7 өдрийн өмнө

Түүх, соёлын дурсгалт зүйлийн тооллого явуулах сургалт эхэллээ

   Монгол Улсын Засгийн газрын 2018 оны 6-р сарын 20-ны өдрийн 184 дүгээр тогтоолын 3 дугаар хавсралтаар “Түүх, соёлын хөдлөх дурсгалт зүйлийн тооллого хийх журам”-ыг баталсан.

   Боловсрол, соёл, шинжлэх ухаан спортын сайдын 2018 оны 10 дугаар сарын 16-ны өдрийн А/648 дугаартай “Түүх, соёлын хөдлөх дурсгалт зүйлийн тооллого хийх тухай” тушаалын нэгдүгээр хавсралтаар тооллогын ажлыг нэгдсэн арга зүйгээр хангах үүрэг бүхий улсын комиссын бүрэлдэхүүн, хоёрдугаар хавсралтаар тооллогын ажлын удирдамж, гуравдугаар хавсралтаар тооллогын ажлын төлөвлөгөө батлагдаж Түүх, соёлын хөдлөх дурсгалт зүйлийн тооллогыг улсын хэмжээнд 2018 оны 11 дүгээр сарын 1-нээс 2019 оны 3 дугаар сарын 31-нийг хүртэл зохион байгуулж байна. 

   Энэ удаагийн тооллогод төрийн өмчийн музей, байгууллага, орон нутгийн өмчийн музей, шашны өмчийн сүм хийд, хувийн музей зэрэг 45 байгууллага, 265 сумдын орон нутаг судлах танхим хамрагдаж байна. Тооллогын улсын комиссоос “Тооллогын арга зүйн сургалт”-ыг Бүсчлэн газар дээр нь очиж өгөх нь зүйтэй хэмээн шийдвэрлэсэн.

   Сургалтыг нийт 6 бүсэд зохион байгуулах бөгөөд Улаанбаатар хотод 2018 оны 11 дүгээр сарын 30-ны өдөр 21 байгууллага, 80 гаруй хүнийг хамран зохион байгуулагдсан. Өнөөдөр буюу 12 дугаар сарын 4-ний өдөр Өвөрхангай аймгийн Хархорин суманд 60 гаруй хүнийг хамруулсан сургалтыг зохион байгуулж байна.

 
 

Цаашлаад сургалт:

  • Улиастайд 2018 оны 12 дугаар сарын  6-ны өдөр,
  • Эрдэнэтэд 2018 оны 12 дугаар сарын  9-ний өдөр,
  • Мандалговьд 2018 оны 12 дугаар сарын  14-ний өдөр,
  • Чойбалсанд  2018 оны 12 дугаар сарын  16-ны өдөр тус тус зохион байгуулагдана.

1-р бүс Улаанбаатар хотын бүс, Улаанбаатар хотод зохион байгуулагдаж, Улаанбаатар хот дахь музей, байгууллага, Төв аймаг хамрагдсан.

2-р бүс Төвийн бүс, Өвөрхангай аймгийн Хархорин суманд зохион байгуулагдаж, Хархорум музей,  ЭрдэнэЗуу музей, Хөшөө Цайдам музей, Архангай, Өвөрхангай, Баянхонгор аймгууд хамрагдана.

3-р бүс Баруун бүс, Завхан аймгийн Улиастай хотод зохион байгуулагдаж, Завхан, Баян-Өлгий, Ховд, Увс, Говь-Алтай аймгууд хамрагдана.

4-р бүс Зүүн  бүс, Дорнод аймгийн Чойбалсан хотод зохион байгуулагдаж, Дорнод, Хэнтий, Сүхбаатар   аймгууд хамрагдана.

5-р бүс Говийн  бүс, Дундговь аймгийн Мандалговь хотод зохион байгуулагдаж, Дундговь, Өмнөговь, Дорноговь, Говьсүмбэр аймгууд хамрагдана

6-р бүс Хойд бүс, Орхон аймгийн Эрдэнэт хотод зохион байгуулагдаж, Орхон, Дархан-Уул, Сэлэнгэ, Хөвсгөл, Булган аймгууд хамрагдана.

Засгийн газрын 2018 оны 184 дүгээр тогтоолын 3 дугаар хавсралт  “Түүх, соёлын хөдлөх дурсгалт зүйлийн тооллого хийх тухай журам”-ын 2.7.1 дэх заалтын хэрэгжилтийг хангахад энэхүү сургалтын зорилго оршиж байгаа юм.

Энэхүү сургалтын дараа Өвөрхангай аймгийн Хархорин суманд “Соёлын өвийн хадгалалт хамгаалалтад орон нутгийн оролцоо” эрдэм шинжилгээний хурал зохион байгуулагдах бөгөөд тус эрдэм шинжилгээний хурлыг Өвөрхангай аймгийн музей, Баянхонгор аймгийн музей, Хархорум музей, Эрдэнэзуу музей хамтран зохион байгуулж байна.  

