2018-11-03 05:18

Морин хуурын чуулга Япон улсын гадаад хэргийн сайдын өргөмжлөл хүртлээ

   Монгол Улсын Морин хуурын чуулга Япон Улсын Гадаад Хэргийн сайдын Өргөмжлөл хүртлээ. Энэхүү өргөмжлөл нь Япон улс, Монгол улсын харилцааг өргөжүүлэн хөгжүүлэхэд үнэтэй хувь нэмэр оруулсан байгууллага хувь хүнд олгодог. Гадаад харилцаа хамтын ажиллагаанд оруулсан хувь нэмрийг үнэлсэн шагналуудаас Японы Эзэн Хааны шагналын дараа ордог үнэ цэнэтэй шагнал юм.

   Өргөмжлөл гардуулах ёслолын ажиллагаанд БСШУС-ын дэд сайд Г.Ганбаяр оролцож үг хэллээ. Тэрээр,  “Улсын филармоны Морин хуурын чуулга нь нүүдэлчин түмний билэг авьяас, эрдэм ухаан, ур чадварын илэрхийлэл болсон соёлын хосгүй өв морин хуураа уламжлан хөгжүүлж, үндэснийхээ урлаг соёлыг судлан сурталчлан түгээн дэлгэрүүлж байгаа монгол үндэсний урлаг соёлын дархлаа нь болсон хамт олон юм. Монгол Япон хоёр улсын соёлын харилцааны гүүр  болсон Морин хуурын чуулга Япон улсын Гадаад хэргийн сайдын өргөмжлөл хүртэж байгаад баяр хүргэж, хоёр улсын найрамдалт хамтын харилцаа үргэлжийн мөнхөд хөгжин цэцэглэж байхын өлзийтэй ерөөлийг өргөн дэвшүүлье” гэлээ.

2004 онд Монгол Японы дипломат харилцааны 30-н жилийн ойг тохиолдуулан,  Монгол Улсын Морин хуурын чуулгыг үүсгэн байгуулагч, нэрт морин хуурч  Ардын жүжигчин Ц.Батчулуун агсанд Японы Эзэн хааны шагнал "Мандах нар" одонгийн Сарнай цэцгэн хэлбэрт товч бvхий “Нарны алтан туяа" зэрэглэлийн одон олгож байсан бол 15-н жилийн дараа Морин хуурын чуулгад  Япон Улсын Гадаад хэргийн сайдын өргөмжлөл олгож буй явдал нь  хоёр улсын харилцаанд Морин хуурын чуулгын оруулсан хувь нэмрийг бататгасан хэрэг болж буйг мөн онцоллоо.

Тус чуулга 1992 онд байгуулагдсан цагаас хойш, төр засгийн өндөр хэмжээний айлчлал болон олон улсын төрөл бүрийн үйл ажиллагаанд оролцон “Морин хуурын олон улсын наадам”, “Дэлхийн соёлын нээлттэй наадам”, “Азийн дуу хөгжмийн наадам”, “Дэлхийн соёл, Азийн хөгжим” зэрэг дуу хөгжмийн наадамд тогтмол амжилттай оролцож тэргүүн байр, Гран При шагналуудыг хүртэж байснаас гадна гадаадын 30 гаруй орноор аялан тоглолт хийсэн бөгөөд тэр дундаас НҮБ-н Төв танхим, UNESCO-н чуулганы танхим, Австрийн филармон, АНУ-н Карнегийн танхим зэрэг дэлхийн нэр алдартай олон тайзнаа үндэснийхээ хосгүй өв соёлыг сурталчлан таниулж соёлын элчийн үүргийг  гүйцэтгэсээр ирсэн юм.

