод 32 жилийн нүүрийг үзэж байсан билээ. Ард түмний дунд анх энэ дуугаараа танигдан олны хүндлэл хүлээж байсан залуус одоо өөрсдийн гэсэн орон зайгаа рок, попын ертөнцөд тунхагласан гэхэд хилсдэхгүй. ​

Өдгөө "Цэргийн бодол" дуу бүтэсний 40 жил, хамтлаг байгуулагдсаны 25 жилийн ойн хүндэтгэлийн "НАР" тоглолтоо толилуулахаар зэхсэн. Тоглолтын тов зарлагдан энэ сарын 05, 06-нд UB Palace-ийн концертын их танхимд тоглогдох гэж байна. Тус хамтлаг 2013 онд тохиосон 20 жилийн ойдоо зориулан Монголын урлагийн түүхэнд анх удаа "Алтан Пянз" хэвлүүлсэн түүхтэй. Тэгвэл алдарт хамтлагийн тоглолт болох нь гэсэн мэдээгээр Монголчуудын дунд тасалбар нь зарагдаад аль хэдийн дууссан сурагтай байна шүү. 

Т.Батцэнгэл

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • Анна Каренина жүжгийн нээлт хойшлогджээАнна Каренина жүжгийн нээлт хойшлогджээУлсын драмын эрдмийн театраас мэдэгдэл гаргажээ. Тус мэдэгдэлд дурдсанаар "нийслэлийн засаг даргын хэрэгжүүлэгч агентлаг, Мэргэжлийн хяналтын газрын мэдэгдлийн дагуу Улсын драмын эрдмийн театр нь үзэгчдийнхээ эрүүл мэндийг урьдчилан сэргийлэх үүднээс хоёрдугаар сарын тоглолтууд болон «Анна каренина» жүжгийн нээлтийг хойшлуулж түр хугацаанд үйлчилгээгээ зогсоож байна. Жүжгийн нээлтийн хугацааг тун удахгүй мэдээлэх болно" гэжээ.
  • "The Hu" хамтлагийн аялан тоглолтын тасалбар дуусчээМонголын “The Hu” хамтлаг 2020 оны Европ тивийн аялан тоглолтоо нэгдүгээр сарын 15-наас эхлүүлээд буй. Тэдний эхний тоглолт ХБНГУ-ын Хамбург хотоос эхэлсэн. Хамтлагийн энэ удаагийн аялан тоглолтын тасалбар тун эрэлттэй байгаа бөгөөд худалдаанд гарсан даруйдаа дуусчээ.
  • "Анд" цуврал контент үзэгчдийн хүртээл болж эхэллээ
  • Анна Каренина амилахад 40 хоног үлдлээАнна Каренина амилахад 40 хоног үлдлээДэлхийн сонгодог роман болох Оросын нэрт зохиолч Л.Н.Толстойн "Анна Каренина"-г Монголд анх удаа театрын жүжиг болгон тавих гэж байгаа талаар бид өмнө нь мэдээлсэн. Үзэгчдийн дунд хүлээлт үүсгээд байгаа тус жүжиг Улсын драмын эрдмийн театрын тайзнаа тавигдахад 40 хоног үлдээд байна. Зуу гаруй жил дамнан уншигдсан “Анна Каренина” романыг Н.Пүрэвдагва жүжгийн зохиол болгон бичсэн бөгөөд жүжгийн ерөнхий найруулагчаар Н.Наранбаатар, ерөнхий зураачаар Т.Ганхуяг нар ажиллах юм.
  • Энэ оны эхний жүжиг “Надтай үлдээч”Энэ оны эхний жүжиг “Надтай үлдээч”Улсын драмын эрдмийн театр /УДЭТ/-ын уран бүтээлчид 2020 оны уран бүтээлийн салхиа “Надтай үлдээч” жүжгээр хагалж байна. Өнгөрсөн жил нээлтээ хийсэн тус жүжгийг энэ сарын 18, 19, 25, 26-нд 18.00 цагт тоглох аж.
 Сүүлд нэмэгдсэн дуу