Эрдэм шинжилгээний хурлын зорилго: Орон нутгийн соёлын өвийн хадгалалт хамгаалалтыг сайжруулахад соёлын өвийн ажилтнуудын ур чадвар, чадавхийг нэмэгдүүлэх, орон нутагт соёлын өв судлалыг хөгжүүлэх. Хуралд нийт 15 илтгэл танилцуулж, хэлэлцүлэг хийх юм.

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу

Шинэ мэдээ
Тоглолтын мэдээ
  • “Уул усны шивнээ” тоглолт удахгүй тайзнаа“Уул усны шивнээ” тоглолт удахгүй тайзнааҮндэсний урлагийн их театрынхан 68 дахь жилийн өвөл цагийн нээлтээ өнгөрсөн сарын 28, 29 өдрүүдэд Төрийн шагналт, УГЗ, бүжиг дэглээч С.Сүхбаатарын найруулан тавьсан "Наран тамгатай талын монгол” нэртэй бүрэн хэмжээний концертоор эхэлж, "Монголын их хатад" бүжгэн жүжгийг тав дахь жилдээ тайзнаа толилуулсан. Харин одоо тус театрын уран бүтээлчид энэ сарын 18 -нд 18.00 цагт "Уул усны шивнээ " шинэ уран бүтээлийг үзэгч түмэндээ хүргэхээр ажиллаж буй ажээ.
  • Энэ оны хамгийн нандин үдэш “Snow Melody”-д тавтай морилно ууЭнэ оны хамгийн нандин үдэш “Snow Melody”-д тавтай морилно ууУлсын филармонийн Симфони найрал хөгжим Морин хуурын чуулга, “Баян Монгол” жазз найрал, рок попын дуучдын нэгдсэн “Snow melody” тоглолт “Корпорэйт” концертын танхимд энэ сарын 28-ны 19:00 цагт болно. Хуучин оноо үдэж, шинэ 2019 оноо угтах баярын уур амьсгал ноёлсон өдрүүдийн оргил арга хэмжээ нь мэргэжлийн шилдэг уран бүтээлчдийн нэгдсэн “Snow melody” тоглолт байх биз ээ.
  • Үндэсний урлагийн их театрын өвөл цагийн нээлт өнөөдөр болноҮндэсний урлагийн их театрын өвөл цагийн нээлт өнөөдөр болноҮндэсний урлагийн их театр 68 дахь жилийн өвөл цагийн нээлтээ Төрийн шагналт, Урлагийн гавьяат зүтгэлтэн, найруулагч, бүжиг дэглээч С.Сүхбаатарын найруулан тавьсан "Наран тамгатай талын Монгол" бүрэн хэмжээний концертоор хийх гэж байна. Концерт 2018 оны арваннэгдүгээр сарын 28, 29, 30-нд 18:00 цагаас тоглогдоно. Тус тоглолтод Төрийн шагналт, Хөдөлмөрийн баатар, Ардын жүжигчин Н.Норовбанзадын нэрэмжит дуучид, Монгол төрийн их найрал, зууны манлай бүжиг дэглээч Төрийн шагналт, ардын жүжигчин Ц.Сэвжидийн нэрэмжит бүжигчид оролцох ажээ.
  • Бүжгийн урлагийг гайхимшгийг мэдрүүлэх “Хувьсахуй” үдэшт саатаарайБүжгийн урлагийг гайхимшгийг мэдрүүлэх “Хувьсахуй” үдэшт саатаарайҮндэсний урлагийн их театрын дэргэдэх “Эрхэмсэг” бүжгийн охидын хамтлаг ирэх арванхоёрдугаар сарын 6-ны үдэш “ХУВЬСАХУЙ” тоглолтоо “Корпорейт конвеншн” центрд толилуулахаар болжээ.
  • “Нууцын эрэлд” хүүхдийн жүжиг нийслэлийн дүүргүүдэд тоглож байна“Нууцын эрэлд” хүүхдийн жүжиг нийслэлийн дүүргүүдэд тоглож байнаНийслэлийн Соёл, урлагийн газраас санаачлан хэрэгжүүлж байгаа “Урлагийн хот-Улаанбаатар” төслийн хүрээнд Н.Мандалын зохиол “Нууцын эрэлд” хүүхдийн жүжгийг 2018 оны 10 дугаар сарын 26-ны өдөр Монгол Улсын Хүүхэлдэйн театрт нээлтээ хийсэн билээ. Энэхүү жүжиг нь Монгол ардын мартагдаж буй соёлын өв болох оньсого, тааврыг түгээн дэлгэрүүлэх, уламжлуулан үлдээх зорилгоор бичигдсэн төдийгүй хүүхдэд зориулсан жүжгийн зохиолын уралдаанд тэргүүлж “шилдэг зохиол” шагналыг хүртсэн зохиолоор бүтээгдэж байгаагаараа онцлогтой юм.