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • “Үдшийн музей” жазз хөгжмөөр “амьсгалав”“Үдшийн музей” жазз хөгжмөөр “амьсгалав”“Үдшийн музейд” 2015 онд “Хөсөгтөн” хамтлаг, 2016 онд Морин хуурын чуулга, 2017 онд “Улаанбаатар” чуулгын уран бүтээлчид зочилж байсан бол энэ жил Монгол Улсын Филармонийн “Баянмонгол” чуулга жазз тоглолтоороо үзэгчдэд бэлэг барилаа. Мөн Чойжин ламын сүм музейн арвин баялаг сан хөмрөг, хосгүй үнэт бүтээлүүдээс цугласан олонд тусгайлан зориулж, музейн “Цам” үзэсгэлэнг сонирхуулсан бол “Монгол төрийн сахиусны өргөө” түүхэн гэрэл зургийн үзэсгэлэнг үзэж мэлмий баясгахын зэрэгцээ музейн өвөрмөц тансаг орчинд тухлан жазз хөгжмийн гайхамшигт тоглолтыг тогложээ.
  • “Naadam night” шоу зохион байгуулна“Naadam night” шоу зохион байгуулнаБаяр наадмын үеэр жуулчдад зориулан зохион байгуулж буй “Naadam night” шоу долоодугаар сарын 11-ний орой 21:00 цагт Үндэсний соёл амралтын хүрээлэнд болно. Наадмын нээлтийн соёл урлагийн хөтөлбөрийг орой нь жуулчдад зориулан орчуулгатай хүргэх “Naadam night” шоу арга хэмжээг зохион байгуулах бэлтгэл ажил хангагдаж хөтөлбөр бэлэн болсон байна гэж
  • Хятан-Их Ляо улсын үеийн шилдэг үзмэрийн үзэсгэлэн нээгдлээХятан-Их Ляо улсын үеийн шилдэг үзмэрийн үзэсгэлэн нээгдлээМонгол Улс, БНХАУ-ын хооронд дипломат харилцаа тогтоосны 70 жилийн ойг хоёр улс 2019 онд ёслол төгөлдөр тэмдэглэж байна. Ойн хүрээнд хоёр улсын соёлын солилцоог хөгжүүлэх зорилгоор зохион байгуулж буй нэгэн томоохон ажил нь БНХАУ-ын Өвөр Монголын музей, Монголын Үндэсний музейтэй хамтран "Хятан-Их Ляо улс: БНХАУ-ын ӨВӨР МОНГОЛЫН ХЯТАНЫ ШИЛДЭГ ҮЗМЭР" үзэсгэлэн юм.
  • “Урлагийн амьдрал” хамтарсан үзэсгэлэн тун удахгүй дэлгэгдэнэ“Урлагийн амьдрал” хамтарсан үзэсгэлэн тун удахгүй дэлгэгдэнэМонголын зураач урчууд Ардын Их баяр наадамдаа онцгой сайхан уран бүтээлийн бэлэг барьдаг уламжлал ёсоор Бадамжавын Чогсом /Монгол улсын Ардын зураач, МУЭ-ийн шагналт/ Долгоржавын Болд /Монгол улсын Ардын зураач, Төрийн шагналт/ нар хамтран “Урлагийн амьдрал” уран бүтээлийн хамтарсан үзэсгэлэнгээ 2019 оны 07 сарын 01-28-ны өдрүүдэд “МОНГОЛ АРТ ГАЛЕРЕЙ”-н танхимд дэлгэн толилуулах гэж байна.
  • Жуулчдын сэтгэлийг татах “LEGEND”Жуулчдын сэтгэлийг татах “LEGEND”Урин дулаан цаг ирж албан байгууллагуудын амралт эхлэхтэй зэрэгцэн аялал жуулчлалын үез алгадаг. Манай улс зуны улиралд 3 сая жуулчин хүлээн авах бүрэн хүчин чадалтай ч сүүлийн 10 жилд ирж буй гадаадын жуулчдын тоо 400 мянгаас илүү гарахгүй байна гэх судалгаа бий. Гадаадын жуулчид Монголд ирээд нүд хужирлах чанартай, хүлээн зөвшөөрөгдөхүйц соёл, урлагийн арга хэмжээ байхгүй байдаг нь жилийн жилд бидэнд тулгардаг асуудлын нэг.